Tag: جماعت اسلامی کراچی

نیپرا میں کے الیکٹرک صارفین کے لئے ستمبر کی ماہانہ فیول ایڈجسٹمنٹ کی مد میں 16پیسے کمی کی درخواست پرنیپرا کے ہیڈکوارٹر اسلام آباد میں منعقدہ آن لائن سماعت میں جماعت اسلامی کے عمران شاہد نے کراچی کے شہریوں کی نمائندگی کرتے ہوئے کہا کہ کے الیکٹرک 19 سال سے مہنگی ترین بجلی بنا کر کراچی کے شہریوں کو دے رہا ہے۔

این ٹی ڈی سی سے لی جانے والی بجلی کی قیمت 8 روپے 57 پیسے فی یونٹ تھی،کے الیکٹرک اپنے ذرائع سے 23 روپے فی یونٹ بجلی پیدا کی۔ملک بھر میں ستمبر کی فیول ایڈجسٹمنٹ میں 71پیسے فی یونٹ کمی جبکہ کراچی کے لئے کے الیکٹرک کے فیول ایڈجسمنٹ میں صرف 11 پیسے کمی ہوگی۔ نیپرا کی سماعت ایک فکسڈ میچ ہے، کے الیکٹرک کو 7 سالہ ڈالر کی بنیاد پر من مانا ٹیرف دے کر نوازا گیا،نیپرا نے کراچی کے صارفین پر بجلی بم گرادیا،جبکہ کے الیکٹرک اب کراچی کے شہریوں سے ڈالر کی بنیاد پر آپریشن اور مینٹی نینس چارجز بھی وصول کرے گا ۔جماعت اسلامی کے الیکٹرک کو دیا گیا7 سالہ ڈالر کی بنیاد پر جنریشن ٹیرف مسترد کرتی ہے ۔ کے الیکٹرک کا جنریشن لائسنس کینسل کرکے کراچی کو این ٹی ڈی سی سے سستی بجلی فراہم کی جائے۔عمران شاہدنے مزید کہا کہ نیپرا نے کے الیکٹرک کے 40 سال پرانے پاوور پلانٹس بند کرنے کے بجائے اسے بجلی پیداکرنے کی اجازت دے کر فیول ایڈجسٹمنٹ کا سارا بوجھ کراچی کے صارفین پر منتقل کرنے کی اجازت دے دی ہے جبکہ کے الیکٹرک بجلی بنائے یا نہ بنائے وہ کراچی کے شہریوں سے بجلی کے بلوں میں کیپے سٹی چارجز وصول کرے گا ، ایک طرف ملک بھر میں پرانے آئی پی پیز بند اوردیگر کے معاہدوں سے Take Or Pay کی شق کو ختم کرکے Take and Pay کیا جارہا ہے یعنی جتنی بجلی بنائے صرف اس کی ادائیگی کی جائے گی جبکہ ڈالر کی بنیاد پر ٹیرف کو بھی فکسڈ یا پاکستانی کرنسی سے تبدیل کیا جارہا ہے جبکہ کے ا لیکٹرک کو نیپرا نے کے الیکٹرک کو 7 سال کے لئے ڈالر کی بنیاد پر Take or Pay کیپی سٹی چارجز اور 14 فیصد ڈالر میں منافع وصول کرنے کی اجازت دے کر منہ مانگا ٹیرف منظور کرکے کراچی کے شہریوں پر ظلم کیا ہے۔انہوں نے کہا کہ کراچی کے شہری وقت پر بجلی کا بل ادا کرنے کے باوجود روزانہ12 گھنٹے سے زائد بجلی کی لوڈشیڈنگ سے پریشان ہیں۔ نیپرا کے الیکٹرک کے خلاف کارروائی کرنے کے بجائے ربڑ اسٹیمپ بن چکا ہے جس کا کام صرف کے الیکٹرک کے من مانے ٹیرف اور فیول ایڈجسٹمنٹ کی مد میں بجلی کی قیمتوں میں اضافہ کرنا ہے۔کے الیکٹرک کراچی کے صارفین کو ٹیرف معاہدے کے مطابق کلابیک کی مد میں 54 ارب روپے سے زائد رقم واپس نہیں کررہا جس پر نیپرا نے آنکھیں بند کی ہوئی ہیں۔ کے الیکٹرک سوئی سدرن گیس سے بغیر کسی معاہدے کے گیس حاصل کررہا ہے اور سوئی سدرن گیس کی 200 ارب روپے سے زائد واجب الاد رقم بھی واپس نہیں کرتا۔

علی خورشیدی کا کراچی میں پانی کی قلت پر اظہار تشویش

کراچی میں جمعے اور ہفتے کو دھند چھانے کا امکان

امیرجماعت اسلامی کراچی منعم ظفر خان نے گزشتہ شب مسلح ڈکیتی کی واردات میں ڈاکوؤں کی فائرنگ کا نشانہ بننے والے فرحان خان کی نماز جنازہ میں شرکت کی۔

باغی ٹی وی کی رپورٹ کے مطابق فرحان گلشن معمار سے سرجانی جاتے ہوئے مسلح ڈاکوؤں کا شکار ہوا۔ نماز جنازہ مسجد قاسم سرجانی ٹاؤن سیکٹر 7Dمیں ادا کی گئی، منعم ظفر خان نے مقتول فرحان کے بھائی فیصل خان اور دیگر اہل خانہ سے ملاقات و تعزیت کی، ان کے ہمراہ سٹی کونسل کے رکن قاضی صدر الدین، سیکریٹری ضلع شمالی شکیل احمد اور آصف محفوظ بھی موجود تھے۔واقع پر گہرے دکھ اور افسوس کا اظہار، مرحوم کی مغفرت اور اہل خانہ کے لیے صبر ِ جمیل کی دعا کی۔اس موقع پر گفتگو کرتے ہوئے انہوں نے ڈاکوؤں کے ہاتھوں قتل اور لوٹ مار، مسلح ڈاکوؤں کی بڑھتی ہوئی وارداتوں کی روک تھام میں سندھ حکومت، محکمہ پولیس اور قانون نافذ کرنے والے اداروں کی ناکامی کی شدید مذمت کی اور کہا کہ کراچی پولیس چیف کراچی میں جرائم میں 50فیصد کمی کا دعویٰ کر رہے ہیں لیکن صورتحال اس کے برعکس ہے۔محکمہ پولیس کی کارکردگی کا یہ حال ہے کہ رواں برس 44ہزار سے زائد ڈکیتی و لوٹ مار کی وارداتیں ہوئیں اور مزاحمت پر100 سے زائدشہری اپنی جان گنوابیٹھے،شہر میں ایک بار پھر سے اسٹریٹ کرائمز، مسلح ڈکیتی کی وارداتوں میں غیر معمولی اضافہ ہوگیا ہے، شہریوں کی جان و مال محفوظ نہیں، محکمہ داخلہ اور متعلقہ ادارے اپنی ذمہ داری پوری نہیں کر رہے اور عوام کو ڈاکوؤں کے رحم و کرم پر چھوڑ دیا گیا ہے۔

