Tag: حماد اظہر

اعظم سواتی کے حماد اظہر پر الزامات کے بعد سیکرٹری جنرل،قائم مقام صدرپی ٹی آئی پنجاب نے پارٹی عہدےسےاستعفیٰ دے دیا.

باغی ٹی وی کے مطابق حماد اظہر نے سوشل میڈیا پر پارٹی کے تمام عہدے چھوڑنے کا اعلان کردیا، حماد اظہر کا کہنا تھا کہ پہلے2 بار استعفیٰ دے چکا ہوں جس کو رد کیا گیا تھا، آج تیسری اور حتمی طور پر اپنا عہدہ چھوڑ رہا ہوں، ایک کارکن کی حیثیت سےپارٹی کیلئے کام کروں گا.یاد رہے کہ رہے کہ حماد اظہر اس سے قبل بھی استعفی دے چکے ہیں اور پارٹی کے کور کمیٹی اجلاس میں حماد اظہر کے استعفے کو متفقہ طور پر مسترد کر دیا گیا اور ان سے درخواست کی گئی کہ وہ اپنی ذمہ داریوں کو جاری رکھیں اور موجودہ مشکل وقت میں پارٹی کو مزید مضبوط بنانے میں اپنا کردار ادا کریں۔

واضح رہے کہ گزشتہ روز پی ٹی آئی پنجاب کے صدر حماد اظہر نے پارٹی صدارت سے استعفیٰ دیتے ہوئے کہا تھا کہ پی ٹی آئی میں بہت سے فیصلے ہوئے جن میں میری رضامندی شامل نہیں تھی اور ‏بدقسمتی سے میری بانی پی ٹی آئی تک رسائی نہیں ہے۔

تاجروں کا عید سیزن مایوس کن رہا؛ خریداری کی شرح میں کمی

عید کے باعث رش، موٹرویز کے لیے ٹریول ایڈوائزری جاری

کاریں چرانے والا سب انسپکٹر گرفتار،بیٹا گینگ کا سرغنہ

وزیراعظم شہباز شریف سے وزیر داخلہ کی اہم ملاقات

لاہور: پاکستان تحریک انصاف کے رہنما حماد اظہر کے ساتھ گزشتہ روز سے شادی کی خبروں پر اینکر پرسن شفا یوسفزئی نے خاموشی توڑ دی ہے-

باغی ٹی وی : اینکر پرسن شفا یوسفزئی نے اپنے خلاف پھیلنے والی شادی کی خبروں پر اپنے سوشل میڈیا اکاؤنٹ ایکس پر ردعمل دیاہے،انہوں نے ٹوئٹ میں کہا کہ پیارے دوستو میں نے کسی سے شادی نہیں کی، سوشل میڈیا پر خواہ مخواہ مجھے نشانہ بنایا جا رہا ہے،میرے حوالے سے چلنے والی خبریں جھوٹی ہیں، میری ابھی تک کوئی شادی نہیں ہوئی ہے، سوشل میڈیا پر فضول بحث چل رہی ہے۔

انہوں نے کہا کہ مرد کے زیر تسلط چلنے والے معاشرے میں عورت کتنی کمزور ہے کہ اس کو ہمیشہ اپنے وجود کی وضاحت کرنی پڑتی ہے، خاص طور پر جو خواتین روزگار کمانے نکلتی ہیں یہ پہلا موقع نہیں ہے جب ان کو اس طرح نشانہ بنایا گیا ہو، اس سے قبل بھی ان کو اس طرح کی صورتحال سے گزرنا پڑا ہے۔

انہوں نے مزید لکھا کہ تمام سوشل میڈیا سائٹس سے درخواست کروں گی کہ وہ اس پوسٹ کو ڈیلیٹ کردیں، تمام مہذب مردوں اور عورتوں سے درخواست کرتی ہوں کہ اس فضول کیمپیئن کا حصہ نہ بنیں، اس کے علاوہ ان تمام لوگوں کا بھی بہت شکریہ جنہوں نے میرے ساتھ تعاون کیا۔

دوسری جانب حماد اظہر نے بھی ایکس پلیٹ فارم پر اپنی شادی کی افواہوں پر ردعمل دیتے ہوئے لکھا کہ سوشل میڈیا پر چلنے والی خبریں جعلی ہیں، برائے مہربانی اُن تمام اکاؤنٹس کو رپورٹ کریں،پاکستان کو ظلم سے نجات دلانے کے اپنے اصل مقصد سے ہمیں ہٹانے کی یہ ایک چال ہے، رپورٹ کریں اور پھر نظر انداز کردیں، شکریہ-

واضح رہے کہ گزشتہ سوشل میڈیا پر معروف صحافی نجم الحسن باجوہ نے پی ٹی آئی رہنما حماد اظہر کی اینکر پرسن شفا یوسفزئی سے مبینہ دوسری شادی کا دعویٰ کیا گیا تھا۔

سینئر صحافی نجم الحسن نے اپنے سوشل میڈیا اکاؤنٹ ایکس پر پیغام جاری کرتے ہوئے دعویٰ کیا تھا کہ لاہور سے تعلق رکھنے والے تحریک انصاف کے ایک ہینڈسم اعلیٰ عہدے دار نے حال ہی میں ایک صحافی خاتون سے دوسری شادی کر لی ہے ، دونوں کو مبارک ہو۔

جس کا جواب دیتے ہوئے حماد اظہر نے کہا تھا کہ سب دوستوں کا مجھے ہینڈسم تصور کرنے کا شکریہ لیکن اگر کبھی ایسی بات ہوئی تو آپ سب کو بروقت اطلاع دے دوں گا۔

تحریک انصاف کا لاہو ر جلسہ، پی ٹی آئی رہنماؤں پر مقدمہ درج کر لیا گیا.

