امریکا میں جڑواں بہن بھائی کی پیدائش میں پورے ایک سال کا فرق آگیا، ریاست کیلیفورنیا میں ایک خاتون نے جڑواں بچوں کو جنم دیا جن میں سے ایک 2021 اور دوسرا 2022میں پیدا ہوا۔
باغی ٹی وی : امریکی میڈیا کے مطابق گزشتہ اور موجودہ سال میں ایک ماں نے دو جڑواں بچوں کو جنم دیا، اور یہ سال کا فرق اس لیے پڑا کیونکہ دونوں بچوں کی پیدائش میں 15 منٹ کا فرق تھا۔
مسلسل تیسری بیٹی کی پیدائش،والدین نے بچی کو مارڈالا
رپورٹ کے مطابق فاطمہ میڈریگال اور رابرٹ ٹریوجیلو کے ہاں بچوں کی پیدائش نیٹیواڈاڈ میڈیکل سینٹر میں ہوئی اسپتال کی جانب سے کیے گئے ٹوئٹ کے مطابق خاتون کے ہاں پہلے 31 دسمبر کو رات 11 بج کر 45 منٹ کو بیٹے کی پیدائش ہوئی اور اس کے 15 منٹ بعد رات 12 بجے یکم جنوری کو بیٹی ایلان یولنڈا کی پیدائش ہوئی۔
4 برس کی عمرمیں اغوا ہونے والا بچہ 30 برس بعد اپنی ماں سے جا ملا
ٹوئٹ میں مزید بتایا گیا کہ دونوں کی پیدائش میں 15 منٹ کے وقفے کے باعث اب ان کی سالگرہ مختلف دن، مہینے اور سال میں ہوگئی، اس امکان کی شرح 20 لاکھ میں سے ایک کے برابر ہے۔
رپورٹ کے مطابق امریکا میں ہر سال ایک لاکھ 20 ہزار جڑواں بچوں کی پیدائش ہوتی ہے جو تمام بچوں کی پیدائش کا 3 فیصد ہے مگر سالگرہ کی مختلف تاریخ کی شرح نہ ہونے کے برابر ہے۔