پنجاب میں قیدیوں کی سزا کا تمام ریکارڈ آن لائن کر دیا گیا۔
باغی ٹی وی کے مطابق ترجمان محکمہ داخلہ پنجاب نے بتایا کہ قیدیوں کے اہل خانہ صرف ایک میسج کے ذریعے رہائی کی تاریخ اور سزا میں معافی بارے جان سکیں گے۔اس حوالے سے سیکریٹری داخلہ پنجاب نور الامین مینگل نے جدید سسٹم کا افتتاح کر دیا، ترجمان کے مطابق قیدیوں کے اہل خانہ ایس ایم ایس کے ذریعے رہائی کی تاریخ پتہ کر سکیں گے،جگہ اور قیدی نمبر لکھ کر 8070 پر میسج کرکے معلومات حاصل کی جا سکیں گی۔قیدیوں کی سزا میں کمی یا معافی کے بارے میں بھی معلومات حاصل کی جا سکیں گی، جیل قوانین کے مطابق قیدیوں کی سزا میں کمی یا معافی کی کئی صورتیں ہیں، سرکاری سطح پر معافی،تعلیم، تکنیکی صلاحیت کے حصول اور کردار پر سزا میں معافی ملتی ہے۔
اس موقع پر نور الامین مینگل نے کہا ہے کہ قیدیوں یا اہل خانہ کو ریکارڈ حاصل کرنے میں کوئی دشواری نہیں ہوگی، قیدیوں کی سزا میں معافی اور رہائی کا تمام ڈیٹا آن لائن کیا گیا ہے، اب قیدی کو مقررہ سزا سے اضافی قید نہیں دی جا سکے گی۔انہوں نے کہا کہ یہ اقدام نہ صرف قیدیوں کے بنیادی حقوق کا تحفظ کرے گا بلکہ جیل اصلاحات کی جانب ایک سنجیدہ کوشش بھی ثابت ہوگا۔
پاکستان میں دہشتگردوں، سہولت کاروں کے لیے کوئی جگہ نہیں ،آرمی چیف