کے الیکٹرک نے جنریشن ٹیرف پر فیصلہ اہم سنگ میل قرار دیدیا

شرجیل میمن کے نجی گاڑیوں پر سرکاری نمبر پلیٹس لگانے کے خلاف کریک ڈاؤن احکامات

محکمہ تعلیم پنجاب کا اسکولوں کے اوقات کار میں تبدیلی کا نوٹیفیکیشن

امیر جماعت اسلامی کراچی منعم ظفر خان نے جماعت اسلامی کے رکن سندھ اسمبلی محمد فاروق اور ٹاؤن چیئرمین لیاقت آباد فراز حسیب کے ہمراہ ٹاؤن کے تحت اہلیان لیاقت آباد کے لیے محمدی اسپورٹس کمپلیکس کا افتتاح کیا اور محمدی گراؤنڈ میں پودا لگا کر شجر کاری مہم کا بھی آغاز کیا۔

باغی ٹی وی کی رپورٹ کے مطابق محمدی اسپورٹس کمپلیکس میں افتتاحی تقریب کے شرکاء سے امیر جماعت اسلامی کراچی منعم ظفر خان ،جماعت اسلامی کے رکن سندھ اسمبلی محمد فاروق،ٹاؤن چیئرمین لیاقت آباد فراز حسیب ،وائس چیئرمین اسحاق تیموری،ناظم علاقہ لیاقت آباد مسعود علی،چیئرمین یوسی 2 عبید احمد خان ودیگر نے بھی خطاب کیا ۔منعم ظفر خان نے کہاکہ کراچی میں جس دن سے ٹاؤن چیئرمینز کو محدود اختیارات ملے اس کے بعد سے جماعت اسلامی کے تمام ٹاؤن کے چییرمینز نے اپنے اپنے ٹاؤنز میں عوامی ریلیف کے لیے کام شروع کردیے، مختصر وقت میں لیاقت آباد ٹاؤن کے چیئرمین نے 11 ماہ میں 11 پارکس اور 2 اسپورٹس کمپلیکس کا افتتاح کیا۔حافظ نعیم الرحمن نے کہا تھا کہ ہم اختیارات کا رونا نہیں روئیں گے بلکہ اختیارات سے بڑھ کر کام کریں گے، آج حافظ نعیم الرحمن کی پوری ٹیم شہر کو روشنیوں کا شہر بنانے کا کام کررہی ہے، جماعت اسلامی کے ٹاؤن چیئرمینز اہلیان کراچی کو پارکوں، اسپورٹس کمپلیکس اور اربن فاریسٹ کے تحائف دے رہے ہیں۔آج سے 20سال قبل نعمت اللہ خان نے محمدی گراؤنڈ آباد کیا تھا ،ہم عزم کرتے ہیں کہ 2025میں محمدی گراؤنڈ کو ازسر نو آباد کریں گے۔ لیاقت آباد ٹاؤن کراچی کا دل ہے، پورے پاکستان میں تحریکوں کا مرکز لیاقت آباد ہوتا تھا۔ ہمیشہ سے لیاقت آباد کے لوگوں نے تحریک میں ہر اول دستے کا کردار ادا کیا ہے۔ گزشتہ 20 سال میں اہلیان لیاقت آباد کی شناخت تبدیل کردی گئی، نوجوانوں کو منشیات میں لگایا گیا اور ان کے ہاتھوں سے کتاب اور قلم چھین لیے گئے۔
جماعت اسلامی کراچی کے ساڑھے تین کروڑ عوام کی جماعت ہے،ہم عوام کو تنہا نہیں چھوڑیں گے۔ پیپلز پارٹی کراچی کو سندھ کا حصہ ہی نہیں سمجھتی اور نہ ہی کراچی کو اس کا حق دیتی ہے، بلدیاتی انتخابات میں بھی کراچی میں جماعت اسلامی کی نشستوں پر قبضہ کرکے میئرشپ کو چھینا گیا اور آج تک ترقیاتی فنڈز نہیں دیے، ہم انہی وسائل اور اختیارات میں شہریوں کی خدمت کررہے ہیں اور شہریوں کے حقوق بھی حاصل کریں گے۔
پیپلز پارٹی نے شہر کے اداروں پر قبضہ کیا ہوا ہے، سندھ سالڈ ویسٹ مینجمنٹ بناکر ادارے پرقبضہ تو کرلیا لیکن کام نہیں کرتے، ہم اختیارات کا رونا نہیں روئیں گے بلکہ مزید اختیارات بھی چھین کر لیں گے۔ واٹر اینڈ سیوریج کارپوریشن اور سڑکیں بنانے کے اختیارات بھی پیپلز پارٹی کے پاس ہیں، سڑکوں کی مرمت اور استرکاری کے نام پر اربوں روپے کی کرپشن کی جارہی ہے ،کراچی کے حق پر ڈاکا ڈالنے نہیں دیں گے۔کے الیکٹرک کو کراچی کے شہریوں پرمسلّط کرنے والے پیپلز پارٹی اور ایم کیو ایم ہیں،انہوں نے مل کر دو دفعہ کے الیکٹرک کی نج کاری کی اور آج بھی کے الیکٹرک کو انہی پارٹیوں کی سرپرستی حاصل ہے۔ جماعت اسلامی اہلیان لیاقت آبادکو تنہا نہیں چھوڑے گی، ہم تعلیم کے میدان بھی لیاقت آباد کو آگے بڑھائیں گے، لیاقت آباد میں موجود سرکاری سکولوں کو بھی پھر سے آباد کریں گے۔