پی ٹی آئی رہنماؤں حماد اظہر، شیخ امتیاز اور عالیہ حمزہ کے خلاف لاہور میں مقدمہ درج کیا گیا ہے،درج کیے گئے مقدمے میں 30 سے 40 پی ٹی آئی کے نامعلوم کارکنوں کو ملزم ٹھہرایا گیا ہے ،درج مقدمے کے مطابق حماد اظہر کی جلسے میں موجودگی کی اطلاع پر پولیس گرفتاری کے لیے گئی، ان کو اسٹیج سے نیچے لانے کے دوران شیخ امتیاز، عالیہ حمزہ نے مزاحمت کی،دونوں رہنماؤں کے پی ٹی آئی کارکنوں نے پولیس کی وردی پھاڑ دی، ملزمان مزاحمت کرتے ہوئے حماد اظہر کو چھڑوا کر لے گئے۔

واضح رہے کہ حماد اظہر اشتہاری اور روپوش ہیں، تحریک انصاف کےلاہور جلسے میں حماد اظہر نے شرکت کی تھی اور خطاب کیا تھا، اس سے قبل حماد اظہر نے اسلام آباد جلسے میں بھی خطاب کیا تھا، پولیس نے حماد اظہر کو گرفتار کرنے کی کوشش کی مگر کامیاب نہ ہو سکی.

قبل ازیں لاہور کے تھانہ مناواں میں وزیر اعلیٰ خیبر پختونخوا علی امین گنڈاپور کے خلاف ایک اہم مقدمہ درج کیا گیا ہے، جس میں انسداد دہشت گردی ایکٹ، اقدام قتل سمیت 13 دفعات شامل ہیں۔ یہ مقدمہ ان کے متنازعہ رویے اور غیر قانونی سرگرمیوں کے باعث درج کیا گیا۔ایف آئی آر کے مطابق، علی امین گنڈاپور نے سیالکوٹ انٹرچینج پر اسلحہ سے لیس ایک جتھے کی قیادت کی، جس نے گاڑیوں کو آگ لگانے کی کوشش کی۔ ایف آئی آر میں واضح کیا گیا ہے کہ علی امین کے اشارے پر ٹول پلازہ پر کھڑی گاڑیوں کو نشانہ بنایا گیا، جس کے نتیجے میں مسلح گروپ نے پولیس کی مزاحمت بھی کی۔علی امین گنڈاپور کے ہمراہ موجود افراد نے دو پولیس اہلکاروں کو بھی زخمی کر دیا، جبکہ ان کے کہنے پر ٹول پلازہ پر موجود گاڑیوں کے شیشے توڑنے کے واقعات بھی رپورٹ ہوئے ہیں۔

یہ تمام واقعات اس بات کا ثبوت ہیں کہ علی امین کی قیادت میں قانون کو کھلم کھلا نظر انداز کیا گیا۔یہ واقعہ اس وقت پیش آیا جب ملک بھر میں سیاسی حالات کشیدہ ہیں، اور علی امین گنڈاپور کے اس قسم کے اقدام نے سیاسی اور سماجی حلقوں میں تشویش پیدا کر دی ہے۔ ان کے خلاف درج ہونے والا مقدمہ نہ صرف ان کی سیاسی حیثیت کے لیے چیلنج ہے بلکہ یہ ایک بڑے پیمانے پر قانون کے احترام کے حوالے سے بھی سوالات اٹھاتا ہے۔حکومتی اور قانونی اداروں کی جانب سے اس مقدمے کی تحقیقات کا آغاز کیا جا چکا ہے، جس کے نتیجے میں مزید حقائق سامنے آ سکتے ہیں

عمران خان کا ممکنہ ملٹری ٹرائل کے خلاف درخواست نمٹا دی گئی

مخصوص نشستوں کا فیصلہ،سلمان اکرم راجا نے ججز کی سہولتکاری بے نقاب کر دی

خیبر پختونخواہ بدانتظامی،کرپشن کی وجہ سے لاقانونیت کی لپیٹ میں.تحریر:ڈی جے کمال مصطفیٰ

