اقراء یونیورسٹی کے بانی چانسلر اور سندھ بیت المال کے سابق سربراہ حنید لاکھانی انتقال کر گئے ہیں۔
باغی ٹی وی: حنید لاکھانی کو گزشتہ روز طبیعت خراب ہونے کے باعث اسپتال داخل کیا گیا تھا اور پھر طبیعت زیادہ خراب ہونے کے باعث انہیں وینٹیلیٹر پر منتقل کردیا گیا مگر وہ جانبر نہ ہوسکےاِن کی نماز جنازہ آج جمعرات 8 ستمبر بعد نماز عصر مسجد صہیم خیابان راحت ڈی ایچ اے میں ادا کی جائے گی۔
ملک بھر میں بارشوں اور سیلاب سےمزید 12 افراد جاں بحق
اقراء یونیورسٹی کے وائس چانسلر ڈاکٹر وسیم قاضی نے بانی چانسلر حنید لاکھانی کے انتقال پر گہرے رنج و غم کا اظہار کرتے ہوئے اسے سانحہ قراد دیا ہے۔انہوں نے کہا ہے کہ اقراء یونیورسٹی ان ہی کا ویژن تھی اور ان ہی کی کوششوں اور محنت کی وجہ سے ملک کی سب سے بڑی نجی یونیورسٹی بن گئی تھی اور حنید لاکھانی کی بدولت ہی اقراء یونیورسٹی کا شمار ملک کی بہترین جامعات میں ہوتا ہے۔
صدر مملکت ڈاکٹر عارف علوی نے اقرایونیورسٹی کے بانی اورچیئرمین حنید لاکھانی کے انتقال پر دلی افسوس کا اظہار کیا ہے کہا کہ انہیں اپنے دوست اقرا یونیورسٹی کے بانی اور چیئر مین حنید لاکھانی کے انتقال پر دلی افسوس ہوا ہے ۔انہوں نے مرحوم کے ایصال ثواب اور ان کے اہل خانہ کے لئے صبر جمیل کی دعاکی۔صدر مملکت نے کہا کہ ہمیں ان واقعات سے یہ یاد رکھنا چاہئے کہ زندگی غیر یقینی اور تھوڑی ہے