اہلیان لیاقت آباد اپنے حق کے لیے نکلیں اور جماعت اسلامی کا ساتھ دیں، جماعت اسلامی نے نہ ماضی میں مایوس کیا، نہ ہی آئندہ مایوس کریں گے۔محمد فاروق نے کہاکہ ٹاؤن ویوسی چیئرمینز مبارکباد کے مستحق ہیں جنہوں نے کچرے کے ڈھیر کو پارکوں اور اسپورٹس کمپلیکس میں تبدیل کیا۔جنوری 2023 میں بلدیاتی انتخابات میں شہر نے جماعت اسلامی کے انتخابی نشان ترازو پر اعتماد کیا اور شہر میں جماعت اسلامی سب سے بڑی جماعت کی صورت میں سامنے آئی، اس کے بعد پھر سے سازشیں کی گئیں 194 نشستوں والوں کو ہروادیا گیا اور 172 نشستیں والوں کو جتوادیا گیا۔
شہر میں جماعت اسلامی کے 9 ٹاؤن چیئرمینز ہیں شروع سے ہی سازشیں کی گئیں اور فنڈز نہیں دیے گئے ہیں۔سازشین کرنے والے سمجھ رہے تھے کہ جماعت اسلامی بھی ماضی کے لوگوں کی طرح آ خر میں فائلیں پھینک کر چلی جائے گی لیکن جماعت اسلامی کے ٹاؤن چییرمینز نے ان کی تمام تر سازشوں جو ناکام بنادیا ہے۔ سندھ حکومت نے کراچی کے تمام اداروں پر قبضہ کرلیا ہے، پیپلز پارٹی کی خمیر میں کراچی دشمنی ہے وہ کراچی کو کچھ دینا نہیں چاہتی، پیپلز پارٹی کو لاڑکانہ اور سکھر سے ووٹ ملتا ہے، پیپلز پارٹی بتائے کہ انہوں نے گزشتہ 50سال میں لاڑکانہ اور سکھر کے عوام کے لیے کتنے پارکس اور اسپورٹس کمپلیکس بنائے ہیں۔
جماعت اسلامی کراچی کے شہریوں کی نمائندہ جماعت ہے، ہم محدود اختیارات میں بھی اختیارات سے بڑھ کر کام کریں گے۔ ہم شہر کراچی کو ایک بار پھر سے روشنیوں کا شہر بنائیں گے۔فراز حسیب نے کہاکہ ہم نے 11ماہ میں لیاقت آباد میں 11 ماڈل پارکس بنائے ہیں اور نوجوانوں کے لیے 2 اسپورٹس کمپلیکس بنائے ہیں۔ ہم اہلیان لیاقت آباد کے لیے مزید بھی ریلیف کے کام کریں گے۔
ہمیں محدود وسائل اور اختیارات دیے گئے ہیں جس میں اپنی ٹیم کے ساتھ عوامی ریلیف کے کام کررہے ہیں۔ اختیارات اور وسائل وہی ہیں جو ماضی میں ٹاؤن چئیرمینز کو دیے گئے تھے۔ماضی میں ایسی پارٹیاں جو وفاقی و صوبائی حکومتوں کا حصہ تھیں اور کراچی میں بھی ان کی حکومت تھی لیکن انہوں نے لیاقت آباد اور کراچی کے لیے کچھ نہیں کیا۔ آج سے 20 سال قبل جماعت اسلامی کے سٹی ناظم نعمت اللہ خان نے محمدی گراؤنڈ کی تعمیر کی تھی جسے سازش کے تحت تباہ و برباد کیا گیا۔
لیاقت آباد کے نوجوان مایوسی کا شکار تھے، ہم نے نوجوانوں کے لیے کھیلوں کی سرگرمیوں کے لیے 2 اسپورٹس کمپلیکس بنائے ہیں اور مزید بھی کام کریں گے۔ ہم تمام شعبہ جات میں کام کریں گے اور لیاقت آباد کو آگے بڑھائیں گے۔ اہلیان لیاقت آباد جماعت اسلامی کا ساتھ دیں۔

پی سی بی ریجنل انٹر کلب کرکٹ ٹورنامنٹ(کراچی ریجن )آج سے شروع ہوگا

پی سی بی ریجنل انٹر کلب کرکٹ ٹورنامنٹ(کراچی ریجن )آج سے شروع ہوگا

پیپلز پارٹی سندھ نے جماعت اسلامی کے الاقصیٰ غزہ ملین مارچ میں بھرپور شرکت کا اعلان کردیا۔

باغی ٹی وی کی رپورٹ کے مطابق یہ اعلان پیپلز پارٹی سندھ کے صدر نثار احمد کھوڑو نے چیئرمین پیپلز پارٹی بلاول بھٹو زرداری کی ہدایت کی روشنی میں کیا ہے۔پیپلز پارٹی سندھ کے صدر نثار احمد نے جاری ایک بیان میں کہا کہ پیپلز پارٹی غزہ، فلسطین اور لبنان کے ساتھ یکجہتی کے لئے جماعت اسلامی کے غزہ ملین مارچ کی حمایت کرتی ہے اس ضمن میں پیپلز پارٹی کے رہنما و کارکنان غزہ پر اسرائیلی جارحیت کے خلاف جماعت اسلامی کے شاہراہ فیصل کراچی میں 6 اکتوبر اور اسلام آباد میں 7اکتوبر کو ہونے والے الاقصیٰ غزہ ملین مارچ میں شرکت کرینگے۔نثار کھوڑو نے کہا کے غزہ پر اسرائیلی جارحیت کی بھرپور مذمت کرتے ہیں ۔اقوام متحدہ غزہ، لبنان اورفل فلسطین میں اسرائیلی جارحیت کو روکنے کے لئے اپنا کردار ادا کرے۔ نثار کھوڑو نے تمام سیاسی جماعتوں کو اپیل کرتے ہوئے کہا ہے کہ سیاسی اختلافات کو ایک سائیڈ پر رکھ کر تمام سیاسی جماعتیں متحد ہوکر اسرائیلی جارحیت کے خلاف ایک مضبوط موقف اختیار کریں۔

