قومی ٹیم کے فاسٹ باولر حارث روف نے سابق پیسر عمر گل کا بڑا ٹی ٹونٹی ریکارڈ توڑ دیا۔
31 سالہ حارث روف نے نیوزی لینڈ کیخلاف چوتھے ٹی ٹونٹی میں شاندار باولنگ کا مظاہرہ کرتے ہوئے محض 27 رنز دے کر 3 وکٹیں حاصل کیں، یہ حارث رئوف کے ٹی ٹونٹی کیریئر میں 14واں موقع تھا جب انہوں نے ایک ٹی ٹونٹی اننگز میں 3 وکٹیں حاصل کیں۔حارث روف اب تک اپنے کیریئر میں 82 میچز میں 20.48 کی اوسط سے 118 وکٹیں حاصل کرچکے ہیں۔31 سالہ پیسر نیوزی لینڈ کیخلاف جاری ٹی ٹونٹی سیریز میں قومی ٹیم کے بہترین بائولر رہے ہیں ، انہوں نے اب تک 3 میچز میں 9.50 کی اوسط سے 8 وکٹیں حاصل کی ہیں ۔
واضح رہے کہ ٹی ٹونٹی کرکٹ میں ایک اننگز میں زیادہ مرتبہ 3 وکٹیں لینے کا ملکی ریکارڈ شاہین آفریدی کے پاس ہے جنہوں نے 16 مرتبہ یہ کارنامہ سرانجام دے رکھا ہے ۔دوسری جانب سابق فاسٹ بائولر عمر گل اور لیگ سپنر شاداب خان 12،12 یہ کارنامہ سرانجام دے کر اس فہرست میں مشترکہ طور پر تیسرے جب کہ سابق آف سپنر سعید اجمل اپنے ٹی ٹونٹی کیریئر میں 11 مرتبہ اننگز میں 3 وکٹیں حاصل کرکے اس فہرست میں چوتھے نمبر پر ہیں۔
بجلی کی قیمت میں معمولی کمی کا امکان
