پاکستان نے ٹیکنالوجی کی دنیا میں ایک اور اہم پیش رفت کرتے ہوئے اپنی چیٹ جی پی ٹی متعارف کروا دی ہے۔
باغی ٹی وی کے مطابق ”میڈ ان پاکستان“ جی پی ٹی کا بیس ماڈل تیار کرلیا گیا، جسے ”ذہانت اے آئی“ کے نام سے لانچ کیا گیا ہے۔ اسلام آباد میں اس کی رونمائی کی تقریب منعقد کی گئی، جس میں آئی ٹی ماہرین سمیت مختلف مکاتب فکر کے افراد نے شرکت کی۔اس منصوبے کی بانی اور آئی ٹی ایکسپرٹ مہوش سلیمان علی کا کہنا ہے کہ ”ذہانت اے آئی“ کو مختلف مراحل سے گزارنے کے بعد کامیابی سے لانچ کیا گیا۔ ان کا کہنا تھا کہ ڈیٹا سینٹرز میں طویل محنت کے بعد یہ خواب حقیقت میں بدلا۔
مہوش سلیمان نے کہا کہ یہ کامیابی صرف ان کی ذاتی نہیں بلکہ پورے پاکستان کی ہے۔ ان کا مزید کہنا تھا کہ ہم نے دنیا کا مقابلہ کرنا ہے، اس لیے ہمیں دن رات محنت کرنا پڑی۔ یہ چیٹ جی پی ٹی مختلف زبانوں میں دستیاب ہوگی اور پاکستانی اپنے ڈیٹا سرور کے ذریعے اسے استعمال کر سکیں گے۔تقریب میں بڑی تعداد میں آئی ٹی ماہرین اور مختلف شعبہ جات سے تعلق رکھنے والے افراد شریک ہوئے، جنہوں نے اس پیش رفت کو پاکستان کے لیے ایک بڑی کامیابی قرار دیا۔
ڈیرہ اسماعیل خان: انٹیلی جنس بیسڈ آپریشن میں 10 دہشتگرد ہلاک، کیپٹن شہید
کوہلی، روہت، بمراہ کیلئے بُری خبر،بھارتی بورڈ نےصاف انکار کر دیا