Baaghi TV

Tag: جدہ

  • امریکی صدر جو بائیڈن سعودی عرب پہنچ گئے: شاہ سلمان اور ولی عہد سے ملاقات

    امریکی صدر جو بائیڈن سعودی عرب پہنچ گئے: شاہ سلمان اور ولی عہد سے ملاقات

    ریاض:امریکی صدر جو بائیڈن جمعے کی شام سعودی عرب پہنچ گئے ہیں جہاں انہوں نے جدہ میں السلام شاہی محل میں سعودی فرمانروا شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبدالعزیز سے ملاقات کی ہے۔

    شاہ سلمان اور ولی عہد شہزادہ محمد بن سلمان سے براہ راست ملاقات کے بعد امریکی صدر کل ہفتے کے روز جدہ میں خلیجی ممالک کی قیادت، عراق، اردن اور مصر کے رہ نماؤں پر مشتمل’خلیجی پلس 3‘ سربراہ کانفرنس سے خطاب کریں گے۔

    دوسری طرف امریکی حکام نے کہا ہے کہ وہ سعودی عرب اور دیگر خلیجی رہ نماؤں کے ساتھ توانائی کے تحفظ سمیت متعدد امور پر بات چیت کریں گے۔

    سعودی فرمانروا شاہ سلمان بن عبدالعزیز کی دعوت پر امریکی صدر کا طیارہ اسرائیل سے براہ راست جدہ کے شاہ عبدالعزیز ایئرپورٹ پر اترا جہاں مکہ کے گورنر شہزادہ خالد الفیصل اور امریکا میں مملکت کی سفیر شہزادی ریما بنت بندر بن سلطان سمیت دیگر اعلیٰ حکام نے استقبال کیا۔

    وائٹ ہاؤس کے مطابق صدربائیڈن سعودی قیادت سے یمن کے بحران، ایران کے جوہری پروگرام اور توانائی کی قیمتوں کے معاملے پر بات کریں گے۔

    امریکی صدر کا طیارہ کچھ دیر قبل سرکاری دورے پر تل ابیب سے مغربی سعودی عرب کے شہر جدہ کے لیے روانہ ہوا جہاں وہ سعودی فرمانروا اور ولی عہد محمد بن سلمان سے بات چیت کریں گے۔

    سعودی عرب ۔ امریکا مذاکرات میں دونوں ممالک کے درمیان تعاون کے پہلوؤں پر بات کی جائے گی اور خطے اور دنیا کو درپیش چیلنجز سے نمٹنے کے طریقوں پر تبادلہ خیال کیا جائے گا۔

    سعودی عرب کے دورے کے دوسرے روز صدر بائیڈن جدہ میں علاقائی کانفرنس میں شرکت کریں گے جہاں وہ مصر، اردن اور عراق سمیت خلیجی ممالک کی قیادت سے موجودہ حالات کے تناظر میں علاقائی اور بین الاقوامی پیش رفت،خطے کے شراکت داروں کے ساتھ تعاون اور مسلسل ہم آہنگی کی کوششوں کی حمایت کو فروغ دینے پر بات کریں گے۔

    وائٹ ہاؤس نے کہا ہے کہ صدر بائیڈن سعودی ولی عہد سے دو طرفہ اجلاس میں ملاقات کریں گے۔ مملکت میں صدر بائیڈن کی بات چیت میں دونوں ممالک کے درمیان تعاون کے پہلوؤں پر بات کی جائے گی اور خطے اور دنیا کو درپیش چیلنجوں کا مقابلہ کرنے کے طریقوں پر تبادلہ خیال کیا جائے گا۔

    اس تناظر میں صدر بائیڈن نے کل جمعرات کو کہا تھا کہ ان کے سعودی عرب کے دورے کا مقصد دونوں ممالک کے درمیان مشترکہ تعلقات کو مضبوط بنانا ہے۔

