Baaghi TV

Tag: حمزہ شہباز شریف

  • پنجاب اسمبلی میں حمزہ شہباز شریف اپوزیشن لیڈر مقرر

    پنجاب اسمبلی میں حمزہ شہباز شریف اپوزیشن لیڈر مقرر

    لاہور: پنجاب اسمبلی میں سابق صوبائی وزیراعلیٰ حمزہ شہباز شریف کو اپوزیشن لیڈر مقرر کر دیا گیا،نوٹیفیکیشن جاری

    باغی ٹی وی : اسپیکر پنجاب اسمبلی سبطین خان کی منظوری کے بعد نوٹیفیکشن جاری کر دیا گیا، حمزہ شہباز کی بطور اپوزیشن لیڈر تقرری کا گزٹ نوٹیفیکشن بھی جاری کر دیا گیا۔

    پاک فوج کا اقوامِ متحدہ کے امن مِشنز میں عالمی امن کو برقرار رکھنے کا عزم

    واضح رہے کہ حکومت کی تبدیلی کے بعد اپوزیشن لیڈر کا منصب خالی تھا۔

    دوسری جانب توشہ خانہ کیس میں الیکشن کمیشن کی جانب سے سابق وزیراعظم اور چیئرمین پاکستان تحریک انصاف عمران خان کی نااہلی کے خلاف خیبرپختونخوا اسمبلی میں قرارداد کثرت رائے سے منظور کرتے ہوئے اس فیصلے کو یک طرفہ اور غیر آئینی قرار دے دیا گیا۔

    ایوان کی ہنگامہ خیز کارروائی کی صدارت کرنے والے ڈپٹی اسپیکر محمود جان نے تلاوت قرآن پاک کے فوراً بعد وزیر اعلیٰ تعلیم کامران خان بنگش کو قرارداد پیش کرنے کی اجازت دی جس پر ڈپٹی اسپیکر کے دستخط بھی موجود تھے۔

    کیپٹن کرنل شیرخان شہید کے مزار پر چوری کرنے والے ملزمان گرفتار

    اپوزیشن بنچوں نے ڈپٹی اسپیکر کے رویے پر احتجاج کیا جس سے ایوان میں ہنگامہ آرائی پیدا ہوئی، اپوزیشن کے ارکان اسمبلی نے ڈپٹی اسپیکر کے ڈائس کا گھیراؤ کرلیا اور نعرے بازی کی۔

    صوبائی اجلاس پیر کو (کل) ہونا تھا لیکن توشہ خانہ کیس میں عمران خان کے خلاف الیکشن کمیشن کے فیصلے کے بعد قائم مقام صوبائی گورنر مشتاق احمد غنی نے اجلاس گزشتہ روز (ہفتہ کو) بلالیا۔

    وزیر اعلیٰ تعلیم کی جانب سے پیش کی گئی قرارداد میں کہا گیا تھا کہ ’یہ ایوان الیکشن کمیشن کے اس فیصلے کو یک طرفہ، غیر قانونی اور غیر آئینی قرار دیتا ہے جس کے ذریعے زندگی بھر کرپشن کے خلاف جدوجہد کرنے والے ایک مقبول سیاستدان کو نااہل قرار دیا گیا ہے، جعلی مقدمات میں ان کی نااہلی انصاف کے قتل کے مترادف ہے-

    ہم اپنی ٹیم پاکستان نہیں بھیجیں گے، آپ مت کھیلو ہمارے ساتھ،ہربھجن سنگھ آپے سے…

  • متنازعہ عدالتی فیصلہ ؛ حمزہ شہباز شریف کا بیان سامنے آ گیا

    متنازعہ عدالتی فیصلہ ؛ حمزہ شہباز شریف کا بیان سامنے آ گیا

    حمزہ شہباز شریف نے سپریم کورٹ کے فیصلے کے بعد بیان میں کہا کہ ایک متنازعہ فیصلے کے ذریعے عوام کے ووٹوں سے منتخب حکومت کو گھر بھیجا گیا ہے۔

