پولیس نے سات سالہ بچی کو بازیاب کروا کر ملزم گرفتار کرلیا

ڈیرہ اسماعیل خان میں تھانہ ڈیرہ ٹاؤن پولیس نے کاروائی کرتے ہوئے  6 روز قبل اغواء ہونے والی 7 سالہ بچی بازیاب کروا کر ملزم کو گرفتار کرلیا ہے۔ ترجمان حزب اللہ خان کے مطابق تھانہ ڈیرہ ٹاؤن پولیس نے زیر قیادت ڈی ایس پی صدر سرکل حافظ محمد عدنان باہمراہ ایس ایچ او گل شیر خان کاروائی کی جسکے تحت 6 روز قبل اغوائیگی کیس کا معمہ حل کرتے ہوئے 7 سالہ مغوی بچی نسیمہ بی بی بازیاب کراتے ہوئے اغواء کار جو کہ  افغان نژاد  نقول خان ہے کو گرفتار کرکے ملزم کو پابند سلاسل کر دیا۔

ترجمان نے مزید بتایا کہ ایک دوسری کاروائی میں ڈیرہ اسماعیل خان، ٹانک پولیس نے جرائم کی بیخ کنی کے لئے ٹانک پولیس سرگرم ہے جبکہ  ایک کاروائی میں دو اشتہاری سمیت 6 ملزمان کو گرفتار کرکے 1140 گرام چرس، 890 گرام ہیروٸن، 310 گرام آئس، دو عدد پستول جبکہ 246 کارتوس برآمد کرلئے ہیں۔

 ترجمان نے میڈیا کو بتایا کہ ٹانک پولیس ہر قسم کی جرائم کی بیخ کنی کیلئے سرگرم ہے جس کے نتیجہ میں ایس ایچ او تھانہ شہید مرید اکبر اصغر وزیر نے کڑی سیدال کی حدود میں ملزم کامران ولد گل رحمت سکنہ کڑی سیدال سے 800 گرام ہیروئن، 310 گرام آئس اور 01 عدد پیش قبض جبکہ ایس ایچ او تھانہ سٹی سمیع اللہ خان نے فرشہ موڑ کے نزدیک ملزم علی زمان ولد محمد امان سکنہ عمر اڈہ سے 700 گرام چرس برآمد کرکے گرفتار کئے۔

انہوں نے مزید کہا کہ  اسی طرح ایس ایچ او تھانہ جنڈولہ طارق خان نے حبیب الرحمن ڈیزل ایجنسی کے نزدیک ملزم سیف اللہ ولد تاثیر خان سکنہ چگملائی سے 350 گرام چرس برآمد کرکے گرفتار کیا علاوہ ازیں ایس ایچ او تھانہ گل امام رحمت خان نے گشت کے دوران مقدمہ نمبر 173/22 بجرائم 337F(6)-337F(1) میں مطلوب مجرم اشتہاری گلاب نور ولد سے گل سکنہ نصران سمیت مقدمہ نمبر 34/23 بجرائم 401-400 میں نامزد 02 ملزمان کو بھی گرفتار کیا۔

ترجمان کا کہنا تھا کہ اسی طرح اے ایس آئی مہتاب خان نے چوکی شیخ اتار کے مقابل 02 ملزمان محمد عثمان ولد عبدالعزیز اور محمد سلیمان ولد رفعت اللہ ساکنان کلاچی سے 50، 50 گرام چرس جبکہ آئی ایچ سی تھانہ سٹی قیضار خان نے کمیٹی باغ میں ملزم ایاز خان ولد تیلا خان سکنہ وانہ SWTD سے 90 گرام ہیروئن اور 15 عدد کارتوس برآمد کرکے گرفتار کئے۔

حزب اللہ کے مطابق ٹانک پولیس نے پچھلے 24 گھنٹوں میں دیگر کارروائیوں سمیت ٹوٹل 02 مجرمان اشتہاریوں، 03 ملزمان اور 03 نامزد ملزمان کو گرفتار کرکے 1140 گرام چرس، 890 گرام ہیروٸن، 310 گرام، 02 عدد پستول اور 246 عدد کارتوس برآمد کرکے مقدمات درج کئے اور مزید تفتیش جاری ہے۔

