Tag: جنرل اسمبلی

وزیر اعظم شہباز شریف لاہور سے لندن کے لئے روانہ ہوگئے

وزیر اعظم شہباز شریف لندن میں ایک رات قیام کریں گے،وزیر اعظم 23 ستمبر کی شام کو لندن سے امریکا روانہ ہو جائیں گے،وزیراعظم شہباز شریف اقوام متحدہ کی جنرل اسمبلی کے اجلاس میں شرکت کریں گے، شہباز شریف کے ہمراہ خواجہ آصف، احسن اقبال، وزیراعظم اسسٹنٹ برائے خارجہ امور طارق فاطمی بھی نیویارک پہنچ رہے ہیں۔وزیراعظم کی امریکا میں ایم ڈی آئی ایم ایف سے ملاقات کا امکان ہے۔وزیراعظم کے وفد میں جوائنٹ سیکرٹری سمیراحمد سید ودیگرسینئر افسر بھی شامل ہیں وزیراعظم اقوام متحدہ اجلاس سے خطاب کریں گے وزیراعظم شہباز شریف دیگر ممالک کی اعلیٰ شخصیات سمیت اعلیٰ عہدے داروں سے بھی ملاقات کریں گے ۔

وزیراعظم شہباز شریف کی امریکا میں بنگلہ دیش کے عبوری وزیراعظم سے ملاقات ہو گی،وزیراعظم کی دورہ امریکہ کے دوران بنگلہ دیش کے چیف ایڈوائرز محمد یونس اورمالدیپ کے صدر محمد معیزوسے ملاقات طے پاگئی ہے پاکستان اور بنگلہ دیش حکمرانوں کی نیویارک میں پہلی ملاقات ہوگی ،وزیراعظم 27ستمبر کو پاکستانی وقت کے مطابق شام سوا 6بجے ا قوام متحدہ جنرل اسمبلی اجلاس سے خطاب کریں گے ،وزیراعظم کاجنرل اسمبلی سے کلیدی خطاب چیدہ چیدہ نکات پر مشتمل ہوگا ،وزیراعظم خطاب میں پاکستان کودرپیش اقتصادی مسائل ودیگرمشکلات پر بات کریں گے ،وزیراعظم خطاب میں افغان مہاجرین ،سیلاب کے دوران کئے گئے عالمی وعدوں پربات کریں گے،وزیراعظم خطاب میں مقبوضہ کشمیر سمیت مسئلہ فلسطین وغزہ پرجاری اسرائیلی جارحیت پر بات کریں گے ،

وزیراعظم نیویارک آمد کے بعد امریکی صدر جوبائیڈن کی جانب سے جنرل اسمبلی اجلاس میں شریک ممالک کے سربراہان کے اعزاز میں دیئے گئے استقبالیہ میں شرکت کریں گے ،وزیراعظم27ستمبر کو اقوام متحدہ جنرل اسمبلی سے خطاب کے بعد براستہ لندن 29ستمبر کو واپس پاکستان پہنچیں گے