    مشرق وسطیٰ کے دورے پر آئے امریکی صدر نے مزید کہا کہ ان کے مملکت کے دورے کی وجہ امریکی مفادات سے بڑھ کر ہے۔ یہ دورہ خطے سے انخلاء کر کے سابقہ غلطیوں کو درست کرنے کا ایک موقع ہے۔

    قابل ذکر ہے کہ سعودی عرب اور امریکا خطے اور دنیا کی سلامتی اور استحکام کے لیے ایران کے غیر مستحکم رویے کا مقابلہ کرنے اور تہران کی حمایت یافتہ ملیشیاؤں کے خطرے کو بے اثر کرنے کی اہمیت پر متفق ہیں۔ امریکا نے یمن میں ایک جامع سیاسی حل تلاش کرنے کے لیے سعودی عرب کی کوششوں کی بھی حمایت کی اور ان کوششوں کو یمن کی سلامتی اور استحکام کے حصول کی ضمانت قرار دیا ہے۔

    انتہا پسندی اور دہشت گردی کے خلاف جنگ سعودی عرب اور امریکا کے درمیان سٹریٹجک پارٹنرشپ کے اہم ترین پہلوؤں میں سے ایک ہے اور اس میدان میں دونوں ممالک کے درمیان دوطرفہ تعاون نے انتہا پسند تنظیموں کے خلاف کھڑے ہونے اور ان کے خطرے کو بے اثر کرنے میں کئی اہم کامیابیاں حاصل کرنے میں اہم کردار ادا کیا ہے۔

  • حج آپریشن کا آج سے باقاعدہ آغاز ہو گیا

    حج آپریشن کا آج سے باقاعدہ آغاز ہو گیا

    قومی ائیرلائن کی دو پروازیں آج علی الصبح حجاج کرام کو لے کر جدہ سے پاکستان پہنچ گئیں۔

    باغی ٹی وی : ذرائع کے مطابق ے بعد از حج آپریشن کا آج سے باقاعدہ آغاز ہوگیا ہے، جس کے تحت پی آئی اے کی پہلی پرواز پی کے 732 جمعرات کو علی الصبح ایک بجے جدہ سے کراچی اور دوسری پی کے 739 جدہ سے لاہور صبح 2 بجے پہنچیں۔

    پٹرولیم ڈیلرز ایسوسی ایشن کا 18 جولائی کو ملک گیر ہڑتال کا اعلان

    ترجمان کے مطابق 14 جولائی کو قومی ائرلائن کی 5 پروازیں جدہ سے کراچی، لاہور، ملتان، اسلام آباد اور پشاور کے لیے شیڈول ہیں۔

    رواں سال کا دوسرا ائیربس 320 طیارہ شارجہ سے پاکستان پہنچ گیا

    پی آئی اے کا حج آپریشن 154 پروازوں پر مشتمل ہوگا، جس کے ذریعے 28 ہزار 80 حجاج کرام وطن واپس پہنچیں گے۔ بعد از حج آپریشن 13 اگست تک جاری رہے گا۔

    عدالت نے اینٹی کرپشن کو حلیم عادل شیخ کیخلاف کارروائی سے روک دیا

  • جدہ کے انٹرنیشنل ایئرپورٹ پر طیارہ رن وے سے پھسل گیا

    جدہ کے انٹرنیشنل ایئرپورٹ پر طیارہ رن وے سے پھسل گیا

    جدہ کے کنگ عبدالعزیز انٹرنیشنل ایئرپورٹ پر طیارہ لینڈنگ کے دوران رن وے سے پھسل گیا ہے۔

    عرب میڈیا کے مطابق جدہ کے کنگ عبدالعزیز انٹرنیشنل ایئرپورٹ پر لینڈنگ کے دوران طیارہ رن وے سے پھسل گیا تاہم اس حادثے میں کوئی جانی نقصان نہیں ہوا ہے۔

