Tag: جواد احمد

برابری پارٹی کےچئیرمین جناب جواد احمد نے کہا ہے کہ عادل راجہ جیسے گھٹیا کردار پی ٹی آئی کی ایما پر پاکستان کی نمائندہ فنکارائوں‌ کے خلاف مہم چلا رہا ہے. یہ بس یہ چاہتا ہےکہ اس کی جو گھٹیا آڈیوز نکل رہی ہیں اس سے لوگوں کی توجہ ہٹے اور دوسرے لوگوں‌کو برا بھلا کہا جائے. جواداحمد نے کہا کہ پی ٹی آئی کے سپورٹرز کے اکائونٹس سے مہوش حیات ، کبری خان ، سجل علی اور ماہرہ خان کی تصاویر لگا کر ان کو گندا کر رہے ہیں . ان چاروں اداکارائوں نے ملک کا نام روشن کیا ہے اور فلموں کو چلانے کی ذمہ داری بخوبی نبھا رہی ہیں. عمران خان ایک گندا آدمی ہے جو عورتوں‌کی عزت نہیں‌کرتا اس کے سپورٹرز بھی خواتین کی عزت نہیں‌کرتے یہی وجہ ہے کہ ہمارے ملک کی بڑی اداکارائوں کی

عزتیں اچھالی جا رہیں ہیں اور یہ سب عمران خان اور پی ٹی آئی کی ایما پر کیا جا رہا ہے. میرے جیسا آدمی جو ان باتوں میں‌نہیں‌پڑتا مجھے بھی اس معاملے میں‌بولنا پڑا ہے میں‌سخت الفاظ میں اس ساری گندی مہم کی مذمت کرتا ہوں. میں شوبز کے لوگوں کو کافی عرصے سے سمجھا رہا ہوں کہ نہ کریں اس گندے آدمی کو سپورٹ ، اب بھی وقت ہے سنبھل جائیں تحریک انصاف والے، گند کے اس کھیل کو کھیلنا بند کریں.

گلوکار جواد احمد جو اب ایک سیاسی جماعت کو بھی چلا رہےہیں ، برابری پارٹی کے چئیرمین کے طور پر وہ ملکی سیاست پر گفتگو بھی کرتے ہیں اور نوجوانوں‌میں بیداری پھیلانے میں اپنا اہم کردار ادا کرتے رہتے ہیں. جواد احمد چونکہ بنیادی طور ہر گلوکار ہیں لہذا وہ گلوکاری کو بہت اچھا سمجھتے ہیں ، انہوں نے اپنے حالیہ انٹرویو میں کہا ہے کہ میں‌نے ابرار الحق ، حدیقہ کیانی ، عاطف اسلم نے جس دور میں گایا تب چینلز کم ہوتے تھے کسی کا کوئی گانا تھوڑا سا بھی اچھا ہوتا وہ چل جاتا بلکہ ہٹ ہوجاتا تھا لیکن اب حالات اور وقت بدل چکے ہیں . جہاں تک آج کے گلوکاروں کی بات ہے تو وہ ہم سے بہت زیادہ اچھا گاتے ہیں. بلکہ میں تو کہوں گا کہ وہ ہم سے بہتر گاتے ہیں

اور لوگ انہیں‌پسند بھی کرتے ہیں. جواد احمد نے کہا کہ آج کے گلوکاروں‌کی صلاحیتیں شاید ہم سے کہیں زیادہ ہیں اور وہ پاکستان کی نمائندگی پوری دنیا میں کررہے ہیں گوکہ ہم بھی کرتے تھے اور کرتے ہیں. یاد رہے کہ جواد احمد عمران خان پر سخت تنقید کرتے ہیں ان کا کہنا ہے کہ عمران خان کو سیاست سے نکال دیا جانا چاہیے انہوں‌نے پاکستان کی سیاست کو زہر آلود کر دیا ہے.

