Baaghi TV

Tag: جلسہ

  • این او سی منسوخ ہونے کے بعد پی ٹی آئی نے بھی جلسہ منسوخ کر دیا

    این او سی منسوخ ہونے کے بعد پی ٹی آئی نے بھی جلسہ منسوخ کر دیا

    تحریک انصاف نے این او سی منسوخ ہونے کے بعد اسلام آباد میں ہونے والا آج کا جلسہ منسوخ کر دیا
    تحریک انصاف کے رہنماؤں نے ہنگامی اجلاس میں جلسہ منسوخ ہونے کا فیصلہ کیا، اب اسلام آباد میں پی ٹی آئی کا جلسہ محرم کے بعد ہو گا.عمرایوب بیرسٹر گوہر اسد قیصر نےراہنماؤں کےساتھ پریس کانفرنس کرتے ہوئے کہا کہ ججوں کی عدم دستیابی پر فیصلہ کیا گیا کہ آج جلسہ نہیں ہو گا،جلسہ عشورہ کے بعد عدالت کی اجازت سے کریں گے،عمر ایوب کا کہنا تھا کہ مجھے معلوم ہے میں بات کروں گا تو مائیک بند کر دیں گے، پانچ انٹیلی جنس ایجنسیوں سے پوچھتا ہوں ویگو ڈالے کس لیے استعمال کرتی ہیں،

    سیاسی جماعتوں کو چاہیے اپنے کارکنوں اورملک کے مفاد میں فیصلےکریں،وفاقی وزیر قانون
    دوسری جانب وفاقی وزیر قانون اعظم نذیر تارڑ کا کہنا ہے کہ تحریک انصاف کو اسلام آباد میں جلسے کی اجازت دینا یا نہ دینا انتظامیہ کا فیصلہ ہے، انتظامیہ، انٹیلی جنس اداروں کی رپورٹ کے مطابق ترنول کاعلاقہ حساس ترین ہے، محرم الحرام کے دوران تمام انتظامیہ ہائی الرٹ ہوتی ہے۔سیاسی جماعتوں کو چاہیے اپنے کارکنوں اور ملک کے مفاد میں فیصلےکریں،افغان جنگ کےبعد پاکستان دہشتگردی کےخلاف فرنٹ لائن اسٹیٹ بناہوا ہے،

    تحریک انصاف نے ترنول میں جلسے کا این او سی منسوخ ہونے پر عدالت سے رجوع کر لیا،تحریک انصاف کی جانب سے اسلام آباد ہائیکورٹ میں توہین عدالت کی درخواست دائر کی گئی ہے، درخؤاست شعیب شاہین ایڈوکیٹ نے دائر کی ہے،اسلام آباد ہائیکورٹ میں دائر درخواست میں مؤقف اپنایا گیا کہ ڈپٹی کمشنر اسلام آباد کو 3 جون کو جلسے کے این او سی کے لیے رجوع کیا، اسلام آباد انتظامیہ نے ہائی کورٹ کے فیصلے کی روشنی میں 6 جولائی کو این او سی جاری کیا، عامر مغل جلسے کے لیے نمائندہ مختص کرنے کے سلسلے میں ڈپٹی کمشنر آفس پہنچے، ان کو گرفتار کر لیا گیا، ٹویٹ کے ذریعے معلوم ہوا کہ تحریک انصاف کے جلسے کا این او سی منسوخ کر دیا گیا ، اسلام آباد ہائی کورٹ کے حکم کے باوجود ترنول جلسے کا این اوسی معطل کرنا توہین عدالت ہے، اسلام آباد ہائی کورٹ این او سی معطل کرنے والوں کے خلاف توہین عدالت کی کارروائی کرے

    دہشتگردی کا خطرہ،جلسہ محفوظ بنانے کے لیے سیکیورٹی اداروں کی افرادی قوت دستیاب نہیں، چیف کمشنر اسلام آباد
    دوسری جانب پی ٹی آئی کے اسلام آباد میں جلسے کا اجازت نامہ معطل کرنے کی وجہ سامنے آئی ہے،جلسے کا نوٹیفکیشن معطل کرنے کا آرڈر چیف کمشنر اسلام آباد محمد علی رندھاوا کی طرف سے جاری کیا گیا ،نوٹیفکیشن کے مطابق مقامی افراد کی شکایت اور سیکیورٹی اداروں کی رپورٹ پر جلسے کا نوٹیفکیشن معطل کیا گیا،پولیس نمائندگان نے تصدیق کی کہ 3 جولائی کو بھاری مقدار میں اسلحہ اور بارود برآمد ہوا، سنگجانی اور ترنول کے علاقوں میں انٹیلی جنس بنیاد پر آپریشن تاحال جاری ہے، انٹیلی جنس ایجنسیز کے نمائندگان کے مطابق محرم میں سیکیورٹی خطرات کا سامنا ہے،چیف کمشنر اسلام آباد کا کہنا ہے کہ اسلام آباد میں 3 جولائی 2024ء کو ہتھیاروں کا ذخیرہ ملا ہے، محرم کے باعث جلسہ محفوظ بنانے کے لیے سیکیورٹی اداروں کی افرادی قوت دستیاب نہیں، سیکیورٹی ایجنسیوں کی جانب سے سکیورٹی الرٹ جاری کیے گئے، سیکیورٹی الرٹ کے مطابق محرم کے دوران دہشت گردانہ کارروائیوں کے خطرات ہیں،ترنول کا علاقہ گنجان آباد ہے اور ہوائی اڈے، جی ٹی روڈ اور موٹر وے تک رسائی کا اہم مقام ہے۔

