بالی ووڈ اداکارہ کنگنا رناوت کا کہنا ہے کہ جو لوگ مذہب کے حوالے سے مسائل و بحران کا سامنا کر رہے ہیں، وہ میری فلم ’تنو ویڈز منو‘ دیکھیں۔
باغی ٹی وی :بھارتی میڈیا کے مطابق بالی ووڈ اداکارہ نے ایک ٹوئٹر صارف کی جانب سے پوچھے گئے سوال پر کہا کہ اگر انہیں دھرم سنکت درپیش ہے تو پھر وہ میری فلم ’تنو ویڈز منو‘ دیکھیں۔
کنگنا نے مزید کہا کہ انہیں فینز کی ضرورت نہیں، انہوں نے لوگوں پر زور دیا کہ وہ اپنا وقت سلیبریٹریز پر ضائع نہ کریں۔
انہوں نے کہا کہ اس کے بجائے وہ اپنی ذات، اپنی زندگی اور اپنے خاندان پر زیادہ توجہ دیں، اداکاروں پر اپنا وقت برباد نہ کریں۔
یاد رہے کہ کنگنا رناوت نے سن 2011 کی فلم تنو ویڈز منو اور 2015 میں تنو ویڈز منو ریٹرنز میں ہیرئوین کا کردار ادا کرکے شہرت حاصل کی تھی تنو ویڈز منو ریٹرنز میں بہترین اداکاری پر انھیں نیشنل فلم ایوارڈ دیتے ہوئے بہترین اداکارہ قرار دیا گیا تھا۔