Tag: حجاج

اسلام آباد: پاکستان سے فریضہ حج کی ادائیگی کے لیے جانے والے ایک لاکھ 60 ہزار عازمین نے فریضے کی تکمیل کردی اور کل سے وطن واپسی کا عمل شروع ہوجائے-

باغی ٹی وی : پاکستان انٹرنیشنل ایئر (پی آئی اے) کی پہلی پرواز کل حجاج کرام کو لے کر پاکستان پہنچے گی پی آئی اے کی 171 پروازوں کے ذریعے 35 ہزار سے زائد حجاج کرام کو وطن واپس لایا جائے گا،بعد از حج آپریشن کے تحت پی آئی اے کی خصوصی فلائٹس کے ذریعے جدہ اور مدینہ سے حجاج کرام کو کر اچی، اسلام آباد، لاہور، ملتان، سیالکوٹ، پشاور، سکھر اور کوئٹہ لایا جائے گا،پی آئی اے کا بعد از حج آپریشن 21جولائی تک جا ری رہے جبکہ ایک لاکھ25 ہزار حجاج کرام کی واپسی ملکی اور غیر ملکی نجی ایئرلائنز کے ذریعے ہوگی۔

دوسری جانب رواں برس حج 2024 کے دوران سعودی عرب میں ہیٹ سٹروک کے باعث 550 حجاج کرام کے جاں بحق ہونے کی تصدیق سامنے آئی ہے،سوشل میڈیا پر حجاج کرام کو بے یار و مددگار چھوڑنے سے متعلق خبروں پر ڈی جی حج عبدالوہاب سومرو نے کہا کہ حجاج کرام کے بارے میں سوشل میڈیا پر گردش کرنے والی بے بنیاد افواہوں کو عوام نظرانداز کریں،ہم سعودی حکومت کی جانب سے مہیا کی گئیں معلومات پر بھروسہ کرتے ہیں جن کی ہم بعد ازاں خود بھی تصدیق کرتے ہیں۔

ڈی جی حج نے بتایا کہ رواں سال حج سیزن کے دوران جون 18 سہہ پہر 4 بجے تک مشاعر میں 9 پاکستانیوں کی اموات ہوئیں جن میں 4 منٰی, 3 عرفات اور 2 مزدلفہ میں اموات ہوئیں یہ ایک مشکل حج تھا کیونکہ پارہ تقریبا 50 ڈگری تک تجاوز کر گیا تھا جس کے نتیجے میں اتنی اموات ہوئیں۔

وزارت حج نے بتایا کہ سعودی حکومت نے ایک نظام مرتب کیا ہوا ہے جس کے تحت ورثاء سے باقائدہ تدفین کی اجازت مانگی جاتی ہے،بعد ازاں میت کو غسل دے کر حرمین میں نماز جنازہ ادا کر کے تدفین کی جاتی ہے، یا پھر وارثین کی خواہش کے مطابق کسی حاجی کی میت پاکستان پہنچانے کے انتظامات کیے جاتے ہیں۔

اسلام آباد: روڈ ٹو مکہ پراجیکٹ برائے حج 2022 کے حوالے سے جاری ایک اہم اجلاس میں وزیر مذہبی امور، سعودی سفیر، سیکرٹری مذہبی امور، ایڈیشنل سیکرٹری خارجہ امور، ایڈیشنل سیکرٹری امیگریشن اور دیگر سرکاری حکام نے شرکت کی اور پاکستان سے جانے والے حاجیوں کے لیے کچھ اہم پیش رفت بھی سامنے آئی ہے

اسلام آباد ایئرپورٹ پرہونے والے اس اہم اجلاس میں روڈ ٹو مکہ پراجیکٹ کے ذریعے حجاج کو سہولت فراہم کرنے کے حوالے سے وزیر مذہبی امور اور سعودی سفیر نے اظہار خیال کیا۔ وفاقی وزیر نے اس موقع پر اگاہ کیا کہ وفاقی حکومت نے حج کرایوں میں کمی کی ہے۔ وزیر اور سفیر نے IIAP میں کئے گئے انتظامات کو سراہا اور اطمینان کا اظہار کیا۔

اجلاس میں بتایا گیا کہ آئی آئی اے پی سے مکہ جانے والے کل حجاج کی تعداد 14,007 ہے۔ آئی آئی اے پی سے چلنے والی کل پروازیں 42، پی آئی اے کی 18 پروازیں، سعودی ایئر لائن کی بھی 18 پروازیں، ایئر بلیو کی 04 پروازیں اور سیرین ایئر کی 02 پروازیں ہوں گی۔

اسلام آباد انٹر نیشنل ایئرپورٹ پر عازمین حج کی ایمی گریشن اور پری کلیئرنس کیلئے قائم خصوصی کاونٹر قائم کردیئے گئے، 10کاونٹر لاونج A2میں قائم کئے گئے ہیں۔ایئرپورٹ ذرائع نے بتایا کہ اسلام آباد سے فریضہ حج کی ادائیگی کیلئے جانے والے عازمین کی ایمیگریشن سعودی عملہ کرے گا۔

روڈ ٹو مکہ نصوبے کے تحت پی آئی اے کی پہلی پرواز 6جون کو اسلام آباد سے مدینہ کیلئے روانہ ہوگی۔ اسلام آباد سے 41 پروازیں آپریٹ ہوں گی، جن میں 18پی آئی اے کی پروازیں، 18سعودی ایئرلائن کی،5نجی ایئرلائن کی پروازیں آپریٹ کی جائے گی۔ایئرپورٹ انتظامیہ کے مطابق روڈ ٹو مکہ منصوبے کے تحت سسٹم کو سعودی عرب سے منسلک کردیا گیا ہے۔

خیال رہے روڈٹومکہ منصوبے کے تحت 2019 میں اسلام آباد سے عازمین حج نے استفادہ حاصل کیا تھا، اسلام آباد ایئرپورٹ پرروڈ ٹو مکہ منصوبے کے لئے سعودی ایمی گریشن عملے کو تمام تر سہولتیں فراہم کی جائیں گی۔

یاد رہے کہ اس سلسلے میں یہ اہم پیش رفت پچھلی حکومت کے دور اقتدار میں ہی سامنے آگئی تھی اور اس دوران روڈ ٹو مکہ پراجیکٹ میں اسلام آباد ائیر پورٹ کے علاوہ کراچی اور لاہور کے ائیرپورٹس کو بھی شامل کر لیا گیا تھا۔سعودی حکومت کے ویژن 2030 میں شامل ایک اہم اقدام ، روڈ ٹو مکہ پراجیکٹ کے تحت سعودی عرب آنے والے حجاج کرام کی سہولت اور وقت کی بچت کو مد نظر رکھتے ہوئے ای ویزہ، کسٹم اور ایمیگریشن کے تمام مراحل ان کے اپنے ملک میں طے پاگئے تھے

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک