ؒٓلاہور پریس کلب اور نورالفلاح فاﺅنڈیشن کے اشتراک سے نثار عثمانی آڈیٹوریم میں خواتین صحافیوں کیلئے حجامہ طریقہ علاج سے آگاہی بارے خصوصی لیکچر کا اہتمام کیا گیا ۔
نور الفلاح فاﺅنڈیشن کی سی ای او بشریٰ اظہر نے حجامہ طریقہ علاج کے بارے میں لیکچردیتے ہوئے بتایا کہ حجامہ سنت نبوی ہے جس میں ہر طرح کی بیماری سے شفاءموجود ہے، اس وقت پوری دنیا میں حجامہ کے ذریعے علاج کیا جا رہا ہے جس میں اسے قوی علاج کا درجہ حاصل ہے جبکہ اس قدیم یونانی طریقہ علاج کو امریکہ سمیت دنیا بھر میں نہ صرف پڑھایا جا رہا ہے بلکہ سکھایا بھی جا رہا ہے۔ بشریٰ اظہر نے مزیدبتایاکہ حجامہ ڈپریشن سمیت ہر بیماری کا علاج ہے لیکن اس کیلئے ضروری ہے کہ معالج مریض کی بیماری سے متعلق مکمل طور پر آگاہ ہو اور اس کیلئے کلینکل ٹیسٹ بھی اسی قدر ضروری ہے جس طرح میڈیکل میں، حجامہ ہرگز بھی تکلیف دہ نہیں، اس کے بے شمار فوائد ہیں۔
انھوں نے لاہورپریس کلب کے ممبران اور ان کے اہلخانہ کو حجامہ علاج میں 50 فیصد رعایت دینے کااعلان کرتے ہوئے کہاکہ صحافی معاشرے کا اہم جز ہیں ان کی خدمت کرکے ہمیں خوشی ہوگی ۔اس موقع پر سیکرٹری لاہور پریس کلب زاہد عابد نے حجامہ میڈیکل کیمپ قائم کرنے اور لاہورپریس کلب کے ممبران کو حجامہ علاج میں 50 فیصد رعایت دینے پر نورالفلاح فاﺅنڈیشن کا شکریہ ادا کرتے ہوئے کہاکہ کلب کی ممبران خواتین کیلئے اس قسم کے کیمپس بہت فائدہ مند ہیں اور دنیا بھر میں حجامہ کو پذیرائی مل رہی ہے ۔آگاہی لیکچر کے اختتام پر بشریٰ اظہر نے حجامہ کا عملی مظاہرہ بھی کیا ۔
حجامہ آگاہی لیکچر میں ممبر گورننگ بادی فاطمہ مختار بھٹی، سینئر صحافی سعدیہ صلاح الدین، فرزانہ چوہدری، عطیہ زیدی، عفت علوی، فوزیہ غنی، فوزیہ سلطانہ، مصباح چوہدری، غلام زہرہ، فریحہ شہزاد، ناجیہ آصف اور ثنا اسلم سمیت دیگر نے شرکت کی۔ تقریب کی میزبانی کے فرائض سینئر صحافی تمثیلہ چشتی نے ادا کئے۔ سیکرٹری لاہور پریس زاہد عابد نے معزز مہمان کو کلب کی جانب سے گلدستہ پیش کیا
مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز
ایف سی بلوچستان ساؤتھ کی خواتین سولجرز نے کی قومی دفاع میں ایک نئی روایت قائم
خواتین کو مساوی حقوق کی فراہمی حکومت کی ترجیح ہے ،وزیراعظم
قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار
یومِ خواتین مریم نواز کے نام، تحریر:محمد نورالہدیٰ
خواتین کو با اختیار بنا نے کیلیے صلاحیتوں کو نکھارنے پر کام کرنا ہو گا،نیلوفر بختیار
عورت مارچ رکوانے کے لئے درخواست خارج
عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے
عورت مارچ پر پتھراوَ کرنے والوں کے خلاف مقدمہ درج
حنا پرویز بٹ "عورت مارچ” کے حق میں کھڑی ہو گئیں
خواتین وارڈنز کئی شعبوں میں مرد وارڈنز سے بہتر کارکردگی دکھا رہی ہیں،سی ٹی او لاہور