Baaghi TV

Tag: خطاب

  • نیویارک ینگ ریپبلکن کلب گالا میں دوران خطاب ٹرمپ کے مشیر گرپڑے

    نیویارک ینگ ریپبلکن کلب گالا میں دوران خطاب ٹرمپ کے مشیر گرپڑے

    نیویارک کے 112ویں سالانہ نیو یارک ینگ ریپبلکن کلب گالا میں ایک حیران کن واقعہ پیش آیا، جب ڈونلڈ ٹرمپ کے مشیر ایلکس بروسوِٹز اسٹیج پر خطاب کرتے ہوئے اچانک گر پڑے۔ بروسوِٹز 27 سالہ سیاسی حکمتِ عملی کے ماہر ہیں، جو ٹرمپ کی 2024 کی انتخابی مہم کے دوران اہم کردار ادا کر چکے ہیں۔

    اتوار کی شام نیو یارک سٹی میں ہونے والی اس تقریب میں بروسوِٹز اسٹیج پر خطاب کر رہے تھے، اور ان کے ساتھ ٹرمپ کی ٹیم کے دیگر اہم ارکان جیسے اسٹیو بینن اور ڈین اسکیوینو بھی موجود تھے۔ جب بروسوِٹز خطاب کر رہے تھے، تو اچانک ان کی آواز لڑکھڑانے لگی اور وہ واضح طور پر بے چینی کا شکار نظر آئے۔ انہوں نے کہا، "میرے الفاظ یاد نہیں آ رہے”، جس کے بعد وہ اسٹیج پر گر گئے۔ ان کی حالت بگڑتے ہوئے دیکھ کر حاضرین میں ہلچل مچ گئی، اور فوراً لوگوں نے ان کی مدد کے لیے دوڑ لگا دی۔واقعے کے فوراً بعد بروسوِٹز کو اسٹیج سے ہٹا کر بیک اسٹیج منتقل کیا گیا، جہاں انہیں فوری طور پر طبی امداد فراہم کی گئی۔ اس دوران، کنزرویٹو انفلوانسر جیک پوزوبیک نے ٹویٹ کیا کہ اس نے بروسوِٹز سے بیک اسٹیج بات کی تھی اور اس نے بتایا کہ یہ ایک "غشی کا حملہ” تھا۔ تاہم، ابھی تک بروسوِٹز کی حالت اور اس کے باعث ہونے والے طبی مسئلے کی تفصیلات واضح نہیں ہو سکیں۔

    ایلکس بروسوِٹز، جو "ایکس اسٹریٹیجیز” کے سی ای او ہیں، ڈونلڈ ٹرمپ کی 2024 کی انتخابی مہم میں اہم کردار ادا کر چکے ہیں۔ وہ ٹرمپ کے نوجوانوں کے ساتھ تعلقات کو مستحکم کرنے اور ان کے پیغامات کو بہتر طریقے سے پہنچانے میں مصروف تھے۔ بروسوِٹز کی حکمتِ عملی نے ٹرمپ کو نوجوان ووٹرز کے درمیان ایک نئی مقبولیت دلائی، اور انہوں نے ٹرمپ کو "کول” بنانے کی کوشش کی، خاص طور پر اس نئے میڈیا پلیٹ فارم کی مدد سے جو نوجوانوں میں مقبول تھا۔
    alex

    بروسوِٹز نے ٹرمپ کی مہم کے دوران "نئے میڈیا” کو اپنا ہتھیار بنایا، جس میں پوڈکاسٹروں اور انٹرٹینرز کے ساتھ کام کرنے کی حکمتِ عملی شامل تھی۔ انہوں نے ٹرمپ کو ان غیر روایتی میڈیا پلیٹ فارمز پر لانے کی کوشش کی جہاں نوجوان نسل کی بڑی تعداد موجود تھی۔ بروسوِٹز نے بارون ٹرمپ، ٹرمپ کے 18 سالہ بیٹے، کے ساتھ مل کر مختلف انٹرویوز کے منصوبے تیار کیے اور اس کے ذریعے ٹرمپ کو ایک "عام انسان” کے طور پر پیش کیا جو عوام کے ساتھ بیٹھ کر ہنسی مذاق کرتا ہے اور زندگی اور سیاست پر کھل کر بات کرتا ہے۔

