Tag: حدیقہ کیانی

اداکارہ و گلوکارہ حدیقہ کیانی نے گزشتہ روز ایک جذباتی پوسٹ سوشل میڈیا پر شئیر کی جس میں انہوں نے اعلان کیا کہ ان کی والدہ خاور کیانی انتقال کر گئی ہیں . انہوں نے لکھا کہ والدہ، دادی اور شاعرہ خاور کیانی آج انتقال کرگئیں ہیں ، ہم ہر ایک سے درخواست کرتے ہیں کہ اس مشکل وقت میں براہ کرم خاندان کی رازداری کا احترام کریں۔خاور کو جاننے والے جانتے ہیں کہ وہ کس قدر باوقار خاتون تھیں وہ ایک مضبوط اور خود مختار کام کرنے والی ماں تھیں جن کے لئے ان کے بچے ان کی اولین ترجیح تھے. خاور لڑکیوں کے ایک سرکاری اسکول میں پرنسپل اور ایک بہترین شاعرہ تھیں۔انہوں نے تنقیدی طور پر سراہی جانے والی کتابوں کا ایک سلسلہ اور پاکستان کی موسیقی کی تاریخ کے کچھ سب سے

بڑے گانوں جیسے "بوہے باریاں”، کرکٹ ورلڈ کپ 1999 کا ترانہ "انتہائی شوق” اور "آس پاس” لکھا۔میری آپ سب سے گزارش ہے کہ اس مشکل وقت میں ہم سب کےلئے دعا کیجیے.حدیقہ نے اپنی پوسٹ‌کے آخر میں لکھا ”بے شک ہم اللہ ہی کے ہیں اور ہم اسی کی طرف لوٹ کر جانے والے ہیں”۔یاد رہے کہ حدیقہ کیانی کی والدہ کافی عرصے سے بیمار تھیں اور گلوکارہ حدیقہ کیانی اس چیز کا ذکر اپنے اکثر انٹرویوز میں کرتی بھی رہتی تھیں اور باقاعدہ بتاتی تھیں کہ ان کی بیماری کی وجہ سے میں باہر کے ٹورز نہیں لیتی کیونکہ مجھے اپنی والدہ کا خیال رکھنا ہے.

گلوکاری سے کیرئیر کی شروعات کرنے والی حدیقہ کیانی نے اداکاری میں قدم رکھا تو اپنی اداکارانہ صلاحیتوں کا لوہا منوایا. انہیں حال ہی میں ہم ایوارڈز میں بیسٹ سینسیشن کا ایوارڈ بھی ملا ہے لیکن حدیقہ کیانی ان ایوارڈز میں جانے کی بجائے سیلاب زدگان کے ساتھ کھڑی رہیں. حدیقہ کیانی نے کئی دن کئی راتیں سیلاب متاثرین کے ساتھ گزاریں ان کی مدد کی اور لوگوں‌کو بھی وڈیوز کے زریعے کہتی رہیں کہ سیلاب زدگان کی مدد کیجے یہ ہماری مدد کے منتظر ہیں. حدیقہ کیانی نے حالیہ انٹرویو میں‌کہا ہےکہ میرے اندر خدمت خلق کا جذبہ میری ماں نے پیدا کیا ہے. انہوں نے ہمیشہ مجھے کہا کہ اللہ تعالی نے تمہیں نام دیا ہے تمہیں مقام دیا ہے تم پر فرض ہے کہ تم اس سوسائٹی کے اس طبقے کی مدد کرو جو حقدار ہے

حدیقہ کیانی نے کہاکہ میں اگر کسی کے ساتھ کھڑی ہوتی ہوں تو میں کسی پر احسان نہیں‌کرتی ، مجھے اللہ کی طرف سے کوئی بشارت آتی ہے اور مجھے لگتا ہے کہ یہ میری ڈیوٹی ہے اور میں اس سے بیک آئوٹ نہیں کر سکتی. کسی کی مدد کرکے میرے دل کو سکون ملتا ہے اور مجھے خوشی ہے کہ اللہ تعالی ایسے کاموں کے لئے میرا انتخاب کرتا ہے. اور میں دوسروں کی مدد کرکے میرا دل بہت زیادہ خوش ہوتا ہے.

پاپ گلوکار اور اداکارہ حدیقہ کیانی جو کہ مسلسل سیلاب زدگان کے لئے کام کررہی ہوں انہوں نے کہا ہے کہ ملکی حالات خراب ہیں سیلاب کی وجہ سے بڑے پیمانے پر تباہی نے سب کو پریشان کررکھا ہے لیکن اس کا مطلب یہ نہیں ہے کہ آپ دوسروں پر اپنا غصہ نکالیں۔ یہ وقت ایک دوسرے پر غصہ نکالنے کا نہیں ہے بلکہ ایک دوسرے کی مدد کرنے کا ہے۔ سیلاب زدگان کی مددکرنے کا ہے۔حدیقہ کیانی کو حال ہی میں کینڈا میں منعقد ہونے والے ایوارڈ میں بیسٹ سینسیشن ایوارڈ دیا گیا ، حدیقہ کیانی نے اس ایوارڈ کا ایک کلپ شئیر کرتے ہوئے لکھاکہ میں خود کو اس ایوارڈ کے

قابل نہیں سمجھتی۔ یاد رہے کہ اس بار ہونے والے ہم ایوارڈ پربہت تنقید کی گئی اور تنقید کی بنیادی وجہ اس بار سیلاب تھا ، ناقدین کا کہنا تھا کہ سیلاب کی وجہ سے اس تقریب کو کینسل کر دیا جانا چاہیے تھا، بہت ساری سلیبرٹیز کو تنقید کا شدید نشانہ بنایا گیا. دوسری طرف جو سیلبرٹیز سیلاب زدگان کے لئے کام کررہی ہیں ان کا تو نام بھی نہیں لیا جا رہا ہے. حدیقہ کیانی سیلاب زدگان کی ہر ممکن مدد کررہی ہیں اور اب انہوں نے سیلاب سے متاثرہ تین گاﺅں کی بحالی کا کام اپنے ذمہ لے لیا ہے جس کے لئے وہ دن رات کام کررہی ہیں ۔

پاکستان میں حالیہ سیلاب نے تباہی پھیر کر رکھ دی ہے کئی گائوں صفحہ ہستی سے مٹ گئے ، مال مویشی سب کچھ پانی میں بہہ گیا ، کھیت کھلیان سب اجڑ گئے. ایسے میں سب پاکستانی مل کر اپنے سیلاب زدگان بہن بھائیوں کی مدد کررہے ہیں. آرٹسٹ بھی سیلاب زدگان کی مدد کررہے ہیں ان میں اگر دیکھیں‌ تو حدیقہ کیانی ہمیں‌سب سے آگے نظر آتی ہیں انہوں‌ نے سر توڑ کوشش کی ہے کہ سیلاب زدگان کو سر چھپانے کےلئے جگہ مل جائے. اس کوشش میں وہ کامیاب ہوتی دکھائی دے رہی ہیں کیونکہ انہوں‌نے عارضی طور پر تو ٹینسٹس سیلاب متاثرین کو دئیے ہیں لیکن اب وہ ان کے لئے پکے گھر بنانے کا ارادہ رکھتی ہیں. حدیقہ کیانی نے حال ہی میں ایک وڈیو پیغام جاری کیا ہے اس میں‌

انہوں‌ نے کہا ہے کہ میں آپ سب کے پیار محبت اور ٹرسٹ کا بے حد شکریہ ادا کرتی ہوں، میں‌نے ارادہ باندھا ہے کہ میں اب اپنے سیلاب زدگان بہن بھائیوں کو پکے گھر بنا کر دوں تاکہ وہ اپنی زندگیاں سکون سے بسر کر سکیں. آپ لوگ پکے گھر بنانے کے ضمن میں‌ میری مدد کریں ، مجھے یقین ہے کہ آپ کی مدد اور اللہ کی رضا سے ہم اس مقصد میں کامیاب ہوں گے. ہم پکے گھر بنانے کا سلسلہ تمبو سے شروع کریں گے آرمی ہمیں کافی سہولیات فراہم کررہی ہے لیکن آپ لوگوں‌ کی مدد کی ضرورت ہے . حدیقہ کیانی نے کہا کہ میری بھتیجی شازے اسلم نے ایک کو اکائونٹ بنایا ہے اس میں پاکستانی اور ، اورسیز پاکستانی فنڈز بھیجیں تاکہ ہم مل کر سیلاب زدگان کو چھت دے سکیں.