    انتظامیہ کا کہنا ہے کہ رن وے سے پھسلنے والا طیارہ گلف اسٹریم 400 تھا جس میں عملے کے 5 ارکان سوار تھے۔انتظامیہ کے مطابق طیارہ صبح 8 بج کر 10 منٹ پر رن وے سے پھسلا تاہم خوش قسمتی سے بڑے حادثے سے بال بال بچ گیا اور کوئی جانی نقصان نہیں ہوا۔

    انتظامیہ کا کہنا تھا کہ اطلاع ملنے پر ریسکیو ٹیمیں فوری طور پر موقع پر پہنچ گئی ہیں اور امدادی کارروائیاں شروع کر دی گئی ہیں۔انتظامیہ کا مزید کہنا تھا کہ حادثے کے بعد ایئرپورٹ پر فلائٹ آپریشن معمول کے مطابق جاری رہا، پروازیں متاثر نہیں ہوئی ہیں جبکہ شیڈول میں بھی کوئی تعطل نہیں آیا ہے۔

    یاد رہے کہ 2019 میں گلگت ایئرپورٹ پربھی ایک ایسا ہی واقعہ پیش آیا تھا جب قومی ایئر لائن پی آئی اے کا طیارہ گلگت ایئر پورٹ پر لینڈنگ کے دوران پھسل گیا۔

    پاکستان انٹرنیشنل ایئر لائن کا طیارہ پی کے 605 گلگت ایئر پورٹ پر لینڈنگ کے دوران رن وے سے کچی زمین پر پھسل گیا۔طیارہ رن وے پر پھسل کر دائیں جانب الٹ گیا، تاہم پائلٹ نے کمالِ مہارت سے طیارے پر قابو پا لیا۔

    اس سے قبل اسلام آباد سے گلگت جانے والی پہلی پرواز پی کے 607 گلگت میں لینڈ کر گئی تھی، پہلی پرواز واپس روانگی کے لیے تیار تھی کہ دوسری پرواز کے لینڈنگ کے دوران رن وے سے پھسلنے کا واقعہ پیش آ گیا۔

  • جدہ میں قائم دنیا کا سب سے بڑا الحرمین ٹرین ٹرمینل

    جدہ میں قائم دنیا کا سب سے بڑا الحرمین ٹرین ٹرمینل

    سعودی عرب کے ساحلی شہرجدہ میں واقع شاہ عبدالعزیز انٹرنیشنل ایئرپورٹ (کے اے آئی اے) سے منسلک الحرمین ٹرین اسٹیشن کسی ہوائی اڈے سے منسلک دنیا کا سب سے بڑا ٹرمینل ہےجس کا رقبہ 99 ہزار مربع میٹر ہے۔

    باغی ٹی وی : "العربیہ ” نے سعودی پریس ایجنسی کے حوالے سے بتایا کہ ہوائی اڈے کا یہ ٹرمینل الحرمین ایکسپریس پروجیکٹ کےاسٹیشنوں کا حصہ ہےاس میں مکہ مکرمہ،مدینہ منورہ، جدہ اورربیغ شاہ عبداللہ اکنامک سٹی بھی شامل ہیں۔

    دوران حج سعودی سکیورٹی ایوی ایشن کے ہیلی کاپٹر فضاوں میں موجود رہے

    شاہ عبدالعزیز بین الاقوامی ہوائی اڈا مشرقِ اوسط کا واحد ائیر پورٹ ہے جوکسی ریلوے اسٹیشن سے جڑا ہوا ہے ہوائی اڈے کے ٹرمینل میں ایک وقت میں چھے ٹرینیں ہوتی ہیں اور وہ مصروف اوقات میں ہر دس منٹ کے بعد سفرپر روانہ ہوتی ہیں۔