    آج ہماری سیاسی کمیٹی کی میٹنگ ہے ہم اپنا لائحہ عمل دیں گے ۔عمر ایوب
    علاوہ ازیں تحریک انصاف کے رہنماؤں کا کہنا ہے کہ ترنول جلسہ ہر صورت ہوگا، کسی بھی صورت جلسہ کینسل نہیں ہوگا،تحریک انصاف کے رہنما عمر ایوب نے اسلام آباد ہائیکورٹ کے باہر میڈیا سے بات کرتے ہوئے کہا کہ ہمارے جلسے کا نوٹیفیکشن معطل کر دیا گیا ہے جو افسوس ناک ہے ۔ڈی سی اسلام آباد بتائیں کس کے اشارے پر چل رہے ہیں؟ ڈی سی اسلام آباد اس حکومت کے ٹاؤٹ بنے ہوئے ہیں ۔ آج ہماری سیاسی کمیٹی کی میٹنگ ہے ہم اپنا لائحہ عمل دیں گے ۔ ہم ایک بات بتا رہے ہم پیچھے ہٹنے والے نہیں ہیں ۔ ہم نے عدالت میں درخواست دائر کر دی ہے، ڈی سے نے جب اجازت دی تھی تو اسوقت انہیں معلوم نہیں تھا اس وقت سب ٹھیک تھا؟ کیا اسلام آباد انتظامیہ نشے میں تھی، ہم سیدھی سیدھی بات کریں گے،عدالت نے جلسے کی اجازت دی تھی، عدالتی حکم کے بعد دی گئی این او سی ختم کی گئی، ڈر کے مارے یہ سب کر رہے ہیں،

    تحریک انصاف کے رہنما شعیب شاہین کا کہنا تھا کہ جلسے کے لئے ہم چار ماہ سے عدالتوں میں ہیں، عدالت نے جلسے کی اجازت دی تھی لیکن رات این او سی منسوخ کر دیا گیا،اسلام آباد میں جو جلسے ہوئے وہ چار مقامات پر ہوئے لیکن ہمیں وہاں اجازت نہیں دی گئی، ترنول میں ہمیں اجازت ملی تھی جو منسوخ کر دی گئی،

    پولیس نے جلسہ گاہ پہنچنے والی خاتون کو بھی جلسہ گاہ سے نکال دیا،خاتون جلسہ گاہ پہنچیں تو پولیس اہلکار نے کہا کہ جلسہ منسوخ ہوچکا آپ بھی جائیں،کون ہیں آپ؟ ادھر سے نکلیں،خاتون نے پولیس اہلکار سے مکالمہ کرتے ہوئے کہا کہ میں کچھ بھی نہیں ،جاہی رہی ہوں آپ کم ازکم ہمارے کارکنان کو گرفتار نہ کریں اور انہیں نہ ماریں،

    جسٹس ملک شہزاد نے چیف جسٹس سے چھٹیاں مانگ لیں

    اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

    عمران خان کیخلاف درخواست دینے پر جی ٹی وی نے رپورٹر کو معطل کردیا

    سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

    صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

    توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

    باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

    اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

    اڈیالہ جیل میں قید عمران خان نے بالآخر گھٹنے ٹیک دیئے

    جعلی ڈگری،جسٹس طارق جہانگیری کے خلاف ریفرنس دائر

  • پی ٹی آئی کو اسلام آباد میں جلسے کی اجازت،عامر مسعود مغل گرفتار

    پی ٹی آئی کو اسلام آباد میں جلسے کی اجازت،عامر مسعود مغل گرفتار

    اسلام آباد کی ضلعی انتظامیہ نے پی ٹی آئی کو اسلام آباد میں جلسے کی اجازت دیدی

    اسلام آباد ہائیکورٹ میں پی ٹی آئی کو جلسے کی اجازت نہ دینے کے خلاف درخواست کی سماعت ہوئی، دوران سماعت اسٹیٹ کونسل نے کہا کہ پی ٹی آئی کو ترنول چوک کے پاس 6 جولائی کو جلسے کی اجازت دیدی ہے، اسلام آباد ہائیکورٹ نے این او سی جاری ہونے پر عامر مسعود مغل کی درخواست نمٹا دی

    دوسری جانب اسلام آباد سے پولیس نے تحریک انصاف کے رہنما عامر مسعود مغل کو گرفتار کر لیا،اسلام آباد ہائیکورٹ کے فیصلے کے بعد جلسے کا این او سی لینے ڈی سی آفس پہنچنے والے عامر مغل کو پولیس نے حراست میں لے لیا،حافظ فرحت عباس نے ٹویٹ کرتے ہوئے کہا کہ اسلام آباد میں جلسے کی اجازت ملنے کے بعد ہی فارم 47 کی حکومت بوکھلاہٹ کا شکار ہو گئی اور کریک ڈاؤن شروع کر دیا. غیر قانونی طور پر تحریک انصاف اسلام آباد کے صدر عامر مغل کو گرفتار کر لیا گیا ہے. ان اوچھے ہتھکنڈوں سے جلسے کو روک نہیں سکتے. جلسہ ہر صورت ہوگا اور عوام کی بڑی تعداد اس میں شرکت کرے گی.

    انتخابات بارے کیا کیا شکایات تھیں الیکشن کمیشن مکمل ریکارڈ دے، جسٹس اطہر من اللہ

    سنی اتحادکونسل کی مخصوص نشستوں سے متعلق اپیل پر سماعت 24 جون تک ملتوی

    سپریم کورٹ، سنی اتحاد کونسل کو مخصوص نشستیں نہ ملنے کیخلاف کیس کی سماعت ملتوی

    مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

  • پی ٹی آئی کا 8 جون کو اسلام آباد میں جلسہ نہ کرنے کا فیصلہ

    پی ٹی آئی کا 8 جون کو اسلام آباد میں جلسہ نہ کرنے کا فیصلہ

    اسلام آباد:پاکستان تحریک انصاف نے 8 جون کو اسلام آباد میں جلسہ نہ کرنے کا فیصلہ کرلیا –

    باغی ٹی وی: چیئرمین بیرسٹرگوہرکی زیرصدارت پی ٹی آئی قیادت کا مشاورتی اجلاس ہوا جس میں سیکرٹری جنرل عمرایوب ،اسد قیصر اور دیگر رہنما شریک ہوئے پی ٹی آئی نے اسلام آباد انتظامیہ کی جانب سے جلسے کیلئے روات کا مقام مسترد کردیا۔

