ممبئی: بالی وڈ انڈسٹری کے معروف کامیڈی اداکار جونی لیور نے انکشاف کیا ہے کہ 13 سال کی عمر میں انہوں نے خودکشی کرنے کی کوشش کی تھی-
باغی ٹی وی : بھارتی پوڈ کاسٹ میں گفتگو کرتے ہوئے جونی لیور نے اپنی زندگی میں مشکل وقت کو یاد کیا اور بتایا کہ وہ بچپن میں بہت مشکلات سے دوچار رہے وہ ایک غریب خاندان سے ہیں جہاں مالی مسائل بہت زیادہ تھے اور ان کے والد بھی بہت سخت تھے، اپنے والد کے رویے سے تنگ آکر انہوں نے 13 سال کی عمر میں خودکشی کرنے کی کوشش کی۔
جونی لیور کا کہنا تھا کہ وہ ٹرین کی پٹریوں پر جا کر لیٹ گئے تھے کیونکہ وہ اپنے والد کے رویئے سے تنگ آگئے تھے لیکن جب انہوں نے اپنی بہنوں کے آنسو دیکھے تو وہ پٹری سے کھڑے ہوگئے بچپن میں بہت قتل ہوتے دیکھے ہیں، اگر وہ اداکار نہ ہوتے تو وہ جرائم کی دنیا میں ہوتے انڈسٹری کے ہمیشہ شکر گزار رہیں گے کہ انہیں کام دیا ورنہ وہ گینگسٹر بن کر رہ جاتے۔