    گیارہ ذی الحج ایام تشریق کا آغاز ،ایام تشریق کیا ہیں؟

    یہ منصوبہ مملکت کے اندرون اور بیرون سے آنے والے عمرہ زائرین کی بڑھتی ہوئی تعداد کی سفری ضروریات کو پورا کرنے اور مکہ مکرمہ، جدہ اور مدینہ منورہ کی شاہراہوں پرٹریفک کا دباؤ کم کرنے کے لیے ڈیزائن کیا گیا ہے۔

    سعودی عرب: حجاج کرام کو آب زم زم لے جانے کی اجازت

    رپورٹ کے مطابق ہے سعودی عرب ہی سے تعلق رکھنے والے 40 سے زیادہ مردوخواتین اعلیٰ تعلیم یافتہ اہلکارایک شفٹ میں اسٹیشن کا انتظام کرتے ہیں الحرمین ٹرین کا یہ منصوبہ سعودی عرب کے ویژن 2030ءکے تقاضوں کی تعمیل کے لیے وضع کیا گیا ہے۔

    آج پاکستان سمیت دنیا بھر میں آبادی کا عالمی دن منایا جائے گا

  • ذاتی اخراجات پرجدہ آیا ہوں نہ تو پہلےکبھی سفارتخانے سے کوئی سہولت حاصل کی نہ اب کروں گا،حسین نواز

    ذاتی اخراجات پرجدہ آیا ہوں نہ تو پہلےکبھی سفارتخانے سے کوئی سہولت حاصل کی نہ اب کروں گا،حسین نواز

    سابق وزیراعظم میاں نوازشریف کے صاحبزادے حسین نواز نے کہا ہے کہ وہ جدہ میں پہلے سے اپنے گھر میں موجود ہیں۔

    باغی ٹی وی : تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں حسین نواز نے نجی ٹی وی کی خبر کا اسکرین شاٹ شیئر کیا اور لکھا کہ ایک جھوٹے چینل نے میری تصویر لگا کر یہ خبر چلائی ہے میں جدہ اپنے گھر جو حرم پاک سے ایک گھنٹے کی دوری پر ہے میں پہلے ہی سے موجود ہوں-

    وزیراعظم عمرہ کیلئے سرکاری خرچ پر سعودی عرب نہیں جا رہے، وفاقی وزیر

    https://twitter.com/Hussain_NSharif/status/1518731450996113408?s=20&t=Kb6irGZnrv1efW5nZyUG9w
    انہوں نے بتایا کہ اپنے ذاتی اخراجات پر یہاں آیا ہوں نہ تو پہلے کبھی سفارتخانے سے کوئی سہولت حاصل کی نہ اب کروں گا ایسی خبریں پھیلانے والوں کو شرم آنی چاہیئے۔

    واضح رہے کہ وزیراعظم شہبازشریف کے 3 روزہ دورہ سعودی عرب کی تیاریاں جاری ہیں 27 اپریل کو عمرہ کی ادائیگی کے لیے سعودی عرب جارہے ہیںاور اس سلسلے میں انہوں نے اپنے اتحادی جماعتوں کے سربراہوں کو اپنے ہمراہ اپنے اخراجات پر سعودی عرب جانے کی دعوت دی اور ابتدائی فہرست کے مطابق وزیراعظم کے دورے میں اتحادی جماعتوں کے قائدین سمیت کُل 53 ارکان شامل ہوں گے۔

    ‘عمران خان کس کے خرچے پر عمرہ کرنے گئے تھے:اہم ساتھی نے حقیقت بیان کردی

    جس کے بعد خبریں تھیں کہ وزیر اعظم شہباز شریف چارٹرڈ طیارے میں عمرہ کے لیے سرکاری خرچ پر سعودی عرب جارہے ہیں اور پی ٹی آئی رہنما فواد چوہدری نے کہا تھا کہ جب عمران خان نے سرکاری اخراجات میں کمی کی پالیسی اپنائئ تھی تو بہت سارے صحافیوں نے اس کا مذاق بنایااب سعودی عرب کے دورے میں پوراجہاز لے جایا جا رہا ہے جس میں وہ صحافی جن پر وزیر اعظم ہاؤس کے کھابے کھل چکے ہیں وہ اللہ سے گناہ بخشوانےجائیں گے لیکن سرکاری خرچ پر، کیا یہ عمل شرعی ہے؟-

