مصر میں ایک 15 سالہ لڑکی نے گھریلو ناچاقی پر اپنے والد کو زندہ جلا کر مار ڈالا۔
باغی ٹی وی:مصری اخبار الیوم کے مطابق یہ واقعہ جیزہ کے جنوب میں واقع عاطفیہ سینٹر میں پیش آیا جہاں پولیس کو ایک اپارٹمنٹ میں آگ لگنے اور آگ کی لپیٹ میں آنے والے ایک شخص کی موت کی اطلاع ملی،جب پولیس، فرانزک شواہد اور پبلک پراسیکیوشن آگ لگنے کی جگہ پر گئے تو پتہ چلا کہ وہاں ایک شخص کی جلی ہوئی لاش تھی، جو اپارٹمنٹ کا مالک تھا۔
سیکیورٹی ذرائع کے مطابق حکام کو شبہ تھا کہ بیوٹین گیس سلنڈر کسی نے جان بوجھ کرکھولا تھا اور یہاں سے جاسوسوں نے حادثے کا معمہ حل کرنے کے لیے سراغ تلاش کرنے کی کوششیں شروع کر دیں تحقیقات سے معلوم ہوا کہ متاثرہ شخص نے حال ہی میں اپنی بیوی سے علیحدگی اختیار کر لی تھی اور وہ صرف اپنی بیٹی کے ساتھ رہ رہا تھا سیکیورٹی ذرائع نے لڑکی سے شک کی بان پر تفتیش کی-
یوکرین میں دوران پرواز 2 فوجی تربیتی طیارے آپس میں ٹکرا گئے،3 پائلٹ ہلاک
لڑکی نےتفتیشی حکام کو بتایا کہ میرے والد ہمیشہ میری والدہ سے جھگڑا کرتے تھے، اس لیے میں نےان سے جان چھڑانے کا فیصلہ کیا، لڑکی نے پہلے گیس کی سپلائی کھولی اور جیسے ہی والد نے "سگریٹ” سلگانے کے لیے ماچس جلائی تو سلنڈر پھٹ گیا اور آگ لگ گئی۔ آگ سے جھلسنے پر اسے ہسپتال لے جایا گیا، جہاں وہ جانبر نہ ہوسکا لڑکی کو گرفتار کر کے سوشل کیئر ہوم میں رکھا گیا کیونکہ وہ قانونی عمر سے کم ہے۔
لڑکی نے بیان میں کہا کہ اس کے والد نے جھگڑے کے بعد اس کی ماں کو گھر سے نکال دیا، تھا کیونکہ وہ منشیات کا عادی تھا اور اسے خریدنے کے لیے گھر پر خرچ نہیں کرتا تھا اور مار پیٹ کرتا تھا۔
