(عبدالغفار شاکر ،باغی ٹی وی قصور)
تھہ شیخم اورگردونواح میں منشیات فروشی کا دہندہ عروج پر، پولیس منشیات فروشوں کی پشت پناہی کرنے لگی، علاقہ مکینوں کا آئی جی پنجاب، ڈی آئی جی شیخوپورہ رینج اور ڈی پی اوقصور سے نوٹس لے کر منشیات فروشوں کی پشت پناہی کرنیوالے ایس ایچ او سمیت دیگر عملے کے خلاف کاروائی کرنے اور علاقے سے منشیات فروشی کے خاتمے کا مطالبہ،تفصیلات کے مطابق تھہ شیخم پولیس اسٹیشن میں آئے روز ایس ایچ او تبدیل کردیاجاتاہے جبکہ گزشتہ کچھ ماہ قبل قبضہ مافیا کی پشت پناہی پر ایس ایچ او کے خلاف مقدمہ درج کرکے جیل بھی بھیجا گیا، ڈی پی اوقصور کی جانب سے یہ تمام تر اقدامات قابلِ ستائش ہیں لیکن دوسری جانب جونہی کوئی نیا ایس ایچ او تعینات ہوتاہے کچھ دن علاقہ مکین سُکھ کا سانس لیتے ہیں لیکن دوبارہ پھر علاقہ میں منشیات فروش سرگرم ہوجاتے ہیں اور تعینات ہونے والے ایس ایچ او سمیت دیگر عملے کو اپنے بس میں کرکے منشیات فروشی کا مکروہ دہندہ دیدہ دلیری سے جاری رکھے ہوئے ہیں، اہل علاقہ کا کہنا ہے کہ جب تک فرض شناس اور ایماندار پولیس آفیسر تھانہ تھہ شیخم میں تعینات نہیں ہوتا منشیات فروشی کا مکروہ دہندہ اسی طرح جاری رہے گاجس کی بیخ کنی کے لیے ڈی پی اوقصور کو سخت اقدامات اُٹھانے ہوں گے تاکہ علاقہ سے اس مکروہ دہندے کا مکمل طورپر قلع قمع کیاجاسکے۔ انہوں نے آئی جی پنجاب، ڈی آئی جی شیخوپورہ رینج اور ڈی پی اوقصور سے نوٹس لے کر منشیات فروشوں کی پشت پناہی کرنیوالے ایس ایچ او سمیت دیگر عملے کے خلاف کاروائی کرنے اور علاقے سے منشیات فروشی کے خاتمے کا مطالبہ کیا ہے۔
Tag: جرائم
پولیس افسران کے آۓ روز تبادلے ، جرائم میں نمایاں اظافہ
اوکاڑہ کے داخلی خارجی رستوں پر سخت نگرانی، جرائم پیشہ عناصر ہوشیار
اوکاڑہ (علی حسین) ڈسٹرکٹ پولیس آفیسر عمرسعیدملک نے باغی ٹی وی کو انٹرویو دیتے ہوئے کہا ہے کہ ضلع اوکاڑہ کی عوام نے ہمیشہ قانون نافذ کرنیوالے اداروں کا ساتھ دیا ہے جس کی بنا پر اوکاڑہ میں امن و امان کی صورتحال تسلی بخش ہے تاہم شرپسند عناصر کو ضلع اوکاڑہ کے امن و امان کو تباہ کرنیکی ہرگز اجازت نہیں دی جائیگی۔ ضلع اوکاڑہ کے داخلی و خارجی راستوں پر کڑی نگرانی کی جائے، فورٹھ شیڈول، وال چاکنگ، نفرت آمیز مواد پھیلانے، ساونڈ سسٹم ایکٹ کی خلاف ورزی کرنے والوں کے خلاف ہرممکن سخت کاروائیاں کی جائیں گی۔ ان خیالات کا اظہار ڈسٹرکٹ پولیس آفیسر عمرسعیدملک نے اعلیٰ سطح اجلاس سے خطاب کرتے ہوئے کیا۔ انہوں نے تمام ایس ڈی پی اوز اور ایس ایچ اوز کو جرائم پیشہ عناصر کے خلاف چوکنا رہنے کا حکم دیا ہے۔
اوکاڑہ تھانہ صدرگوگیرہ کے نئے ایس ایچ او کی صحافیوں سے میٹنگ، جرائم کے خلاف عزم کا اظہار
