Baaghi TV

Tag: حادثات

  • کراچی: ماڑی پور میں ڈاکوؤں کی فائرنگ سے بچہ جاں بحق،2 افراد زخمی

    کراچی: ماڑی پور میں ڈاکوؤں کی فائرنگ سے بچہ جاں بحق،2 افراد زخمی

    کراچی میں ماڑی پور کے علاقے مچھرکالونی میں ڈاکوؤں کی فائرنگ سے ایک بچہ جاں بحق جبکہ دو راہگیر شدید زخمی ہوگئے۔

    پولیس کے مطابق ماڑی پور مچھرکالونی میں فرار ہوتے ہوئے ڈاکوؤں کی فائرنگ کی زد میں آنیوالا بچہ زخموں کی تاب نہ لاتے ہوئے دم توڑ گیا جبکہ دو شدید زخمیوں کو اسپتال منتقل کردیا گیا۔

    حکام کے مطابق بچے کی شناخت 8 سالہ نبی عالم کے نام کی گئی۔ پولیس کی جانب سے فرار ڈاکوؤں کی گرفتاری کےلیے کارروائی کا آغاز کردیا گیا ہے۔

    ادھر کراچی میں شدید بارشوں کی وجہ سے بھی ہلاکتیں ہوئی ہیں، ایڈمنسٹریٹر کراچی مرتضیٰ وہاب نے کہا ہے کہ بارشوں کے حوالے سے اگلے تین دن انتہائی اہم ہیں۔

    تفصیلات کے مطابق ایڈمنسٹریٹر کراچی مرتضیٰ وہاب کی زیر صدارت بارشوں سے متعلق اجلاس ہوا جس میں تمام اضلاع کے ڈپٹی کمشنرز، ایڈمنسٹریٹرز اور متعلقہ افسران نے شرکت کی۔

    اجلاس میں اضلاع کے ڈپٹی کمشنرز اور ایڈمنسٹریٹرز نے انتظامات سے متعلق ایڈمنسٹریٹر کراچی بیرسٹر مرتضیٰ وہاب کو تفصیلی بریفنگ دی۔

    ایڈمنسٹریٹر کراچی مرتضیٰ وہاب نے کہا کہ اگلے تین دنوں کے لیے بارشوں کی پیشنگوئی کے مدنظر تمام انتظامات مکمل رکھے جائیں، تمام اضلاع کے ڈپٹی کمشنرز اور ایڈمنسٹریٹر ز اپنے اپنے اضلاع میں کارکردگی کو مزید بہتر بنائیں۔

  • مختلف حادثات میں 6 افراد جاں بحق متعدد زخمی

    مختلف حادثات میں 6 افراد جاں بحق متعدد زخمی

    ژوب:دانہ سر کے علاقے میں بس کھائی میں گر گئی،جس میں 4 افراد جاں بحق،متعدد زخمی ہو گئے-

    باغی ٹی وی :بلوچستان کے ضلع شیرانی میں مسافرکوچ کے حادثے میں 4 افراد جاں بحق ہوگئے ریسکیو ذرائع کے مطابق حادثہ ضلع شیرانی کےعلاقے دانہ سرکےقریب پیش آیا جس میں 4 مسافر جاں بحق اور7 زخمی ہوگئے۔

    پشاور:ایس ایچ او کانسٹیبل بیٹے کیساتھ منشیات امگل کرتے ہوئے رنگے ہاتھوں پکڑا گیا

    ریسکیو ذرائع کے مطابق مسافر بس کھائی میں گرنے سے 4 افراد جاں بحق،متعدد زخمی ہو گئے ریسکیو ذرائع کے مطابق بس راولپنڈی سے کوئٹہ جا رہی تھی،33افراد سوار تھے ریسکیو ذرائع کا کہنا ہےکہ لاشوں اور زخمیوں کو سول اسپتال ژوب منتقل کردیا گیا ہے-

