Tag: جاں بحق

اوکاڑہ(علی حسین مرزا) رینالہ خورد نیشنل ہائی وے پر تیز رفتار ٹرالر نے موٹر سائیکل کو ٹکر ماردی۔ جس کے نتیجے میں موٹر سائیکل پر سوار ایک خاتون جاں بحق اور ایک شخص زخمی ہوگئے۔ موٹر سائیکل سوار رینالہ خورد سے قصور جارہے تھے۔ مزید تفصیلات کا انتظار ہے۔

اوکاڑہ(علی حسین) دیرینہ دشمنی کی بنا پر واپڈا کا ملازم دن دیہاڑے قتل کردیا گیا۔ اوکاڑہ علامہ اقبال روڈ پر نامعلوم کارسوار مسلح افراد نے واپڈہ ملازم عمران ولد فلک شیر ساکن بصیر پور اوکاڑہ پر فائرنگ کردی۔ فائرنگ کے نتیجے میں عمران موقع پر ہلاک ہوگیا جبکہ ملزمان فرار ہونے میں کامیاب ہو گئے۔ اوکاڑہ ریسکیو ٹیمیں اور پولیس کی بھاری نفری موقع پر پہنچ گئی اور علاقہ کی مکمل ناکہ بندی کردی گئی۔ پولیس نے مقتول کی ڈیڈباڈی ڈی ایچ کیو اوکاڑہ میں پوسٹ مارٹم کے لیے بھیج دی ہے۔ ملزمان کی تلاش کے لیے پولیس نے تلاش شروع کردی ہے۔ علاقہ بھر میں خوف و ہراس پھیل گیا ہے۔

اوکاڑہ(نامہ نگار) تھانہ کینٹ کے قریب ٹرالر نے دو سائیکل سواروں کو ٹکر ماردی جس کے نتیجے میں دونوں سائیکل سوار موقع پر جاں بحق ہوگئے۔ حادثہ تیز رفتاری کے باعث پیش آیا۔ جاں بحق ہونیوالے افراد کی شناخت محمد بوٹا اور یونس کے ناموں سے ہوئی ہے جو کہ کنٹونمنٹ بورڈ اوکاڑہ میں سینٹری ورکر کی ڈیوٹی کرتے تھے۔ پولیس نے ٹرالر ڈرائیور کو گرفتار کرلیا ہے۔