Tag: جنگ بندی معاہدہ

فلسطینی تنظیم حماس نے قطر، ترکیہ اور مصر سے اپیل کی ہے کہ وہ اسرائیل کے ساتھ طے پانے والے جنگ بندی معاہدے کی باقی ماندہ شقوں پر عملدرآمد کی نگرانی کا سلسلہ جاری رکھیں۔

ترکی کی خبر رساں ایجنسی کے مطابق حماس نے ان ممالک کی کوششوں کو سراہا جنہوں نے رواں ماہ کے آغاز میں طے پانے والے جنگ بندی معاہدے میں کلیدی کردار ادا کیا۔حماس کے جاری بیان میں کہا گیا کہ تنظیم مصر، قطر اور ترکیہ کی ان مخلصانہ کاوشوں کی گہری قدر کرتی ہے جنہوں نے گزشتہ دو برسوں کے دوران فلسطینی عوام کے خلاف جارحیت کے خاتمے کے لیے مسلسل جدوجہد کی۔

بیان میں مزید کہا گیا کہ ثالث ممالک کی میزبانی میں ہونے والی ملاقاتوں اور اختلافات کم کرنے کی کوششوں نے غزہ میں جنگ کے خاتمے میں اہم کردار ادا کیا۔حماس نے ثالثوں سے اپیل کی کہ وہ معاہدے کی باقی شقوں، بالخصوص انسانی امداد کی فراہمی، رفح بارڈر کراسنگ کے کھولنے اور غزہ میں مکانات، اسپتالوں اور اسکولوں کی بحالی کے عمل میں معاونت جاری رکھیں۔

دوسری جانب حماس کا کہنا ہے کہ یرغمالیوں کی لاشوں کی واپسی میں وقت لگ سکتا ہے کیونکہ بعض لاشیں تباہ شدہ سرنگوں کے ملبے تلے دبی ہوئی ہیں، جب کہ نکالنے کے لیے درکار آلات اسرائیلی پابندیوں کے باعث دستیاب نہیں.

بلوچستان کے شہر خاران میں فائرنگ، ایس ایچ او شہید

صدر زرداری سے مسلم ورلڈ لیگ کے سیکریٹری جنرل کی ملاقات

جنوبی افریقہ کے خلاف ٹی 20 سیریز: بابر اعظم کی اسکواڈ میں واپسی پر غور

افغانستان نے پاکستان کے ساتھ جنگ بندی میں توسیع کی خواہش ظاہر کردی

فلسطینی مزاحمتی تنظیم حماس کے مسلح ونگ القسام بریگیڈ کے ترجمان ابو عبیدہ نے کہا ہے کہ اگر جنگ بندی معاہدہ طے پاتا ہے تو اس کے تحت اسرائیلی یرغمالیوں کی رہائی کی پیشکش کی جا سکتی ہے۔

اپنے تازہ بیان میں ابو عبیدہ نے خبردار کیا کہ اگر موجودہ مذاکرات ناکام ہوئے تو آئندہ کسی بھی عبوری جنگ بندی پر رضامندی ممکن نہیں ہوگی۔ ان کا کہنا تھا کہ حماس اسرائیل کے ساتھ طویل جنگ کے لیے تیار ہے۔ادھر غزہ میں اسرائیلی بمباری کا سلسلہ جاری ہے۔ امداد کے منتظر مزید 10 فلسطینی شہری شہید ہو گئے، جس کے بعد آج صبح سے اب تک شہدا کی تعداد 40 ہو چکی ہے۔امریکی میڈیا کے مطابق امریکا، قطر اور مصر نے غزہ میں جنگ بندی کے لیے نئی تجاویز پیش کی ہیں، تاہم قطر میں جاری اسرائیل اور حماس کے درمیان مذاکرات میں کوئی بڑی پیش رفت نہیں ہو سکی۔

اس دوران اسرائیلی فوج کی جانب سے غزہ کے ایک چرچ پر حملہ بھی کیا گیا، جس کے بعد اسرائیلی وزیراعظم نیتن یاہو نے پوپ لیو سے رابطہ کیا۔ پوپ نے مطالبہ کیا کہ غزہ میں جنگ بندی کی جائے اور مذہبی مقامات کے تحفظ کو یقینی بنایا جائے۔واضح رہے کہ عالمی سطح پر اسرائیل کے غزہ پر حملوں اور انسانی بحران پر شدید تشویش کا اظہار کیا جا رہا ہے، جبکہ فلسطینی شہریوں کی بڑی تعداد مسلسل اسرائیلی بمباری کا نشانہ بن رہی ہے۔