    اعلامیے کے مطابق پی ٹی آئی نے 8 جون کو روات کے مقام پر جلسہ نہ کرنے کا فیصلہ کیا اور اعلان کیا کہ ضلعی انتظامیہ کا اجازت نامہ عدالت میں چیلنج کریں گی، انتظامیہ ایف نائن پارک، پریڈ گراؤنڈ یا ترنول کے مقام پرجلسے کی اجازت دے تحریک انصاف نے 8 جون کو روات کے بجائے سوات میں جلسہ کرنے کا اعلان کیا اور کہا کہ تحریک تحفظ آئین پاکستان کی پوری قیادت جلسے میں شریک ہوگی-

    غزہ جنگ :نیوزی لینڈ کے اداکار کی 15 روز سے بھوک ہڑتال جاری، صحت …

    ایف آئی اے ہیڈکوارٹرز اسلام آباد سے چوری ہونیوالا کروڑوں روپے مالیت کا مال …

    لاہور: نجی گرلز ہاسٹل میں خفیہ کیمرے لگائے جانے کا انکشاف

  • پی ٹی آئی کو جلسے کی مشروط اجازت

    پی ٹی آئی کو جلسے کی مشروط اجازت

    اسلام آباد کی ضلعی انتظامیہ نے تحریک انصاف کو جلسے کی مشروط اجازت دے دی ہے

    ڈپٹی کمشنر اسلام آباد نے عدالتی حکم پر تحریک انصاف کو 39 شرائط کے ساتھ جلسے کی اجازت دی جس کیلئے باقاعدہ این او سی بھی جاری کردیا گیا ہے,این او سی کی شرائط کے مطابق تحریک انصاف کو اپنا جلسہ مقررہ وقت پر ختم کرنا ہوگا اور جلسے میں ریاست کے خلاف نعرے یا تقریر کی اجازت نہیں ہوگی کسی قسم کی ہلڑ بازی اور سرکاری املاک کو نقصان پہنچانے کی اجازت نہیں ہوگی جب کہ سکیورٹی کی ذمہ داری تحریک انصاف پر عائد ہوگی۔

    تحریک انصاف کی جانب سے 8 جون کو اسلام آباد میں جلسے کی اجازت مانگی گئی تھی جس پر ڈپٹی کمشنر نے پی ٹی آئی کی درخواست پر فیصلہ کرکے ہائیکورٹ کو آگاہ کردیا، تحریک انصاف اسلام آباد میں جلسہ کرنا چاہتی ہے اس ضمن میں درخواست دی گئی تھی

    تحریک انصاف کے رہنما عامر مغل کا کہنا ہے کہ تحریکِ انصاف کو بدنیتی کی بنیاد پر ایف نائن پارک اسلام آباد میں جلسہ کرنے کی اجازت نہیں دی گئی،حکومت جمہوری حق دینے سے ڈرتی ہے اسلام آباد میں جلسہ تحریک انصاف کا بنیادی آئینی جمہوری حق ہے اسلام آباد کی عوام نے تینوں سیٹوں پر PTIکو 8فروری کو تاریخی مینڈیٹ دیا .اسلام آباد کی عوام کے دل عمران خان کے ساتھ دھڑکتے ہیں

    ہم ڈی سی کے روات میں جلسے کی اجازت کے حکم کو چیلنج کرینگے ،شعیب شاہین
    شعیب شاہین کا کہنا ہے کہ تحریک انصاف نے ایف 9 پارک میں جلسے کی اجازت مانگی انہوان نے راوات جی ٹی روڈ پر خود سے اجازت دے دی ہے۔ہم تو چاہتے ہیں ایف نائن پارک میں جلسے کی اجازت دی جائے ،ہم ڈی سی کے روات میں جلسے کی اجازت کے حکم کو چیلنج کرینگے ، ہم ایف نائن پارک میں جلسہ کرنا چاہتے ہیں

  • تحریک انصاف کو جلسے کی اجازت نہ دینے پر عدالت برہم

    تحریک انصاف کو جلسے کی اجازت نہ دینے پر عدالت برہم

    پی ٹی آئی کو کراچی میں جلسہ کی اجازت نہ دینے کے خلاف درخواست پر سندھ ہائیکورٹ میں سماعت ہوئی

    محکمہ داخلہ اور ڈپٹی کمشنر نے رپورٹ عدالت میں پیش کردی گئی۔ عدالت نے محکمہ داخلہ اور ڈپٹی کمشنر کی رپورٹ مسترد کردی ، چیف جسٹس سندھ ہائیکورٹ عقیل عباسی نے ریمارکس دیتے ہوئے کہا کہ دہشت گرد گروپس ہیں ، فلاں فلاں ہے یہی وجہ ہے روکنے کی ؟جب چاہیں پٹاخہ پھوڑ دیں جب چاہیں جو کرائیں ، ان ہی حالات میں دوسرے لوگ جلسے کرکے چلے گئے ، چیف جسٹس سندھ ہائیکورٹ نے سرکاری وکیل سے مکالمہ کرتے ہوئے کہا کہ ان کو برگر پارٹی کہتے ہیں ناں ان کو پہنچا دیا نا انجام تک ؟ یہی چاہتے تھے آپ لوگ ؟ یہ آپ کی جمہوریت ہے ؟ کب تک چلے گا یہ سب ؟جو غیر مسلم ہیں ان کا بھی ایمان یہی ہے جس دن جانا ہے اسی دن جانا ہے،اس حد تک جائیں جو آپ بھی برداشت کرسکیں ،ٹھنڈے کمروں میں بیٹھ کر پچاس ساٹھ گارڈ باہر کھڑے ہوں وہ کہہ سکتے ہیں یہ سب ،قومی مفاد یہ ہے کہ آئین کا تحفظ ہو ، اس طرح اب نہیں چلے گا یہ رپورٹ لاکر تھما دیں آپ ، ادارے اور ساری ایجنسیاں بیٹھ گئیں جلسہ کیسے روکا جاۓ ؟ دوسرا جلسہ ہوا سب سورہے تھے ، ایسے کون سے دہشت گرد ہیں جو ان پر حملہ کرنا چاہتے ہیں ؟ جب سے ملک بنا ہے یہی سنتے آرہے ہیں ملک خطرے میں ہے ایک ہی دفعہ نکل آہیں اس خطرے سے ، مہذب بننا چاہتے ہیں تو سب کیلئے ایک قانون بنائیں ، دوسرے لوگ جلسہ کرکے گئے ہیں ناں ؟ کہتے ہیں اجازت نہیں لی ، آپ کی اجازت کے بغیر کوئی کرسکتا ہے کچھ ؟ہمیں کسی پارٹی سے کچھ لینا دینا نہیں ، اذان ہورہی ہے یہ بھی شہادت آگئی کہ ہمیں کسی سے کچھ نہیں لینا ،آپ بیٹھیں اور جائزہ لے کر ان کو جلسہ کی اجازت دیں ،ہمین وہاں مت لے جائیں کہ ہمیں بہت سخت حکم دینا پڑے ، یہ جو بچوں کی طرح رپورٹس دے رہے ہیں فلاں نے یہ کہاں فلاں نے یہ کہا ،جو یہ رپورٹس دے رہے ہیں وہ سب عہدے پر نہیں رہیں گے ، جلسہ کی اجازت نا دینے کا کوئی جواز نہیں ،