    دوسری جانب تنگوانی میں مگسی اسٹاپ کے قریب لوڈر رکشہ اور ٹرک ٹکر گئےحادثے کی اطلاع ملتے ہی پولیس اور ریسکیو ادارے موقع پر پہنچ گئے پولیس کے مطابق حادثے میں ایک شخص جاں بحق ہو گیا اور ٹرک ڈرائیور کو گرفتار کر لیا گیا ہے واقعے کی تحقیقات شروع کر دی گئی ہیں-

    قربانی کیلئے لائے گئے جانوروں سے بھرا ٹرک الٹ گیا،17 بکرے ہلاک

    ادھر جہانیاں میں خانیوال روڈ پر نامعلوم کار کی ٹکر سے راہگیر جاں بحق ہو گیا پولیس نے موقع پر پہنچ کر لاش کو تحویل میں لے کر اسپتال منتقل کر دیا ہے-

    قبل ازیں ڈیرہ غازیخان کے ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی ہو گئے تھے ڈیرہ غازیخان کے ٹرائیبل ایریا بی ایم پی تھانہ رونگھن کے علاقہ یکبائی میں روڈ پر کام کرنے والے مزدور صبح آٹھ بجے ٹریکٹر ٹرالی پر کام پر جارہے تھےتیزرفتاری کے باعث موڑکاٹتے ہوئے ٹریکٹرکےبریک فیل ہونے پرٹریکٹرٹرالی بےقابوہو کرالٹ گئی تھی-

    جس سےدوافراد جن میں ایک ٹریکٹرڈرائیور فداحسین جوکہ چوٹی زیریں کارہائشی تھا موقع پردم توڑگیا تھا جبکہ دوسرا ہلاک ہونے والامزدور عابدحسین ولدخادم حسین ہیڈ محمد کا رہائشی تھا موقع پردم توڑگیا،اس حادثہ میں 8 مزدور زخمی ہوگئےتھے-

    ڈیرہ،ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی

  • مختلف حادثات اورقتل کے واقعات میں 18 افراد زخمی جبکہ 6 جاں بحق

    مختلف حادثات اورقتل کے واقعات میں 18 افراد زخمی جبکہ 6 جاں بحق

    کراچی: شہر کے مختلف علاقوں میں ٹریفک حادثات اور فائرنگ کے واقعات میں متعدد افراد زخمی ،6 افراد جاں بحق ہو گئے-

    باغی ٹی وی : تفصیلات کے مطابق مائی کلاچی روڈکےقریب نامعاوم افراد کی فائرنگ سے دو افراد زخمی ہو گئے پولیس حکام کے مطابق طبی امداد کے لئےزخمیوں کوسول اسپتال منتقل کیاگیا،واقعہ کی تفتیش جاری ہے-

    لانڈھی داؤد چورنگی کے قریب ٹریفک حادثے میں ایک شخص جاں بحق جبکہ ایک زخمی ہو گیا زخمی شخص کو ریسکیو نے اپستال منتقل کیا جبکہ مردہ شخص کی لاش ایدھی ایمبولینس کے ذریعے سول اسپتال لائی گئی-

    دوسری جانب الفلاح کے علاقے ملیر ہالٹ کے قریب ٹریفک حادثے میں ایک شخص شدید زخمی ہوگیا جسے ایدھی کے رضا کاروں نے انتہائی تشویشناک حالت میں جناح اسپتال پہنچایا جہاں وہ دوران علاج زخموں کی تاب نہ لاتے ہوئے دم توڑ گیا۔

    ریسکیو حکام کا کہنا ہے کہ متوفی کے سر پر گہری چوٹ آئی تھی جبکہ فوری طور پر اس متوفی کی شناخت نہیں ہو سکی متوفی راہگیر تھا جسے نامعلوم تیز رفتار گاڑی نے ٹکر ماری تھی تاہم پولیس اس حوالے سے مزید تحقیقات کر رہی ہے۔