مفتی منیب نے جماعت اسلامی کے الاقصیٰ ملین مارچ کی حمایت کردی

کراچی میں 6 اکتوبر کو ہونے والے الاقصیٰ ملین مارچ کے سلسلے میں امیر جماعت اسلامی کراچی منعم ظفر نے دارالعلوم نعیمیہ میں مفتی منیب الرحمٰن سے ملاقات کی ہے۔

باغی ٹی وی کی رپورٹ کے مطابق منعم ظفر نے مفتی منیب سے ملاقات کے بعد میڈیا سے گفتگو کرتے ہوئے کہا کہ ملین مارچ کی دعوت دینے آئے ہیں، جماعت اسلامی 6 اکتوبر کو شارع فیصل پر ملین مارچ کرے گی۔منعم ظفر نے کہا کہ اسرائیل امریکا کی پشت پناہی سے درندہ بن چکا ہے، اسرائیل غرور میں مبتلا ہے، یہ خونی کھیل ایک سال سے جاری ہے، ایسے حالات میں کراچی کے لوگ غزہ کے لوگوں کے ساتھ ہیں۔منعم ظفر نے کہا کہ ہم کچھ نہیں کرسکتے آواز تو بلند کرسکتے ہیں۔اس موقع پر مفتی منیب نے کہا کہ سوئے ہوئے ضمیر کو تو جگایا جا سکتا ہے، مردہ ضمیر کو کیسے جگایا جائے گا، ہم ایک فرعونیت، نمرودیت، منافقت کے دور سے گزر رہے ہیں۔مفتی منیب نے یہ بھی کہا کہ مسلمانوں پر دہشت گردی کے فتوے لگائے جا رہے ہیں، اس احتجاجی ملین مارچ کی پٴْرزور تائید کرتا ہوں۔

عثمان قادر کا پاکستان کرکٹ سے ریٹائرمنٹ کا اعلان

امیر جماعت اسلامی کراچی منعم ظفر خان نے ٹائون چیئرمین لیاقت آباد فراز حسیب ،وائس چیئرمین اسحاق تیموری،کے ہمراہ یونین کمیٹی نمبر07 سی ایریا میں ٹیپو سلطان پارک اور سید شہاب الدین ماڈل اسٹریٹ کا افتتاح کیا۔

باغی ٹی وی کی رپورٹ کے مطابق سید شہاب الدین نعمت اللہ خان کے دور میں نائب ناظم لیاقت آباد ٹائون تھے جبکہ موجودہ یوسی چیئر مین تھے جن کا چند ماہ قبل انتقال ہو گیا ۔پارک کی بحالی وماڈل اسٹریٹ کی تعمیر ٹائون چیئر مین اور ان کی ٹیم کی کوششوں کے باعث ممکن ہوئی۔علاقہ مکینوں نے جماعت اسلامی کے منتخب بلدیاتی نمائندوں کی کوششوںو عوامی خدمت کو سراہا اور تشکر کا اظہار کیا ۔ علاوہ ازیں منعم ظفر خان نے ’’ہفتہ یکجہتی فلسطین و لبنان ‘‘ اورجماعت اسلامی کی ’’ممبر شپ مہم‘‘ کے سلسلے میں الکرم اسکوائر لیاقت آباد پر قائم کیمپ کا بھی دورہ کیا اور عوام کو ممبر بنایا،منعم ظفر نے کیمپ پر موجود کارکنوں اور علاقہ مکینوں سے خطاب کرتے ہوئے کہا کہ اسرائیل کی جارحیت و دہشت گردی کو روکنے کے لیے پوری امت کو متحد بالخصوص ہمارے حکمرانوں کو بزدلی ترک کرکے اسرائیل کے خلاف مشترکہ طور پر راست اقدام کرنا پڑے گا ۔

