Tag: جنید خان

حرا مانی آجکل رہتی ہیں خبروں میں .وہ مانی کی اہلیہ ہیں اور اداکاری شادی کے بعد شروع کی . حرامانی نے میرے پاس تم میں ٹیچر کا کردار ادا کرکے بہت زیادہ داد سمیٹی.حرا مانی نے حال ہی میں ایک انٹرویو دیا ہے اس میں انہوں نے کہا ہے کہ میں نے ہمیشہ معیار کو ترجیح دی ہے یہ نہیں دیکھا کہ میرے کریڈٹ پر کتنے ڈراموں کی تعداد بن رہی ہے بلکہ یہ دیکھتی ہوں کہ جو کام آفر ہو رہا ہے وہ معیاری ہے یا نہیں‌. حرا مانی نے کہا کہ مجھے بھارت سے ایک فلم کرنے کی آفر ہوئی تھی لیکن بعض اعتراضات کی بنیاد پر فلم کی پیشکش ٹھکرا دی . اگر میں چاہتی تو کر

سکتی تھی لیکن میں نے خود کے لئے کچھ حدود مقرر کر رکھی ہیں اس لئے ان حدود سے باہر نکل کر کام نہیں‌ کر سکتی . حرامانی نے یہ بھی کہا کہ ویسے تو میری آن سکرین جوڑی کافی ہیروز کے ساتھ سراہی گئی لیکن جنید خان کے ساتھ میری جوڑی کو بہت پذیرائی ملی ایسی پذیرائی جیسی ماہرہ خان اور فواد خان کی جوڑی کو ملی تھی. انہوں نے کہا کہ میں نے جتنا بھی کام کیا ہے اس سے میں خوش اور مطمن ہوں .میری یہی کوشش ہے کہ ایسا کام کروں ایسے کردار کروں کہ جو لوگوں کو یاد رہ جائیں .

اداکارجنید خان ان خواتین کے ساتھ کھڑے ہو گئے ہیں جن کو ان کے شوہر بری طرح سے مار پیٹ کرتے ہیں. جیند خان نے فیروز خان کے اپنی اہلیہ کے ساتھ مار پیٹ اور تشدد کے ثبوت سامنے آنے کے بعد کہا ہےکہ میں جانتا ہوں کہ ہر سٹوری کے ہمیشہ دو رخ ہوتے ہیں. لیکن جو کسی تکلیف تشدد کے ثبوب سامنے آجائیں تو اس سے بہت ساری سچائی اور حقیقت بھی سامنے آجاتی ہے.اور جو سچائی ہوتی ہے وہ ہمیشہ ہی تلخ ہوتی ہے. افسوس کے ہماری سوسائٹی میں‌ مردوں کا خواتین پر ہاتھ اٹھانے کا معاملہ غالب ہے. میں ان تمام عورتوں کو سلام پیش کرتا ہوں جو

گھریلو تشدد کے خلاف اپنی آواز اٹھاتی ہیں، اور خود کے خلاف ہونے والے تشدد کے خلاف بولتی ہیں. ہم سب کو ایسی عورتوں کی آواز بننا چاہیے جن کے ساتھ مار پیٹ ہوتی ہے گھریلو تشدد ہوتا ہے ان کے سوچنے سمجھنے کی صلاحیت چھین لی جاتی ہے. جنید خان کی اس سوشل میڈیا پوسٹ پر بہت سارے سوشل میڈیا صارفین نے کمنٹس کئے اور جنید خان کی لکھی ایک ایک بات سے اتفاق کیا. یاد رہے کہ اداکار جنید خان کبھی بھی کنٹرووشل معلات میں نہیں‌ پڑتے لیکن فیروز خان اور ان کی اہلیہ کا معاملہ ایسا ہے جنید جیسے خاموش طبع انسان بھی بول پڑے ہیں.