    لیاری ایکسپریس وے بہار کالونی لیاری کے قریب ٹریفک حادثے میں ایک شخص جاں بحق ہوگیا جس کی لاش ایدھی ایمبولینس کے ذریعے سول اسپتال لائی گئی۔ ریسکیو حکام کا کہنا ہے کہ متوفی کی شناخت 42 سالہ ماما شفیق کے نام سے کی گئی۔

    دریں اثنا بلدیہ حب ریور روڈ عالمگیر ویلفیئر کے قریب رکشا ڈرائیور سے بے قابو ہو کر الٹ گیا جس کے نتیجے میں کمسن بچی سمیت 5 افراد زخمی ہوگئے جنہیں فوری طبی امداد کے لیے سول اسپتال لے جایا گیا۔

    ادھر سبی میں طوفان بادوباراں کے باعث مکان کی چھت گرگئی ریسکیو ذرائع کے مطابق مکان کی چھت گرنے کے نتیجے میں ماں اور بچوں سمیت 7 افراد شدید زخمی ہوگئے زخمی ہونے والے افراد کو سول اسپتال سبی منتقل کردیا گیا-

    جبکہ قاضی احمد،قومی شاہراہ بائی پاس پرتیز رفتار ٹرالر نے رکشہ کو ٹکرماردی جس کے نتیجے میں 2 سگے بھائی جاں بحق3افرادزخمی ہو گئے جبکہ ٹرالر ڈرائیورکو پولیس نے حراست میں لے لیا-

    چنیوٹ، تھانہ محمد والا میں شوہر نے بیوی کو قتل کر دیا،ملزم فرارہوگیا پولیس کا کہنا ہے کہ واقعہ کی تحقیقات جاری، جلد ملزم گرفتار کر لیں گے-

    ادھر گوجرانوالہ میں 6 سالہ بچے کا قتل سوتیلا باپ نکلا سی پی او گوجرانوالہ کے مطابق پولیس ٹیم نے 24 گھنٹے کے اندر ملزم کو گرفتار کر لیا-

  • پنجاب میں ایک روز میں 925 ٹریفک حادثات ،7 اموات،964 زخمی

    پنجاب میں ایک روز میں 925 ٹریفک حادثات ،7 اموات،964 زخمی

    پنجاب میں ایک روز میں 925 ٹریفک حادثات ،7 اموات،964 زخمی
    پنجاب ایمرجنسی سروس نے گذ شتہ 24گھنٹوں کے دوران پنجاب بھر میں 925ٹریفک حادثات پر ریسپانڈ کیا جس میں 595 افراد شدید زخمی ہوگئے جنہیں فوری طور پر نزدیکی ضلعی اور تحصیل کے ہسپتالوں میں منتقل کیا گیا۔369معمولی زخمی لوگوں کو ریسکیومیڈیکل ٹیمز کی جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

    ان حادثات میں زیادہ تر تعداد (71فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کیا جائے اوراولین کے نظم و ضبط کا خیال رکھیں۔ اعداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات 480ڈرائیوز،کم عمرڈرائیور30مسافر399اور92پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ234ٹریفک حادثات کی فون کالز لاہور کنٹر ول روم میں موصول ہوئیں، جن میں صوبائی درالحکومت 232 متاثرین کے ساتھ پہلے فیصل آباد58حادثات میں 67 متاثرین کے ساتھ دوسرے اورملتان58 حادثات میں 59متاثرین کے ساتھ تیسرے نمبرپررہا۔

    واضح رہے کہ ان ٹریفک حادثات کے کل971متاثرین میں 792مرد اور179خواتین شامل ہیں جبکہ زخمی ہونیوالوں میں 168 فراد کی اوسط عمر18سال سے کم اور492افراد کی اوسط عمر 18سے 40سال کے درمیان جبکہ 311 زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 846موٹر سائیکلز،72آٹو رکشے104موٹر کاریں، 25 وین06مسافربسیں،42ٹرک اور89دوسری اقسام کی گاڑیاں شامل ہیں۔

    ‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    میں نے صدر عارف علوی کا انٹرویو کیا، ان سے میرا جھوٹا افیئر بنا دیا گیا،غریدہ فاروقی

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سپریم کورٹ نے صحافی مطیع اللہ جان کے اغوا کا نوٹس لے لیا

    کسی کی اتنی ہمت کیسے ہوگئی کہ وہ پولیس کی وردیوں میں آکر بندہ اٹھا لے،اسلام آباد ہائیکورٹ

    اتھارٹی بننے سے ہی حقوق کو محفوظ بنایا جا سکتا ہے؟ فیصل جاوید صحافیوں کے حق میں بول پڑے

  • خاوند نے بیوی کو گولی مور کر خودکشی کر لی،جھگیوں کو آگ لگنے سے خاتون اور 4 بچے جاںبحق

    خاوند نے بیوی کو گولی مور کر خودکشی کر لی،جھگیوں کو آگ لگنے سے خاتون اور 4 بچے جاںبحق

    راولپنڈی تھانہ واہ کینٹ کے علاقے آصف آباد میں خاوند نے مبینہ طور پر گھریلو ناچاقی پر بیوی کو گولی مارکر خودکشی کرلی۔

    بای ٹی وی : پولیس کے مطابق گھریلو ناچاقی پر 47 سالہ ممتاز علی نے اپنی اہلیہ 40 سالہ نورین کو گولی ماری، گولی لگنے سے خاتون شدید زخمی ہوگئیں خاتون کو تشویشناک حالت میں تحصیل ہیڈ کوارٹرز ہسپتال ٹیکسلا منتقل کردیا جہاں وہ جاں بحق ہو گئی-

    ماں نے 80 ہزار میں اپنی بیٹی فروخت کر دی

    دوسری جانب پولیس نے وقوعہ پر پہنچ کر فرانزک کے لیے شواہد جمع کرلیے ہیں وقوعہ سے ملنے والا پسٹل بھی تحویل میں لے لیا گیا پولیس کا کہنا تھا کہ پوسٹ مارٹم رپورٹ کے بعد مزید صورتحال واضح ہوسکے گی۔

    دوسری جاب کراچی کے علاقے گلشن اقبال میں شانتی نگرمیں جھونپڑیوں میں آگ لگنے سے4 بچے اورخاتون جھلس کرجاں بحق ہوگئے۔

    پولیس حکام کے مطابق کراچی کے علاقے گلشن اقبال میں واقع شانتی نگرمیں ایک جھونٹپری میں آگ بھڑک اٹھی جس نے دیگرجھونپٹریوں کوبھی اپنی لپیٹ میں لے لیا آ گ سے جھلس کے ایک خاتون اور3بچے جاں بحق ہوگئے۔

    جاں بحق بچوں میں 9سالہ کامران،11سالہ فرحان،12سالہ صائمہ اور8سالہ طیبہ شامل ہیں۔آگ سےجھلسنے والے ایک بچے کواسپتال منتقل کیا گیا جہاں وہ زخموں کی تاب نہ لاتے ہوئے انتقال کرگیا فائربریگیڈ نے موقع پرپہنچ کرآگ پرقابو پالیا آتشزدگی سے 5 جھونپڑیاں مکمل طورپرتباہ ہوگئیں آگ لگنے کی وجہ معلوم نہیں ہوسکی۔

