لاہور : آپ ٹی وی کے سابق گروپ ایم ڈی جنید اقبال نے باغی ٹی وی سے بات کرتے ہوئے کہا ہے کہ ان کے حوالے سے پھیلنے والی بعض خبروں میں یہ تاثر دیا گیا کہ جنید اقبال کو آپ ٹی وی سے فارغ کردیا گیا ہے. حالانکہ ایسا نہیں تھا
باغی ٹی وی سے بات کرتے ہوئے جنید اقبال نے اپنے استعفے کی وجوہات سے متعلق آگاہ کرتے ہوئے بتایا کہ حقائق کچھ اس طرح ہیں کہ چند ماہ سے ملازمین کی تنخواہوں کی ادائیگی کے حوالے سے مسائل پیدا ہورہے تھے تو ان ملازمین کی پریشانیوں اور مسائل کو دیکھتے ہوئے انتظامیہ کو جلد سے جلد تنخواہیں دینے کی درخواست کی تھی.
خبر سے متعلق مزید جانیں ….. آپ نیوز کے ایم ڈی فارغ ، ورکر تنخواہوں کا مطالبہ کرنے لگے
جنید اقبال نے باغی ٹی وی سے بات کرتے ہوئے یہ واضح کیا کہ اصل میں ان سارے مسائل کے ذمہ داروہ انویسٹرز تھے جو اس میڈیا گروپ کو چلارہے تھے. ان انویسٹرز کی عدم توجہ کی وجہ سے عام ملازمین زیادہ متاثر تھے . جنید اقبال نے مزید بتایا کہ گروپ ایم ڈی ہونے کی وجہ سے وہ اس معاملے سے دور نہیں رہ سکتے تھے
سابق گروپ ایم ڈی آپ ٹی وی جنید اقبال نے باغی ٹی وی کو بتایا کہ جب ملازمین کو ان کی محنت مزدوری عید کے مبارک موقع پر مل ہی نہیں پائے گی تو ان غریبوں کی چھوٹی چھوٹی خوشیاں بھی اگر ادھوری رہ جائیں تو پھر اس ادارے میں میں رہنے کا کیا فائدہ جہاں میں ملازمین کے لیے کچھ کر نہ سکوں