جبکہ ایک اور کاروائی میں تھانہ پہاڑپور پولیس کی کاروائی کے نتیجہ میں کم سن بچے سے زیادتی کے ملزم سمیت شادی میں ہوائی فائرنگ کرنے والا شخص گرفتار،اسلحہ وایمونیشن برآمدکرلی گئی ہے. ترجمان کے مطابق تھانہ پہاڑپور پولیس نے زیر قیادت ڈی ایس پی پہاڑپور سرکل محمد عمران کنڈی ہمراہ ایس ایچ او ظفر عباس بچے سے جنسی زیادتی کرنے والا ملزم سبطین سکنہ کاٹھ گڑھ کو گرفتار کرکے مقدمہ درج کرلیا۔ جبکہ دوسری کاروائی میں تھانہ پہاڑ پور پولیس نے علاقہ وانڈہ نرکانی میں شادی کی تقریب میں ہوائی فائرنگ کرنے والے دلدار سکنہ جھوک ماچھی پروآ کو گرفتار کرکے ملزم سے 01 عدد 30 بور پسٹل معہ ایمونیشن برآمد کرکے مقدمہ درج اور پابند سلاسل کردیا۔

نماز نہ پڑھنے پر باپ نے بیٹے کے سر پر ہتھوڑے مار مار کر انہیں قتل کردیا

کراچی کے علاقے گلستان جوہر میں باپ نے نماز نہ پڑھنے پر نوجوان بیٹے کو سر پر ہتھوڑے مار کر قتل کردیا۔ سماء ٹی وی کے مطابق گلستان جوہر بلاک 11 میں رحمانیہ مسجد کے قریب گھر کے اندر سے 24 سالہ محمد سہیل ولد سعید احمد کی لاش برآمد ہوئی، جسے پوسٹ مارٹم کیلئے جناح پوسٹ گریجویٹ میڈیکل سینٹر منتقل کیا گیا۔ نجی ٹی وی سے بات کرتے ہوئے اے ایس پی شاہراہ فیصل ظفر صدیق چھانگا نے بتایا کہ میڈیکولیگل افسر کی رپورٹ کے مطابق مقتول کو لاش کی برآمدگی سے کچھ دیر قبل ہی قتل کیا گیا، جس پر پولیس ٹیم کو فوری طور پر جائے وقوعہ روانہ کیا گیا۔

عینی شاہدین اور جائے وقوعہ سے حاصل ہونیوالے شواہد کی روشنی میں شاہراہ فیصل پولیس نے مقتول کے والد حاجی محمد سعید کو گرفتار کرلیا۔ اے ایس پی کے مطابق ملزم نے دوران تفتیش اعتراف کیا ہے کہ اس نے ہی اپنے بیٹے کا قتل کیا تھا۔ پولیس کو دیئے گئے بیان میں ملزم حاجی محمد سعید نے بتایا کہ اس نے 2 شادیاں کی ہوئی ہیں اور مقتول محمد سہیل اس کی پہلی بیوی سے بیٹا ہے۔

ملزم کا کہنا تھا کہ اس نے اپنے تمام بچوں کو نماز کی بروقت ادائیگی کی تنبیہ کر رکھی اور تمام بچے وقت پر باقاعدگی سے نماز ادا کرتے ہیں لیکن سہیل اکثر نماز ادا نہیں کرتا تھا، جس پر اسے کئی دفعہ وارننگ دی مگر وہ نہیں سدھرا۔ جبکہ ملزم نے بتایا کہ بدھ کے روز صبح جب وہ نماز فجر ادا کرکے گھر آیا تو اس نے دیکھا کہ مقتول سو رہا ہے، جس پر اسے غصہ آگیا اور اس نے طیش میں آکر اپنے بیٹے کے سر پر ہتھوڑے سے وار کئے اور پھر چھری کے پہ در پہ وار کرکے اسے قتل کر دیا۔ اے ایس پی کے مطابق پولیس نے ملزم کی نشاندہی پر قتل میں استعمال ہونے والا ہتھوڑا اور چھری برآمد کرلی ہے۔ واقعے کا مقدمہ سرکار کی مدعیت میں قتل کی دفعات کے تحت شاہراہ فیصل تھانے میں درج کرلیا گیا۔