    ماں نے 80 ہزار میں اپنی بیٹی فروخت کر دی

    ادھر پشاور میں اپنی سہیلی ثنا کے شوہر طاہر کو فائرنگ کرکے زخمی کرنے والی ٹک ٹاکر عشرت کو پولیس نے گرفتار کرلیا پشاور میں میاں بیوی کے درمیان جھگڑا چل رہا تھا جس کے سبب خاتون اپنی ٹک ٹاکر دوست کے گھر میں رہ رہی تھیں، ملزمہ نے صُلح کیلئے جرگے کا بہانہ بنا کر طاہر کو گھر بلایا اور فائرنگ کرکے زخمی کردیا بعد ازاں پولیس نے کارروائی کرکے عشرت کو گرفتار کیا اور واقعے میں استعمال ہونے والی پستول بھی برآمد کرلی ہے۔

    پولیس نے بتایا کہ مدعی طاہر ولد امجد نے تھانے میں رپورٹ درج کرائی تھی کہ اس کی بیوی گھر سے ناراض ہو کر خاتون ٹک ٹاکر عشرت کے گھر رہائش پذیر ہے، ٹک ٹاکر نے جرگہ کرانے کے بہانے گھر بلا کر فائرنگ کرکے زخمی کیا جس پر مقدمہ درج کیا گیا۔
    واقعہ کی اطلاع ملتے ہی پولیس نے موقع پر پہنچ کر خاتون ٹک ٹاکر عشرت کو حراست میں لیا۔

    متحدہ عرب امارات کا جہازایران کے قریب ڈوب گیا

  • کار نہر میں گرنے سے ایک ہی خاندان کے 7 افراد جاں بحق، فائرنگ سے 5 خواجہ سرا زخمی

    کار نہر میں گرنے سے ایک ہی خاندان کے 7 افراد جاں بحق، فائرنگ سے 5 خواجہ سرا زخمی

    رحیم یار خان میں کار نہر میں گرنے سے ایک ہی خاندان کے 7 افراد جاں بحق ہوگئے۔

    باغی ٹی وی : ریسکیو ذرائع کے مطابق یہ افسوسناک حادثہ کوٹ سمابہ کے قریب 86 والا پل پر پیش آیا ہے جہاں مین روڈ پر ٹریفک بلاک ہونے پرنہر کنارے کچہ راستہ استعمال کرتے ہوئے کار نہر میں جاگری جس میں 2 خواتین اور 2 بچوں سمیت 7 افراد ڈوب کر جاں بحق ہوگئے ۔

    ریسکیو حکام کے مطابق حادثے میں جاں بحق ہونےوالے تمام افراد کا تعلق ایک ہی خاندان سے ہے جن کی لاشیں نہر سے نکال لی گئی ہیں۔

    دوسری جانب مانسہرہ میں خواجہ سرا کے ڈیرے پر فائرنگ سے 5 خواجہ سرا زخمی ہوگئے۔

    پولیس کے مطابق واقعہ بائی پاس روڈ پر پیش آیا جس کے نتیجے میں زخمی ہونے والے پانچوں خواجہ سراؤں کو ایوب میڈیکل کمپلیکس ایبٹ آباد منتقل کیا گیا ہےاسپتال ذرائع کے مطابق زخمی حالت میں لائے گئے خواجہ سراؤں میں سے ایک کی حالت نازک ہے۔

    بھائی کی شادی پر رقص کیوں کیا؟ بیوی کے بال اور ناک کاٹنے کی کوشش پر شوہر گرفتار

    پولیس حکام کے مطابق ایک زخمی خواجہ سرا نے الزام لگایا کہ ملزم سبطین جنسی تعلقات رکھنا چاہتا تھا پولیس نے ملزم کو گرفتار کرکے مقدمہ درج کرتے ہوئے تفتیش شروع کردی۔

    ادھر کراچی کے علاقے سہراب گوٹھ میں فیکٹری ملازم کے قتل میں ملوث دو پولیس اہلکاروں کے خلاف مقدمہ درج کر لیا گیا مقدمہ گبول ٹاون تھانے میں قتل کی دفعہ 302/34 کے تحت مقتول اسماعیل کے چچا زیدی گل کی مدعیت میں پولیس اہلکاروں کے خلاف درج کیا گیا۔