حال ہی میں سوشل میڈیا پر ایک وڈیو وائرل ہو رہی ہے اس وڈیو میں گلوکارہ حدیقہ کیانی لوگوں سے اپیل کررہی ہیں اور کہہ رہی ہیں کہ میں سیلاب زدگان کے لئے کافی سارے ٹینٹس لیکر آئی لیکن ابھی بھی بہت زیادہ ٹینٹس کی ضرورت ہے. مجھے سے وسیلہ راہ کے پلیٹ فارم پر رابطہ کیجیے. میں ان کی ساری صورتحال دیکھ رہی ہوں لہذا ذمہ داری سے بتا رہی ہوں کہ ان لوگوں کو آپ کی مدد کی بہت ضرورت ہے ، ان کی مدد کرنے کےلئے بڑھ چڑھ کر حصہ لیں . حدیقہ کیانی کی اس وڈیو پر اداکارہ نادیہ افگن نے کہا ہے کہ ” تم بہت بہادر ہو تمہارا دل سونے کا ہے تم ایک ایسے مقصد کے لئے

کام کررہی ہوں جو بہت ہی عمدہ ہے اور انسانیت کی خدمت ہے، آپ بہت ہی زبردست کام کررہی ہو.حدیقہ تم لمبی زندگی جیو اور اللہ تمہیں تمہاری ان کوششوں کا اجر دے. یاد رہے کہ حدیقہ کیانی نے بلوچستان کے ربی، چھتر اور اب ٹمبو، نامی گائوں کو دوبارہ تعمیر کروانے کی ذمہ داری اٹھائی ہے۔حدیقہ کیانی شوبز کی وہ شخصیت ہیں جنہوں نے سیلاب زدگان کے لئے جو کام کیا ہے وہ قابل تحسین ہے اور مسلسل حدیقہ ان لوگوں کے درمیان موجود ہیں اور دن رات ان کی امداد میں مصروف ہیں. جبکہ دیگر آرٹسٹ سیلاب زدگان کے لئے فنڈز اکٹھے کررہے ہیں.

گللوکارہ و اداکارہ حدیقہ کیانی نے سب جانتے ہیں کہ سیلاب زدگان کی بہت زیادہ مدد کی ہے وہ بذات خود سیلاب سے متاثرہ علاقوں میں گئیں وہاں جا کر لوگوں سے ملیں ان کے لئے ضرورت کی چیزیں لیکر گئیں . سیلاب سے متاثرہ خواتین کے درمیان میں بیٹھ کر ان کو اعتماد دیا ان کو ضرورت کی چیزیں دیًں. حدیقہ کیانی مسلسل اس کام میں لگی ہوئی ہیں اور وہ سیلاب سے متاثر ہونے والے لوگوں‌ کی مدد کررہی ہیں انہوں نے سیلاب سے متاثر ہونے والے تین گائوں کی بحالی کا بیڑہ اٹھایا ہوا ہے اس ضمن میں وہ دن رات کام کررہی ہیں. حال ہی میں انہوں نے ایک رکشہ ڈرائیور کے تباہ حال گھر کی وڈیو شئیر کی جس کا گھر سیلاب میں بہہ گیا. انہوں نے وڈیو کے کیپشن میں لکھا کہ رکشہ ڈرائیور نے پیسے جمع کرکے اپنے خوابوں کا گھر بنایا تھا جوکہ سیلاب آنے سے تباہ ہوگیا اور ایسا ہم میں سے کسی

کے بھی ساتھ ہوسکتا ہے۔انہوں نے لکھا کہ سیلاب کے اثرات اور تباہی ابھی باقی ہے لیکن ایسا لگتا ہے دنیا بھول رہی ہے کہ سیلاب آیا بھی تھا، یہ حال ہمارے گھروں میں سے بھی کسی کے گھر کا ہو سکتا ہے۔ لہذا ان کی مدد کریں. حدیقہ کیانی کے اس کیپشن اور وڈیو نے ہر کسی کی آنکھ کو نم کر دیا اور ہر کسی نے اس رکشہ ڈرائیور کی تکلیف کا احساس کیا. حدیقہ کیانی کی طرح ہم سب کو چاہیے کہ سیلاب سے متاثر ہونے والے بہن بھائیوں کی تب تک مدد کریں جب تک کہ یہ نارمل زندگی کی طرف نہ لوٹ آئیں.