پانچ پانچ ہزار دیہاڑی پر مہاجر کیمپوں میں جلسے کیلئے لوگ لائے جا رہے،انکشاف

پی ٹی آئی لاہور جلسہ کا وقت شروع،خالی کرسیاں،قیادت نہ پہنچی

لاہور جلسہ کی اجازت نہ ملنے پر عمران خان نے "پلان بی” بتا دیا

لاہور جلسہ،پی ٹی آئی اجازت کی منتظر،علی امین گنڈاپور کی حکمت عملی تیار

اجازت دیں یا نہ دیں ہم جلسہ کریں گے،شعیب شاہین

پی ٹی آئی کا لاہور جلسہ روکنے کے لیے لاہور ہائیکورٹ میں درخواست

ہم پر کربلا بنا دیں جلسہ تو ہر صورت کریں گے،علیمہ خان

تحریک فتنہ فساد کا جلسہ،سب راستے کھلے ہیں،عظمیٰ بخاری

نگران وزیراعظم انوارالحق کاکڑ کا کہنا ہے کہ دنیا نئی سرد جنگ کی متحمل نہیں ہوسکتی، اقوام عالم بھارت کے کشمیر میں مظالم بند کرانے کی کوششیں کریں، اور خطے میں امن کے لئے بھارت پر دباؤ ڈالیں جبکہ اقوام متحدہ کی جنرل اسمبلی سے خطاب کرتے ہوئے نگران وزیراعظم انوار الحق کاکڑ کا کہنا تھا کہ جنرل اسمبلی سے خطاب کر کے فخرمحسوس کررہا ہوں، دنیا کو اس وقت کئی چینلجز کا سامنا ہے، اور نئے بلاکس بن رہے ہیں۔

نگراں وزیراعظم کا کہنا تھا کہ دنیا نئی سرد جنگ کی متحمل نہیں ہوسکتی، عالمی شرح نمو سست روی کا شکار ہے، کووڈ، تنازعات اور موسمیاتی تبدیلی کے بڑی چیلنجز سامنے آئے ہیں، جن سے سے عالمی معیشت متاثر ہوئی، انوارالحق کاکڑ نے کہا کہ موسمی تبدیلی کیلئے ہنگامی اقدامات کی ضرورت ہے، پاکستان موسمی تبدیلی سے بری طرح متاثر ہوا، سیلاب سے 1700 افراد ہلاک اور 30 ارب ڈالر کا نقصان ہوا، پاکستان معیشت کی بحالی پرتوجہ دے رہا ہے۔

نگراں وزیراعظم کا کہنا تھا کہ پاکستان کوعالمی سرمایہ کاری کی ضرورت ہے، عالمی سرمایہ کاری کیلئے ایس آئی ایف سی کاقیام عمل میں آیا، انوار الحق کاکڑ نے کہا کہ وسط ایشیا سے زمینی روابط کیلئے اقدامات کر رہے ہیں، پاکستان تمام ہمسایہ ممالک کے ساتھ دوستانہ تعلقات چاہتا ہے، بھارت کے ساتھ بھی برابری کی بنیاد پر تعلقات چاہتے ہیں۔

نگراں وزیراعظم کا کہنا تھا کہ مسئلہ کشمیرکی وجہ سےخطےمیں حالات کشیدہ ہیں، بھارت نے مقبوضہ کشمیر میں کرفیو نافذ کر رکھا ہے، جب کہ حریت رہنماؤں کو بھی نظر بند کیا ہوا ہے، جعلی مقابلوں میں بڑی تعداد میں کشمیری شہید ہوئے ہیں علاوہ ازیں انہوں نے مطالبہ کیا کہ سلامتی کونسل کو کشمیر پر اپنی قراردادوں پر عمل کرنا چاہئے، اور عالمی طاقتوں کو خطے میں امن کیلئے اقدامات اور بھارت پر دباؤ ڈالنا چاہئے، اقوام عالم بھارت کے کشمیر میں مظالم بند کرانے کی کوششیں کریں۔

خیال رہے کہ نگراں وزیراعظم نے کہا کہ پاکستان کو افغانستان کی جانب سے حملوں کا سامنا ہے، ہم افغان عبوری حکومت سے تعاون کےخواہشمند ہیں، افغان حکومت کے تعاون سے ہی دہشت گردی کا خاتمہ ممکن ہے۔ انوارالحق کاکڑ کا کہنا تھا کہ فلسطین میں اسرائیلی مظالم کا سلسلہ جاری ہے، مسئلہ فلسطین کا واحد حل دو ریاستی قیام ہے۔

