لاہور: پاکستان تحریک انصاف (پی ٹی آئی) لاہور کے صدر جمیل اصغر بھٹی نے وزیر اعلی پنجاب مریم نواز سے معافی مانگ لی۔
باغی ٹی وی: پی ٹی آئی لاہور کے صدر جمیل اصغر بھٹی نے وزیر اعلی پنجاب سے معافی مانگ لی، جمیل اصغر بھٹی نے کہا کہ میں نے الیکشن مہم کے دوران مریم نواز کے خلاف نازیبا الفاظ استعمال کیے تھے، میں نے انتہائی بکواس کی، کسی کی بہن اور بیٹی کے خلاف کوئی بات نہیں کرنی چاہیئے، کسی بھی خاتون کو ماں بہن بیٹی کے روپ میں لینا چاہیئے، اپنی پارٹی کو بھی درخواست کرتا ہوں کہ کسی کی ماں بہن کی عزت کو مقدس سمجھنا چاہیئے، میں ہاتھ جوڑ کر مریم نواز شریف صاحبہ سے معافی مانگتا ہوں۔