    بروسوِٹز نے ٹرمپ کے پیغام کو نوجوانوں تک پہنچانے میں اہم کردار ادا کیا اور وہ "امریکہ فرسٹ” تحریک کے ایک سرگرم حمایتی رہے ہیں۔ اپنے پروفائل میں بروسوِٹز نے کہا ہے کہ وہ ہمیشہ امریکی شہریوں کے مفادات کو ترجیح دینے والی پالیسیوں کو فروغ دینے کے لیے کام کرتے ہیں اور انہوں نے ٹرمپ کے حامیوں کی مدد سے مخالف ریپبلکن سیاستدانوں کو شکست دینے کی کوشش کی ہے۔ ان کی حکمتِ عملی میں یہ بات شامل تھی کہ انہیں سیاسی پوڈکاسٹروں اور کامیڈینوں کے ساتھ مل کر کام کرنا تھا تاکہ وہ اپنی سیاسی پیغامات کو مؤثر طریقے سے پھیلانے میں کامیاب ہو سکیں۔

    اس وقت تک بروسوِٹز کی طبی حالت کے بارے میں مزید تفصیلات سامنے نہیں آئیں۔ ان کی طبی امداد کے حوالے سے روزنامہ "ڈیلی میل” نے ٹرمپ اور "ایکس اسٹریٹیجیز” سے رابطہ کیا ہے، لیکن کوئی سرکاری بیان جاری نہیں کیا گیا۔ بروسوِٹز کی صحت کی صورتحال پر نظر رکھی جا رہی ہے، اور ان کے حامی اور سوشل میڈیا پر موجود افراد ان کی جلد صحتیابی کے لیے دعا گو ہیں۔

  • 90 روز میں الیکشن نہ ہوئے تو قانون کسی کی حفاظت نہیں کرپائےگا،عمران خان

    90 روز میں الیکشن نہ ہوئے تو قانون کسی کی حفاظت نہیں کرپائےگا،عمران خان

    لاہور: چیئرمین پی ٹی آئی عمران خان نے آئین و قانون کی خاطر عوام اور وکلاء کو سڑکوں پر نکلنے کیلئے تیار رہنے کی ہدایت کردی۔

    باغی ٹی وی : تفصیلات کے مطابق زمان پارک سے ویڈیو نیوز کانفرنس میں عمران خان نے کہا کہ پی ڈی ایم کہہ رہی ہےکہ وہ سب سے بڑی عدالت کا فیصلہ نہیں مانےگی،جب یہ سپریم کورٹ کا فیصلہ نہیں مانیں گے تو اس کا کیا مطلب ہوگا؟ جو فیصلہ حق میں آئے انہیں مانیں جو حق میں نہ آئے اس کو نہیں مانیں گے؟، پی ڈٖی ایم کو خدشہ ہے کہ الیکشن ہار جائیں گے اس لیے فیصلہ نہیں مان رہی۔


    چئیرمین پی ٹی آئی نے کہا کہ سپریم کورٹ کا کام ہی آئین پر عمل درآمد کرانا ہے، الیکشن کرالیں، عوام کو فیصلہ کرنے دیں وہ کس کو چاہتےہیں؟ ملک میں آئینی بحران پیدا ہوچکا ہے اگر عوام آئین کے ساتھ نہ کھڑے ہوئے تو یہ ملک رہنے کے قابل نہیں رہےگا، اس طرح کے طاقتور مفرور لوگ اوپر بیٹھ کر فیصلے کریں گے،عوام کو آئین کےلیے باہرنکلنا پڑے گا،یہ حقیقی آزادی کا جہاد ہے۔


    عمران خان نے عوام سے درخواست کی کہ آپ سڑکوں پر باہر نکلنے کیلئے تیار ہوں اپنے آئین اور قانون کی حفاظت کیلئے ہم سب کو تیار ہونا چاہیئے ہم سب کو وڑکوں پر نکلنا چاہیئے خاص طور پر وکلا کو کیونکہ وکلا کے اوپر سب سے زیادہ ذمہ داری ہے آپوہ لیگل کمیونٹی ہیں جو جانتی ہے کہ آئین اور قانون کیا ہے آپ کو پتہ ہے کہ یہ کوششیں کیا ہو رہی ہیں یہ 90 دن سے باہر نکل کر کس طرف جا رہے ہیں میں آپ سب کو آج کہتا ہوں کہ یہ حقیقی آزادی حاصل کرنے کے لئے اصل جہاد ہے آزادی آتی ہے انصاف سے اور انصاف آپ کے بنیادی حقوق کی حفاظت کرتا ہے پاکستان میں کوئی بنیادی حقوق نہیں ہیں ہمارے 3100 ورکرز پکڑے ہیں یہ کسی بھی جمہوری ملک میں نہیں ہو سکتا کہ آپ پکڑ کر ان کو اغوا کر کے جیلوں میں ڈال دیں کیونکہ بنیادی حقوق کی خلاف ورزی ہو رہی ہے ایک دفعہ یہ اس طرف نکل گئے تو یہاں مجھے افسوس ی0ہ ہے کہ وہ پاکستان کے اندر کوئی بھی محفوظ نہیں رہے گا قانون کسی کی بھی حفاظت نہیں کرے گا-


