جماعت اسلامی پنجاب کے سابق امیر میاں مقصود احمد انتقال کر گئے۔
مرحوم دل کے عارضے میں مبتلا تھے ان کی نماز جنازہ آج بعد از نماز عصر منصورہ میں ادا کی جائے گی ،میاں مقصود احمد جماعت اسلامی پنجاب کی صدارت سنبھالنے سے پہلے کافی عرصہ لاہور کے امیر رہے۔
امیر جماعت اسلامی حافظ نعیم الرحمان نے میاں مقصود کے انتقال پر افسوس کا اظہار کرتے ہوئے کہا کہ میاں مقصود جماعت اسلامی کا سرمایہ افتخار تھے، ان کی وفات تحریک اسلامی کیلئے بہت بڑا نقصان ہے،اللہ تعالیٰ ان کی مغفرت فرمائے اور غریق رحمت کرے، اللّٰہ ان کے لواحقین کو صبر جمیل عطا فرمائے۔