    باغی ٹی وی : حمزہ شہباز شریف نے کہا کہ کیا اسمبلی کی حیثیت ایک ربر اسٹیمپ کی رہ گئی ہے؟ پچھلے چار ماہ سے پاکستان کے سب سے بڑے صوبے میں تماشہ لگا ہوا ہےعوام دیکھ رہی ہے کہ تحریک انصاف کو آئین سے کھلواڑ کرنے کی کھلی چھٹی دی جاتی ہے۔

    حمزہ شہباز نے کہا کہ دوسری طرف ایک آئینی اور قانونی طریقہ کار کو ردی کی ٹوکریوں میں پھینک دیا جاتا ہے ہماری تاریخ ایسے سیاہ فیصلوں سے بھری پڑی ہے ہماری فل کورٹ کی استدعا کو بھی نامنظور کر کے انصاف کا قتل کیا گیا میری سیاست عہدوں کے لئے نہیں عوام کی خدمت کے لئے ہے۔

    انہوں نے کہا کہ غیر آئینی اقدامات کے ذریعے پہلے دن سے ہمیں جائز حق حکمرانی سے محروم رکھنے کی کوشش کی گئی تمام مشکلات کے باوجود آٹے پر سبسڈی ، مفت ادویات اور روشن گھرانا مفت بجلی جیسے پروگرامز سے عوام کو ریلیف دینے کے مشن سے پیچھے نہیں ہٹا۔

    حمزہ شہباز نے کہا کہ سدا بادشاہی اللہ تعالی کی ہے، نہ کسی کی ہار ہمیشہ کی ہے نہ کسی جیت کو دوام حاصل ہے مشن پاکستان کو بچانا ہے اور میں اس سے پیچھے نہیں ہٹوں گا۔

    حمزہ شہبازشریف نےکہا کہ جسٹس منیر اور مولوی مشتاق کی بدروحیں آج بھی عوام کی امنگوں پر ڈاکے ڈال رہی ہیں،بھٹو کو پھانسی دینے والے ججوں نے بعد میں پچھتاوے کا اظہار کیا لیکن ملک کو ہونے والےنقصان کی تلافی نہ ہوسکی۔

  • وزیراعلیٰ پنجاب حمزہ شہباز شریف نے اہم اجلاس طلب کرلیا

    وزیراعلیٰ پنجاب حمزہ شہباز شریف نے اہم اجلاس طلب کرلیا

    وزیراعلیٰ پنجاب حمزہ شہباز شریف نے اہم اجلاس طلب کرلیا-

    باغی ٹی وی : تفصیلات کے مطابق اجلاس میں ڈیز ل کی قلت کے خاتمے کیلئے اقدامات کا جائزہ لیا جائے گا چیف سیکریٹری،پرنسپل سیکریٹری وزیراعلیٰ،سیکریٹری توانائی شرکت کریں گے-

    سیکریٹری صنعت،کمشنر لاہورڈویژن اورڈی سی لاہوربھی اجلاس میں شرکت کریں گے تمام کمشنرز اورڈپٹی کمشنرز ویڈیو لنک کے ذریعے اجلاس میں شریک ہوں گے-

    واضھ رہے کہ گزشتہ روز اسپیکر قومی اسمبلی راجہ پرویز اشرف نے حمزہ شہباز سے وزیراعلیٰ کا حلف لیا تھا حمزہ شہباز شریف پاکستان کے سب سے بڑے صوبے پنجاب کے 21ویں وزیراعلی ہیں-

    عمران خان نے سیاسی روایات کا جنازہ نکال دیا ہے،شازیہ مری

    حلف برداری کی تقریب گورنر ہاؤس میں ہوئی تھی گورنر ہاؤس،وزیر اعلیٰ سیکریٹریٹ کی سکیورٹی ہائی الرٹ رکھی گئی تھی، تقریب میں ن لیگی رہنماؤں نے شرکت کی تھی حمزہ شہبازشریف سے حلف لینے کیلئے سٹیج سجا یا گیا تھا، جبکہ بڑی سکرین بھی لگائی گئی تھی-

