صدر آصف علی زرداری نے بیجنگ میں چین کے ایوی ایشن انڈسٹری کارپوریشن (اے وی آئی سی) کے ایئرکرافٹ کمپلیکس کا تاریخی دورہ کیا۔
صدر مملکت بطور مسلح افواج کے سپریم کمانڈر اے وی آئی سی کمپلیکس پہنچے، جہاں انہوں نے پورے کمپلیکس کا معائنہ کیا۔ اس موقع پر انہیں جے-10، جے ایف-17 اور جے-20 اسٹیلتھ فائٹر طیاروں سمیت ڈرونز، خودکار یونٹس اور ملٹی ڈومین آپریشنز پر تفصیلی بریفنگ دی گئی. جے-10 سی طیارہ، جس نے مئی 2025 کے معرکۂ حق میں اہم کردار ادا کیا تھا، بھی اس کمپلیکس میں تیار کیا جاتا ہے۔ صدر زرداری نے انجینئرز اور سائنسدانوں سے ملاقات کرتے ہوئے کہا کہ جے-10 اور جے ایف-17 طیاروں نے پاک فضائیہ کو مزید مضبوط بنایا ہے اور ان کی کارکردگی معرکۂ حق اور آپریشن بنیان المرصوص میں نمایاں رہی۔ انہوں نے اے وی آئی سی کو چین کی ٹیکنالوجی اور پاک-چین اسٹریٹجک شراکت داری کی علامت قرار دیا۔
صدر آصف علی زرداری اس کمپلیکس کا دورہ کرنے والے پہلے غیر ملکی سربراہ ہیں۔ اس موقع پر چیئرمین بلاول بھٹو، خاتون اول آصفہ بھٹو، سینیٹر سلیم مانڈوی والا، پاکستانی سفیر خلیل ہاشمی اور چینی سفیر جیانگ زائی ڈونگ بھی ان کے ہمراہ تھے۔پاکستان اور چین نے دفاعی پیداوار اور ہوا بازی میں تعاون مزید بڑھانے کے عزم کا اعادہ کیا۔
بھارتی کھلاڑیوں کے رویے پر مائیک ہیسن کی مایوسی، آئی سی سی کو شکایت
سندھ میں سیلابی صورتحال: پیپلز پارٹی نے سیاسی سرگرمیاں معطل کردیں
برلن میں غزہ پر اسرائیلی جنگ کے خلاف 20 ہزار افراد کا احتجاج
اسحاق ڈار کی دوحہ میں اہم سفارتی ملاقاتیں، اسرائیلی حملوں کی مذمت