    ایف آئی آر کے متن کے مطابق مقدمے میں پولیس اہلکار توصیف الرحمن اور عبدلعلی کو نامزد کیا گیا ہے مقتول کے چچا زیدی گل کے مطابق اسماعیل فیکٹری سے گھر کھانا کھانے آیا تھا کہ پولیس اہلکاروں نے گولی مار دی، مقتول اسماعیل تولیہ فیکٹری میں ملازمت کرتا تھا اہلکاروں کی فائرنگ سے اسماعیل زخمی ہوا اور اسپتال منتقلی کے دوران جاں بحق ہوگیا۔

    بچوں پرجنسی تشدد کیس کے مجرم کو سزائے موت دینے کی تجویز کا مسودہ تیار

  • حادثات ہیں یا جسمانی تشدد کا شکار خواتین پر قاتلانہ حملہ

    ‏پوری وارڈ میں اکثریت اگ میں جھلس کر جلنے والی خواتین ھی تھیں اس پہلو کی تحقیقات ھونی چاھئے کہ ان کی کیا یہ صرف حادثات ہیں یا جسمانی تشدد کا شکار خواتین پر قاتلانہ حملہ ۔
    اور جب والدین سر پر نہ ہوں تو خواتین اولاد کی خاطر ان واقعات کو حادثہ قرار دیتی ہیں۔
    ‎

    ‏یونیورسٹی کے ایڈمن ڈپارٹمنٹ میں کام کرنے والی ایک عزیز مشکوک حالات میں 45 فیصد تک جل گئی ہیں۔ بے چاری اپنے دو معصوم بچوں کی خاطر انتہائی مشکل اور تکلیف دہ شادی نبھا رہی تھی۔ یونیورسٹی کی فیکلٹی ملنے گئی تو شوہر بے فکری سے جھلسنے کے بعد کی تصاویر دکھا رہا تھا۔

    ‏بے چاری حالات کی ماری اپنی معمولی شکل و صورت اور مالی پس منظر کی وجہ شدید مشکل زندگی گھسیٹ رہی تھی۔ کرسچن کیمونٹی سے تعلق ہے۔ والدین وفات پا چکے ہیں کوئی سہارا نہیں۔ دو بیٹے پانچ سال اور دو سال ماں کے بنا بے حد مشکل میں آ گئے ہیں۔ ہولی فیملی ہسپتال راولپنڈی میں زیر علاج ہے۔

  • راولپنڈی میں پتنگ بازی کیخلاف کریک ڈاؤن ، 150 سے زائد افراد گرفتار،1 لاکھ سے زائد پتنگیں برآمد

    راولپنڈی میں پتنگ بازی کیخلاف کریک ڈاؤن ، 150 سے زائد افراد گرفتار،1 لاکھ سے زائد پتنگیں برآمد

    سی پی او راولپنڈی کا کہنا ہے کہ راولپنڈی پولیس نے پتنگ بازی اور ہوائی فائرنگ کرنے والوں کے خلاف گزشتہ 24 گھنٹوں میں بھرپور کریک ڈاؤن کرتے ہوئے 145 افراد کو گرفتار کر لیا ہے۔

    باغی ٹی وی : سی پی او راولپنڈی کا کہنا ہے کہ پتنگ بازی پر قابو پانے کے لئے شہر کے مختلف حصوں میں 1600 سے زائد اہلکار تعینات کئے ہیں پولیس نے کاروائی کرتے ہوئے پتنگ بازی میں ملوث ساڑھے سات سو سے زائد افراد کئے جا چکے ہیں جبکہ پچھلے 24 گھنٹوں میں 150 سے زائد افراد کئے ہیں جبکہ 1 لاکھ سے زائد پتنگیں برآمد کی ہیں-