آپریشن گولڈ سمتھ، اسرائیلی اخبار نے عمران خان کا "حقیقی چہرہ” دکھا دیا

اسرائیل نیازی گٹھ جوڑ بے نقاب،صیہونی لابی عمران کو بچانے کیلئے متحرک

عمران خان اور پی ٹی آئی نے ملک دشمنی میں تمام حدیں پار کر دیں

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا

تحریک انصاف کی ملک دشمنی ایک بار پھر کھل کر سامنے آ گئی

14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو

عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا

علی امین گنڈا پور پر مقدمے کی بجائے مریم نواز کچے کے ڈاکوؤں پر توجہ دیں، بیرسٹر سیف
مشیر خیبر پختونخوا بیرسٹر سیف کا کہنا ہے کہ جعلی حکومت پی ٹی آئی کے خلاف جعلی مقدمات بنارہے ہیں، جعلی حکومت جعلی مقدمات سے پی ٹی آئی کارکنوں اور رہنماوں کے حوصلے پست نہیں کرسکتے، وزیر اعلی علی امین گنڈاپور کے خلاف سیاسی مقدمے درج کئے گئے ہیں، مقدمات کا مقصد پنجاب جلسوں میں علی امین کی شرکت روکنا ہے، علی امین گنڈاپور سیاسی مقدمات کی پرواہ کئے بغیر جلسوں میں بھرپور شرکت کرینگے،مریم نواز پنجاب پولیس کا قبلہ درست کریں، مریم نواز کچے کے ڈاکو پر توجہ دیں پولیس کی ضرورت وہاں ہے، جعلی حکومت سیاسی مقاصد کے حصول کے لئے آئین وقانون سے کھیل رہے ہیں،بانی پی ٹی آئی عمران خان کی رہائی کے لئے جدوجہد جاری رکھیں گے، جعلی حکومت کے دن گنے جاچکے ہیں،

لاہور: تحریک انصاف کے رہنما حماد اظہر کیخلاف مقدمات کی تفصیلات لاہور ہائیکورٹ میں پیش کردی گئیں۔

باغی ٹی وی : پی ٹی آئی رہنما حماد اظہر کی درج مقدمات کی تفصیلات کیلئے درخواست پر سماعت ہوئی، جسٹس عالیہ نیلم نے حماداظہر کی
درخواست پر سماعت کی، پنجاب پولیس اور اینٹی کرپشن نے مقدمات کی تفصیلات عدالت میں پیش کردیں-

عدالت میں جمع کرائی گئی رپورٹ میں کہا گیاہے کہ پولیس نے حماداظہر کیخلاف 33مقدمات درج کر رکھے ہیں،لاہور14،راولپنڈی14، فیصل آباد4اور گوجرانوالہ میں ایک مقدمہ درج ہے،اینٹی کرپشن لاہور میں حماد اظہار کیخلاف ایک مقدمہ درج ہے ۔

واضح رہے کہ رواں ماہ کے شروع میں پاکستان تحریک انصاف (پی ٹی آئی) کے رہنما حماد اظہر نے مقدمات کی تفصیل کےلیے لاہور ہائیکورٹ سے رجوع کیا تھا حماد اظہر نے درخواست میں انسپکٹر جنرل (آئی جی) پنجاب، اینٹی کرپشن سمیت دیگر کو فریق بنایا تھا-

درخواست میں مؤقف اپنایا گیا تھا کہ سیاسی بنیادوں پر مقدمات بنائے گئے، درخواست گزار کا مقدمات سے کوئی تعلق نہیں ہے،حماد اظہر نے اپنی درخواست میں استدعا کی تھی کہ میرے خلاف درج مقدمات اور نامعلوم مقدمات کی تفصیلات فراہم کی جائیں، عدالت درخواست گزار کو متعلقہ عدالتوں سے رجوع کرنے کا موقع فراہم کرے۔

دریں اثنا گزشتہ ماہ پشاور ہائی کورٹ نے حماد اظہر کی 51 مقدمات میں راہداری ضمانت منظور کی تھی درخواست گزار کے وکیل نے عدالت کو بتایا تھا کہ حماد اظہر کے خلاف 51 مقدمات درج ہیں، باقی کا ابھی پتا نہیں، کتنے ہیں، لاہور، واہ کینٹ، راولپنڈی، فیصل آباد اور دیگر شہروں میں ان کے خلاف ایف آئی آرز درج کی گئی ہیں۔

راہداری ضمانت ملنے کے بعد حماد اظہر نے پشاور ہائی کورٹ میں میڈیا سے گفتگو میں کہا تھا کہ گزشتہ 8 ماہ سے ملک کے قانون کا مزاق بنایا گیا، ایک وقت میں میرے اوپر 51 مقدمات بنائے گیے عدلیہ، جمہوریت، انسانیت کسی کو نہیں چھوڑا گیا ہے، مجھ پر اور میرے گھر والوں پر جو گزارا اس پر دکھ ہے، آج ملک کہا کھڑا ہے، ججز کیا کہتے ہیں، 2 تہائی اکثریت سے جیتنی والی جماعت کو ہرایا گیا، آنے والے 2 دنوں کے دوران پریس کانفرنس کروں گا جس میں تمام تفصیلات بیان کروں گا۔

واضح رہے کہ سانحہ 9 مئی کے بعد حماد اظہر کے خلاف بھی دہشت گردی اور مختلف الزامات کے تحت مقدمات درج ہیں اور وہ گزشتہ کئی ماہ سے روپوش تھے۔