جنوبی لبنان کے سرحدی قصبے بنتِ جبیل میں اسرائیل نے ڈرون حملہ کیا، جس کے نتیجے میں بچوں سمیت 5 افراد شہید ہوگئے۔
لبنانی محکمۂ صحت کے مطابق شہداء میں 3 بچے بھی شامل ہیں، جبکہ دیگر شہداء مقامی شہری تھے جو روزمرہ کے معمولات میں مصروف تھے۔عینی شاہدین کے مطابق ڈرون حملہ قصبے کے رہائشی علاقے پر کیا گیا، جس سے گھروں کو بھی نقصان پہنچا اور علاقے میں شدید خوف و ہراس پھیل گیا۔امدادی ٹیمیں فوری طور پر موقع پر پہنچیں اور زخمیوں کو نزدیکی اسپتال منتقل کیا۔ محکمہ صحت کے حکام نے خدشہ ظاہر کیا ہے کہ ہلاکتوں کی تعداد میں اضافہ ہوسکتا ہے کیونکہ بعض زخمیوں کی حالت نازک ہے۔
واضح رہے کہ حالیہ ہفتوں میں اسرائیل اور لبنان کے درمیان کشیدگی میں تیزی آئی ہے، سرحدی علاقوں میں متعدد جھڑپیں اور حملے ہوچکے ہیں۔ بنتِ جبیل کا علاقہ ماضی میں بھی اسرائیلی حملوں کا نشانہ بنتا رہا ہے۔
زیارت: اغوا کے بعد اسسٹنٹ کمشنر اور بیٹے کو قتل کردیا گیا