وفاقی حکومت نے سیکیورٹی خدشات کے پیشِ نظر پاکستان جونیئر ہاکی ٹیم کو بھارت نہ بھیجنے کا حتمی فیصلہ کر لیا ہے۔
ذرائع کے مطابق یہ فیصلہ ایک اعلیٰ سطح کے مشاورتی اجلاس میں کیا گیا، جس میں بھارتی شہروں میں کھلاڑیوں کی سیکیورٹی صورتحال کا تفصیلی جائزہ لیا گیا۔پاکستان ہاکی فیڈریشن نے حکومت کے فیصلے سے انٹرنیشنل ہاکی فیڈریشن کو باضابطہ طور پر آگاہ کر دیا ہے۔ سیکرٹری پی ایچ ایف رانا مجاہد نے ایف آئی ایچ کو پاکستان کے میچز کے لیے نیوٹرل وینیو کا آپشن بھی پیش کیا ہے۔
جونیئر ہاکی ورلڈ کپ 28 نومبر سے بھارت میں شروع ہوگا اور 11 دسمبر تک جاری رہے گا۔واضح رہے کہ اس سے قبل بھی پاکستان کی سینئر ہاکی ٹیم سیکیورٹی وجوہات کے باعث بھارت میں ہونے والے ایشیا کپ میں شرکت سے محروم رہی تھی.
امریکی پابندیوں پر روس اور چین کا سخت ردعمل، یوکرین امن کوششوں کو نقصان قرار
ڈبلن میں پناہ گزینوں کے ہوٹل کے باہر احتجاج پرتشدد، پولیس وین نذرِ آتش، متعدد گرفتار