چھوٹے کاروبار کی معاونت کے لئے گورنرہاوس سندھ میں خصوصی سیل قائم

عوام کے اندر اسرائیل کے حوالے سے کوی ابہام نہیں ، عوام اسرائیل کے خلاف ہیں ، حکمرانوں پر عوامی دبائو بڑھانے کی ضرورت ہے ۔ جماعت اسلامی کے تحت اتوار 6اکتوبر کو 3بجے دن شاہراہ فیصل پر عظیم الشان اور تاریخی ’’الاقصیٰ ملین مارچ ‘‘ منعقد ہوگا ، اہل کراچی اپنی فیملی کے ہمراہ جوق در جوق شریک ہوں اور پوری دنیا کو اسرائیل کے خلاف متحد ہونے کا پیغام دیں ۔
پارک و ماڈل اسٹریٹ کے افتتاح کے موقع پر منعم ظفر خان نے میڈیا کے نمائندوں سے گفتگو کرتے ہوئے کہا کہ بلدیاتی انتخابات میں لیاقت آباد کے لوگوں نے جماعت اسلامی پر اعتماد کا اظہار کیا ،ہم لیاقت آباد ٹائون کے عوام کے اعتماد پر پورا اتریں گے ۔ 10 مہینے میں ہمارے نوجوان ٹاؤن چیئرمین فراز حسیب اور ان کی ٹیم نے لیاقت آباد ٹاون میں مثالی ترقیاتی کام کرکے ثابت کر دیا ہے کہ ہم نے دعوے نہیں بلکہ عوام کے اعتماد و تعاون سے کام کر کے دکھایا۔
لیاقت وہ علاقہ ہے جوپورے شہر کو لیڈ کرتا تھا اور لیاقت آباد سے ہی قومی و سیاسی تحریکیں آ گے بڑھتی تھیں لیکن اسے اندھیروں میں دھکیل دیا گیا ۔ اختیارات اور فنڈز کی کمی کے باوجود جماعت اسلامی کے منتخب بلدیاتی نمائندوں کی کوششوں سے لیاقت آباد ایک بار پھر روشن ہو رہا ہے۔ہم نے 10 مہینے میں اختیارات کا رونا نہیں رویا9ٹائون اور 87یوسیز میں اختیارات سے بڑھ کر عوامی خدمت کا فریضہ ہم نے سرانجام دیا ہے، عوام کی خدمت ہمارا ورثہ ہے ، ہمارے بزرگوں نعمت اللہ خان اور عبدالستار افغانی نے عوامی خدمت اور تعمیر و ترقی کی مثالیں قائم کی ۔
انہوں نے کہا کہ ہم عوام کے ساتھ مل کر ظالم کو حکمرانوں سے عوام کاحق چھین کر لیں گے۔ جماعت اسلامی عوامی جدوجہداور مزاحمت کے ذریعے حکمرانوں کو گھٹنے ٹیکنے پر مجبور کر دے گی ۔ کراچی کے وسائل پر کسی کو بھی قبضہ نہیں کرنے دیں گے ،ٹائون چیئرمین لیاقت آباد فراز حسیب نے گفتگو کرتے ہوئے کہا کہ لیاقت آباد کے عوام نے ہم پر اعتماد کیا آج صرف 10 مہینے میں لیاقت آباد آگے بڑھتا ہوا نظر آرہا ہے ہم نے ترقیاتی کام کیے ،پارکس بنائے ،اسپورٹس کمپلیکس تعمیر کئے ۔
ترقی کا جو سفر شروع کیا گیا ہے وہ جاری رہے گا ۔ آنے والا وقت بھی عوام کی خدمت اور تعمیر و ترقی کا وقت ہے۔ اس موقع پر فراز حسیب نے لیاقت آباد ٹائون کے سابقہ نائب ناظم سید شہاب الدین کے ایصال ثواب کے لئے دعائے مغفرت کی اور ان کی خدمات کو سراہا، فراز حسیب نے یو سی پینل کے افراد اور اہل محلہ اور ان سب کا شکریہ ادا کیا کہ جنہوں نے ٹائون انتظامیہ کے ساتھ ٹیپو سلطان پارک اور سیدشہاب الدین ماڈل اسٹریٹ بنانے میں تعاون کیا۔
اس موقع پر لیاقت آباد ٹائون کے کو آرڈی نیٹر صغیر احمد انصاری، مختلف یوسی چیئرمین منتخب بلدیاتی نمائندے، ڈائریکٹر پارکس ریحان ہمدانی، ڈپٹی ڈائریکٹر اینٹی انکروچمنٹ ناصر، ڈائریکٹر انفارمیشن فہیم مصطفی اور دیگر بلدیاتی افسران بھی موجود تھے، جبکہ ممبر شپ کیمپ پر نائب امیر کراچی انجینئر سلیم اظہر ،ناظم علاقہ مسعود علی اور جماعت کے دیگر ذمہ داران وکارکنان موجود تھے۔

چیئرمین نیو کراچی ٹاون محمد یو سف نے وائس چیر مین شعیب بن ظہیر کے ہمراہ پارکوں کا دورہ کیا.

باغی ٹی وی کی رپورٹ کے مطابق پردہ پارک سیکٹر 5C/2 بزرگان دین پارک یونین کمیٹی نمبر 01 میں جاری تزین و آرائش کا جائزہ لیا ۔اس موقع پر انکے ہمراہ یونین کمیٹی کے چیئرمین ،وائس چیئرمین ، محکمہ باغات کے ڈائریکٹر افتاب احمد،ڈپٹی ڈائریکٹر باغات جاوید جمال ،انچارج محکمہ بی اینڈ آر فیصل صغیر ،انجینئر ماجد حسن ،انجینئرصفدر بھی موجود تھے ۔
اس موقع پرچیئرمین محمد یوسف نے کہا کہ نیو کراچی ٹاون میں موجود پارکس اور پلے گراونڈ کا معائنہ کرنے کا مقصد، پارکس و پلے گراؤنڈز میںجاری تزین و آرائش کے کاموں کا جائزہ لینا اورپارکوں میں عوام کے لئے مہیا کی جانے والی بنیادی سہولیات کا جائزہ لینا ہے .

انہوں نے کہا کہ عوام کو صحت افزاء ماحول کی فراہمی کے لئے جماعت اسلامی کے منتخب نمائندے نیو کراچی ٹاؤن کے پارکس و پلے گراؤنڈز کو بہتر بنارہے ہیں جس کے لئے اب تک 15 پارکوں کو تزین و آرائش کے بعد بحال کیا جاچکا ہے جبکہ دیگر پارکوں کی بحالی کا کام تیزی سے جاری ہے ،انہوں نے کہا کہ پارکس میںخواتین کے لئے واکنگ ٹریکس اور بزرگوں کے بیٹھنے کے لئے خوبصورت اور معیاری بنچیزلگائی جائیں گی ۔

صحت مند سرگرمیوں کی فروغ کے لئے پلے گراؤنڈز کو ہموارکیا جارہا ہے اور اطراف میں کیاریاںبنائی جارہی ہیں ان کیاریوں میں گھاس اور پھولدار پودے لگائے جا رہے ہیں تاکہ کھیل کے میدان خوبصورت اور خوشنما نظر آئیں۔بعد ازاں چیئرمین محمد یوسف نے سیکٹر الیون آئی میں جماعت اسلامی کی جانب سے لگائے جانے والے آئی ٹی کیمپ بنو قابل کا دورہ کیا جہاں طلباء و طالبات کی آئی ٹی کورسزکی فری رجسٹریشن کی جارہی ہے اور داخلے کے لئے ٹیسٹ بمقام ہاکی اسٹیڈیم مورخہ 13 اکتوبر 2024 بروز اتوار کو ہونگے.