بھارت: بہار میں آسمانی بجلی گرنے سے 33 افراد ہلاک، درجنوں زخمی

سوشل میڈیا ایکٹیوسٹ فرخ کھوکھر جمعیت علمائے اسلام میں شامل

کراچی میں آج مکمل شٹر ڈاؤن ہڑتال، کاروباری مراکز بند رہیں گے

فلسطین کی مزاحمتی تنظیم حماس کی جانب سے جنگ بندی معاہدے کے تحت 3 اسرائیلی خواتین قیدیوں کو ریڈ کراس کے حوالے کردیا گیا۔

قبل ازیں حماس کی جانب سےآج رہا کیے جانے والی 3 اسرائیلی خواتین قیدیوں کے نام جاری کیے گئے تھے۔ریڈ کراس کی ٹیم اسرائیلی خواتین کو غزہ میں اسرائیل کے خصوصی فوجی یونٹ پہنچائےگی جہاں سے انہیں اسرائیلی فوجی اسپتال لے جایا جائےگا۔فوجی اسپتال میں ان کا ابتدائی طبی معائنہ ہوگاجس کے بعد ہونے والی اسرائیلی خواتین کو اسپتال پہنچا دیا جائے گا، یہ خواتین اسپتال میں ہی اپنے اہلخانہ سے ملاقات کریں گی۔عرب میڈیا کا کہنا ہے کہ اسرائیل کی جانب سے سے معاہدے کے تحت آج رہا کیے جانے والے 90 فلسطینی قیدیوں کے نام جاری کردیے گئے ہیں۔ آج رہا کیے جانے والے فلسطینی قیدیوں میں 69 خواتین اور 21 بچے شامل ہیں۔

قطری نشریاتی ادارے ’الجزیرہ‘ کے مطابق معاہدے کے تحت رہائی پانے والے فلسطینی قیدیوں کے استقبال کے لیے ریڈ کراس کا ایک وفد سخت سیکیورٹی کے درمیان اوفر جیل میں موجود ہے۔غزہ میں قید 3 اسرائیلی قیدیوں کے بدلے 90 فلسطینی قیدیوں کو رہا کیا جائے گا، آج رہا کیے جانے والے فلسطینی قیدیوں میں 69 خواتین اور 21 بچے شامل ہیں، اسرائیل کی جانب سے فلسطینی قیدیوں کو ریڈ کراس کے حوالے کیا جائے گا۔اس سے قبل، فلسطین کی مزاحمتی تنظیم حماس کی جانب سے ٹیلی گرام پر ایک ’پوسٹ‘ میں کہا کہ حماس نے غزہ میں جنگ بندی معاہدے پر عمل درآمد کے پہلے دن رہا کیے جانے والے 3 اسرائیلی قیدیوں کے نام جاری کر دیے ہیں۔

حماس کے مسلح ونگ قاسم بریگیڈ کے ترجمان ابو عبیدہ کے مطابق قیدیوں کے تبادلے کے معاہدے کے تحت ہم نے 24 سالہ رومی گونن، 28 سالہ ایملی داماری اور 31 سالہ ڈورون شتنبر خیر کو رہا کرنے کا فیصلہ کیا ہے۔واضح رہے کہ اسرائیل اورحماس کے درمیان 6 ہفتوں پر محیط جنگ بندی کے ابتدائی مرحلے میں وسطی غزہ سے اسرائیلی افواج کا بتدریج انخلا اور بے گھر فلسطینیوں کی شمالی غزہ میں واپسی شامل ہے۔اس معاہدے کے تحت غزہ میں جنگ بندی کے بعد روزانہ 600 ٹرک انسانی امداد کی اجازت دی جائے گی، 50 ٹرک ایندھن لے کر جائیں گے جبکہ 300 ٹرک شمال کی جانب مختص کیے جائیں گے، جہاں شہریوں کے لیے حالات خاص طور پر سخت ہیں۔

نہ خدا ہی ملا نہ وصالِ صنم.تحریر:اعجازالحق عثمانی

یورو اسٹار کی اجارہ داری ختم ، 500 ملین پاؤنڈ کا تیز رفتار ٹرین منصوبہ منظرعام پر آ گیا

کام نہیں کررہے کہنے والے تعصب کی عینک اتار کر دیکھیں، مئیر کراچی

وزیراعظم یوتھ پروگرام بیروزگاری کے خاتمے کا بڑا ذریعہ ہے،رانا مشہود خان