معروف پاپ گلوکارہ و اداکارہ حدیقہ کیانی کا شمار ایسے لوگوں کے ساتھ ہوتا ہے جو سیلاب زدگان کے ساتھ پہلے دن سے کھڑے ہیں. حدیقہ کیانی مسلسل سیلاب سے متاثرہ علاقوں میں موجود ہیں اور بے گھر ہوئے لوگوں کی مدد کررہی ہیں .کچھ دیر پہلے ان کی ایک وڈیو دیکھنے کو ملی ہے جس میں دیکھا جا سکتا ہے کہ وہ سیلاب سے متاثرہ خواتین کے درمیان بیٹھی ہوئی ہیں اور ان سے کہہ رہی ہیں کہ ” آپ سب فکر نہ کریں میں آپ کے ساتھ ہوں آللہ آپ کے ساتھ ہے سب ٹھیک ہوجائیگا. میں آپ سب کو ایک بات بتا دوں کہ میرا سیاست سے کوئی تعلق نہیں ہے نہ ہی ہوگا ”یوں حدیقہ کیانی سیلاب سے متاثرہ خواتین کو حوصلہ دیتی ہوئی نظر آرہی ہیں. حدیقہ کیانی ریلیف مہم ” وسیلہ” کے تحت لوگوں کی مدد کررہی

ہیں. یاد رہے کہ حدیقہ کیانی ہزاروں سیلاب زدگان کو پناہ گاہ، خوراک اور دیگر ضروری اشیاء فراہم کرنے جُتی ہوئی ہیں. اپنی اسی مہم کے تحت اب انہوں نے بلوچستان کے سیلاب سے متاثرہ 3 گوٹھوں کی بحالی کی بِیڑا اٹھالیا جبکہ سندھ اور پنجاب کے دور دراز دیہات کو گود لیکر ان کی بحالی کی منصوبہ بندی بھی شروع کردی ہے۔حدیقہ کیانی کی کوششوں کو بہت زیادہ سراہا جا رہا ہے اور ان کی کوششیں یقینا دوسروں کے لئے عملی نمونہ ہیں. حدیقہ کیانی اپنے سوشل میڈیا اکاوئنٹس پر لوگوں سے مسلسل اپیل کررہی ہیں کہ سیلاب سے متاثرہ لوگوں کی جتنی ہو سکے مدد کریں.

حدیقہ کیانی کا سوشل میڈیا پر ایک انٹرویو کلپ بہت زیادہ وائرل ہو رہا ہے اس میں وہ بتا رہی ہیں کہ ان کی شادی کیسے ناکام ہوئی . حدیقہ کیانی نے کہا کہ میری شادی لو نہیں ارینج تھی. وہ مجھے میوزک کی دنیا میں ملے تھے، وہ اس وقت پاکستان کے واحد تھری ڈی اینی میٹر تھے بہت ذہین تھے پڑھے لکھے تھے. یہ رشتہ میرے گھر جس وقت آیا اس وقت میری امی میرے رشتے دیکھ رہی تھیں. قسمت ان کے ساتھ تھی لہذا ہوگئی شادی. ہماری منگنی کے ڈھائی برسوں میں میرا دل نہیں مان رہا تھا اس شادی کو کرنے کے لئے، لیکن جب میرے منگیتر نے خود کشی کرنے کی کوشش کی گولیاں کھا لیں تو مجھے لگا کہ یہ مجھ سے بہت پیار کرتا ہےساری زندگی میرا بہت خیال رکھے گا میں‌ نے شادی کر لی . شرط بس یہ تھی کہ میوزک نہیں چھورنا. میرے شوہر کو میرے میوزک سے مسئلہ نہیں تھا لیکن میری ساس کو تھا میرے میاں کے ساتھ میرا جو سب سے بڑا مسئلہ

بنا وہ ان کی والدہ کا میرے میوزک پر اعتراض تھا. بس اس کے بعد نہیں بن پائی میں نے اس بات پر سٹینڈ لیا. حدیقہ نےانٹرویو میں اس بات پر زور دیتے ہوئے کہا کہ جو چیز میرے ساتھ سب سے زیادہ غلط ہوئی یا جو میں نے خود کے ساتھ غلط کی وہ یہ تھی کہ انہوں نے جب خود کشی کی کوشش کی تھی مجھے پیچھے ہٹ جانا چاہیے تھا اور دوسرا یہ کہ انہوں نے جب کہا تھا کہ مجھے میوزک کرنے دیا جائیگا تو پھر ان کی والدہ کے اعتراض پر ان کو اعتراض کرنا چاہیے تھا لیکن ایسا نہ ہوا، میں سمجھتی ہوں انسان وہ کمٹمنٹ کرے جس کو وہ نبھا سکتا ہے وہ کمنٹنٹ نہ کرے جسکو وہ نبھا نہیں سکتا.