اوکاڑہ(علی حسین مرزا) جرائم کا خاتمہ اور علاقہ کو امن کا گہوارہ بنانا ہی میرا مقصد اور اولین ترجیح ہے ان خیالات کا اظہار تھانہ گوگیرہ کے نئے ایس ایچ او ملک ارشد نے گوگیرہ پریس کلب کے صحافیوں سے میٹنگ کرتے ہوئے کیا مزید بات کرتے ہوئے بتایا کہ سائلین کے لیے میرے دروازے ہر وقت کھلے ہیں حکومتی احکامات کے مطابق جزوی لاک ڈاون پر سختی سے عملدرآمد کروایا جائے گا علاقہ میں گشت کے حوالے سے بات کرتے ہوئے بتایا کہ گشت کا دورانیہ اور نفری مزید بڑھائی جائے گی تاکہ جرائم پر قابو پایا جاسکے صحافیوں کے حوالے سے بات کرتے ہوئے انھوں نے کہا کہ صحافی معاشرے کا آئینہ ہیں اور پولیس کو جرائم پر قابو پانے کیلئے ہمیشہ صحافیوں کی مدد درکار رہی ہے مزید انھوں نے کہا کہ صحافی جرائم اور جرائم پیشہ عناصر کی نشاندہی کریں تاکہ علاقے سے منشیات فروشی چوری اور ڈکیتی جیسی وارداتوں کو ختم کر کے علاقہ کو پرامن بنایا جاسکے۔
ضلع اوکاڑہ میں جرائم کے خلاف کریک ڈاون۔ کئی ملزمان گرفتار
اوکاڑہ(علی حسین مرزا) ڈی پی او اوکاڑہ کے احکامات پر اوکاڑہ پولیس فورس کا جرائم پیشہ افراد کے خلاف گھیرا تنگ، منشیات فروشوں اور غیر لائسنسی اسلحہ رکھنے والوں کے خلاف کریک ڈاون کے نتیجے میں بدنام زمانہ منشیات فروش مخدوم،امداد، محمدشریف عرف مانی اور تنویر کو جبکہ ناجائز اسلحہ کی نمائش کرنیوالے شفیع اور عثمان وغیرہ کو گرفتار کرکے مطلوبہ مال قبضے میں لے لیا گیا۔ ملزمان سے ایک کلو سے زائد چرس، ساٹھ لٹر دیسی شراب اور شراب کشید کرنیوالا سامان اور دو عدد پسٹل برآمد کرلیے گئے ہیں۔ پولیس نے ملزمان کے خلاف مقدمات کا اندراج کرلیا ہے۔ ڈی پی او اوکاڑہ عمرسعیدملک نے باغی ٹی وی سے گفتگو کرتے ہوئے کہا ہے کہ جرائم پیشہ افراد کے ساتھ کسی قسم کی نرمی اور رعایت نہیں برتی جائیگی۔
دنیا کی سب سے دلچسپ چوری
دنیا کا سب سے بڑا ،حیران کن ، اور دلچسپ چوری کا اسکینڈل سامنے آیاہے جس میں فرانس کی مشہور سیاسی شخصیت اور وزیر ژان لیولےدریون کا ماسک استعمال کر کے مجرموں نے مختلف لوگوں سے 9 کروڑ ڈالر یعنی 15 ارب پاکستانی روپے لوٹ لیے ۔ مجرموں نے وزیر ژان لیولے دریون کا سلیکون ماسک تیار کیا اور پھر ایک شخص کو وہ ماسک پہنا کر لوگوں کے سامنے اسے ژان لیولے دریون ظاہر کیا اور خود کو ژان لیولے دریون کا قریبی ساتھی ظاہر کیا ۔
مجرموں نے اہم یورپی شخصیات ، سیاستدانوں ، تاجروں ، خیراتی اداروں کو فوائد کا لالچ دے کر ان سے اچھی خاصی رقوم جمع کی ۔
اگر کوئی شخص رقم دیتے ہوئے تذبذب کا شکار ہوتا تو یہ لوگ اس کی وڈیو گفتگو اس شخص سے کرواتے جس نے ژان لیولےدریون کا ماسک پہن رکھا ہوتا تھا ۔ وڈیو گفتگو کے لیے مجرموں نے پہلے ہی سازش کےتحت ایک کمرہ اس طرح سے تیار کر رکھا تھا جو دیکھنے میں ایسے نظر آتا تھا جیسے یہ ژان لیولےدریون کا سرکاری دفتر ہے ۔ اس دفتر میں فرانسیسی صدر کی تصویر کے ساتھ ساتھ فرانسیسی پرچم بھی نمایاں نظر آتا تھا ۔ ان مجرمان نے ترکی کے ایک تاجر سے 4 کروڑ کی رقم بھی ہتھیا لی ۔
کافی تگ و دو کے بعد جب یہ گروہ گرفتار ہوا ہے تو اس سارے حرکت ، لوٹ مار اور چوری کے پیچھے اسرائیلی شہری نکلے 53 سالہ اسرائیلی اس سارے ڈرامے کا سر غنہ نکلا ہے۔لیکن اس شخص نے اپنے جرم کا انکار کر دیا ہے ۔ جبکہ پولیس کا کہنا ہے کہ یہ شخص 90 لاکھ ڈالر کا فراڈ کر چکا ہے اور 5 سال سے اسرائیل میں چھپا ہوا تھا
