Baaghi TV

Tag: جرم

  • ڈاکٹرسارہ کیس: ملزم کا 5 روزہ جسمانی ریمانڈ منظور

    ڈاکٹرسارہ کیس: ملزم کا 5 روزہ جسمانی ریمانڈ منظور

    ڈاکٹرسارہ کیس: ملزم کا 5 روزہ جسمانی ریمانڈ منظور

    عدالت نے کراچی میں مبینہ طورپر سی ویو کے قریب سمندرمیں ڈوبنے والی ڈاکٹرسارہ کیس کے ملزم کو 5 روزہ جسمانی ریمانڈ پرپولیس کے حوالے کرتے ہوئے آئندہ سماعت پرپیشرفت رپورٹ طلب کرلی ہے۔ کراچی کی مقامی عدالت میں دودریا سے ڈاکٹرسارہ کی لاش ملنے کے مقدمے پرسماعت ہوئی جہاں پولیس نے ملزم ڈاکٹرشان کوعدالت کے روبرو پیش کیا۔

    پولیس نے ابتدائی رپورٹ میں عدالت کوبتایا کہ مقدمے میں قتل کی دفعہ کا اضافہ کیا ہے، مقتولہ ڈاکٹر سارہ کا پوسٹ مارٹم مکمل کرکے اسپتال کے ڈاکٹر شان سلیم کوگرفتارکیا ہے۔ پولیس کی رپورٹ کے مطابق ملزم کے موبائل فون کا فارنزک کیا جارہا ہے اور نامزد ملزمہ بسمہ کو فی الوقت گرفتارنہیں کیا ہے۔ عدالت نے ملزم سے استفسارکیا کہ آپ بتائیں معاملہ کیا ہے، تو ملزم نے بتایا سارہ ہمارے اسپتال میں کام کررہی تھی، وقوعہ کے روز سارہ اسپتال سے اکیلی نکلی تھی، مجھے جھوٹے مقدمے میں پھنسایا جارہا ہے۔

    تفتیشی افسر کے مطابق کہ عینی شاہد نے بتایا لڑکی سمندرکنارے بیٹھی کررورہی تھی اورعینی شاہد کے بیان کے مطابق واقعہ تین روز پرانا ہے، بظاہر دیکھنے میں لاش تین روز پرانی نہیں لگتی اور پوسٹ مارٹم کی رپورٹ میں صورتحال واضح ہوگی۔ عدالت نے تفتیشی افسرسے استفسارکیا کہ آپ کو یہ مقدمہ کیا لگتا ہے؟ تفتیشی افسر نے بتایا کہ اسپتال میں دولڑکیاں کام کرتی تھیں اور ابتدائی تفتیش میں مقتولہ اسپتال سےغصے میں نکلی تھی، ممکنہ طور پرحسد بنیادی وجہ ہوسکتی ہے۔
    مزید یہ بھی پڑھیں؛
    نائیجیریا میں ریلوے اسٹیشن پر ٹرین کے منتظر 32 افراد اغوا
    ٹائٹن اروم نامی پھول جو 7 سے 10 سال میں ایک بار کھلتا ہے
    کاسمیٹک مصنوعات کے نقصانات سے خبردار کرنے والی سعودی ایپلی کیشن متعارف
    آج ترکیہ کی نامور مصنفہ کالدہ ادیب خانم کا یوم وفات ہے
    قلعہ سیف اللہ کے قریب خوفناک ٹریفک حاثہ میں 7 افراد جاںبحق
    وزیر اعظم شہباز شریف وفد کے ساتھ جنیوا پہنچ گئے
    ایک کمرے میں دو دو کلاسز؛ کراچی میں سرکاری اسکول کی عمارت ٹھیکیدار نے کرائے پر دیدی

    پس منظر

    سی ویو کے قریب سمندرمیں ڈوبنے والی سارہ کی لاش گزشتہ روز نکالی گئی تھی۔ پولیس کے مطابق خاتون سے مبینہ طور پر جنسی زیادتی ہوئی، جس کا مقدمہ والد کی مدعیت میں درج کرلیا گیا ہے۔ مقتولہ محمود آباد اعظم بستی کی رہائشی اور جانوروں کی ڈاکٹر تھی۔ ابتدائی تفتیش میں پولیس کا کہناتھا کہ ڈاکٹر شان نے مقتولہ کو2 لاکھ روپے قرض دیے تھے جس کے بعد اسے بلیک میل کر کے جنسی تعلق پر مجبورکیا گیا۔ سارہ پہلے بھی خودکشی کی کوشش کرچکی تھی۔ سارہ کی شناخت ان کے بیگ سے ملنے والے شناختی کارڈ سے ممکن ہوئی۔اہل خانہ نے خودکشی کے امکان کو مسترد کیا ہے۔