    وزیراعظم کی سعودی عرب روانگی، پی آئی اے کو یومیہ کتنا نقصان اٹھانا پڑ سکتا ہے؟

    بعد ازاں وفاقی وزیر اطلاعات مریم اورنگزیب نے پاکستان تحریک انصاف (پی ٹی آئی) کے رہنما فواد چوہدری کی خبر کی تردید کی تھی اور فواد چوہدری کے بیان پر ردعمل دیتے ہوئے کہا تھا کہ سابق وزیر اطلاعات کو صحافیوں کے خلاف ایسا بے ہودہ بیان دیتے ہوئے شرم آنی چاہیے، وزیراعظم کسی چارٹرڈ جہاز پہ نہیں جا رہے، فیک نیوز پی ٹی آئی کی پہچان اور جھوٹ طرہ امیتاز ہے پہلے یہ تو جان لیتے کہ کوئی صحافی سرکاری خرچ پر نہیں جارہا، وزیراعظم شہباز شریف بھی کمرشل پرواز پر جا رہے ہیں، شہباز شریف اپنےذاتی خرچ پر سعودی عرب جا رہے ہیں۔

    انہوں نےکہا تھا کہ شہبازشریف بطور وزیر اعلیٰ پنجاب 10 سال تک بیرون ملک سفر کے اخراجات ذاتی جیب سے کرتے رہے ہیں لیکن سچائی اور پی ٹی آئی دو متضاد چیزیں ہیں، میڈیا نے چونکہ احسان کیا تھا عمران خان نے 4 سال اپنے شَر سے میڈیا کو اُس کا خوب بدلہ دیا-

    سعودی عرب جانےوالےقافلےمیں شریف خاندان کےصرف14افراد اور دوخادمائیں شامل ہیں

  • ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    قومی ایئر لائن پی آئی اے کی ملتان سے سعودی شہر جدہ جانے والی پرواز کو فنی خرابی کے باعث کراچی اتار لیا گیا۔

    باغی ٹی وی: پی آئی اے کے ترجمان کے مطابق پرواز پی کے 9739 نے کراچی میں ٹیکنیکل سیف لینڈنگ کی، کراچی قومی ایئر لائن کا انجینئرنگ بیس ہونے کی وجہ سے مذکورہ طیارہ یہاں اتارا گیا ہےجبکہ کراچی میں طیارہ تبدیل کر کے مسافروں کو جدہ روانہ کر دیا گیا ہے۔

    اسلام آباد سے سعودی عرب کیلئے اڑان بھرنے والی پروازحادثے سے بال بال بچ گئی

    ترجمان پی آئی اے نے مزید کہا کہ پہلے طیارے کی فنی خرابی بھی دور کر دی گئی ہے، جو اب پرواز کے لیے تیار ہے۔

    واضح رہے کہ اس سے قبل بھی اسلام آباد سے سعودی عرب کے لیے اڑان بھرنے والی نجی ایئرلائن کی پرواز میں ٹیک آف کرتے ہی فنی خرابی پیدا ہوگئی تھی طیارے کے کپتان نے ایئرٹریفک کنٹرولر سے رابطہ کرکے دوبار لینڈنگ کی اجازت طلب کی ایئر ٹریفک کنٹرولر نے کپتان کو فوری طور پر ٹیکنیکل لینڈنگ کی اجازت دی اجازت ملنے پر طیارے کے کپتان نے انتہائی مہارت سے طیارے کو لینڈ کروایا۔

    پی آئی اے کا فلائیٹ شیڈول اچانک تبدیل:لاہور آنے والوں کواسلام آباد اتارنے کا حکم…

