اسلام آباد: سابق وفاقی وزیر فواد چوہدری کی اہلیہ حبا فواد نےپی ٹی آئی کی کارکن فلک جاوید کے خلاف ایف آئی اے میں کارروائی کی درخواست دے دی۔

باغی ٹی وی : حبا فواد کی درخواست میں کہا گیا ہےکہ فلک جاوید نے ان کے خلاف سوشل میڈیا پر فرضی الزامات اور بہتان لگائے اور دھمکیاں دیں فلک جاوید کے الزامات سے ان کے شوہر فواد چوہدری کی عزت پامال کی گئی ہے-
https://x.com/HibaFawadPk/status/1853709448583274558
ایک بیان میں حبا فواد نےکہا ہےکہ فلک جاوید کو گھر تک چھوڑ کر آنے کا بندوبست کر لیا ہے سوشل میڈیا پر ذاتی نوعیت کے الزامات لگائے گئے ہیں، فلک جاوید الزامات ثابت کریں ورنہ عدالتی کارروائی کے لیے تیار ہو جائیں، ایسے افراد کو سبق سکھانا ہوگا جو تحریک انصاف کے لیے بھی باعث شرمندگی بن رہے ہیں۔
https://x.com/falakjavaidkhan/status/1853710727883772175
فلک جاوید نے حبا فواد کی ایف آئی اے میں درخواست پر ردعمل دیتے ہوئےکہا ہے کہ پہلے ثابت کریں دنیا میں اکیلی آپ ہی حبا ہیں، معلوم تھا حبا فواد یہ کریں گی کیونکہ ایف آئی اے ان کے لیےگھر کی بات ہے، جو بھی ہو انصافینز کو حبا فواد کی اصلیت تو معلوم ہوئی ۔

اسلام آباد: سابق وفاقی وزیر فواد چوہدری کی اہلیہ حبا فواد نے کہا ہے کہ بھی تک فواد کا ہم سے رابطہ نہیں ہوا –

باغی ٹی وی: حبا فواد کا کہنا ہے کہ فواد کو ابھی تک کسی بھی عدالت میں پیش نہیں کیا گیا اور نہ کوئی مقدمہ یا ایف آئی آر منظر عام پر آئی ہے ، میں مسلسل اسلام آباد پولیس کے اعلیٰ حکام سے رابطہ کر رہی ہوں لیکن مجھے فواد کے بارے میں نہیں بتایا گیا کہ انہیں کہاں رکھا ہے؟ ۔

دریں اثناء فواد چوہدری کے بھائی فیصل چوہدری ایڈووکیٹ نے کہا کہ پولیس نے فواد چوہدری کو کہاں رکھا ہوا ہے؟ ابھی کچھ پتہ نہیں چل سکا، پولیس بھی فواد چوہدری سے متعلق کچھ نہیں بتا رہی میں تھانہ آبپارہ اور کوہسار گیا لیکن فواد چودھری وہاں موجود نہیں، فواد چودھری اس وقت تمام مقدمات میں ضمانت پر ہیں، فواد چودھری کے خلاف کوئی کیس ہے تو عدالت کے سامنے پیش کیا جائے۔

فواد چودھری بھی گرفتار

فیصل چودھری نے کہا کہ فواد چودھری سپریم کورٹ کے وکیل ہیں، ان کے ساتھ جو بھی سلوک کرنا ہے، قانون کے مطابق کیا جائے۔ فواد چودھری سے خاندان اور وکلا کو ملاقات کی اجازت دی جائے۔

واضح رہے کہ فواد چودھری پر نو مئی واقعات سمیت کئی مقدمات درج ہیں، فواد چودھری پر توہین الیکشن کمیشن کا کیس بھی چل رہا ہے،فواد چودھری تحریک انصاف چھوڑ کر استحکام پاکستان پارٹی میں شامل ہو چکے ہیںَ،فواد چودھری کو رواں برس دس مئی کو بھی گرفتار کیا تھا، بعد ازاں انہیں رہا کر دیا گیا تھا-

ملک بھر کی جیلوں سے 496 غیر ملکی قیدی ڈی پورٹ