    انہوں نے کہا کہ پتنگ بازی پر قابو پانے کے لئے پولیس کا جو کردار ہے وہ ادا کر رہی ہے ہمارے تمام سینئیر آفیسر ایس ایس پی ڈی ایس پی یہاں موجود ہیں وہاً پر ان والدین کا بھی کردار ہے جو ان کاموں میں ملوث ہیں یہ بڑا خونی کھیل ہے-

    سی پی او راولپنڈی نے شہریوں سے گزارش کی ہے کہ پتنگ بازی اور ہوائی فائرنگ جیسے خطرناک کھیل سے اجتناب کریں۔

    راولپنڈی میں پتنگ بازی پرعائد پابندی ہوا میں اڑا دی گئی شہر میں ہونے والی پتنگ بازی کے باعث ایک بچہ جاں بحق اور متعدد زخمی ہو چکے ہیں۔

    میڈیا رپورٹس کے مطابق پتنگ بازی پر عائد پابندی کے نتیجے میں ڈھوک کالا خان میں ایک بچہ چھت سے گر کر جاں بحق ہو گیا ہے پولیس ذرائع کے مطابق بچہ چھت سے پتنگ پکڑنے کی کوشش کر رہا تھا کہ توازن برقرار نہیں رکھ سکا اور گر کر جاں بحق ہو گیا۔

    غیر برادری میں شادی ،باپ نے بیوی اور بیٹیوں کو مار کر خودکشی کر لی

    باخبر ذرائع کے مطابق صرف راولپنڈی کی حدود میں پتنگ بازی کے دوران کی جانے والی ہوائی فائرنگ اور ڈور پھرنے سے 60 افراد زخمی ہو چکے ہیں ترجمان ریسکیو کے مطابق زخمی ہونے والے افراد کو راولپنڈی کے مختلف اسپتالوں میں علاج معالجے کے لیے داخل کیا گیا ہے۔

    بھائی کے قاتل کو گرفتار نہ ہوئے توخود کو تھانے کے سامنے آگ لگا دوں گا، اینکر پرسن طارق متین

    پتنگ بازی کی وجہ سے اسلام آباد ایکسپریس وے، مری روڈ، اڈیالہ روڈ، لالہ زار، پرانا ایئرپورٹ روڈ، گلزار قائد، کار چوک، ڈھیری، لال کرتی، کھنہ پل اور جھنڈا چیچی پل سمیت شہر کی مختلف اہم شاہراہوں پر پتنگ لوٹنے والے بچوں اور بڑوں کی بھاگ دوڑ متعدد گاڑیوں کے ایکسیڈنٹس کا سبب بن رہی ہے اور لڑائی جھگڑے بھی ہو رہے ہیں۔

    گھرمیں رنگ روغن کا کام کرنے آئے شخص کی بچے کے ساتھ بدفعلی کی کوشش

    جبکہ افسوسناک بات یہ ہے کہ پولیس قانون پر عمل درآمد یقینی بنانے کے بجائے صرف خاموش تماشائی کا کردار ادا کرتی دکھائی دیتی ہے جبکہ دوسری جانب یہ بھی سوالات زیرگور ہیں کہ شہر میں پتنگ بازی پر پابندی عائد ہے تو پتنگوں اور ممنوعہ ڈور کی دستیابی شہر میں کس طرح ممکن ہو رہی ہے؟ ممنوعہ اشیا فروخت کرنے والوں کے خلاف کریک ڈاؤن کیوں نہیں کیا جا رہا؟

    چائلڈ پورنوگرافی میں ملوث ملزم گرفتار،فحش مواد برآمد

  • ٹھوس لائن و دھند کے باعث حادثات میں اضافہ

    ٹھوس لائن و دھند کے باعث حادثات میں اضافہ

    قصور
    برسات کے بعد دھند کا سلسلہ تیز،سڑکیں ٹوٹی پھوٹی ہونے سے حادثات میں اضافہ،سڑکوں پر ٹھوس لائن ( پیلی پٹی ) نا ہونے سے بھی مشکلات میں اضافہ