    گزشتہ روز لاہور میں اچانک موسم کے شدید سلسلے کے باعث پروازیں اسلام آباد اتار لی گئیں تھیں پی آئی اے حکام کا کہنا تھا کہ کراچی تا لاہور پی کے 302، ابوظہبی تا لاہور پی کے 264 اور جدہ تا لاہور پی کے 9760 اسلام آباد اتر گئیں اس دوران موسم سے متاثر ہونے والی پروازوں کے 447 مسافروں کو خصوصی بسوں کے ذریعے لاہور لے جایا جائے گا جبکہ لاہور سے روانہ ہونے والی پروازیں پی کے 303 لاہور تا کراچی، پی کے 9759 لاہور تا جدہ اور پی کے 189 لاہور تا بحرین منسوخ کردی گئیں تھیں-

    ترجمان پی آئی اے کا کہنا تھا کہ پی آئی اے کال سینٹر 24 گھنٹے مسافروں کو معلومات فراہم کرنے میں مصروف ہےموسم کی خرابی کے پیش نظر مسافروں سے التماس ہے کہ گھر سے نکلنے سے پہلے اپنی پرواز سے متعلق معلومات حاصل کرلیں-

    معیشت مضبوط اورملازمتوں کےمواقع پیداہورہے ہیں،وزیراعظم

  • سعودی عرب میں پہلی بار عالمی فلم فیسٹیول کا انعقاد

    سعودی عرب میں پہلی بار عالمی فلم فیسٹیول کا انعقاد

    جدہ: سعودی عرب میں پہلی بار عالمی فلم فیسٹیول کا انعقاد کیا گیا، جس میں امریکا، برطانیہ، فرانس، مصر، بھارت اور ملائیشیا سمیت دنیا کے متعدد ممالک سے اداکاروں نے شرکت کی۔

    باغی ٹی وی : جدہ میں ہونے والے اپنی نوعیت کے منفرد اور پہلے فلم فیسٹیول ’ریڈ سی انٹرنیشنل فلم فیسٹیول‘ (آر ایس آئی ایف ایف) میں دنیا بھر کی معروف شوبز شخصیات نے شرکت کی اپنی نوعیت کے منفرد فلم فیسٹیول میں دنیا کے متعدد ممالک کی 135 سے زائد فلمیں دکھائی جائیں گی۔

    کترینہ کیف اور وکی کی شادی،راستے بند کرنے پر مقامی وکیل تھانے پہنچ گیا

    فلم فیسٹیول میں پیش کی جانے والی زیادہ تر فلمیں عربی زبان کی ہیں، تاہم فیسٹیول کے دوران انگریزی، فرانسیسی، اسپینش، ہندی، بگالی اور ملایلم سمیت دیگر زبان کی فلمیں بھی دکھائی جائیں گی فلم فیسٹیول میں بالی وڈ کی آنے والی اسپورٹس فلم ’83‘ کو بھی پیش کیا جائے گا، تاہم ’ریڈ سی فلم فیسٹیول‘ میں کوئی بھی پاکستانی فلم پیش نہیں کی جا سکے گی۔

    عامر لیاقت "پاکستانی بگ باس” طرز کا شو کرنے کو تیار

    فلم فیسٹیول کا ریڈ کارپٹ 6 دسمبر کو سجایا گیا، جس میں فرانسیسی، امریکی، اسپینش، مصری، مراکشی، اماراتی اور بھارتی اداکاراؤں نے جلوے بکھیرے۔

    ’ریڈ سی فلم فیسٹیول‘ رواں ماہ 15 دسمبر تک جاری رہے گا اور 10 روزہ فلم فیسٹیول میں فلموں کی نمائش کے علاوہ ڈانس و آرٹ کے پروگرام بھی منعقد کیے جائیں گے جب کہ اہم شخصیات سے گفتگو بھی کی جائے گی۔

    یاسر نواز پہلی سندھی کمرشل فلم بنائیں گے