بالی وڈ کے اداکار عامر خان کو پچھتاوا ہے لیکن کس بات کا؟.عامر خان نے اپنے حالیہ انٹرویو میں کہا ہے کہ وہ جب کیرئیر کے عروج پر تھے تو انہوں نے بہت سارا وقت اپنے کام کو دیا اور کام کو بہتر کرنے کی دھن میں لگے رہے اس دوران ان کے بچوں‌کو جو ان کاوقت چاہیے تھا وہ نہیں‌ دے پائے اور وہ اس چیز کا احساس بھی نہیں‌ کر پائے کہ بچوں کو ان کا وقت چاہیے یا بچوں‌کو ان کے ساتھ وقت گزارنے کی ضرورت ہے لیکن عامر خان کو وقت گزرنے کے ساتھ اب یہ احساس ہونے لگا کہ شاید ان سے غلطی

ہوئی، عامر خان نے اپنے حالیہ انٹرویو میں کہا ہے کہ ان کو بالکل پچھتاوا ہے کہ وہ اپنے بچوں جنید اور ارا کو وقت نہیں دے سکے. عامر خان کہتے ہیں کہ اب میں اپنے بچوں کے ساتھ زیادہ وقت گزارنے کو ترجیح دیتا ہوں اب اس حوالے سے زیادہ ذمہ داری محسوس کرتا ہوں، کرن رائو اور رینا دتہ کے والدین سے بھی رابطہ رکھتا ہوں. میری کوشش ہوتی ہے کہ اب میرے بچے میرے کام کی وجہ سے مزید نظر انداز نہ ہوں.میں اپنے بہن بھائیوں سے بھی خود رابطے میں رہتا ہوں. اداکار نے یہ بھی کہا کہ بے ہماری طلاق ہو چکی ہے لیکن اب بھی میں رینا اور کرن رائو ایک فیملی کی طرح ہیں اور ہمیشہ ایک فیملی کی طرح ہی رہیں گے. ہم ایک دوسرے سے ملتے ملاتے ہیں اور کوشش کرتے ہیں کہ اچھا وقت گزرے.

بالی کے مسٹر پرفیکشنسٹ کہلائے جانے والی عامر خان نے حالیہ انٹرویو میں بتایا ہے کہ فلم لال سنگھ چڈھا کے لئے ان کے بیٹے جنید خان کا سکرین ٹیسٹ ہوا تھا اور سکرین ٹیسٹ کو انہوں‌نے اپنے قریبی دوستوں کے ساتھ شئیر کیا سب نے اسے بے حد پسند کیا. عام خان نے کہا کہ جب میں نے اپنے بیٹے کا سکرین ٹیسٹ دیکھا تو میں‌ نے کہا کہ” میرا تو چانس گیا”. یعنی جنید نے اتنا بہترین سکرین ٹیسٹ دیا تھا. عامر خان کہتے ہیں‌ کہ اتل کلکرنی جو کہ لال سنگھ چڈھا

کے پرڈیوسر ہیں انہوں نے کہ جو کہانی کی ڈیمانڈ ہے اس کے مطابق آپ کو ہی یہ کردار کرنا چاہیے لہذا انہوں‌نے جنید خان کا سکرین ٹیسٹ رد کر دیا. لال سنگھ چڈھا ہالی ووڈ کی 1994 کی فلم فاریسٹ گمپ کا آفیشل ہندی ری میک ہے، عامر خان کی اس فلم میں بھارتی تاریخ کے چند مناظر بھی عکس بند کیے گئے ہیں۔اس فلم کی ریلیز پر بھارتی لوگوں کو کچھ تحفظات ہیں اور اسی وجہ سے اس فلم کا بائیکاٹ کرنے کی مہم چلائی جا رہی ہے اس مہم کی وجہ سے عامر خان کافی افسردہ بھی ہیں. انہوں‌نے اپیل کی ہے کہ بائیکاٹ کرنے کی بجائے فلم کو دیکھا جائے اس کے بعد فیصلہ کیا جائے کہ اس فلم کا بائیکاٹ کرنا بنتا ہے؟

جنید خان اور منشا پاشا ڈرامہ سریل ”عدن” میں ایک ساتھ نظر آئیں گے، اس ڈرامے میں ان کے ساتھ اظفر رحمان بھی اہم کردار نبھائیں گے. ڈائریکشن عظیم سجاد اور سکرپٹ عتیق عنایت نے لکھا ہے. ڈرامہ ستمبر سے آن ائیر جا ئیگا. جنید خان ڈرامے کے بارے میں کہتے ہیں کہ میں اپنے اس پروجیکٹ کے بار ے میں بہت پرجوش ہوں کیونکہ میں نے جب اسکرپٹ پڑھا تومجھے محسوس ہوا کہ یہ واقعی عام ڈراموں سے بہت مختلف ہے اور جب کوئی ایسی مختلف چیز میرے پاس آئے تو میں اس کے لئے انکار نہیں کرتا اگر مصروفیت بھی ہو تو بھی کچھ اس طرح سے مینج کرتا ہوں کہ پروجیکٹ ہاتھ سے نہیں‌جانے