    حمزہ شہباز تقریب حلف برداری میں شرکت کے لئے گورنر ہاوس کے پنڈال میں پہنچے تو مریم نواز اور ایاز صادق ان کے ہمراہ تھے چیف سیکرٹری پنجاب اور آئی پنجاب سمیت انتظامیہ کے اعلی عہدیدار تقریب میں موجود تھی ڈپٹی اسپیکر دوست محمد مزاری حلف برداری کی تقریب میں موجود تھے ڈی سی لاہور عمر چٹھہ بھی گورنر ہاؤس موجودتھے ، گورنر ہاؤس کے اندر ایک ہزار مہمانوں کے بیٹھنے کا انتظام کیا گیا تھا حمزہ شہباز شریف کی حلف برداری تقریب میں پیپلز پارٹی کا وفد سید حسن مرتضیٰ کی قیادت میں شریک تھا،ن لیگی رہنما، رکن پنجاب اسمبلی حنا پرویز بٹ بھی حلف برداری کی تقریب میں شریک تھیں-

    حمزہ شہباز شریف نے بطور وزیراعلی پنجاب اپنے عہدے کا حلف اٹھا لیا

    تقریب حلف برداری کے بعد صحافیوں سےغیر رسمی گفتگو کرتے ہوئے حمزہ شہباز نے کہا تھا کہ ہمارے لیے چیلنجز بہت زیادہ ہیں، چاہتے ہیں لوگوں کو ریلیف فراہم کریں گزشتہ حکومت نے صحت اور تعلیم سمیت کئی چیلنجز چھوڑے ہیں امن و امان کی صورتحال کا بھی مسئلہ ہے ہمیں تمام چینلجز کو پورا کرنا ہے یہ صرف (ن) لیگ کی حکومت نہیں ہے اس میں اتحادی جماعتیں بھی شامل ہیں یہ سیاسی جماعتوں کا اتحاد ہے جس وجہ سے سب کومل کر فیصلہ لینا ہوتا ہے صوبہ بہت بڑا ہے اور چیلنجز بہت زیادہ ہیں چاہتے ہیں انہیں پورا کریں اور لوگوں کو ریلیف دیں

    وزیراعلیٰ حمزہ شہباز جہانگیر ترین کو ملنے پہنچ گئے

    حمزہ شہباز کا کہنا تھا کہ ایک ماہ سے پنجاب آئینی بحران کا شکار تھا،پنجاب اسمبلی کے اندر تماشا لگایا گیا، پرویز الہٰی نے آئین اور قانون کی دھجاں بکھیریں، گورنر پنجاب نے ہائیکورٹ کے فیصلوں کا مذاق بنایا، یہ آئین کا نہیں، پاکستان اور پنجاب کی 12 کروڑ عوام کا مذاق ہے،دنیا نے دیکھا کہ عمران خان نے اپنی انا کے آگے آئین کو چھوٹا کر دیا، سپریم کورٹ کو رات کے 12 بجے عدالت لگانا پڑی،سپریم کورٹ عدالت نہ لگاتی تو پاکستان بنانا ریپبلک بن جاتا، پنجاب کے عوام کا کیا قصور ہے کہ انہیں چیف ایگزیکٹو سے محروم رکھا،اپنے اتحادیوں کے ساتھ پاکستان اور پنجاب کے عوام کے مفاد میں آگے بڑھیں گے، تحریک انصاف نے بربادی، بیڈ گورننس اور کرپشن کی مثالیں قائم کیں-

    حلف اٹھاتے ہی حمزہ شہباز ان ایکشن، اجلاس طلب، اہم فیصلے متوقع