    عدالت نے متعلقہ اداروں کو پی ٹی آئی کی درخواست پر دس دن میں فیصلہ کرنے کا حکم دے دیا، عدالت نے کہا کہ ممکن ہو تو فریقین کی رضا مندی سے کسی متبادل مقام پر جلسہ کی اجازت دی جاۓ ،چیف جسٹس سندھ ہائیکورٹ نے ریمارکس دیتے ہوئے کہا کہ بہت آسان ہے عدلیہ کے خلاف بات کرنا ، آپ سب ہیں اس کے پیچھے ،بہت آسان سے سوشل میڈیا پر عدلیہ کے خلاف مہم چلانا ، آپ کام ایسے کریں کہ عدالت آپ کے خلاف فیصلے نہ دے ، کیا یہ خلائی مخلوق ہیں اس ملک کے شہری نہیں ہیں ؟؟ یا ڈکلیئر کردیں کہ ایلینز ہیں ، بچہ بچہ جانتا ہے کس کی لڑائی ہے ، کب تک آپ لوگ ایسے چلائیں گے معاملات ؟جلسہ کرنا ان کا حق ہے ، اگر قانون کی خلاف ورزی کریں تو قانون کے مطابق کارروائی کی جاۓ ، عدالت نے ایڈیشنل سیکرٹری داخلہ سے استفسار کیا کہ دو مئی کو جلسہ ہوا تھا اس کی کیا رپورٹ تھی آپ کے پاس ؟ آپ لوگ اس وقت کہاں تھے جب یہ جلسہ ہوا ؟معذرت کے ساتھ رپورٹ میں ساری ایجنسیوں کے نالائقی چھلک رہی ہے اگلے پچاس سال تک یہی چلے گا ،کرفیو لگا دیں اور لوگوں کے گھروں تک راشن پہنچائیں ،قومی مفاد وہی ہے جو وہ سمجھتے ہیں ؟ قومی مفاد تو لوگوں کا ہوتا ہے یا افراد کا ؟ یہ انڈیا پاکستان کی جنگ کا معاملہ تو نہیں ہے ناں ؟

    ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    ایبٹ آباد میں "ہم جنس پرستی کلب” کے قیام کے لیے درخواست

    ہنی ٹریپ،لڑکی نے دوستوں کی مدد سے نوجوان کیا اغوا

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

    امجد بخاری کی "شادی شدہ” افراد کی صف میں شمولیت

    مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

  • پشین، 6 اپوزیشن جماعتوں کے اتحاد نے تحریک کا آغاز کردیا

    پشین، 6 اپوزیشن جماعتوں کے اتحاد نے تحریک کا آغاز کردیا

    تحریک انصاف نے حکومت کیخلاف احتجاجی تحریک کا آغاز کر دیا
    تحریک انصاف نے اپنی تحریک کا آغاز بلوچستان سے کیا ،پشین میں آج پہلا جلسہ ہوا، جس سے تحریک انصاف کے رہنماؤں نے خطاب کیا، جلسے میں بڑی تعداد میں پی ٹی آئی کارکنان شریک ہوئے،جلسے سے خطاب کرتے ہوئے قومی اسمبلی میں قائد حزب اختلاف ، عمر ایوب خان کا کہنا تھا کہ تحریک کے ذریعے اپنا حق لے کر رہیں گے۔

    فارم 47 کی بیساکھیوں والوں کو عوام کا سمندر بہا لے جائے گا، عمر ایوب
    پشین جلسہ گاہ میں پانی چھوڑنے کے باوجود، دفعہ 144 لگانے کے باوجود، طوفانی موسم کے باوجود عوام بڑی تعداد میں شریک ہوئی،عمر ایوب کا کہنا تھا کہ حکومت بلوچستان نے پشین کے راستے میں جگہ جگہ ناکے لگائے تھے، ملک کے عوام اس تحریک کو کامیاب بنانے کے لیے پیش پیش رہے، اپوزیشن اتحاد پورے ملک میں جلسے کرے گی، ہر طبقے کے پاس جائیں گے،9 مئی کی سی سی ٹی وی ویڈیو سے سب عیاں ہو جائے گا، آئین کی پاسداری ہوئی تو بانی پی ٹی آئی اور دیگر قائدین جیلوں سے باہر آسکیں گے.آپ فارم 47 کی بیساکھیوں پر کھڑے ہیں آپ فارم 47 کے ریت کے پہاڑ کے اوپر کھڑے ہو،اپ تو عوام کے سامنے کوئی چیز نہیں ہے یہ عوام کا سمندر آپ کو بہا کر لے جائے گا.