دیتا.جنید نے مزید کہا کہ میری اور منشا پاشا کی جوڑی کو یقینا ایک بار پھر سراہا جائیگا.منشا پاشا کہتی ہی کہ مجھے یہ اس ڈرامے میں اپنا کردار روٹین سے ہٹ کر لگا اس لئے میں نے ہاں کردی اور جنید خان ایک منجھے ہوئے اداکار ہیں ان کے ساتھ کام کرنا ہمیشہ ہی بہت اچھا لگتا ہے.
یا رہے کہ کہ جنید خان اور منشا پاشا دونوں پہلی بار ایک ساتھ نہیں آرہے بلکہ اس سے پہلے یہ دونوں فلم ”کہے دل جدھر” میں بھی شائقین کو ایکساتھ نظر آچکے ہیں. جنید خان ورسٹائل پرفارمنس اور مختلف کردار کرنے کے حوالے سے جانتے ہیں اداکاری کے ساتھ ساتھ جنید گلوکاری بھی کرتے ہیں انہوں نے گانے بجانے سے اپنے کیرئیر کا آغاز کیاجبکہ منشا پاشا کم مگر معیاری کام کرنے کے حوالے سے جانی جاتی ہیں.

اداکار و گلوکار جنید خان نے حال ہی میں ایک گانا ریلیز کیا ہے گانے کے بول ہیں یاداں ۔اس گانے کی وڈیو میں جنید خان کے ساتھ اداکارہ حرامانی دکھائی دے رہی ہیں ، وڈیو کے ڈائریکٹر صادق عظیم ہیں اور کمپوزر مدلوک گیلانی ہیں۔اس گانے کی شوٹنگ کراچی اور اورماڑہ میں کی گئی ہے اور اس ویڈیو میں پانی اور زمین کوخوبصورت توازن کے ساتھ دکھایا گیا ہے جس سے قدرتی دلکش مناظر تخلیق ہوئے ہیں۔نغمے کے بولوں سے لے کر ویڈیو تک یاداں محبت، دھوکہ دہی اور معاف کرنے کی کہانی ہے۔جذبات سے بھرپور اس کہانی کو میوزک ویڈیو کی شکل میں نہایت عمدگی سے پیش کیا گیا ہے۔جنید خان کا کہنا ہے کہ یہ گانا میرے دل کی آواز ہے اور ایسے جذبات کا اظہار ہے جو ہر دل محسوس کرسکتا ہے۔

میں نے پوری ٹیم کے ساتھ اس پر سخت محنت کی ہے۔جیم فلمز میں ہم ایک فیملی کی طرح کام کرتے ہیں جس کے ذریعے ہم اپنی پوری توانائیوں کے ساتھ پورے کام کو خاص بنادیتے ہیں اور یہی جذبہ ہے جو میں اپنے پروڈکشن ہاﺅس میں چاہتا ہوں۔یاد رہے کہ حرامانی اس سے قبل بھی ٹی وی ڈراموں میں ایک ساتھ دکھائی دے چکے ہیں ان کی جوڑی کو شائقین خاصا پسند کرتے ہیں ۔یاداں گانا کافی مقبول ہو رہا ہے اور خاص کر اسکی وڈیو کو بہت پسند کیا جا رہا ہے حرامانی اورجنید خان کی آن سکرین کیمسٹری کو بہت سراہا جاتا ہے ،دونوں جب بھی ایک دوسرے کے ساتھ سکرین پر دکھائی دیتے ہیں تو شائقین خوش ہوتے ہیں۔