نگراں وزیراعظم نے کہا کہ اسلاموفوبیا کے تدارک کیلئے بھی ہنگامی اقدامات درکار ہیں، تمام مذاہت کا احترام یقینی بنانا ہوگا، قرآن پاک کی بےحرمتی کےواقعات انتہائی افسوسناک ہیں، نائن الیون کے بعد اسلامو فوبیا میں اضافہ ہوا ہے، اسلامو فوبیا کے مرتکب افراد کو سخت سزائیں دی جانی چاہیے، انوار الحق کاکڑ نے کہا کہ اقوام متحدہ کو دنیا میں قیام امن کیلئے ٹھوس اقدامات کرنے ہوں گے، کسی ملک کے اندرونی معاملات میں مداخلت نہیں کرنی چاہئے۔

نیویارک :ترک صدر رجب طیب اردوان نے کہا ہے کہ میں عالمی برادری سے اپیل کرتا ہوں کہ سیلاب سے شدید متاثر پاکستان کی اس نازک موقع پر مدد کی جائے۔

اقوام متحدہ کی جنرل اسمبلی سے خطاب کرتے ہوئے ترک صدر کا کہنا تھا کہ پاکستان اور بھارت کو 75 سال ہو چکے ہیں آزاد ہوئے، بدقسمتی ہے دونوں ممالک کے درمیان ابھی تک امن قائم نہ ہو سکا۔ ہماری دعائیں ہیں دونوں ممالک کے درمیان مستقل امن آئے اور اس کے اثرات مقبوضہ کشمیر میں بھی دیکھنے کو ملیں۔

اپنی بات کو جاری رکھتے ہوئے انہوں نے کہا کہ پاکستان کو سیلاب سے شدید متاثر ہوا ہے، اس شدید سیلاب کے بعد ہم نے انسانی ہمدردی کے طور پر اپنے برادر ملک کی مدد کی ہے اور مزید کوششیں جاری ہیں، میں عالمی برادری سے اپیل کرتا ہوں کہ سیلاب سے شدید متاثرہ ملک پاکستان کی اس نازک موقع پر مدد کی جائے۔

افغانستان کے حوالے سے بات کرتے ہوئے رجب طیب اردوان کا کہنا تھا کہ افغانستان کو بہت سارے مسائل کا سامنا ہے، گزشتہ 50 سال سے افغانستان حالت جنگ میں ہے اور تنازعات کی دلدل میں پھنسا ہوا ہے، اس وقت برادر ملک میں غربت سمیت بہت سارے مسائل ہیں ، دوست ملک کو چیلنجز کا سامنا کرنا پڑ رہا ہے، ہم افغانستان میں بھائیوں کے ساتھ ہیں۔عبوری حکومت مسائل سے نکلنے کے لیے کوشاں ہے۔

انہوں نے کہا کہ ہم ایک ایسے دور سے گزر رہے ہیں جہاں ہماری مشترکہ قسمت کا متاثر کرنے والے امتحانات کے خلاف مشترکہ ایجنڈے کے ذریعے کارروائی کرنے کی ضرورت ہے ۔ زیادہ منصفانہ دنیا کے لئے اقوام متحدہ کی تنظیم نو کی ضرورت ہے۔ دنیا پانچ سے عظیم تر ہے اور زیادہ منصفانہ دنیا کے لیے ہم اپنی جدوجہد کو جاری رکھیں گے۔ دہشت گرد تنظیموں کے خلاف ترکیہ کو جو کچھ کرنے کی ضرورت ہے وہ کرتا رہے گا اور اس سے دستبردار نہیں ہوگا۔ واضح کردوں ہم دہشت گردی کے خلاف تمام ممکنہ اقدام اٹھانے کی صلاحیت رکھتے ہیں ۔

ترک صدر کا کہنا تھا کہ عراق کے حالات کا ناجائز فائدہ اٹھانے والے دہشت گرد تنظیمیں ترکیہ کو نشانہ بنانے والی کسی بھی کاروائی کو کرنے کی ہرگز اجازت نہیں دے گا۔ ترکیہ کا اپنے اتحادیوں سے دہشت گردی کے خلاف جنگ میں یکجہتی کی توقع کرنا اس کا فطری حق ہے۔