    تفصیلات کے مطابق قصور ضلع میں برسات کے بعد دھند کا سلسلہ تیز ہو گیا ہے جس کے باعث حد نگاہ بمشکل ایک سے تین میٹر تک رہ گئی ہے
    شدید دھند اور ٹوٹی پھوٹی سڑکوں کے باعث حادثات میں و چوری ڈکیتی کی وارداتوں میں نمایا اضافہ ہو گیا ہے
    نیز سڑکوں پر ٹھوس لائن یعنی پیلی پٹی نا ہونے کی بدولت بھی لوگوں کو شدید مشکلات کا سامنا ہے کیونکہ اسی پیلی پٹی کے باعث سڑک کے اختتامی کنارے کا پتہ چلتا ہے مگر انتظامیہ کی نااہلی کی بدولت ضلع کی چند ایک سرکوں پر ہی پیلی پٹی موجود ہے باقی تمام چھوٹی بڑی سڑکیں پیلی پٹی سے محروم ہیں
    شہریوں نے ضلعی انتظامیہ سے بڑھتے ہوئے حادثات کے پیش نظر سڑہوں پر پیلی پٹی لگانے اور وارداتوں کے پیش نظر پولیس گشت بڑھانے کا مطالبہ کیا ہے

  • میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ

    میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ

    میاں چنوں:میاں چنوں سے پریشان کن خبرآگئی :لاہور سے کراچی جانے والی خیبر میل ایکسپریس کو حادثہ ،اطلاعات کے مطابق لاہور سے کراچی آنے والی خیبر میل ایکسپریس کے میاں چنوں کے قریب بریک فیل ہوگئےکئی بوگیاں پٹڑی سے اتر گئیں ۔

     

     

    کراچی جانے والی 2 ڈاؤن خیبر میل ایکسپریس کی کئی بوگیاں پٹری سے اتر گئیں تاہم حادثے میں کسی جانی نقصان کی اطلاع نہیں ملی ہے۔ رپورٹ کے مطابق خیبر میل کے ڈرائیورز حنیف غازی نے قریبی عزیز کے انتقال پر چارج چھوڑا اور ٹرین کا چارج ڈرائیور محمد زبیر کے حوالے کر کے روانہ ہوگیا۔

     

     

    ڈرائیورزبیر نے بریکنگ پاور کو چیک نہیں کیا، بریکنگ پاور چیک نہ ہونے کی وجہ سے ڈرائیور بریک پر کنٹرول نہ رکھ سکا۔حادثے سے متعلق مزید تحقیقات جاری ہیں۔

     

    پاکستان میں حادثات کی ایک لمبی تاریخ ہے ، اسی سال جون کے مہہینے میں گھوٹکی میں حادثہ پیش آیا جہاں اس حادثےمیں 60 سے زائد افراد جانبحق ہوگئے تھے اور بڑی تعداد میں زخمی بھی ہوئے

    افسوس کی بات یہ ہےکہ حادثات کی صورت میں بڑےبڑے صدمات سے گزرتے ہیں لیکن ریلوے کے نظام میں بہتری کے آثار ابھی تک نظر نہیں‌آرہے ، یہی وجہ ہے کہ لوگ اب ریل پرسفر کرنے کی بجائے دیگرذرائع سے سفر کرلیتے ہیں لیکن ریلوے پراعتبار نہیں کرتے

    آج کے واقعہ کے بعد بھی شاید یہی صورت حال ہے ، مسافر میاں چنوں میں پریشان بیٹھے ہیں اور انکا کوئی پرسان حال نہیں لیکن ریلوے حکام کو کوئی پرواہ تک نہیں کہ وہ مسافروں کی دل جوئی ہی کرسکیں‌