ڈاکٹر ذاکر نائیک کا دورہ کراچی، انتہائی سخت سیکیورٹی انتظامات

اس موقع پر چیئرمین نے طلباء و طالبات سے مخاطب ہوتے ہوئے کہا کہ اب وقت ہے آگے بڑھنے کا جماعت اسلامی کی طرف سے کرائے جانے والے آئی ٹی کورسز سے فائدہ اُٹھائیں اور اپنے آپ کو قابل بناکر معاشرے کا اچھا شہری بنائیں ساتھ ہی جماعت اسلامی نوجوانوں کو اپنی پارٹی کا ممبر بنانے کی پیشکش کرتی ہے تاکہ سیاسی،سماجی اور مذہبی لحاظ سے بھی آج کے نوجوانوں کراچی: موسم بدلتے ہی بخار کی مختلف اقسام تیزی سے پھیلنے لگیںمیں شعور بیدار ہو اور اپنے ملک و قوم کے لئے بہترین لیڈر شپ مہیا ہو۔’

امیرجماعت اسلامی کراچی منعم ظفر خان نے کہا ہے کہ پیپلز پارٹی کی 16سالہ بدترین حکمرانی عوام کے لیے عذاب بنی ہوئی ہے .

باغی ٹی وی کی رپورٹ کے مطابق جماعت اسلامی کی ممبر شپ مہم کے سلسلے میں حیدری مارکیٹ ، نادرا میگا سینٹر کے قریب اور پاپوش نگر میں ممبر شپ کیمپوں کے دورے کے دوران کیمپوں پر موجود عوام سے خطاب کرتے ہوئے منعم ظفر خان کا کہنا تھا کہ پیپلز پارٹی کی سندھ حکومت نے کراچی کے اداروں اور وسائل پر قبضہ کر رکھا ہے ،16برس میں مسائل حل کرنے کے بجائے بڑھائے اور شہر کو تباہ و برباد کر کے رکھ دیا ، پیپلز پارٹی کراچی دشمن پارٹی ہے اور صرف لوٹ مار کرنا جانتی ہے ، حکمرانوں سے عوام کا حق لینے کے لیے جماعت اسلامی کی مزاحمتی جدو جہد جاری ہے ، ممبر شپ مہم میں بھی عوام اور تاجروں سمیت مختلف شعبہ ہائے زندگی سے وابستہ افراد اعتماد کا اظہار کر رہے ہیں اور جماعت اسلامی کے ممبر بن رہے ہیں ۔خواتین اور نوجوان بھی بڑی تعداد میں شامل ہو رہے ہیں ،جماعت اسلامی حکمرانوں سے عوام کا حق حاصل کر کے رہے گی ۔اس موقع پر امیر ضلع وسطی سید وجیہ حسن نے بھی خطاب کیا ۔

حیدری مارکیٹ ممبر شپ کیمپ پر حیدری مارکیٹ مینجمنٹ کے صدر سید اختر شاہد،محمد ندیم و جاوید بھائی ، آل لیاقت آباد و حیدری جیولرز ایسوسی ایشن کے فراز احمد، آل حیدری بزنس ٹریڈرز ویلفیئر ایسوسی ایشن کے سابق صدر سعید احمد اور دیگر تاجر رہنماؤں نے بھی خطاب کیا اور جماعت اسلامی کے ممبر بنے ۔ قبل ازیں حیدری مارکیٹ پہنچنے پر منعم ظفر خان کا تاجر رہنمائوں اور دکانداروں نے شاندار استقبال کیا اور ان کی آمد کا بھر پور خیر مقدم کیا ۔
امیرجماعت اسلامی کراچی منعم ظفر خان نے مزید کہا کہ پیپلز پارٹی کی سندھ حکومت نچلی سطح پر ٹائون اور یوسی میں اختیارات منتقل نہیں کررہی ،جماعت اسلامی کے منتخب بلدیاتی نمائندوں نے اختیارات اور وسائل نہ ہونے کے باوجود دس ماہ میں تقریباًً100پارکوں کو بحال کیا ہے ،38ہزار سے زائد اسٹریٹ لائٹس لگائی گئی ہیں ، اوپن ائیر جم بنائے گئے ہیں ،کھیلوں کے میدان اور پارکوں کو آباد کیا ہے ، اسکول اپ گریڈ کیے گئے ، جماعت اسلامی کے بلدیاتی نمائندے اختیارات ووسائل سے بڑھ کر عوام کی خدمت کررہے ہیں اور آئندہ بھی کریں گے ، اہل کراچی کو مایوس نہیں کریں گے ، اہل کراچی نے جماعت اسلامی کو بھرپور مینڈیٹ دیا ہے ، ہم اس اعتماد پر پورا اتریں گے ، انہوں نے کہا کہ اس وقت تاجروں کا سب سے بڑا مسئلہ تاجر دشمن اسکیم ہے ،جس کے ذریعے ان کوپریشان کیاجارہا ہے ، جماعت اسلامی نے تاجروں کی مکمل ہم آہنگی کے ساتھ ایک تاریخی ہڑتال کی ۔تاجروں اور عوام پر ظالمانہ ٹیکسوں کے خلاف جدوجہد جاری رہے گی ۔