برابری پارٹی کے چئیر مین جواد احمد نے صحافی برادری سے معذرت کر لی ہے انہوں نے اپنے حالیہ انٹرویو میں کہا ہے کہ لاہور کی صحافی صدف نعیم کی شہادت کا مجھے بہت افسوس ہے اور اس سے بھی زیادہ افسوس ہے کہ میں ان کے گھر تعزیت کرنے نہیں جا سکا جو کہ میری غلطی ہے میں اسے تسلیم کرتے ہوئے پوری صحافی برادری سے معذرت کرتا ہوں. جواد احمد نے کہا کہ میں سمجھتا ہوں کہ مجھ سمیت شوبز شخصیات اور خصوصی طور پر پی ٹی آئی کے سیاستدانوں کو ان کے گھر ضرور جانا چاہیے تھے. ہم قدر کرتے ہیں صحافیوں کی لیکن ہمارے ہاں بد قسمتی سے یہ دیکھا جاتا ہے کہ کون کتنا بڑا صحافی ہے اس حساب سے ٹریٹ کیا جاتاہے. اگر کوئی بڑا صحافی انتقال کر جائے تو اس کے گھر تو سب جاتے ہیں

لیکن وعام صحافی کے گھر کوئی نہیں جاتا جو کہ بہت ہی غلط ہے اور صدف نعیم کے معاملے میں جو مثال سیٹ ہوئی ہے وہ نہایت ہی افسوسناک ہے ایسا نہیں ہونا چاہیے تھا . انہوں نے تمام زندگی صحافت کی خدمت کی لہذا ان کے گھر والوں کے دکھ درد میں کھڑے ہونا ہم سب کی ذمہ داری تھی اور ہے. یاد رہے کہ چینل فائیو کی رپورٹر صدف نعیم لانگ مارچ کی کوریج کرتے ہوئے چند روز قبل شہید ہو گئیں تھیں.

برابری پارٹی کے چئیر مین جواد احمد نے اپنے حالیہ انٹرویو میں کہا ہے کہ میں نے جو سیاسی جماعت بنائی ہے وہ عام لوگوں کی جماعت ہے اس میں وہ لوگ ہیں جو میری طرح کے ہیں میں عام آدمی ہوں‌لہذا میں نے عام آدمیو‌ں کی نمائندگی کرنے والی جماعت بنائی ہے. انہوں نے کہا کہ عمران خان کا لانگ مارچ ان کی سیاست کو آخری دھکا ثابت ہو گی. وہ حکومت کے خلاف لانگ مارچ نہیں کررہے بلکہ اسٹیبلشمنٹ کے خلاف لانگ مارچ کررہے ہیں اور ان پر پریشر بڑھا رہے ہیں تاکہ ان کو پھر سے انکی خواہشات کے مطابق ہر چیز مل جائے لیکن اب ایسا ہونا نہیں ہے. عوام بھی ان کی حقیقت جان چکی ہے اور ابھی تک کا ان کا لانگ مارچ ناکام ہے . جواد احمد نے مزید کہا ہ میں باقی سیاسی جماعتوں کے بیانیے کے

بھی مخالف ہوں لیکن ان میں اور عمران خان میں‌یہ فرق ہے کہ وہ جھوٹ کا بیانیہ نہیں بناتے یہ جھوٹ کا بیانیہ بناتا ہے اور لوگوں‌کو گمراہ کرتا ہے . جواد احمد نے مزید یہ بھی کہا کہ عمرا ن خان یہ بھول جائیں کہ 2023 کے الیکشن میں ان کی پارٹی کلین سویپ کریگی . جواد احمد کہتے ہیں کہ عمران خان نے عوام میں نفرت کے جذبات کو ابھارا ہے انہیں گمراہ کررہے ہیں یہی ان کا سب سے بڑا گناہ ہے .