رجب طیب اردوان کا کہنا تھا کہ یونان کا تارکین وطن پر ظلم و ستم میں اضافہ ہوا ہے، اس ملک نے بحر ایجیئن کو غیر قانونی اور لاپرواہی کے ساتھ پناہ گزینوں کے قبرستان میں تبدیل کردیا ہے۔

انہوں نے تصاویر دکھاتے ہوئے کہا کہ گزشتہ ہفتے 9 -ماہ کے شیر خوار بچے عاصم، 4 سالہ عبد الوحم اور اس کے اہل خانہ، یونانی کوسٹ گارڈ فورسز کی جانب سے کشتیاں ڈبوی جانے کے نتیجے میں جاں بحق ہوگئے۔

ایتھنز انتظامیہ کی اشتعال انگیزی اور پیدا کردہ کشیدگی کو ایک طرف رکھتے ہوئے ترکیہ کے ساتھ تعاون کرنے کی اپیل کرنے والے صدر ایردوان نے شمالی قبرصی ترک جمہوریہ کو سرکاری طور پر تسلیم کرنے کی دعوت دی۔

مشرق وسطی میں دو ریاستوں پر مشتمل حل کی حمایت کا اعادہ کرنے والے اردوان نے القدس میں غیر قانونی بستیوں کی تعمیر کو روکنے، فلسطینیوں کی زندگی اور املاک کی حفاظت کو یقینی بنانے اور آزاد فلسطین ریاست کا مطالبہ کیا جس کا دارالحکومت مشرقی القدس ہو۔

انہوں نے آذربائیجان اور آرمینیا کے مابین عمل کی حمایت کرتے کا اعلان کرتے ہوئے کہا کہ آذربائیجان کی مقبوضہ سرزمین کو آزاد کروانے سے مستقل امن کےقیام کے لیے ایک تاریخی کھڑکی کھل گئی ہے۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

نیویارک :وزیراعظم شہباز شریف نےابھی تھوڑی دیر پہلے نیویارک میں اقوام متحدہ کی جنرل اسمبلی کے 77ویں اجلاس کے اعلیٰ سطحی مشاورتی افتتاحی اجلاس میں شرکت کی۔استقبالیہ کی میزبانی اقوام متحدہ کے سیکرٹری جنرل (یو این ایس جی) انتونیو گوٹیرس نے کی۔

وزیر اعظم کے دفتر کے مطابق یہ استقبالیہ اقوم متحدہ کی جنرل اسمبلی  میں شرکت کرنے والے سربراہان مملکت اور حکومتوں کے لیے منعقد کیا گیا تھا۔استقبالیہ کے دوران وزیراعظم نے نیوزی لینڈ کی وزیراعظم جیسنڈا آرڈرن سے بات چیت کی۔

تقریب کے موقع پر شہباز شریف نے فرانسیسی صدر ایمانوئل میکرون سے بھی بات چیت کی۔ وزیر خارجہ بلاول بھٹو زرداری اور وزیر مملکت حنا ربانی کھر بھی وزیراعظم کے ہمراہ ہیں۔

Prime Minister Shahbaz Sharif meets H.E. Mr. Emmanuel Macron, President of France on the sidelines of UNGA 77 Session 2022.#PMPakatUNGA pic.twitter.com/h1K7KvJOqN

— Prime Minister's Office (@PakPMO) September 20, 2022

اس اجلاس میں اپنے افتتاحی کلمات میں، اقوام متحدہ کے سربراہ گٹیرس نے بڑھتی ہوئی قیمتوں، عالمی درجہ حرارت اور مہلک تنازعات سے آنے والے "عالمی عدم اطمینان کے موسم سرما” کے بارے میں سخت انتباہ جاری کیا۔

اس موقع پر اقوام متحدہ کے سیکرٹری جنرل نے خبردار کرتے ہوئے کہا کہ "اعتماد ٹوٹ رہا ہے، عدم مساوات پھٹ رہی ہے، ہمارا سیارہ جل رہا ہے۔ لوگ تکلیف دے رہے ہیں –

We can still rescue the #GlobalGoals and get back on track to building a better world that leaves no one behind.