    عمران خان کے جیل میں پلیٹ لیٹس کم نہیں ہوئے، صاحبزادہ حامد رضا
    صاحبزادہ حامد رضا نےپشین جلسے سے خطاب کرتے ہوئے کہا کہ عوام نے مرد کے بچے کو گھروں سے نکل کر ووٹ دیے اور پھر وہ کوئی ڈیل لے کر بھاگا نہیں اور نہ ہی اس کے پلیٹ لیٹس کم ہوئے، وہ آج بھی جیل میں بیٹھ کر آزادی کی بات کررہا ہے،وہ آج بھی جیل میں بیٹھ کر پاکستان کی عوام کی بات کر رہا ہے، پاکستان کو پرائی جنگ کا حصہ نہ بنانے کی بات کر رہا ہے، جیل میں ڈٹا ہوا ہے تو عوام کے حقوق کے لئے، یہ فرض اب آپ نے پورا کرنا ہے ہر وہ آواز جو پاکستان کو توانا کرنے کے لئے بلند ہو گی، حقوق کے لئے بلند ہو گی، وہ کسی بھی پارٹی کی ہو، آگے بڑھ کر اسکا ساتھ دیں،پاکستان پنجاب میں رہنے والوں ،بلوچستان میں رہنے والوں، سندھ میں رہنے والوں کا ہے،یہ اکائیاں ملتی ہیں توپاکستان بنتاہے

    عوام آج بھی بدحال، بے روزگار اور ایک وقت کی روٹی کے لیے ترس رہے ہیں، اختر مینگل
    سردار اختر مینگل نے پشین جلسہ سے خطاب میں کہا کہ نہ فام 47 کی حکومت اور نہ دفعہ 144 کو مانتے ہیں، لوگ ہم پر یقین نہیں کرتے تھے جب ہم اسمبلیوں میں مسنگ پرسنز کی بات کرتے تھے، ہمارا کوئی یقین نہیں کرتا تھا جب ہم کہتے تھے کہ یہاں بلوچستان میں لوگوں کو اٹھایا جارہا ہے،آج پاکستان کے ہر صوبے، ہر کونے میں آپکو مسنگ پرسنز کی صدائیں سنائی دیں گی ،بارش کے باوجود عوام اس جلسے میں شریک ہوئے، جن سیاسی ورکرز کو یہ قدرتی حالات روک نہیں سکے، دفعہ 144روک سکے گی؟ آپ ایک مرغی چور اور موٹر سائیکل چور کو پکڑ سکتے ہیں، ملک کے عوام کا مینڈیٹ چوری کیا گیا، بلوچستان میں ایسے لوگ کامیاب کرائے گئے جن کو ان کے محلے والے نہیں پہچانتے ملک کے عوام آج بھی بدحال، بے روزگار اور ایک وقت کی روٹی کے لیے ترس رہے ہیں، آج جس تحریک کا آغاز ہوا اس کا کریڈٹ پشتونخوا میپ کو جاتا ہے، ہمارے سیاسی کارکنوں نے سخت ترین مارشل لاء کا مقابلہ کیا، ظلم و بربریت کے باوجود توقع کی جاتی ہے ہم خاموش رہیں، بلوچستان کے تاجر اپنے لیے خود روزگار پیدا کرتے ہیں اس میں رکاوٹیں کھڑی کی جاتی ہیں،

    بیرسٹر گوہر نے عمران خان کی رہائی کی تاریخ دے دی

    ٹاٹا موٹرز کی کینٹین میں سموسوں سے کنڈوم،تمباکو،پتھرنکل آئے،مقدمہ درج

    شادی کی ضد مہنگی پڑ گئی،ملزم نے خاتون کو پارک میں زندہ جلا دیا

    خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج

    بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

    سوشل میڈیا پر دوستی،پھر عریاں تصاویر،پھر زیادتی،کم عمر لڑکیاں‌بنتی ہیں زیادہ شکار

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی

    زبردستی دوستی کرنے والے ملزم کو خاتون نے شوہر کی مدد سے پکڑوا دیا

    دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج

    خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار

    فصلی بیٹروں کو سیاست میں قبول نہیں کریں گے.محمود اچکزئی
    پشتونخوا ملی عوامی پارٹی کے سربراہ محمود خان اچکزئی نے پشین میں جلسے سے خطاب کرتے ہوئے کہا کہ عمران خان پارلیمنٹ کی سب سے مضبوط جماعت کے لیڈر ہیں، عمران خان اور ان کی پارٹی کے دیگر لوگوں کے خلاف مقدمات واپس لئے جائیں،ہم نے عوام کی طاقت سے انقلاب لانا ہے،اس اتحاد کو مقصد ملک میں آئین کی بالادستی ہے،اپوزیشن کا یہ اتحاد حکومت کو گرانے کیلئے نہیں، آئین کی بالادستی کیلئے ہے،یہاں کوئی کسی کا غلام اور آقا نہیں، ہم انسان اور برابر ہیں،آئین کی بالادستی پر یقین رکھنے والے تمام پاکستانیوں کو تحریک میں شامل ہونے کی اپیل کرتے ہیں،یہاں ایسے خاندان ہیں، جو ہر دور حکومت میں اقتدار میں ہوتے ہیں،نواز شریف، فضل الرحمان، پی ٹی آئی سے منت کی تھی کہ ایور گرین لوگوں کو سیاست سے ہٹا دیں،آج بھی بلوچستان میں وہ لوگ اقتدار میں ہیں جو ہر دور میں حکومت میں ہوں گے،ہم ان فصلی بیٹروں کو سیاست میں قبول نہیں کریں گے.

    علامہ راجہ ناصر عباس نے پشین جلسہ سے خطاب میں کہا کہ پاکستان دشمنوں نے ہمیں ٹکڑوں میں بانٹنے کی کوشش کی ،ہم اسی مادر وطن کے بیٹے ہیں ہم ایک ہیں ایک دوسرے کی آنکھیں دست و بازو ہیں ہمارے دل ایک ہیں ہم اکٹھے جئیں گے اور اکٹھے مریں گے.

