ہرمظلوم کا ساتھ دیں گے، ہم ہر ظالم کا ہاتھ روکیں گے،حافظ سعد رضوی کا اعلان
لاہور: مرکزی امیر تحریک لبیک پاکستان علامہ حافظ سعد حسین رضوی نے چاغی واقعے پرشدید ردعمل کا اظہار کیا ہے-
باغی ٹی وی : حافظ سعد حسین رضوی نے اس ضمن میں جاری پیغام میں کہا کہ چاغی میں ریاستی اداروں کی جانب سے طاقت کا استعمال قابلِ مذمت ہے، چاغی میں شہید ہونے والے ٹرک ڈرائیور اور مظاہرین کو انصاف ملنا چاہیئے-مرکزی امیر تحریک لبیک پاکستان کا کہنا تھا کہ مقتدر طبقات نے اپنے مفادات کے تحفظ کے لیے ریاستی اداروں کو "غنڈہ فورس” میں تبدیل کردیا ہے اگر گزشتہ برس لاہور مسجد رحمۃ اللعلمین میں پرامن احتجاج کرنے والے شہریوں کے قاتلوں کو سزا مل جاتی تو آج چاغی میں یہ سانحہ نہ ہوتا-
حافظ سعد حسین رضوی نے کہا کہ گزشتہ برس ان ہی ایام میں پیرا ملٹری فورسز اور سول ادارے ملک بھر میں ٹی ایل پی کارکنان کو مار رہے تھے، یہی لبرل تھے جو خوشیاں منارہے تھے، کچل ڈالو۔۔۔ مار ڈالو۔۔۔ تُن کے رکھو۔۔ کے نعرے لگارہے تھے، ان سے سوال ہے کہ اس وقت قانون کی بالادستی اور انسانی حقوق کے معاملات کہاں تھے؟-
حافظ سعد حسین رضوی نے مزید کہا کہ گزشتہ برس ریاستی اداروں کی غنڈہ گردی پر جن لوگوں نے حوصلہ افزائی کی، آج وہ محض ریاستِ پاکستان اور فوج کے بغض میں شور و غوغا کررہے ہیں، ان کا مظلوموں کی ہمدردی سے کچھ لینا دینا نہیں ہے، ٹی ایل پی ہر مظلوم کے ساتھ کھڑی ہے، چاہے وہ پنجابی ہو، سندھی ہو، مہاجر ہو، پشتون ہو یا بلوچ-
حافظ سعد حسین رضوی کا کہنا تھا کہ ہم ہر مظلوم کا ساتھ دیں گے، ہم ہر ظالم کا ہاتھ روکیں گے، حضرت علی رضی اللہ عنہ کا قول ہے کہ معاشرہ حالتِ کفر پر قائم رہ سکتا ہے لیکن حالتِ ظلم پر قائم نہیں رہ سکتا-انہوں نے کہا کہ چاغی جیسے سانحات سے مایوسیاں پھیلیں گی اور پاکستان دشمن عناصر فائدہ اٹھائیں گے، بلوچستان کے عوام محب وطن ہیں، ان کے ساتھ ماضی میں ہوئی زیادتیوں کا ازالہ کیا جائے-
مارچ میں تحریک لبیک نے بھی ایک بار پھر "مارچ” کا اعلان کر دیا
اگر معاہدہ پورا نہ ہوا تو یہ قافلہ آگے روانہ ہوگا تحریک لبیک کی شوریٰ کا اعلان
خون کی ہولی کھیلی گئی،مولانا فضل الرحمان بھی تحریک لبیک کے حق میں بول پڑے
کالعدم تحریک لبیک کے ساتھ مذاکرات کے حوالہ سے نئی پیشرفت
وزیراعظم کیخلاف تحریک عدم اعتماد،حافظ سعد رضوی نے بھی بڑا مطالبہ کر دیا
قیادت نا اہلوں سے نکل کر ناقابل اعتبار لوگوں کے ہاتھ آ گئی،حافظ سعد رضوی