کراچی میں مون سون کی پہلی بارش جہاں موسم کو خوشگوار بنانے کا پیغام لائی، وہیں مختلف حادثات میں 7 افراد جاں بحق ہو گئے۔
ریسکیو حکام کے مطابق ہلاکتیں ٹریفک حادثات، کرنٹ لگنے، دیوار گرنے اور ندی میں ڈوبنے کے واقعات کے باعث ہوئیں۔سپر ہائی وے کلہاڑی چوک پر نامعلوم گاڑی کی ٹکر سے موٹرسائیکل سوار جاں بحق،لانڈھی شیر پاؤ کالونی میں کے الیکٹرک کی گاڑی ہوٹل پر چڑھ گئی، واقعے میں ایک شخص جاں بحق اور ایک زخمی،جناح کارڈیو کے قریب تیز رفتار سوزوکی پلر سے ٹکرا گئی، حادثے میں ایک شخص موقع پر دم توڑ گیا۔
سائٹ ایریا لیبر اسکوائر میں ایک کمپنی کا 22 سالہ ملازم کامران کرنٹ لگنے سے جاں بحق جبکہ سرجانی ٹاؤن خدا کی بستی میں 21 سالہ نوجوان احمد گھر میں کرنٹ لگنے سے دم توڑ گیا۔لیاری بکرا پیڑی پل کے قریب دیوار گرنے سے ایک شخص جاں بحق،لیاری ایکسپریس وے ٹول پلازہ کے قریب ایک شخص ندی میں ڈوب کر جاں بحق، متوفی گلشن اقبال سے سہراب گوٹھ جا رہا تھا۔
ریسکیو حکام کی اپیل
ریسکیو اداروں نے بارش کے دوران شہریوں کو احتیاطی تدابیر اپنانے کی ہدایت کی ہے کیونکہ مون سون کے دوران حادثات میں اضافہ معمول بن چکا ہے۔
پاکستان اوور 40 کرکٹ ورلڈ کپ 2025 کی میزبانی کرے گا، کراچی میں تیاریاں شروع
وزیراعظم کا بارشوں کی صورتحال پر چیئرمین این ڈی ایم اے سے رابطہ
آرمی چیف کا کور ہیڈکوارٹر پشاور کا دورہ، دہشت گردی کے مکمل خاتمے کے عزم کا اعادہ