پنجاب اسمبلی میں جم خانہ کلب کی زمین پر پارک بنانے کا بل پیش کردیا گیا ہے۔
باغی ٹی وی کے مطابق اسپیکر پنجاب اسمبلی کا کہنا ہے کہ عام شہری کی سرکاری زمین پر قائم دکان کا کرایہ ڈھائی ہزار فیصد بڑھا دیا گیا،ہم یہ سمجھنے سے قاصر ہیں کہ ایک دم سےکرایے بڑھا دئیے گئے۔ہم سمجھ رہے تھے یہ کابینہ کا فیصلہ ہے،بعد میں معلوم ہوا کابینہ کی طرف سے کوئی آرڈر نہیں آیا،جمخانہ کو ایک ہزار70کنال زمین 50 روپے پر کرائے پر دی گئی۔ستم ظریفی یہ ہے کہ وہ50 روپے بھی نہیں دے رہے ہیں،جمخانہ کلب کے ساتھ اتنی رعایت میں سمجھنے سے قاصر ہوں،بعدازاں انہوں نے بل کمیٹی کو ریفر کردیا۔
یاد رہے کہ لاہور میں مال روڈ پر واقع جم خانہ کلب کے خلاف ایک ہزار 90 کنال زمین کی 50 پیسے فی کنال لیز کئی دہائیوں سے ادا نہ ہونے پر پنجاب میں حکومت اور اپوزیشن متحد ہو گئی ہے۔پنجاب اسمبلی کے ایوان میں گذشتہ تین ماہ سے یہ معاملہ اٹھایا جا رہا تھا کہ جم خانہ کلب کی انتظامیہ معمولی لیز کی رقم کے عوض قیمتی سرکاری زمین سے اربوں روپے سالانہ کما رہی ہے۔ اس غیر قانونی لیز کو منسوخ کر کے نئے معاہدے کے تحت نیلامی کے ذریعے ٹھیکہ دیا جائے تاکہ مارکیٹ ریٹ کے مطابق خطیر رقم قومی خزانے میں جمع ہوسکے۔جس کے بعد سپیکر پنجاب اسمبلی ملک احمد خان نے رکن صوبائی اسمبلی سمیع اللہ کی سربراہی میں ایک کمیٹی تشکیل دی، جس نے تحقیقات کے بعد رپورٹ اسمبلی کے رواں اجلاس کے دوران ایوان میں جمع کروائی۔
افغانستان سے بڑے پیمانے پر اسلحہ اسمگل کرنے کی کوشش ناکام
ٹرمپ حلف برداری،روسی صدر کا چینی ہم منصب سےٹیلفونک رابطہ
محکمہ اطلاعات سندھ کے شعبہ اشتہارات میں جدید میڈیا مینجمنٹ سسٹم کا افتتاح
بھارتی لابی متحرک، ٹرمپ اور مودی ملاقات اگلے ماہ کروانے کی کوششیں