  • جو سازش شہباز گل نے کی تھی اس کا کل عمران خان نے اعتراف جرم کیا ہے ،مصدق ملک

    جو سازش شہباز گل نے کی تھی اس کا کل عمران خان نے اعتراف جرم کیا ہے ،مصدق ملک

    وزیر مملکت برائے پیٹرولیم مصدق ملک نے کہا کہ کل سے بہت تشویش چل رہی ہے،عمران خان کی کل کی تقریر کے بعد لوگ حیران اور پریشان ہیں،عمران خان اس ملک میں تمام سازشوں کا مرکز ہیں،اقوام متحدہ میں بطور وزیراعظم عمران خان نے اداروں پر تنقید کی،سوشل میڈیا پر دفاعی اداروں کے خلاف ٹرینڈ چل رہے ہیں.

     

    پاک فوج میں چیئرمین پی ٹی آئی کے بیان پر شدید غم و غصہ ہے، آئی ایس پی آر

     

    اسلام آباد میں پریس کانفرنس کرتے ہوئے وزیر مملکت برائے پیٹرولیم کا کہنا تھا کہ شہدا کے خلاف ٹرینڈ چلائے گئے، شہباز گل نے فوج کو بغاوت پر اکسانے کی کوشش کی،شہباز گل کے پیچھے عمران خان ہیں، واضح ہوگیا ادارں کیخلاف ٹرینڈ چلانے والے کون ہیں؟،جو سازش شہباز گل نے کی تھی اس کا کل عمران خان نے اعتراف جرم کیا ہے .

     

    عمران خان کے فوج مخالف بیانات،حکومتی اتحاد میں شامل جماعتوں نے کی شدید مذمت

     

    مصدق ملک نے کہا کہ شہباز گل کے بغاوت پر اکسانے کی مقدمے کی ذمہ داری عمران خان نے قبول کر لی ، واضح ہوگیا اداروں کیخلاف ٹرینڈ چلانے والے کون ہیں؟عمران خان صاحب آپ کرنا کیا چاہتے ہیں؟عمران خان سے پوچھتا ہوں جو جرنیل شہید ہوئے وہ محب وطن نہیں تھے؟کیاصرف کرکٹ کھیلنے والا ہی محب وطن ہے، یہ وزن جو کل آپ نے اٹھا یا ہے یہ قوم آپ کو یہ وزن اٹھانے نہیں دے گی.

     

    پوری فوج محب وطن ہے، عمران خان اپنی بات کی خود وضاحت کریں،صدر عارف علوی

     

    مصدق ملک نے کہا کہ اب تو پوچھنا چاہیے کہ کون میر صادق اور کون میر جعفر تھا،شاہ محمود ، پرویز خٹک بتائیں کیا وہ عمران خان کے بیان کے ساتھ کھڑے ہیں یا نہیں؟ کیا پرویز الہٰی عمران خان کے بیان کی مذمت کریں گے؟یہ تو ثابت ہوگیا کہ شہبا زگل کے پیچھے کون کھڑا تھا؟سوال یہ ہے کہ عمران کے پیچھے کون ہے؟اس سوال کا جواب تو اب دینا ہی ہو گا،یہ وزن جو آپ نے کل اٹھایا ہے، قوم آپ کو یہ اٹھانے نہیں دے گی،پی ٹی آئی قیادت بتائے کیا وہ عمران خان کے بیان کے ساتھ ہیں یا نہیں؟.