گلوکار جواد احمد اور پی ٹی آئی و عمران خان کے سپورٹر سلمان احمد لڑ پڑے ہیں اور لڑائی بھی لائیو شو میں ہوئی ہے. میزبان احتشام کو شو کے دوران دونوں کے مائیک بند کرنے پڑے. تفصیلات کے مطابق سلمان احمد نے لائیو شو میں جواد احمد پر تنقید کی جس کے جواب میں انہوں‌نے کہا کہ تم تو امریکہ میں‌بیٹھ کر عمران خان کی صرف حمایت کررہے ہو، اور میں یہاں ایک پارٹی چلا رہا ہوں.تمہارے تو کبھی بڑوں نے بھی عمران خان کو ووٹ‌نہیں دیا ہو گا اور تم اپنی بات کررہے ہو. جواد احمد نے سلمان احمد سے پوچھا بھئی تم ہو کون. جواد احمد نے مزید یہ بھی

کہا کہ میں نے کوئی چوری نہیں کی، پیسے نہیں‌کمائے، پہلے میں اپنا کام کرتا تھا اب ایک پارٹی چلا رہا ہوں، اور اپنے والے گھر میں‌رہتا ہوں. سلمان احمد نے جواد سے کہا کہ عمران خان کی مخالفت کرکے بھی آپ کی فین فالونگ نہیں‌بڑھی جس پر جواد احمد نے بھی سلمان احمد کو لیا آڑھے ہاتھوں اور کہا کہ آپ ہو کون؟دونوں کی لائیو شو میں جھگڑے کی وڈیو کافی وائرل ہو رہی ہے اور سوشل میڈیا صارفین طرح طرح کے دلچپسپ تبصرے کررہے ہیں. یاد رہے کہ جواد احمد برابری پارٹی کے سربراہ ہیں جبکہ سلمان احمد عمران خان کے سپورٹر ہیں.

عمران خان کو آج الیکشن کمیشن آف پاکستان نے توشہ خانہ کیس میں چیئرمین پاکستان تحریک انصاف عمران خان کو نااہل قرار دیدیا۔
برابری پارٹی کے چئیرمین جواد احمد نے اپنے ٹویٹر اکائونٹ پر اس حوالے سے چند ایک ٹویٹس کئے ہیں ایک ٹویٹ میں انہوں نے اسی حوالے سے لکھا ہے کہ صادق اور امین آج کرپٹ ہو گیا. دوسرے ٹویٹ میں انہوں نے کہا ہے کہ ”عمران خان ریڈ لائن نہیں ڈیڈ لائن ہے،عمران کی سیاست اب ختم ہو چکی ہے.اب یہ توشہ خانہ چور کچھ بھی کر لے اس کی قسمت میں آگے صرف ذلت اور رسوائی ہے”.یاد رہے کہ قومی اسمبلی کے سپیکر راجا پرویز اشرف نے

اگست کے اوائل میں توشہ خانہ کیس کی روشنی میں عمران خان کی نااہلی کے لیے الیکشن کمیشن کو ایک ریفرنس بھیجا تھا۔ریفرنس میں کہا گیا تھا کہ عمران خان نے اپنے اثاثوں میں توشہ خانہ سے لیے گئے تحائف اور ان تحائف کی فروخت سے حاصل کی گئی رقم کی تفصیل نہیں بتائی۔عمران خان کو نااہل قرار دیدیا گیا ہے اس پر بہت سارے شوبز سٹارز سراپا احتجاج ہیں ان کا کہنا ہے کہ عمرا ن کو دیوار سے لگانے کےلئے ایسے فیصلے کئے جا رہے ہیں. جبکہ برابری پارٹی کے چئیر مین جواد احمد کا کہنا ہےکہ عمران خان ایک جھوٹا منافق اور لالچی آدمی ہے جس کی کسی بار پر یقین نہیں کیا جانا چاہیے.

برابری پارٹی کے سربراہ اور گلوکار جواد احمد نے تحریک انصاف کے چئیر مین عمران خان سے سوال کر ڈالا ہے انہوں نے پوچھا ہے کہ کہاں ہیں‌وہ تیراں ارب روپے جو سیلاب زدگان کے نام پر جمع کئے تھے اور اس کی اتنی تشہیر کی گئی تھی کہ ہم نے تیراں ارب روپے جمع کئے ہیں اور اتنے پیسے عمران خان کے علاوہ کوئی نہیں جمع کر سکتا. عمران خان بتائے نا کہاں ہے وہ سارا پیسہ؟ کس گائوں یا شہر پر انہوں نے یہ پیسہ لگایا اور سیلاب زدگان کی مدد کی . سیلاب زدگان کے نام پر پیسہ اکٹھا کرنے کے بعد عمران خان اپنی انتخابی مہم چلاتے رہے شہر شہر جلسے کرتے رہے کیا یہ جلسے ہمارے اور پاکستانیوں کے پیسوں سے کئے ہیں؟ نہیں اگر تو پھر سیلاب زدگان کے نام پر اکٹھا کئے جانے والا پیسہ کہاں ہے؟‌ثانیہ نشترنے بھی

