پاکستان عوامی تحریک کی سنٹرل ورکنگ کونسل کے اجلاس میں سیکرٹری جنرل خرم نواز گنڈاپور نے اظہار خیال کرتے ہوئے کہا کہ امید ہے تحریک انصاف پنجاب کا اقتدار ملنے پر سانحہ ماڈل ٹاؤن کے شہدا کے ورثا کے ساتھ ہونے والی نا انصافی کے ازالے کیلئے اپنا کردار ادا کرے گی اور وزیر اعلیٰ چودھری پرویز الٰہی سانحہ ماڈل ٹاؤن کے انصاف کے لیے اقدامات کریں گے۔

بیلنس کرنے کے نام پر عدالتی فیصلے ہوں گے تو نظام کیسے چلے گا؟عطاء اللہ تارڑ

سانحہ ماڈل ٹاؤن میں ملوث پولیس افسران اور سول بیوروکریٹس کو عہدوں سے ہٹایا جائے اورشریف برادران کے دور حکومت میں پاکستان عوامی تحریک کے کارکنان پر درج کی جانے والی جھوٹی ایف آئی آرز ختم کی جائیں۔

دفتر پہنچنے سے پہلے ہی پرویز الہیٰ نے گوگی بچاؤ مہم شروع کر دی

انہوں نے کہاکہ ہم توقع رکھتے ہیں کہ جے آئی ٹی پر سٹے آرڈر ختم کروانے کیلئے قانونی محاذ پرپنجاب حکومت شہدائے ماڈل ٹاؤن کے ورثا کے شانہ بشانہ کھڑی ہو گی اورماضی کی غلطیوں کا ازالہ کیا جائے گا۔انہوں نے کہا کہ سپریم کورٹ کے فیصلے سے ملک کا سب سے بڑا صوبہ آئینی و سیاسی بحران سے باہر نکلے گا اور عوام کوریلیف ملے گا۔

انہوں نے مزید کہاکہ سیاسی عدم استحکام کی وجہ سے معاشی بحران سنگین ہو چکا ہے۔مہنگائی،بے روزگاری کی وجہ سے عوام بہت پریشان ہیں۔اجلاس میں بریگیڈیئر (ر) اقبال احمد خاں،راجہ زاہد محمود،نوراللہ صدیقی،جواد حامد، رانا محمد ادریس،شہزاد رسول،عرفان یوسف، حاجی اسحاق،شہزاد رسول،منصور قاسم اعوان،الطاف رندھاوا،سردار عمر دراز، رانا نفیس حسین سدرہ کرامت،عائشہ شبیر نے شرکت کی۔

تحریک انصاف کے سیکرٹری جنرل اسد عمر نے صوبائی صدر ڈاکٹر یاسمین راشد اور مرکزی راہنما ریاض فتیانہ کے ہمراہ پاکستان عوامی تحریک کے سیکرٹری جنرل خرم نواز گنڈاپور سے مرکزی سیکرٹریٹ میں ملاقات کی۔

پاکستان عوامی تحریک کی طرف سے مرکزی سیکرٹری اطلاعات نوراللہ صدیقی، مرکزی نائب صدر راجہ زاہد محمود، مرکزی سیکرٹری کوآرڈینیشن عارف چودھری ملاقات میں شریک تھے۔ پی اے ٹی کے راہنماؤں نے تحریک انصاف کے قائدین کو خوش آمدید کہا۔اس موقع پر گفتگو کرتے ہوئے سیکرٹری جنرل پی اے ٹی خرم نواز گنڈاپور نے کہا کہ سانحہ ماڈل ٹاؤن کے انصاف کا معاملہ جوں کا توں ہے اور ہر گزرتے دن کے ساتھ شہداء کے ورثاء کی مشکلات بڑھ رہی ہیں۔ نظام انصاف میں بہت بگاڑ آچکا ریفارمز کے بغیر تبدیلی ناممکن ہے۔

تحریک انصاف کے سیکرٹری جنرل اسدعمر نے کہا کہ انصاف کے بول بالا کے بغیر خوشحال اور پرامن پاکستان کا خواب شرمندہ تعبیر نہیں ہو سکتا۔ ہم نے ساڑھے تین سالہ اقتدار سے بہت کچھ سیکھا ہے۔ محب وطن اور دردمند پاکستانیوں کو ملک و قوم کو سیاسی، سماجی، معاشی بحرانوں سے نکالنے کے لئے مل کر کام کرنا ہو گا۔

ڈاکٹر یاسمین راشد نے شیخ الاسلام ڈاکٹر طاہرالقادری کی فروغ علم و امن کے لئے قومی خدمات کو سراہا۔انہوں نے کہا کہ میں منہاج القرآن کے زیر اہتمام منعقد ہونے والی تقاریب میں شرکت کرتی رہتی ہوں۔ شیخ الاسلام ڈاکٹر طاہرالقادری نے اپنے کارکنان کی بہترین تربیت کی ہے۔

زرائع کے مطابق پاکستان تحریک انصاف نے عوامی تحریک سے ضمنی الیکشن میں حمایت حاصل کرنے کیلئے ملاقات کی تاہم عوامی تحریک نے پی ٹی آئی رہنماوں کو داکتع طاہرالقادری سے مشاورت کے بعد حمایت کا اعلان کرنے کا کہا ہے.