  • میانوالی: 7سالہ بچی کا مبینہ اغوا کے بعد زبردستی نکاح

    میانوالی: 7سالہ بچی کا مبینہ اغوا کے بعد زبردستی نکاح

    میانوالی میں سات سالہ بچی کو مبینہ طور پر اغوا کے بعد 40 سالہ شخص سے زبردستی نکاح کروادیا گیا۔واقعے کی آیف آئی آر بچی کی والد کی مدعیت میں درج کرلیا گیا۔ ایف آئی آر کے مطابق 4 ملزمان نے داود خیل سے بچی کو اغواء کیا اور 40 سالہ شادی شدہ شخص سے زبردستی نکاح کروادیا۔

    بلوچستان کےعوام فوج کے شانہ بشانہ کھڑے ہیں:ترجمان فرح شاہ

    پولیس نے ملزمان کی گرفتاری کےلیے چھاپہ مارا تو ملزمان نے پولیس اہلکاروں پر بھی حملہ کردیا جس سے 4پولیس اہلکار زخمی ہوگئے۔
    پولیس نے کارروائی کے دوران دو ملزمان کو گرفتار کرلیا تاہم مرکزی ملزم نعیم اللہ تاحال گرفتار نہ ہوسکا۔

    بلوچستان میں بارشوں اور سیلاب سے جاں بحق افراد کی تعداد 176ہو گئی

    ادھر دوسری طرف لاہور کے علاقے بادامی میں 5 لاکھ روپے تاوان کے لیے لڑکےکے مبینہ اغوا کا ڈراپ سین ہوگیا۔

    پولیس کے مطابق 14سال کا خبیب لڑکیوں کی آواز نکال کر اپنے والدین کو بلیک میل کر رہا تھا، خبیب 5 اگست کو خود ہی غائب ہوا اور لڑکی کی آواز میں باپ سے تاوان مانگا۔

    بلوچستان میں بارشوں اور سیلاب سے تباہی،جاں بحق افراد کی تعداد 166ہوگئی

    پولیس کا کہنا ہےکہ لڑکا دوست کے اسنوکرکلب سے ملا، اس حوالے سے مزید تفتیش کی جا رہی ہے۔پولیس کے مطابق خبیب کے اغوا کا مقدمہ اس کے باپ محمد سفیر کی مدعیت میں درج تھا۔

  • طلاق جرم نہیں،عمران خان نے اسے میرے خلاف استعمال کیا،ریحام خان

    طلاق جرم نہیں،عمران خان نے اسے میرے خلاف استعمال کیا،ریحام خان

    پاکستان تحریک انصاف کے چیئرمین اور سابق وزیراعظم عمران خان کی سابق اہلیہ ریحام خان نے اپنی طلاق اور اس کے بعد پیش آنے والے مسائل سے متعلق ٹویٹ کر دیا۔

    ریحام خان نے امریکی شہر شکاگو میں سابق شوہر کی جانب سے قتل کی جانے والی پاکستانی فوٹوگرافر ثانیہ خان کی موت کی خبر پر ردعمل دیا اور اپنی طلاق کا وقت یاد کیا۔

    عمران خان کی سابق اہلیہ نے لکھا کہ ‘مجھے طلاق لینے میں کئی سال لگے اور اس وقت مجھے فیملی کی طرف سے کوئی تعاون حاصل نہیں تھا، نہ ہی میری کمیونٹی میں میرا کوئی دوست تھا

    ریحام خان نے سماجی رابظے کی ویب سائٹ ٹوئتر پرلکھا کہ ‘اپنے آپ کو اور اپنے بچوں کو محفوظ رکھنے کے لیے میری جدوجہد پی ٹی آئی کے ٹرولرز کے لیے میرے خلاف غلط باتیں بولنے کا بہانہ بن گئیں، میرے دوسرے شوہر (عمران خان) نے اسے میرے خلاف استعمال کیا، طلاق جرم نہیں بلکہ زندگی کا حق ہے۔‘

    واضح رہے کہ عمران خان اور ریحام خان نے اکتوبر 2015 میں طلاق ہو گئی تھی۔امریکا کے شہر شکاگو میں پاکستانی نژاد فوٹوگرافر ثانیہ خان کو ان کے سابق شوہر راحیل احمد نے فائرنگ کر کے قتل کر دیا اور پھر خودکشی کر لی۔

    امریکی میڈیا کے مطابق شکاگو پولیس کو فائرنگ کی اطلاع ملی جس پر وہ فوری طور پر ثانیہ کی رہائش گاہ پہنچی تو دیکھا کہ گھر کے درواز ے پر ثانیہ کی لاش پڑی ہے اور ان کے سر پر گولی کا نشان ہے۔

    پولیس گھر میں داخل ہوئی تو دوسرے کمرے سے کسی شخص کی کراہنے کی آواز آرہی تھی، پولیس نے دیکھا کہ ثانیہ کا سابق شوہر زخمی حالت میں پڑا ہے جسے فوری طور پر اسپتال پہنچایا گیا جہاں وہ انتقال کرگیا۔