    پشین، تحریک انصاف کے جلسے میں "ڈیزل ڈیزل” کے نعرے لگ گئے
    تحریک انصاف کے پشین جلسے میں ڈیزل ڈیزل کے نعرے لگ گئے جس پر پی ٹی آئی رہنما شیر افضل مروت نے شرکا کو نعرے لگانے سے روکتے ہوئے کہا کہ یہ نعرےنہ لگائیں ہماری بات چل رہی ہے،شیر افضل مروت جلسہ گاہ کے سٹیج پر پہنچے تو شرکا کی جانب سے ڈیزل ڈیزل کے نعرے بازی کی گئی، شیر افضل مروت نے شرکا کو نعرےلگانے سے منع کر دیا،بعد ازاں شیر افضل مروت نے جلسہ سے خطاب میں کہا کہ اس ملک پر ایک جابرانہ حکومت قائم ہے، عمران خان گزشتہ 8 ماہ سے ناجائز مقدمات میں جیل میں بند ہے، عمران خان اور ان کی اہلیہ کی کردار کشی کی گئی، ہم لاہور میں تاریخی جلسہ کریں گے اور یہ مینڈیٹ اُن کے حلق سے چھین لیں گے،اگر خان کی آزادی چاہتے ہوتو ہمارے ساتھ نکلو۔

  • تحریک انصاف کو اسلام آباد میں جلسے کی اجازت دیں، اسلام آباد ہائیکورٹ

    تحریک انصاف کو اسلام آباد میں جلسے کی اجازت دیں، اسلام آباد ہائیکورٹ

    اسلام آباد ہائیکورٹ نے انتظامیہ کو تحریک انصاف کو اسلام آباد میں جلسہ کرنے کی اجازت دینے کی ہدایت کردی ہے

    اسلام آبا ہائیکورٹ کے چیف جسٹس عامر فاروق نے پی ٹی آئی کی درخواست پر سماعت کی،عدالت نے اسلام آباد انتظامیہ کو ہدایت کی کہ آپ نے جو شرائط عائد کرنی ہیں وہ کر دیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ کسی کا رائٹ آف اسمبلی تو نہیں چھینا جا سکتا، جلسے سب نے کیے ہیں، آپ قواعد و ضوابط اور شرائط طے کر لیں،تحریک انصاف کے وکیل شیر افضل مروت نے کہا کہ ہم اب 6 اپریل کو اسلام آباد میں جلسہ کرنا چاہتے ہیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ صرف یہ خیال رکھیں کہ کوئی ہنگامہ آرائی نہ ہو۔

    اسٹیٹ کونسل کا مؤقف تھا کہ سیکیورٹی خدشات کے باعث جلسے کی اجازت نہیں دی گئی تھی اور پہلے بھی ان کو جو اجازت دی گئی اس کی خلاف ورزی ہوئی تھی،،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ جو شرائط نارمل ہوتی ہیں وہ لگائیں اس میں کوئی حرج نہیں، کوئی غیر معمولی شرائط عائد نا ہو جو اسٹینڈرڈ ٹی او آر ہوتے ہیں اس کے مطابق اجازت دیں،وکیل شیر افضل مروت نے کہا کہ کل جو واقعہ ہوا ہے وہ تو ڈی سی کے جلسہ کی اجازت نہ دینے کی وجہ سے ہوا ہے، ہم ہر قسم کی شرائط کے لیے تیار ہیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ میرے سے پہلے والے چیف جسٹس بھی اجازت دیتے رہے ہیں میں نے بھی آرڈر کیا ہے،سرکاری وکیل نے کہا کہ گزشتہ روز دہشتگردی کا ایک افسوس ناک واقعہ بھی ہوا ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ زندگی رکتی تو نہیں ہے، چلتی ہی رہتی ہے، ہم نے اسی طرح دہشتگردی کا خاتمہ کرنا ہے،سرکاری وکیل نے عدالت سے استدعا کی کہ مجھے ہدایات لینے کا وقت دیدیں، اسلام آباد ہائیکورٹ کے چیف جسٹس عامر فاروق نے کہا کہ میں آپکی رضامندی نہیں مانگ رہا، فیصلہ میں نے کرنا ہے،

    صدر بینک آف پنجاب ظفر مسعود پاکستان بینکس ایسوسی ایشن کے چیئرمین منتخب

    ایچی سن کالج،گورنر پنجاب کا حکمنامہ،شہباز شریف کے قریبی احد چیمہ کے بیٹوں کی فیس معاف

    وزیراعظم کی بیرک گولڈ کو بلوچستان میں معدنیات کے دیگر منصوبوں میں سرمایہ کاری کی ترغیب

    وزیراعلیٰ پنجاب اپنے بچوں کو کس کام سے منع کرتی ہیں؟ خود ہی بتا دیا

    مریم نواز کا کوٹ لکھپت جیل کا دورہ، قیدی خواتین کے ساتھ روزہ افطار کیا

    عوام کا حق ان کی دہلیز پر پہنچانا ہمارا فرض ہے، کسی پر احسان نہیں،مریم نواز

    پی ٹی آئی کا جھنڈا لہرایا جائے تو پولیس دھاوا بول دیتی ہے، شیر افضل مروت
    دوسری جانب اسلام آباد ہائیکورٹ،اسلام آباد میں لیول پلیئنگ فیلڈ نہ ملنے کی پی ٹی آئی کی درخواست پر فیصلہ محفوظ کر لیا گیا،اسلام آباد ہائی کورٹ کے جسٹس میاں گل حسن اورنگزیب نے کیس کی سماعت کی،درخواست گزار ممبر قومی اسمبلی شیر افضل مروت ایڈووکیٹ عدالت میں پیش ہوئے اور کہا کہ پی ٹی آئی کا جھنڈا لہرایا جائے تو پولیس دھاوا بول دیتی ہے،ہم کارنر میٹنگ بلاتے ہیں تو پولیس پہنچ جاتی ہے،ہم نے اسلام آباد میں جلسہ کرنا ہے، آئین اور قانون کے تحت ہمیں لیول پلیئنگ فیلڈ دی جائے، عدالت نے استفسار کیا کہ ابھی اسلام آباد میں دفعہ 144 ہے؟ وکیل نے کہا کہ اس وقت دفعہ 144 نہیں مگر جس دن پی ٹی آئی کا جلسہ ہوتا ہے، اسی دن دفعہ 144 ضرور لگتی ہے، جسٹس میاں گل حسن اورنگزیب نے کہا کہ پرامن احتجاج ہر سیاسی جماعت اور شہری کا آئینی حق ہے،وکیل نے کہا کہ ہم سیاسی جماعت ہے ہمیں دیگر سیاسی جماعتوں کی طرح حقوق دیئے جائیں،
    ہم آئین اور قانون کے ساتھ کھڑے ہیں، مگر احتجاج بھی ہمارا آئینی و قانونی حق ہے، عدالت نے پی ٹی آئی کی درخواست پر فیصلہ محفوظ کرلیا