ملٹی ٹیلینٹڈ فنکار جنید خان نے ”جیم” کے نام سے اپنا پروڈکشن ہائوس بنا لیا ہے جنید خان نے اپنے پرستاروں سے یہ خبر انسٹاگرام پر پوسٹ کے زریعے شئیر کی۔ انہوں نے یہ بھی بتایا کہ جیم صرف ان کے نام کا پہلا حرف نہ سمجھا جائے کیونکہ یہ لفظ خود سے ہی بہت گہرے معنی رکھتا ہے ۔جنید خان نے مزید یہ بھی کہا کہ میں پروڈکشن ہائوس کی بنیاد رکھ کر بہت زیادہ خوش ہوں اس سفر کا آغاز میں‌ نے آج سے بیس برس قبل کیا تھا.
جیم کے بینر تلے اب تک ہم دو گانے ریلیز کر چکے ہیں.جنید نے مزید کہا کہ جیم ایک ایسی کمیونٹی ہے جو فن اور تخلیق ،اظہار اور اصلاح کے فروغ کے لئے ہے.

یاد رہے کہ جیند خان نے بطور گلوکار اپنا کیرئیر شروع کیا لیکن پھر انہیں اداکاری کی آفرز بھی آئیں جس کے بعد انہوں نے اداکاری کی اور اب تک ان کے جتنے بھی ڈرامے آچکے ہیں شائقین نے ان کو بہت زیادہ پسند کیا ہے ان کی آن سکرین جوڑی حرا مانی کے ساتھ بہت زیاد سراہی جاتی ہے.جنید خاموش طبع ہیں اور صرف اپنے کام سے کام رکھتے ہیں‌جیند نے سجنیدہ کردار زیادہ کئے ہیں کامیڈی کردار میں ان کو اب تک نہ ہونے کے برابر ہی دیکھا گیا ہے .جنید خان پشاور زلمی کے لئے بھی اینتھم گا چکے ہیں ان کا یہ انتھم خاصا مقبول ہوا تھا. جنید نے بڑی سکرین پر بھی قسمت آزمائی تھی ”کہے دل جدھر” فلم میں منشا پاشا کے ساتھ کام کیا .

جنید خان اور حرا مانی کی چھوٹی سکرین پر جوڑی بہت زیادہ مقبول ہے ان کے پرستار ان کو ایک ساتھ دیکھ کر خوشی کا اظہار کرتے ہیں ان دونوں کے پرستاروں کے لئے خوشخبری ہے کہ اب یہ دونوں‌ایکبار پھ ساتھ دکھائی دیں گے لیکن اس بار یہ ہوں‌ گے ایک میوزک وڈیو میں اور میوزک وڈیو ہو گا جنید خان کا.جنید خان نے ہم سے تفصیلات شئیر کرتے ہوئے بتایا کہ گانے کے بول ہیں‌”یاداں” اورسارا وڈیو کراچی میں‌ ہی شوٹ ہوا ہے، گانے کے جو بول ہیں اس حساب سے وڈیو کی کہانی محبت ،جدائی اور جنون ہر مبنی ہے،وڈیو صادق عظیم نے ڈائریکٹ کی ہے .جنید کا کہنا ہےکہ میں‌ بہت پر امید ہوں‌ کہ میرا نیا گانا بھی لوگوں کو پسند آئیگا.

انہوں‌ نے مزید کہا کہ میوزک میرا جنون ہے اور اداکاری میری محبت دونوں کو ہی نہیں‌ چھوڑ سکتا دونوں ہی بہت محبت پیار اور توجہ سے کرتا ہوں. حرا کے ساتھ چونکہ بہت اچھی دوستی بھی ہے لہذا ان کے ساتھ کام کرنے کا ہمیشہ ہی بہت مزا آیا ہے .حرا مانی آن سکرین بے شک روتی دھوتی دکھائی دیتی ہیں لیکن ویسے وہ بہت ہی ہنسی مذاق کرنے والی زندہ دل لڑکی ہیں اورمیں اپنے بارے میں بھی یہی کہنا چاہتا ہوں‌ میں سکرین پر سنجیدہ نظرآتا ہوں کردار ہی ایسے ملتے ہیں لیکن میں بھی اصل زندگی میں‌ہنسنے کھیلنے اور مذاق کرنے والا انسان ہوں.
واضح رہے کہ جنید خان اور حرامانی ڈراموں میں‌ ایک کام کر چکے ہیں ان دونوں‌کا ڈرامہ کشف اور چاہتیں محبتیں کو بہت پسند کیا گیا تھا.