  • نجی اسکول میں 2 قتل آئی جی پنجاب کا فوری نوٹس،

    نجی اسکول میں 2 قتل آئی جی پنجاب کا فوری نوٹس،

    نجی اسکول میں 2 قتل آئی جی پنجاب کا فوری نوٹس،

    باغی ٹی وی کی رپورٹ کے مطابق لاہور کے ایک مشہور شہر قصور میں جرم کی واردات سامنے آئی ہے ۔ حال ہی میں بہت سے اس شہر میں جرم کے بہت سے واقعات سامنے آ چکے ہیں۔ ابھی پھر سے ایک جرم کی واردات سامنے آئی ہے۔جس میں نجی اسکول میں لڑکا اور لڑکی کو گولیاں مار کے قتل کیا گیا ہے۔
    مزید تفصیلات سے آگاہ کیا جاتا ہے کہ ڈی پی او قصور صہیب اشرف کی رپورٹ کے مطابق کھارا چونگی قصور کے نجی اسکول میں مرد و خاتون کو قتل کیا گیا ہے۔ یہ قتل نا معلوم افراد نے کیا ہے ۔ان نا معلوم افراد نے گولیاں مار کر ان مرد اور خاتون کو قتل کیا ۔

    مزید یہ کہ اس واقعے کے بعد شناخت کی تو مرد کی عمر 24 سال معلوم ہوئی اور اس کا نام علی شان تھا اور سیکورٹی گارڈ تھا ۔جبکہ عورت کی شناخت بھی بہت کی لیکن عورت کی شناخت ابھی بھی جاری ہے۔عورت کی شناخت فلحال نہیں ہو پائی۔
    اس حوالے سے پھر ڈی پی او کا کہنا تھا کہ جیسے ہی جرم کا پتا چلا تو فوری طور پر تفتیش شروع کر دی گئی تھی۔تاہم قتل یاخودکشی سے متعلق کچھ بھی کہنا ابھی قبل اَز وقت ہو گا ۔قتل ہونے والے مرد اور عورت کی لاشوں کو پوسٹ مارٹم کے لیے ڈی ایچ کیو اسپتال منتقل کردیا جا چکا ہے۔

    مزید براں یہ کہ اس واقعے کے حوالے سے آئی جی پنجاب راؤ سردار علی خان نے اس نجی اسکول میں جو واقعہ پیش آیا ہے اس کا بھی نوٹس لے لیا ہے۔اس واقعے کے حوالے سے آئی جی پنجاب کا کہنا ہے جیسے ہی مجرموں کا پتا چلے تو فوری طور پر گرفتار کیا جاۓ۔

  • قصور/پولیس کی نا اہلی مغوی تاجر قتل

    قصور/پولیس کی نا اہلی مغوی تاجر قتل

    قصور/پولیس کی نا اہلی مغوی تاجر قتل ہو گیا

    باغی ٹی وی کی رپورٹ کے مطابق پولیس کی نا اہلی کی وجہ سے قصور میں تین روز قبل الہ آباد سے اغواء ہونے والے تاجر کو نامعلوم افراد نے قتل کر دیا تھا۔
    چونیاں میں نجی ہوٹل کے مالک محمد اسلم کو نامعلوم اغواء کاروں نے رات تین بجے کے قریب گھر سے اغواء کیا تھا
    ،چونیاں میں مغوی تاجر محمد اسلم کے اغواء کا مقدمہ تھانہ الہ آباد میں مغوی کے بھائی محمد اکرم کی مدعیت میں درج ہے،گھر والوں کا کہنا تھا کہ جب ہم پولیس کے پاس گے اور اس واقعے پر مقدمہ درج کرایا تو پولیس والوں نے کوئی فوری ایکشن نہیں لیا ۔

    مزید یہ کہ چونیاں میں تین روز سے مقدمہ درج تھا گھر والوں نے افسوس کا اظہار کرتے ہوئے کہا کہ پولیس اگر ہمارے بھائی کی بازیابی کے لئیے اقدامات کرتی تو آج یہ وقوعہ نا ہوتا۔
    محمد اسلم کے گھر والوں کا کہنا تھا کہ اس واقعے کو 3 روز گزر چکے تھے اگر پولیس کوشیش کرتی تو ہمارے بھائی کو کبھی نقصان نہ پوھنچتا پولیس اگر فوری اقدامات کرتی توہمارے بھائی کو اس طرح سے قتل نہیں کیا جاتا۔

    چونیاں میں مغوی مقتول تھانہ الہ آباد میں اپنے بھائی پر دو دفعہ فائرنگ اور ایک گاڑی جلانے کے مقدمہ میں مدعی جن میں ملزمان کو سزا ہونے والی تھی،چونیاں میں پولیس تھانہ الہ آباد نے نعش کو قبضہ میں لے کر پوسٹ مارٹم کے لئیے تحصیل ہیڈ کوارٹر ہسپتال منتقل کر دیا گیا ہے،

    مزید یہ کہ چونیاں میں تاجر کو اغواء کرکے قتل کرنے کی لرزہ خیز واردات سے شہر کی تاجر برادری میں تشویش کی لہر دوڑ چکی ہے انہوں نے آئی جی اور وزیر اعلی سے نوٹس کا مطالبہ کیا ہے،

  • میاں چنوں:مبینہ طور قرآن پاک کی بے حرمتی کرنے والا شخص تشدد سے ہلاک

    میاں چنوں:مبینہ طور قرآن پاک کی بے حرمتی کرنے والا شخص تشدد سے ہلاک

    میاں چنوں:مبینہ طور قرآن پاک کی بے حرمتی کرنے والا شخص تشدد سے ہلاک ، اطلاعات کے مطابق آج ایک ایسے واقعہ نے ایک بار پھر ملک میں بے چینی پیدا کردی ہے جس میں بتایا گیا ہےکہ میاں چنوں کے نواحی علاقہ تلمبہ 17موڑ میں مبینہ طور قرآن پاک کی بے حرمتی کرنے والا شخص تشدد سے ہلاک ہوگیا ہے

    میاں چنوں سے ذرائع کا کہنا ہے کہ یہ شخص دن بھر شہر میں بھیک مانگتا رہا ، یہ بھی کہا جارہا ہے کہ لوگ نماز پڑھنے مسجد آئے تو اوراق کے جلنے کی بو آ رہی تھی، عینی شاہدین کا کہنا ہے کہ انہوں نے خود قرآن مجید کے جلتے ہوئے اوراک دیکھے اور دیکھتے ہی پریشان ہوگئے

    یہ بھی کہا جارہا ہے کہ لوگوں نے آگے بڑھ کر دیکھا تو مقتول 1قران پاک جلا چکا تھا،ادھر یہ بھی اطلاعات ہیں کہ نامعلوم گستاخ شخص کو عوام نے تشدد کر کے ہلاک کر دیا،اس کے بعد مشتعل افراد نےنعش کو درخت سے لٹکا دیا ، حتی کہ مشتعل عوام نے نعش پولیس کے حوالے کرنے سے انکار کردیا ، ادھر پولیس کی بھاری نفری موقع پر پہنچ گئی

    علاقہ کے ہزاروں کی تعداد میں لوگ موقع پر پہنچ گئے، دوسری طرف ڈی ایس پی ناصر ثاقب کہتے ہیں کہ قبل از وقت کچھ بھی کہنا مناسب نہیں، مرنے والا شخص تلمبہ کا رہائشی نہیں
    ان کا یہ بھی کہنا تھا کہ لاش کو تحویل میں لے کر ہسپتال منتقل کردیا گیا

    ادھر وزیر اعلی پنجاب سردار عثمان بزدار نے پیش آنے والے افسوسناک واقعہ کا نوٹس لیتے ہوئےانسپکٹر جنرل پولیس سے رپورٹ طلب کرلی ہے ، یہ بھی معلوم ہوا ہے کہ وزیراعلیٰ نے واقعہ کی غیر جانبدارانہ انکوائری کا حکم بھی دے دیا ہے

    وزیراعلیٰ نے اس افسوسناک واقعہ میں ملوث عناصر کے خلاف سخت قانونی کارروائی کی جائے۔اور ذمہ داروں کو قانون کے کٹہرے میں لانے کا حکم بھی دیا

  • 7 سالہ معصوم کو زیادتی اور قتل کرنے والے کو 02 مرتبہ سزائے موت اور جرمانہ،راولپنڈی پولیس

    7 سالہ معصوم کو زیادتی اور قتل کرنے والے کو 02 مرتبہ سزائے موت اور جرمانہ،راولپنڈی پولیس

    راولپنڈی پولیس کی ایک اور بڑی کامیابی،اپنی ہی 7 سالہ معصوم بھتیجی کو زیادتی کے بعد قتل کرنے والے سفاک درندے کو 02 مرتبہ سزائے موت اور 06 لاکھ روپے جرمانہ کی سزا دلائی ۔ مجرم ولی اللہ نے نا صرف مقدس رشتے کو پامال کیا بلکہ 7 سالہ ننھی پری سدرہ کو زیادتی کے ساتھ قتل بھی کیا تھا ۔ ایس پی پوٹھوہار
    واقعہ کا مقدمہ 22 نومبر 2019 کو بچی کے والد کی مدعیت میں تھانہ ائرپورٹ درج کیا گیا تھا، جاۓ وقوعہ کے معائنہ کے دوران ایس ایس انویسٹی گیشن محمد فیصل ، ایس پی پوٹھوہار سید علی اور اے ایس پی بینش فاطمہ نے شواہد کی بناء پر ملزم کو گرفتار کر کے تفتیش کا آغاز کیا،ملزم نے اپنے سفاکانہ جرم کا اعتراف پہلے پولیس اور پھر معزز عدالت کے سامنے بھی کیا تھا، پولیس کے فوری رسپانس ، موثر تفتیش اور پیروی مقدمہ کی بدولت ملزم کو اس کے قبیح جرم کی قرار واقعی سزا دلوانے میں مدد ملی ، ایس ایس پی انویسٹی گیشن محمد فیصلہ ۔ بچوں سے زیادتی اور قتل جیسے جرائم ناقابل برداشت ہیں ، ایسے جرائم میں ملوث افراد کو سزا ملنا مظلوم اور قانون کی فتح ہے ۔ سی پی او راولپنڈی۔

  • اوکاڑہ: غیرت کے نام پر بھائی نے سگی بہن کو قتل کردیا

    اوکاڑہ(علی حسین) اوکاڑہ کے نواحی گاوں باماں زیریں عباس پورہ میں غیرت کے نام پر بھائی نے سگی بہن کو کلہاڑی کے وار کرکے قتل کردیا۔ ملزم شفقت کو اپنی بہن صائمہ بی بی کی اعظم نامی شخص سے پسند کی شادی کرنے پر رنج تھا۔ پولیس نے لاش قبضہ میں لیکر پوسٹ مارٹم کے لیے ضلعی ہسپتال بھیج دی ہے اور ملزم کو آلہ قتل سمیت گرفتار کرکے مقدمہ درج کرلیا ہے۔

  • غربت بے روزگاری وارداتوں کا باعث

    غربت بے روزگاری وارداتوں کا باعث

    قصور
    کوٹ رادہاکشن مہنگائی غربت یا انتظامی کمزوری تحصیل بھر میں کرائم کی شرح میں بے تحاشہ اضافہ ہوا ہے جس شہری عدم تحفظ کا احساس کرنے لگے ہیں نا صرف تحصیل کوٹ رادہاکشن بلکہ ضلع بھر میں کرائم کی شرح میں زبردست اضافہ دیکھنے کو نظر آ رہا ہے اور شہری عدم تحفظ محسوس کرنے لگے ہیں خاص کر ڈکیتی اور چوری کے اضافے نے عوام کی نیندیں حرام کر دی ہیں جس کی بنیادی وجہ شاید بے روزگاری مہنگائی غربت یا انتظامی کمزوری ہے اور شہری حکومتی اداروں کی طرف امید لگائے بیٹھے ہیں سر شام ہی لوگ گھروں میں دبک کر بیٹھ جاتے ہیں تاہم اس کے باوجود وارداتوں کا نہ رکنے والا سلسلہ بدستور جاری ہے اگرچہ ڈی پی او قصور زاہد نواز مروت اس سلسلہ میں زبردست محنت کر رہے ہیں تاہم اس کے ابھی ثمرات واضع نظر نہیں آ رہے اس کی وجہ جرائم پیشہ افراد کے حوالے سے پولیس کا نرم رویہ بھی ہے جبکہ پولیس والوں کے مطابق عوامی سطح پر پولیس رویے کے متعلق منفی پروپگینڈے کی مہم نے پولیس مورال میں کمی واقع کی ہے ضرورت اس امر کی ہے کہ پولیس مورال کو بلند کرنے کے لیے ملازمین میں عدم تحفظ احساس کے خاتمے کے لیے حکمت عملی اپنائی جائے تاکہ وہ زیادہ محنت لگن اور دلچسپی سے جرائم کے خاتمے کے لئے اپنا کردار ادا کر سکیں