منعم ظفر خان نے کہا کہ گزشتہ دنوں سندھ حکومت نے اسسٹنٹ کمشنرز کے لیے 138گاڑیوں کے لیے 2ارب روپے مختص کیے،جس کو جماعت اسلامی نے عدالت میں چیلنج کیا اور عدالت نے حکم امتناع جاری کیا ۔سندھ حکومت کو عوامی مسائل اور مشکلات سے کوئی سر کار نہیں ،کراچی میں سڑکیں ٹوٹی ہیں ،گٹر بہہ رہے ہیں ، نلکوں میں پانی پہنچانے کے بجائے ٹینکروں کے ذریعے فروخت کیا جارہا ہے اور اربوں روپے کمائے جارہے ہیں ، نعمت اللہ خان نے اہل کراچی کی بھرپور خدمت کی ، پانی کا کے تھری منصوبہ مکمل کیا اور کے فور شروع کیا لیکن ان کے بعد کراچی کے لیے ایک بوند پانی کا اضافہ نہیں ہوا ، ایم کیو ایم کے دو میئر ز آئے جنہوں نے سوائے اپنے مفادات سمیٹنے کے کچھ نہیں کیا ، 19سال ہوگئیK-4منصوبہ مکمل نہیں ہوا ، اب کہتے ہیں کہ 2025تک مکمل ہوجائے گا لیکن مکمل ہونے کے بعد بھی کراچی کو مکمل پانی دستیاب نہیں ہوگا کیونکہ پانی کی ترسیل کا نظام تباہ حال ہے ، انہوں نے کہا کہ جماعت اسلامی کی ’’حق دو کراچی تحریک ‘‘وسیع ہو کر ملک بھر میں ’’حق دو عوام کو تحریک‘‘ کی صورت اختیار کر گئی ہے ، راولپنڈی میں 14روزہ دھرنا پاکستان کے عوام کی دل کی آواز تھا، جس میں جماعت اسلامی اور حکومت کے درمیان ایک تحریری معاہدہ ہوا ، حکومت نے تحریری معاہدے کے باوجود خلاف ورزی کی ،فارم 47کی بنیاد پر مسلط حکمرانوں کو عوام کے مسائل سے کوئی دلچسپی نہیں ،متوسط اور غریب طبقے کے لیے زندگی گزارنا مشکل ہوگیا ہے ، گھروں کے کرایوں سے زیادہ بجلی کے بل آرہے ہیں ، لوگ مجبور ہوکر خود کشیاں کررہے ہیں ، اس ظالمانہ نظام کے خلاف جماعت اسلامی کراچی سمیت پورے ملک میں آوا ز بلند کررہی ہے ۔

امیر جماعت اسلامی کراچی منعم ظفر خان نے کہا ہے کہ سندھ حکومت اور کے ایم سی کی نا اہلی و ناقص کارکردگی اور عوامی مسائل کے حوالے سے بے حسی و عدم دلچسپی، ترقیاتی کاموں اور ٹھیکوں میں کرپشن کے باعث کراچی تباہی کا شکار ہے ، وزیر بلدیات اور قابض میئر شہر کی تباہی و بربادی سے خود کو بری الذمہ قرار نہیں دے سکتے ۔

باغی ٹی وی کے مطابق منعم ظفر خان نے کہا کہ ہمارا مطالبہ ہے کہ نئی تعمیر شدہ سڑکوں اور استر کاری کی ناقص تعمیر کی غیر جانبدارادارے سے تحقیقات کرائی جائے ۔ ذمہ داران کا تعین کر کے ان کے خلاف کارروائی اور نقصانات کا ازالہ کیا جائے ۔ سندھ حکومت آئین کے آرٹیکل 140-Aکے تحت نچلی سطح پر بلدیاتی اختیارات کی منتقلی یقینی بنائے ، ٹائون اور یوسیز چیئر مینوں کے کاموں میں مالی و انتظامی رکاوٹیں پیدا کرنے کے بجائے انہیں مطلوبہ فنڈز اوراختیارا ت دے .

جماعت اسلامی نے ہمیشہ کراچی کے ساڑھے تین کروڑ عوام کا مقدمہ لڑا اور اہل کراچی کی حقیقی ترجمان بنی ہے ۔ جماعت اسلامی کی حقوق کراچی تحریک اب وسیع ہو کر ملک بھر کے عوام کی تحریک بن گئی ہے ۔ جماعت اسلامی کی ملک گیر ممبر شپ مہم جاری ہے ، عوام بالخصوص نوجوان جماعت اسلامی کے ممبر اور طاقت بن کر حکمرانوں سے اپنا حق لینے ، عوامی جدو جہد اور مزاحمتی تحریک کا حصہ بنیں ۔ان خیالات کا اظہار انہوں نے ضلع کیماڑی کے تحت عابد آبادبلدیہ ٹائون اور ضلع ملیر کے تحت گلشن حدید اور قائدآباد میں ممبر شپ مہم کے سلسلے میں لگائے گئے کیمپوں کے دورے کے دوران عوام اور کارکنوں سے خطاب کرتے ہوئے کیا ۔

پی ٹی آئی کے سابق رکن قومی اسمبلی اشتہاری قرار

اس موقع پر ضلع کیماڑی کے امیر فضل احد ، امیر ضلع ملیر محمد اسلام اور دیگر ذمہ داران نے بھی خطاب کیا۔ منعم ظفر خان نے مزید کہا کہ پیپلز پارٹی مسلسل 16 سال سے سندھ پر حکومت کر رہی ہے لیکن کراچی آگے بڑھنے کے بجائے آثارِ قدیمہ کا منظر پیش کر رہا ہے ،معمولی سی بارشوں میں پورا شہر ڈوب جاتا ہے ،سڑکیں ٹوٹ پھوٹ کا شکار ہیں ، بجلی اور پانی ناپید ہے، کے الیکٹرک کی لوٹ مار عروج پر ہے ،مہنگائی ،بے روزگاری نے شہریوں کا جینا مشکل کردیا ہے، عوام کو اب جاگنا ہوگا،آخر کب تک ان چوروں، لٹیروں اور وڈیروں و جاگیرداروں کے ہاتھوں یرغمال بنے رہیں گے ۔

جماعت اسلامی کراچی نے ساڑھے تین کروڑ عوام ،شہر کو حقوق دلانے کا عزم کیا ہے اس وقت تک چین سے نہیں بیٹھیں گے جب تک کراچی کے لوگوں کو ان کے حقوق نہیں مل جاتے۔ انہوں نے کہا کہ کے الیکٹرک کراچی کے عوام کے لیے ایک مافیا کی شکل اختیار کر گئی ہے ،موجودہ حکومت سمیت ماضی کی ہر حکومت اور تمام حکمران پارٹیوں نے کے الیکٹرک کی حمایت اور سرپرستی کی ہے ، کے الیکٹرک کراچی کے عوام کو بلا تعطل اور سستی بجلی دینے میں مکمل طور پر ناکام ثابت ہوئی ہے ، اس نے پیداواری صلاحیت میں اضافے اور ترسیلی نظام میں بہتری کے لیے عملاًکچھ نہیں کیا ، لائین لاسز بھی سب سے زیادہ کے الیکٹرک کے ہیں ، اووربلنگ کی شکایات بھی عام ہیں لیکن اس کے باوجود حکومت اور نیپرا کی جانب سے کے الیکٹرک کے خلاف کوئی کارروائی نہیں کی جاتی ، حکومت ، نیپرا اورکے الیکٹرک کا ایک شیطانی اتحاد ہے جو کراچی کے عوام کے خلاف اقدامات کر رہا ہے۔