بہت تصویریں کھچوائی اور تشہر کی کہ تیراں ارب روپے سیلاب زدگان کےلئے جمع کئے ہیں بتائیں تو سہی کہ کہاں یہ پیسہ خرچ ہوا کیونکہ انکو تو پتہ بھی نہیں ہے کہ سیلاب نے در حقیقت کتنی تباہی مچائی ہے یا لوگ کس حال میں ہیں یہ تو اپنے جلسوں میں مصروف رہے ہیں. جواد احمد نے کہا کہ لوگ سوال کریں عمران خان سے ان تیراں ارب روپوں کا حساب مانگیں سب کا احتسبا ہونا چاہیے اور اس کا بھی احتساب ہونا چاہیے یہ ضروری ہے. میں نے کسی زمانے میں‌شوکت خانم کے لئے بہت کام کیا چندہ اکٹھا کیا اس وقت مجھے لگتا تھا کہ یہ جینوئن آدمی ہے لیکن اب میں اس پر اعتبار نہیں کرتا یہ بتائے کہ اس نے تیراں ارب جو سیلاب زدگان کے نام پر اکٹھے کئے تھے وہ کہاں‌ہیں؟

ایاز امیر کے بیٹے شاہنواز امیر نے جس بے دردی سے اپنی اہلیہ کا قتل کیا ہے اس پر درد دل رکھنے والے تڑپ اٹھے ہیں. برابری پارٹی پارٹی کے چئیرمین جواد احمد نے کہا ہے کہ ہم منافق ہیں اپنی عورت کو تو ہم بچا کر رکھنا چاہتا ہے لیکن دوسرے کی عورت پر ایسے نظر رکھتے ہیں جیسے کہ ہم بازار میں کھڑے ہیں اور اسکے ساتھ جیسا مرضی سلوک کریں لیکن جب ان کی اپنے گھر کی عورت ان کی باتوں سے اتفاق نہ کرے تو ایسے میں وہ اپنی عورتوں کو بھی ایسی عورتوں کی صف میں لا کھڑا کرتے ہیں جن کے ساتھ جیسا مرضی سلوک کیا جائے. خصوصی طور پر اگر وہ بات نہیں مان رہی اپنے ذہن کے مطابق چلنا چاہتی ہے تو اسکو مار دیا جائے یا قتل کر دیا جائے بیچ کا کوئی راستہ انہیں سمجھ نہیں آتا. انڈیپینڈینٹ ہے تو بدکرادری کا الزام لگا دیا جائے. ایسی سوچ

بڑے خاندانوں سے لیکر چھوٹے خاندانوں تک پائی جاتی ہے. ہمارے ہاں جو ادیب اور دانشور ہیں وہ عورتوں کے بارے میں ایسی باتیں کرتے ہیں یا سوچ رکھتے ہیں کہ انسان پریشان ہوجاتا ہے. جیوڈشری میں بھی ایسی ہی سوچ کے مرد ہیں ورنہ عورتوں کو قتل کرنے والوں کو ضرور سزائیں ملیں. پدرسری نظام میں ایسا ہی ہوتا ہے. انصاف کا نظام تب بدلے گا جب عورت کو اس کا اصل مقام دیاجائے گا اسکو انسان سمجھ کر ٹریٹ کیا جائےگا جب سوسائٹی کی سوچ بدلے گی. کل جو واقعہ رونما ہوا ہے اسکے بارے سن کر دل بہت پریشان ہوا ہے اور اس سے پتہ چلتا ہے کہ ہم عورتوں کے بارے میں کیا سوچ رکھتے ہیں.