Young people are demanding action across all areas. We cannot let them down.

Let’s get to work. pic.twitter.com/uFaRCR0wms

— António Guterres (@antonioguterres) September 19, 2022

سیکرٹری جنرل اقوام متحدہ نے اجلاس سے گفتگو کرتے ہوئے کہا کہ عالمی درجہ حرارت میں کی وجہ سے پاکستان میں جوتباہی آئی ہے وہ سب کے لیے وارننگ ہے اقوام متحدہ کے سربراہ نے مزید کہا کہ آلودگی پھیلانے والوں کو ادائیگی کرنی ہوگی۔
کا دورہ نیویارک

یاد رہے کہ اپنے دورے کے دوران وزیر اعظم شہباز فرانس کے صدر ایمانوئل میکرون، آسٹریا کے چانسلر کارل نیہمر، ہسپانوی صدر پیڈرو سانچیز پیریز کاسٹیجن اور ایرانی صدر سید ابراہیم رئیسی سے دو طرفہ ملاقاتیں کریں گے۔

دوپہر کو وزیراعظم نیویارک ٹائمز کے ایڈیٹوریل بورڈ کے ساتھ انٹرویو کے لیے ٹائمز سینٹر جائیں گے۔بعد ازاں ان سے امریکی خصوصی ایلچی برائے موسمیاتی تبدیلی جان کیری ملاقات کریں گے۔

وزیراعظم شہبازشریف جنرل اسمبلی کے افتتاحی اجلاس میں شریک ،اہم گفتگو بھی جاری

21 ستمبر کو شہباز شریف انٹرنیشنل مانیٹری فنڈ کی منیجنگ ڈائریکٹر کرسٹالینا جارجیوا، ورلڈ بینک کے صدر ڈیوڈ مالپاس اور ترک صدر رجب طیب اردوان سے ملاقات کریں گے۔

اقوام متحدہ کی جنرل اسمبلی کے صدر سے ملاقات کے علاوہ وزیراعظم امریکی صدر جو بائیڈن کی طرف سے دیے جانے والے عشائیے میں بھی شرکت کریں گے۔

مائیکرو سافٹ کے بانی بل گیٹس، یو این ایس جی گوٹیرس، چینی صدر لی کی چیانگ اور جاپانی وزیراعظم فومیو کشیدا سے ملاقاتیں بھی وزیراعظم شہباز شریف کی مصروفیات کا حصہ ہوں گی۔

23 ستمبر کو، وزیر اعظم اقوام متحدہ کی جنرل اسمبلی کے اجلاس سے خطاب کریں گے، جہاں ان کی تقریر ملک میں حالیہ آب و ہوا سے پیدا ہونے والے تباہ کن سیلابوں کے نتیجے میں پاکستان کو درپیش چیلنجوں پر مرکوز ہوگی۔

وزیر خارجہ بلاول بھٹو زرداری، وزیر مملکت برائے امور خارجہ حنا ربانی کھر، وزیر دفاع خواجہ محمد آصف اور وزیر اطلاعات مریم اورنگزیب دیگر اعلیٰ حکام کے ہمراہ وزیراعظم کے ہمراہ ہوں گے۔

اس سال کی جنرل اسمبلی خاص طور پر اہم ہے کیونکہ یہ 2019 کے بعد اقوام متحدہ میں عالمی رہنماؤں کی پہلی ذاتی ملاقات ہوگی۔ 2020 اور 2021 کے سیشن کو کووڈ 19 کی وبا کی وجہ سے ورچوئل میٹنگز میں تبدیل کر دیا گیا تھا۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس