Baaghi TV

Tag: حارث روؤف

  • پاکستانی باؤلر حارث رؤف دنیا کے بہترین ڈیتھ باؤلرز میں سے ایک ہیں،سابق بھارتی کرکٹر

    پاکستانی باؤلر حارث رؤف دنیا کے بہترین ڈیتھ باؤلرز میں سے ایک ہیں،سابق بھارتی کرکٹر

    سابق بھارتی کرکٹر سنجے منجریکر نے کہا ہے کہ وہ پاکستانی بیٹرز سے زیادہ پاکستانی باؤلرز کا انتخاب کرنا پسند کریں گے-

    باغی ٹی وی: ایک بھارتی ٹی وی پروگرام میں گفتگو کرتے ہوئے انہوں نے آئی پی ایل میں پاکستانی کھلاڑیوں کی شمولیت سے متعلق کہا کہ اگر انڈین پریمیئر لیگ (آئی پی ایل) میں پاکستانی کرکٹرز پر پابندی نہ ہوتی تو سرحد پار کے کئی اسٹارز کی خدمات انتہائی مہنگے داموں حاصل کی جاتیں۔

    پاک فوج کا ٹرک بے قابو ہو کر دریائے نیلم میں گرنے سے 4 جوان …

    انہوں نے کہا کہ پاکستانی باؤلر حارث رؤف دنیا کے بہترین ڈیتھ باؤلرز میں سے ایک ہیں اسی صلاحیت کو دیکھتے ہوئے آئی پی ایل میں انہیں مہنگے ترین داموں میں خریدا جاتا۔

    سنجے منجریکر کا کہنا تھا کہ وہ پاکستانی بیٹرز سے زیادہ پاکستانی باؤلرز کا انتخاب کرنا پسند کریں گے پاکستانی بیٹر فخر زمان میں بھی آئی پی ایل کی کئی ٹیمیں دلچسپی لے سکتی ہیں اسی طرح وکٹ کیپر بیٹسمین محمد رضوان کا کسی ٹیم میں ہونا نمایاں فرق لاسکتا ہے۔

    مضافاتی علاقوں میں زندگی گزارنےوالے لوگ ڈپریشن میں مبتلا ہو سکتے ہیں

    سابق آسٹریلوی کرکٹر ٹام موڈی نے بھی پاکستانی کھلاڑیوں کو آئی پی ایل کیلئے بہترین قرار دیا انہوں نے خواہش ظاہر کرتے ہوئے کہا کہ پاکستانی فاسٹ باؤلر شاہین شاہ آفریدی میرا پہلا انتخاب ہوں گے،بابراعظم، محمد رضوان، شاداب خان سمیت پاکستان کے پاس بہترین کرکٹرز ہیں۔ خاص طور پر ٹی ٹوئنٹی فارمیٹ میں پاکستان کا جواب نہیں۔

    صوبہ سندھ کا رواں ماہ مالی سال کا بجٹ 10 جون کو پیش کیا جائے …

  • حارث کے نکاح کے بعد شاداب خان کے دل میں بھی شادی کے لڈو پھوٹنے لگے

    حارث کے نکاح کے بعد شاداب خان کے دل میں بھی شادی کے لڈو پھوٹنے لگے

    پاکستان کرکٹ ٹیم کے فاسٹ بولر حارث روؤف کے نکاح کے بعد شاداب خان بھی شادی کے شادیانے بجانے کیلئے بے چین ہوگئے-

    باغی ٹی وی : گزشتہ روز فاسٹ بولر حارث رؤف روز اپنی کلاس فیلو مزنا مسعود ملک کے ساتھ رشتہ ازدواج میں منسلک ہوئے تھےحارث رؤف کا نکاح اسلام آباد کے مقامی ہوٹل میں ہوا تھا جس میں ان کے قریبی رشتہ داروں اور دوستوں نے شرکت کی تھی-

    حارث رؤف کا نکاح ہو گیا،سی ای او لاہور قلندرز،عاقب جاوید،شاہین اور شاہد آفریدی کی…

    حارث رؤف کے نکاح کی تقریب میں قومی ٹیم کے سابق کپتان شاہد آفریدی، فاسٹ بولر شاہین شاہ آفریدی، لاہور قلندرز کے ہیڈ کوچ عاقب جاوید، سابق ٹیسٹ کرکٹر ریاض آفریدی اور سی ای او لاہور قلندرز ثمین رانا بھی شریک ہوئے۔

    فاسٹ بولر کو ساتھی کھلاڑیوں کی جانب سے نکاح کی مبارکباد دینے کا سلسلہ بھی جاری ہے قومی ٹیم کے آل راؤنڈر شاداب خان کی جانب سے بھی دلچسپ انداز میں مبارکباد دی گئی ہے۔

    فرانسیسی وزیر نے فٹبال ورلڈ کپ جیتنے والی ارجنٹائن کی ٹیم کو غیر مہذب قرار دے دیا

    ٹوئٹر پر حارث کے نکاح کی ایک ہنستی مسکراتی تصویر شیئر کرتے ہوئے شاداب نے لکھا کہ اتنا گلو اور اتنی خوشی، لگتا ہے میرا ٹائم بھی اب آنے والا ہے-

  • لاہور قلندرزنے حارث رؤف اور فخر زمان کو بھی گاڑیاں تحفے میں دے دیں

    لاہور قلندرزنے حارث رؤف اور فخر زمان کو بھی گاڑیاں تحفے میں دے دیں

    پاکستان سپر لیگ کی فرنچائز لاہور قلندرز نے کپتان شاہین شاہ آفریدی کے بعد فاسٹ بولر حارث رؤف اور فخر زمان کو بھی گاڑیاں تحفے میں دے دیں۔

    باغی ٹی وی : لاہور قلندرز نے کرکٹرز کو گاڑیاں دینے کی تقریب گورنمنٹ کالج یونیورسٹی کے اوول گراؤنڈ میں سجائی لاہور قلندرز کی انتظامیہ اور کرکٹرز شاہین آفریدی، حارث رؤف اور فخر زمان تقریب کے لیے اوول گراؤنڈ پہنچنے پر شاندار استقبال کیا گیا۔


    سی ای او عاطف رانا کا کہنا تھا کہ لاہور قلندرز کے کھلاڑی جوش و جذبے سے کھیلتے ہیں،اور لاہور قلندرز کو فیملی کی طرح سمجھتے ہیں ان کا خیال رکھنا بہت ضروری ہے کھلاڑیوں کا خیال رکھنے کا سلسلہ جاری رکھا جائے گا۔

    اس موقع پر فخر زمان نے کہا کہ لاہور قلندرز کی انتظامیہ اپنے کرکٹرز کا تو خیال رکھتی ہی ہے لیکن جس طرح یہ اپنے مداحوں کے ساتھ بات چیت کرتے ہیں یہ بھی زبردست ہے۔

    قلندرز کے کپتان شاہین آفریدی نے کہا کہ یہ لاہور قلندرز کی فیملی کا اظہار ہے جو یہ اپنے کرکٹرز کے ساتھ کررہے ہیں۔

    فاسٹ بولر حارث رؤف نے کہا کہ گزشتہ سیزن میں انہوں نے ہر کھلاڑی کو انفرادی کارکردگی پر انعامات دیئے،یہ چیز کھلاڑیوں کے لیے اچھی ثابت ہوتی ہے۔


    جی سی یو کے وا ئس چانسلر اصغر زیدی نے لاہور قلندرز کی انتظامیہ کا طلبہ کے سامنے تقریب سجانے پر شکریہ ادا کیا کہا کہ اس طرح نوجوانوں میں محنت کرنے اور آگے بڑھنے کا جذبہ پیدا ہوتا ہے-

    جی سی یو کے آڈیٹوریم میں پنجاب فوڈ اتھارٹی کے تعاون سے لاہور قلندرز نے میٹ اینڈ گریٹ کا بھی اہتما م کیا گیا جس میں طلبہ نے کرکٹرز سے سوالات کیے ،دوران سیشن آڈیٹوریم کرکٹرز کے نعروں سے گونجتا رہا ۔

    واضح رہے کہ اس سے قبل لاہور قلندرز نے شاہین آفریدی اور حارث رؤف کے ہمراہ کراچی کی این ای ڈی یونیورسٹی میں میٹ اینڈ گریٹ کا سیشن رکھا تھا۔

  • حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی

    حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی

    پاکستان کرکٹ ٹیم کے فاسٹ بولر حارث روؤف نے اپنی کلاس فیلو سے شادی کرنے کا فیصلہ کر لیا ہے جبکہ نکاح کی تاریخ کی بھی سامنے آ گئی ہے-

    باغی ٹی وی : حارث رؤف کا کہنا ہے کہ ان کی ہونے والی دلہن کلاس فیلو ہیں، رخصتی آئندہ سال ہوگی ذرائع کے مطابق ان کے نکاح کی تقریب ہفتہ 24 دسمبر کو اسلام آباد میں ہوگی –

    صدر اور وزیراعظم کی ورلڈکپ2022 کے شاندار انعقاد پر قطرکو مبارکباد

    پاکستان کرکٹ ٹیم کے فاسٹ بولر حارث رؤف ا ن دنوں کرکٹ سے دور ہیں، فٹنس مسائل کی وجہ سے وہ ری ہیب سے گزر رہے ہیں۔

    یاد رہے کہ اس سے قبل سہیل وڑائچ کو دیئے گئے انٹرویو میں فاسٹ بولر نے بتادیا تھا کہ وہ جلد شادی کرنے والے ہیں۔

    لائف پارٹنر کے حوالے سے کیے گئے سوال کے جواب میں حارث رؤف کا کہنا تھا کہ میں کسی ایسی لڑکی سے شادی کرنا چاہوں گا جو سادہ ہو اور میری کرکٹ سے زیادہ دلچسپی نہ رکھے بلکہ ان کی دلچسپی مجھ میں ہو، میں پسند کو ارینج میں تبدیل کروں گا۔

    مداح کی میسی کے حوالے سے 7 سال پرانی پیشگوئی درست ثابت