گلوکارہ و اداکارہ حدیقہ کیانی نے اپنے حالیہ انٹرویو میں کہا ہےکہ جب بھی کوئی قدرتی آفت آتی ہے ایسے میں ہمارے لوگوں کا جذبہ دیکھنے والا ہوتا ہے، وہ بڑھ چڑھ کر متاثرہ لوگوں کی مدد کرتے ہیں. اب بھی دیکھا جا سکتا ہےکہ لوگ کتنے پر جوش ہیں اور اپنے متاثرہ بہن بھائیوں کی مدد کےلئے ہر قسم کی کوشش کررہے ہیں. حدیقہ کیانی نے کہا کہ مجھے یاد ہے کہ 2005 میں جب زلزلہ آیا تھا اس وقت بھی لوگوں کا متاثرہ فیملیز کے لئے مدد کا جذبہ دیدنی تھا. اسی طرح سے 2010 میں بد ترین سیلاب آیا جس میں بھی لوگوں نے متاثرہ لوگوں کی مدد کی. حدیقہ کیانی نے کہا کہ مجھے بہت فخر ہے کہ ہماری قوم مشکل گھڑی میں ایک ساتھ کھڑی ہوجاتی ہے. حدیقہ کیانی نے

کہا کہ اس وقت بے سروسامان لوگوں‌ کی مدد کرنا کسی ایک سماجی ادارے کے بس کی بات نہیں ہے بلکہ ہم سب کو مل کر کام کرنا ہو گا. نقصان بہت زیادہ ہو چکا ہے. انہوں نے اس چیز پر بھی زور دیا کہ اس وقت سیاست نہیں کی جانی چاہیے یہ وقت سیاست کا نہیں ہے بلکہ مل کر ایک دوسرے کے ساتھ کھڑے ہونے کا ہے.یاد رہے کہ سیلاب نے اس بار جو تباہ کاریاں کی ہیں وہ اس سے پہلے دیکھنے کو نہیں‌ ملیں. بڑی تعداد میں نقصان ہو چکا ہے اور سلیبرٹیز لوگوں‌ کو موٹیویٹ کررہی ہیں کہ ایک دوسرے کا ساتھ دیں متاثرہ لوگوں‌کی مدد کریں.

پاپ گلوکارہ حدیقہ کیانی نہ صرف ملک بلکہ ملک سے باہر بھی مقبول ہیں۔ حدیقہ نے کچھ عرصہ پہلے اداکاری کا بھی باقاعدہ آغا کر دیا ہے۔ ماضی قریب میں ان کا ڈرامہ دوبارہ اختتام پذیر ہوا ہے اس میں ان کی اداکاری نے شائقین کے دل موہ لئے۔ حدیقہ کیانی کے گائے ہوئے گیت آج بھی مقبول ہیں اس کی مثال ان کا کئی سال پہلے گایا ہوا گیت ” بوہے باریاں نالے کنداں ٹپ کے“ ہے اس گانے کو ایک چائنیز ٹیچر نے گایا ہے ۔تفصیلا ت کے مطابق چین میں موجود پاکستانی سفارت خانے کی جانب سے پاکستان کی 75 ویں یوم آزادی کے موقع پر پاکستان فوڈ اینڈ کلچرل فیسٹیول کی تقریب کا اہتمام کیا گیا تھاجس میں چینی ٹیچر مس وکی نے شاندار پرفارمنس دی۔اس پرفارمنس کی وڈیو سوشل میڈیا پر بہت زیادہ وائرل ہو رہی ہے ۔چائنیز ٹیچر

حدیقہ کیانی کا گانا بہت ہی پرفیکٹ انداز میں گا رہی ہیں یہاں تک کہ وہ لفظوں کی ادائیگی بھی بہترین انداز میں کررہی ہیں۔یاد رہے کہ بوہے باریاں گانا نوے کی دہائی میں ریلیز کی گیا تھا یہ گانا آج اتنے سال گر جانے کے بعد بھی مقبول ہیں اور حدیقہ کیانی مسلسل اپنے فن سے لوگوں کو محظوظ کررہی ہیں.حدیقہ نے کم عمری میں گانے کا آغاز کیا ان کے بھائی عرفان کیانی بھی کمپورز اور گلوکار ہیں.