  • قدرت کی عدالت نے ن لیگ کے ساتھ ہونے والے ظلم کا ’’سوموٹو‘‘ لے لیا ،مریم نواز

    قدرت کی عدالت نے ن لیگ کے ساتھ ہونے والے ظلم کا ’’سوموٹو‘‘ لے لیا ،مریم نواز

    باغی ٹی وی کی رپورٹ کے مطابق مسلم لیگ ن کی رہنما مریم نواز نے اوکاڑہ میں جلسہ سے خطاب کرتے ہوئے کہا کہ قدرت کی عدالت نے پاکستان، نوازشریف اور ن لیگ کے ساتھ ہونے والے ظلم کا ’’سوموٹو‘‘ لے لیا ہے،

    مریم نواز کا کہنا تھا کہ جب میں لاھور سے نکلی تو سوچا اتنی سردی اور دھند ھے کون باہر نکلے گا اتنی سردی میں اوکاڑہ کا اتنا کامیاب جلسہ بتا رہا ہے کہ 8 فروری کو اوکاڑہ میں شیر دھاڑے گا ،میاں نواز شریف نے مجھے اوکاڑہ سے انتخابی مہم کا آغاز کرنے کی ہدایت کی،آج اللہ کے فضل سے نواز شریف کے مخالف عبرت ناک انجام کو پہنچ رہے ہیں، یہ انتقام نواز شریف نہیں لے رہا، یہ انتقام مسلم لیگ ن نہیں لے رہی، یہ انتقام ان سے قدرت کا نظام لے رہا ہے، ایک سوموٹو سنا ہے جب عدالت خود بخود نوٹس لیتی ہے، قدرت کی عدالت نے نوا ز شریف کے ساتھ ہونے والے ظلم کا سوموٹو لے لیا ہے، کس طرح یہ بزدل جوتیاں چھوڑ کر بھاگے ہیں، استعفوں پر استعفے آ رہے ہیں. فرعون بنے ہوئے لوگ منہ چھپا رہے ہیں – ٹانگ پر پلستر اور منہ پر کالا ڈبہ لگا کر چھپنے والے وہیل چیئر پر نکلتے ہیں چوری کی ہے تو منہ چھپا رہے ،اوکاڑہ کے لوگوں نے مجھے زندگی بھر کیلئے خرید لیا ہے،انسان نوازشریف کی طرح سچا ہوتا ہے تو ڈٹ کر کھڑا ہو جاتا ہے، شیروں نے خراب سیاسی موسم میں بھی مسلم لیگ نواز کا ساتھ نہیں چھوڑا،

    مریم نواز کا مزید کہنا تھا کہ کل سے شور مچا رہے ہیں ہم سے انتخابی نشان لے لیا گیا،کون سا نشان؟ تمہارا انتخابی نشان ’’بلا‘‘ نہیں،انتخابی نشان ’’ڈنڈا‘‘ تھا جو ہاتھ میں پکڑا ہوا تھا،جس سےریاست پاکستان کو چلایا، وہ ڈنڈا تمہارے ہاتھ سے چھین لیا گیا ہے، تم نے اُس ڈنڈے سے شہدا کی یادگاروں کو توڑا، فوجی تنصیبات پر حملے کئے،تمہارا انتخابی نشان وہ چوری کی گھڑی یا پٹرول بم ہونا چاہئے تھا،، مریم نواز نے پی ٹی آئی کو دہشت گرد جماعت قرار دے دیا، کہا سیاسی جماعت کو الیکشن کا نشان مل سکتا ، دہشت گردوں کو انتخابی نشان نہیں مل سکتا ،مسلم لیگ ن اور اوکاڑہ کا رشتہ ہمیشہ تھا اور رہے گا،اب ساس سے فون کرا کے فیصلے لینے کی سہولت میسر نہیں ہے،نواز شریف کے امپائر عوام ہیں جو میرے سامنے جلسے میں موجود ہیں عمران کہتا تھا نواز شریف ایمپائر کو ملا کر کھیلتا تھا جبکہ یہ خود ایمپائروں کو ملا کر کھیلتا رہا اب یہ فارغ ہے،بانی پی ٹی آئی کو سہولت کاری کی عادت تھی، اب وہ سہولتکار نہیں رہے،نواز شریف عزت سے گھر گیا تھا، لیکن یہ ذلت سے گئے ہیں،خواتین اور نوجوان کےلئے پیغام ہے، ن لیگ کی آنے والی حکومت کی پوری توجہ مہنگائی، بجلی، گیس کی لوڈشیڈنگ ختم کرنے پر ہوگی، نوجوانوں کا مستقبل محفوظ بنانے کےلئے میری ساری توجہ ہو گی ،نواز شریف پر ظلم کرنے والا ایک ایک کردار اپنے انجام کو پہنچ رہا ہے ،استعفے پر استعفے آرہے ہیں ،دوسروں کا احتساب کرتے ہوئے فرعون بنے بیٹھے تھے۔ بے گناہوں کا احتساب کرتے ہوئے طاقت کے بل بوتے پر فرعون بنے بیٹھے تھے،نواز شریف کو 10 ہزار درہم تنخواہ نہ دینے پر جب نکالا تھا، نواز شریف عزت سے گھر گیا تھا ۔آپ کی طاقت سے گھر گیا تھا ،یہ سمجھتے تھے کہ انٹرپارٹی الیکشن میں ہیرا پھیری جعلسازی کرکے پتلی گلی سے نکل جائینگے لیکن اس بار ایسا نہ ہوا۔ اسکو بندیال کی عدالتوں کی عادت تھی اسکو عدالتوں سے گڈ ٹو سی یو سننے کی عادت تھی اسکو سہولتکاری کی عادت تھی ہن او سہولتکاریاں نئیں رہیاں،

    قبل ازیں مریم نواز جلسہ گاہ پہنچیں تو انکا شاندار استقبال کیا گیا، جلسہ میں ن لیگی کارکنان بڑی تعداد میں موجو د تھے، مریم نواز کا پتوکی میں بھی شاندار استقبال کیا گیا.

    مریم نواز کا پہلا انتخابی جلسہ، خطاب میں صرف عمران خان پر تنقید، عوام کو کوئی امید نہ دی
    مریم نواز نے ن لیگ کی انتخابی مہم کا پہلا جلسہ اوکاڑہ میں کیا، مریم نواز کے خطاب کا محور عمران خان پر تنقید رہا، مریم نواز اپنے خطاب میں پارٹی منشور،ن لیگی حکومتی کی کارکردگی کا ذکر نہ کیا، مریم نواز نے سپریم کورٹ کے ججوں کو بھی تنقید کا نشانہ بنایا، مریم نواز کے جلسے میں لیگی کارکنان بڑی تعداد میں موجود تھے، مریم نواز نے جلسے میں عمران خان کے سہولت کاروں، انتخابی نشان کی واپسی، گھڑی چوری کا بھی ذکر کیا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

  • پشاور ہائیکورٹ نے تحریک انصاف کو جلسے کی اجازت دے دی

    پشاور ہائیکورٹ نے تحریک انصاف کو جلسے کی اجازت دے دی

    پشاور ہائیکورٹ میں پی ٹی آئی کو جلسوں کی اجازت کے لئے دائر درخواست پر سماعت ہوئی

    دوران سماعت جسٹس اعجاز انور نے ریمارکس دیتے ہوئے کہا کہ دوسری سیاسی پارٹیاں تو کنونشن،جلسے کررہی ہے روزانہ اخباروں میں خبریں بھی آتی ہے، سڑکوں پر جلسہ کرنے کی اجازت تو ہم کسی کو نہیں دے سکتے، کسی گراونڈ میں جلسہ کرسکتے ہیں، ایڈووکیٹ جنرل خیبر پختون خوا نے عدالت میں کہا کہ عاطف خان اشتہاری ہے، کیسے اشتہاری کے حجرے میں کنونشن کی اجازت دیں؟ جسٹس اعجاز انور نے ریمارکس دیتے ہوئے کہا کہ یہ کوئی نئی بات نہیں، کچھ اشتہاریوں کو تو پروٹوکول میں لایا جاتا ہے،

    عدالت نے تحریک انصاف کو جلسے کی اجازت دیتے ہوئے کہا کہ ڈپٹی کمشنر جلسے ، کنونشن کی اجازت نہ دیں تو پھر عدالت میں رجوع کریں،پشاور ہائیکورٹ نے تحریک انصاف کے جلسے کی درخواست کو نمٹا دیا

    واضح رہے کہ اڈیالہ جیل میں قید تحریک انصاف کے چیئرمین عمران خان نے خیبر پختونخوا میں جلسوں کا کہا تھا، حکومت کی جانب سے جلسوں کی اجازت نہ ملنے پر تحریک انصاف نے پشاور ہائیکورٹ میں درخواست دائر کی تھی

    فیفا کے وارے نیارے ہوگئے؛ اسپانسر شپ سے ایک بلین ڈالر اضافی کمالیے
    پروین رحمان قتل کیس؛ ملزمان کو دی گئی سزا کالعدم قرار
    انتظار ختم! تاریخ کا مہنگا ترین عالمی فٹبال میلہ قطر میں سج گیا:میزبان ملک قطرپہلے میچ میں ہی ہارگیا

  • پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج

    پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج

    پینا فلیکس سے نواز شریف کی تصویر پھاڑنے پر مقدمہ درج کر لیا گیا

    مقدمہ پنجاب کے شہر کوٹ ادو میں درج کیا گیا،مدعی ن لیگی کارکن رفیق احمد خان نے مقدمہ درج کروایا،درج مقدمے میں کہا گیا کہ میں ن لیگ کا ورکر ہوں،نواز شریف پاکستان آ رہے ہیں، کالی پل نزد فائر بریگیڈ آفس پینا فلیکس لگوایا جس پر نواز شریف کی تصویر لگی ہوئی تھی، کچھ نامعلوم افراد نے پینا فلیکس سے نواز شریف کی تصویر پھاڑ دی،اور رنگ کالاکر دیا،مجھے اس حرکت پر شدید صدمہ پہنچا،عوام میں سخت غم و غصہ پایا جاتا ہے، نقص امن کا بھی خدشہ ہے، مقدمہ درج کیا جائے

    پولیس حکام نے واقعہ کا مقدمہ درج کر لیا،پولیس کا کہنا ہے کہ جلد ملزمان کو گرفتار کر لیا جائے گا، واضح رہے کہ نواز شریف پاکستان پہنچ چکے ہیں، نواز شریف کے استقبال کے لئے پاکستان کے کئی شہرون میں پینا فلیکس،بینرز لگائے گئے ہیں،کئی شہروں میں نواز شریف کے پوسٹر پھاڑے گئے تو کہیں تصویروں پر سیاہی پھینکی گئی، بعد میں ان پوسٹر کو سوشل میڈیا پر بھی وائرل کیا گیا،

    سابق وزیراعظم نواز شریف اور شہباز شریف کا ٹیلی فونک رابطہ ہو اہے

    نواز شریف کا استقبال،خصوصی ٹرین کراچی سے روانہ

    واضح رہے کہ اسلام آباد ہائیکورٹ نے نواز شریف کو 21 اکتوبر کو پاکستان واپسی پر ائیرپورٹ پر گرفتار کرنے سے 24 اکتوبر تک روک دیا ، چیف جسٹس عامر فاروق اور جسٹس میاں گل حسن اورنگزیب نے احکامات جاری کئے، عدالت نے نواز شریف کو 24 اکتوبر کو ہائی کورٹ کے سامنے پیش ہونے کا حکم دے دیا.

     پنڈال میں جلسے کے شرکا کی آمد کا سلسلہ شروع 

    نواز شریف کی آمد،طیارے پھینکیں گے پھول

    نواز شریف کو وطن واپسی پر گرفتار نہیں کیا جائے گا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

    نواز شریف کا استقبال،11 ہزا ر گاڑیاں آنے کا امکان