چیئرمین پاکستان علما کونسل حافظ طاہر محمود اشرفی نے کہا کہ جو ہماری حفاظت کے لیے اپنی جان قربان کرے، اس کی توہین کسی بھی صورت قابلِ قبول نہیں۔
وزیراعلیٰ سندھ سید مراد علی شاہ کے ہمراہ کراچی میں قومی پیغامِ امن کمیٹی کی نیوز کانفرنس سے خطاب کرتے ہوئے حافظ طاہر محمود اشرفی نے کہا کہ دہشتگرد ملک کے امن کے دشمن ہیں اور دہشتگردی کے خلاف جنگ میں سیکیورٹی فورسز کے جوان مسلسل قربانیاں دے رہے ہیں انہوں نے واضح کیا کہ افوا جِ پاکستان کے جوان چند ہزار روپے تنخواہ کے لیے نہیں بلکہ وطن کے دفاع اور شہادت کے جذبے کے ساتھ سرحدوں پر ڈٹے ہوئے ہیں۔
حافظ طاہر اشرفی نے کہا کہ شہدا کی قربانی کا کوئی مالی معاوضہ نہیں ہو سکتا، شہادت مومن کا اعلیٰ مقام اور باعثِ فخر ہے، جبکہ اسلامی ریاست کے محافظو ں کی خدمات اور قربانیاں انتہائی قابلِ احترام ہیں انہوں نے کہا کہ جو ہماری حفاظت کے لیے اپنی جان قربان کرے، اس کی توہین کسی بھی صورت قابلِ قبول نہیں۔
حافظ طاہر اشرفی نے کہا کہ ہم پاک فوج کے ساتھ کھڑے ہیں اور کسی کو اپنے شہدا کی توہین کرنے کی اجازت نہیں دیں گے سیاست دانوں کو چاہیے کہ وہ قومی اداروں اور سیکیورٹی فورسز کے جوانوں کا حوصلہ بلند کریں اور سیاسی اختلافات کو اداروں پر تنقید کا ذریعہ نہ بنائیں۔
پاکستان آج دنیا میں امن کے داعی کے طور پر ابھر رہا ہے، اس لیے قومی اتحاد اور یکجہتی وقت کی اہم ضرورت ہےسیاست کے میدان میں سیاست ہونی چاہیے، اداروں کو سیاسی تنازعات میں گھسیٹنے کا کسی کو حق حاصل نہیں۔
انہوں نے کہا کہ شہدا کے اہلِخانہ کے دکھ میں پوری قوم برابر کی شریک ہے، جبکہ دہشتگردی کے خلاف جنگ میں ریاست اور قومی اداروں کے ساتھ کھڑا ہونا ہر پاکستانی کی ذمہ داری ہےفتنۂ الخوارج اور دیگر دشمن عناصر کو قوم اچھی طرح پہچان چکی ہے، اس لیے دانستہ یا نادانستہ کسی بھی دشمن یا دہشتگرد کا سہولتکار نہیں بننا چاہیے۔
نیوز کانفرنس کے دوران حافظ طاہر اشرفی جذباتی اور افسردہ بھی ہوگئے اور انہوں نے ایک بار پھر اس عزم کا اظہار کیا کہ افواجِ پاکستان اور شہدا کی عزت و حرمت پر کوئی سمجھوتا نہیں کیا جا سکتا۔
وزیراعلیٰ سندھ سید مراد علی شاہ نے کہا کہ سندھ صوفیا کرام کی دھرتی ہے، جہاں حضرت لعل شہباز قلندرؒ اور حضرت شاہ عبداللطیف بھٹائیؒ جیسے عظیم بزرگوں نے محبت، رواداری اور اخوت کا درس دیا سندھ کی سرزمین ہمیشہ امن، بھائی چارے اور انسان دوستی کا پیغام دیتی آئی ہے، اسی روایت کو مزید مضبوط بنا نے کی ضرورت ہے۔
ے کہا کہ سندھ حکومت قومی پیغامِ امن کمیٹی کے ساتھ ہر ممکن تعاون جاری رکھے گی تاکہ ملک میں اتحاد، ہم آہنگی اور امن کے فروغ کے لیے مشترکہ کوششیں کی جا سکیں اگر ہم سب اخلاص کے ساتھ امن کے لیے اپنا کردار ادا کریں گے تو اللہ تعالیٰ ضرور مدد فرمائے گا،معرکۂ حق میں کامیابی کے بعد دنیا بھر میں پاکستان کا مثبت تاثر اجاگر ہوا ہے اور پوری قوم کو اپنی افواج پر فخر ہے پاک فوج کی قربانیاں قوم کے لیے با عثِ عزت ہیں اور ملکی سلامتی، استحکام اور امن کے لیے ان کی خدمات کو ہمیشہ قدر کی نگاہ سے دیکھا جائے گا۔