بلدیہ ٹاؤن میں لوڈشیڈنگ روز کا معمول ہے جب کہ دوسری جانب لائنوں کے ذریعے پانی کی سپلائی کا مسئلہ اہلیان بلدیہ کے لیے خواب بن چکا ہے ، جماعت اسلامی واحد جماعت ہے جس نے کے الیکٹرک کے ظلم اور لوٹ مار کے خلاف ہمیشہ مؤثر اور توانا آواز اُٹھائی ہے۔ جماعت اسلامی کے الیکٹرک کی لوٹ مار کے خلاف جدو جہد جاری رکھے گی اور کے الیکٹرک کی سرپرست حکومت ، نیپرا اور حکمران پارٹیوں کے کردار اور چہروں کو بے نقاب کرتی رہے گی۔

امیر جماعت اسلامی کراچی نعم ظفر خان نے ٹاؤن چیئرمین نیو کراچی محمد یوسف،وائس ٹاؤن چیئرمین شعیب بن ظہیر ودیگر ذمہ داران کے ہمراہ پانچ پارکوں کا افتتاح کیا۔

باغی ٹی وی کی رپورٹ کے مطابق ان پارکوں میں جیلانی پارک 5G،خضراء پارک سیکٹر 5F، اسلامیہ پارک 11F، 11Dپارک ، 5Eپارک شامل ہیں ۔ اس موقع پر عوام کی بڑی تعداد موجود تھی جن کی جانب سے جماعت اسلامی کی کوششوں کو سراہا گیا اور پارکوں کے افتتاح پر زبردست خراج تحسین پیش کیا گیا ۔ سیکٹر 11F میں پارک کو جماعت اسلامی کے سابق امیر سید منور حسن مرحوم کے نام سے منسوب کیا گیا ہے۔منعم ظفر خان نے افتتاح کے بعد نیو کراچی کے عوام و میڈیا کے نمائندوں سے گفتگو کرتے ہوئے کہا کہ کے ایم سی اور سندھ حکومت نے بارشوں سے قبل 4 ارب روپے سے سڑکوں کی مرمت کا کام کروایا لیکن تھوڑی سی بارش کے بعد یہ ساری سڑکیں بہہ گئیں۔

کراچی میں بلدیات کے حوالے سے جو مسائل ہیں اور شہر کی جو بدتر صورتحال ہے اس پر پیپلز پارٹی کے صوبائی وزیر بلدیات کو استعفیٰ دے دینا چاہیے تھالیکن وہ بدستور اپنے عہدے پر براجمان ہیں ، قابض میئر واٹر اینڈ سیوریج کارپوریشن کے چیئرمین ہیں، پانی کی فراہمی اور سیوریج کے مسائل حل کرناان کی ذمہ داری ہے لیکن ڈسٹرکٹ سینٹرل میں پانی اور سیوریج لائین کے کئی مسائل جماعت اسلامی کے ٹاؤن چیئرمین نے حل کیے ہیں۔جماعت اسلامی کے 9 ٹاؤنز چیئرمینز اختیارات کا رونا نہیں رورہے بلکہ اختیارات سے بڑھ کر کام کررہے ہیں۔ جماعت اسلامی نے عوام سے جو وعدے کیے تھے اسے پورے کررہی ہے۔نیو کراچی کے عوام کے لیے جماعت اسلامی کی جانب سے 5 پارکوں کا تحفہ دیا جارہا ہے۔ گزشتہ 10 ماہ میں جماعت اسلامی کے 9 ٹاؤنز چیئرمینز نے شہر میں 100سے زائد پارکوں کا افتتاح کیا ہے۔
عوام کی خدمت جاری رکھیں گے ، عوام نے جماعت اسلامی پر اعتماد کیا ہے ہم عوام کے اعتماد پر پورا اتریں گے۔ جماعت اسلامی نے تباہ حال اور کچرا کنڈی بننے والے پارکوں کو از سر ِ نو تعمیر و تزئین و آرائش کر کے عوام کو ریلیف دیا ہے۔جماعت اسلامی کی ٹاؤن و یوسی چیئرمینز شبانہ روز محنت کر کے شہریوں کو ریلیف فراہم کر رہے ہیں ۔ ٹاؤن کی انتظامیہ ودیگر ذمہ داران نے پارک بنائے ہیں اب اہل نیو کراچی ان سے استفادہ کریں اور ان پارکوں کی حفاظت بھی کریں۔

کراچی پولیس کا گٹکا ماوا کےخلاف کریک ڈاؤن، تین ملزم گرفتار

محمد یوسف نے افتتاح کے موقع پر شرکاء و میڈیا کے نمائندوں سے گفتگو کرتے ہوئے کہا کہ پورا ٹائون اور ہماری ٹیم مبارکباد کی مستحق ہے جس کے تعاون سے نیو کراچی میں پارکوں کا افتتاح کیا جارہا ہے۔ نیو کراچی میں سڑکوں کی مرمت کا کام بھی کروایا جائے گا۔ جماعت اسلامی کی تعمیر و ترقی کا عمل جاری رہے گا۔ ہم نے انتخابی مہم کے موقع پر کہا تھا کہ اختیارات سے بڑھ کر کام کریں گے اور ہم کر رہے ہیں ، ہم نے اپنے بجٹ سے وہ کام بھی کرائے ہیں جو ہماری ذمہ داری نہیں تھی ۔