واشنگٹن: امریکی صدر جو بائیڈن نے کہا ہے کہ سابق صدر ڈونلڈ ٹرمپ ملک، جمہوریت اور سیاست کو تباہ کرنے پر تلے ہوئے ہیں۔
باغی ٹی وی: غیر ملکی خبر رساں ایجنسی کے مطابق امریکی صدر جوبائیڈن نے سابق صدر ڈونلڈ ٹرمپ کو تنقید کا نشانہ بناتے ہوئے کہا کہ ٹرمپ اس بار انتخابات میں اپنی کامیابی کے لیے ہر جائز و ناجائز حربہ استعمال کر رہے ہیں چاہے اس سے ملک اور جمہوریت کو کتنا ہی نقصان کیوں نہ پہنچےریپبلکن جماعت ملک کی سالمیت اور جمہوریت کے لیےخطرہ بنتی جا رہی ہےڈونلڈ ٹرمپ بدلے اور انتقامی کارروائیوں کے شوقین ہیں جو آزادی اظہار رائے اور قانون کی بالادستی کے لیے خطرہ بن چکے ہیں۔
دوسری جانب سابق صدر ڈونلڈ ٹرمپ دھوکہ دہی کے الزام میں نیویارک کی عدالت میں پیش ہوں گے اور اپنے خلاف ممکنہ نااہلی سے بچنے کے لیے دلائل اور شواہد پیش کریں گے جبکہ ڈونلڈ ٹرمپ نے اپنا مقدمہ سننے والے جج کی توہین کر دی۔
پاکستان میں ریاستی اور غیر ریاستی عناصر انسانی حقوق کارکنان کو دھمکا رہے ہیں،اقوام متحدہ
نیویارک کے ایک جج نے گذشتہ ہفتے سول فراڈ کے مقدمے میں ڈونلڈ ٹرمپ اور ان کے بیٹوں کو دھوکا دہی میں ملوث قرار دیا تھا تاہم پیر کو نیویارک کی عدالت میں اپنے خلاف سول فراڈ مقدمے کی سماعت کے موقع پر کمرہ عدالت میں جانے سے پہلے ٹرمپ کا کہنا تھا کہ ہماری ایک بڑی کمپنی ہے، ہم نے ایک عظیم کمپنی بنائی ہے،ہماری کمپنی کے پاس دنیا کی بڑی جائیدادیں ہیں اور اب مجھے ایک نامعقول جج کے پاس جانا ہے میرےخلاف مقدمہ انتخابی مداخلت ہے۔
واضح رہے کہ امریکی صدر جوبائیڈن دوسری میعاد کے لیے بھی 2024 میں ہونے والے صدارتی انتخابات میں حصہ لیں گے اور اگر وہ جیت جاتے ہیں تو وہ 86 سال کی عمر میں صدر بننے کا اعزاز حاصل کریں گے۔
