امریکی صدر ڈونلڈ ٹرمپ نے مزاحمتی تنظیم حماس کو دھمکی دیتے ہوئے کہا ہے کہ غزہ منصوبے پر معاہدہ اتوار کی شام واشنگٹن کے مقامی وقت کے مطابق 6 بجے تک طے پانا ضروری ہے۔
ٹرمپ نے اپنے ٹروتھ سوشل پیغام میں اس معاہدے کو ’آخری موقع‘ قرار دیتے ہوئے خبردار کیا کہ اگر اس وقت تک معاہدہ نہ ہوا تو حماس کے خلاف بے مثال اور زبردست کارروائی کی جائے گی۔ انہوں نے لکھا کہ ہر متعلقہ ملک اس پر دستخط کر چکا ہے، اور معاہدہ نہ ہونے کی صورت میں غزہ میں شدید اقدامات کیے جائیں گے۔صدر نے مزید کہا کہ اگر معاہدہ ناکام ہوا تو غزہ میں موجود حماس کے کارکن ’پھنسے‘ رہ جائیں گے اور انہیں ہدف بنایا جائے گا۔
اس کے ساتھ ہی ٹرمپ نے معصوم شہریوں سے کہا کہ وہ محفوظ علاقوں کی طرف منتقل ہو جائیں، تاہم یہ واضح نہیں کیا گیا کہ یہ محفوظ علاقے کہاں ہوں گے۔یاد رہے کہ یکم اکتوبر کو حماس کے قریبی ذرائع نے بتایا تھا کہ وہ اس تجویز کا جائزہ لے رہی ہے۔
یو این پابندی میں نرمی کے بعد افغان وزیر خارجہ کا بھارت دورہ متوقع
مظفر آباد: حکومت اور جوائنٹ ایکشن کمیٹی کے مذاکرات کا دوسرا دور جاری