    انہوں نے مزید کہا کہ ان کو اندازہ نہیں نوے دن میں الیکشن نہ ہوئے تو ملک کس طرف جائےگا؟ میرا سوال ہےکیااکتوبرمیں ملک کےحالات ٹھیک ہوجائیں گے؟اس وقت فنڈز کی کمی ہے تو اکتوبر میں بھی فنڈز کی کمی ہوگی، یاد رکھیں انصاف نہیں ہوگا ملک میں جنگل کا قانون ہوجائےگا۔


    سابق وزیراعظم نواز شریف کی گذشتہ روز کی جانے والے نیوز کانفرنس پر سخت ردعمل کا اظہار کرتے ہوئے عمران خان نے کہا کہ لندن میں بیٹھا مفرور برملا کہ رہا ہے کہ وہ تین ججز کا فیصلہ نہیں مانیں گے، میں قوم کے سامنے سوال رکھتا ہوں کہ نواز شریف کون ہوتے ہیں فیصلہ ماننے اور نہ ماننے والے،اسی نوازشریف کو عدالت نے بھی ‘سسلین مافیا’ کہا، جان لیں کہ نوازشریف کا مفاد پاکستان نہیں بلکہ ان کا پیسہ ہے۔

  • وزیراعظم شہباز شریف آج شب قوم سے خطاب کریں گے

    وزیراعظم شہباز شریف آج شب قوم سے خطاب کریں گے

    وزیراعظم شہباز شریف آج ہفتہ کی شب سوا 9 بجےقوم سے خطاب کریں گے.

    وفاقی وزیرااطلاعات مریم اورنگزیب کا کہنا ہے کہ وزیراعظم شہباز شریف آج ہفتہ کی شب سوا 9 بجے قوم سے خطاب کریں گے. وزیراعظم قوم کو اہم معاملات پر اعتماد میں لیں گے ،شہباز شریف قوم کو 75 ویں یوم آزادی کے موقع پر مبارکباد بھی دیں گے.

    وزیر اعظم شہباز شریف نے قومی ترانے کو اب نئے انداز میں قوم کی آواز بننے کی نوید سنائی ہے۔ وزیر اعظم نے کہا ہے کہ 68 سال بعد کل سے ہمارے قومی ترانے کے عظیم الفاظ اور ساز نئے انداز میں قوم کی آواز بننے جا رہے ہیں۔


    سوشل میڈیا پر دیے گئے اپنے بیان میں وزیر اعظم نے کہا کہ اس خوبصورت پیشکش اور تاریخی لمحات کو پاکستانی قوم کے نام کرتا ہوں۔

    وزیر اعظم نے کہا کہ وزارت اطلاعات، اسٹیئرنگ کمیٹی، آئی ایس پی آر سمیت پوری ٹیم کو شاباش دیتا ہوں۔

    قبل ازیں وفاقی وزیر اطلاعات و نشریات مریم اورنگزیب نے کہا ہے کہ قومی ترانہ ملک کی پہچان ہے، ری ریکارڈڈ قومی ترانے پر سیاست نہیں ہونی چاہئے، یہ ہم سب کا کریڈٹ ہے، نئے ری ریکارڈڈ قومی ترانے میں پاکستان کے ثقافتی و علاقائی رنگوں کی عکاسی کی گئی ہے، لیاقت علی خان کے بعد شہباز شریف دوسرے وزیراعظم ہوں گے جو کل پاکستان کے آفیشل ری ریکارڈڈ قومی ترانے کا اجراء کریں گے،

    ملک کے دفاع کے لئے افواج پاکستان اور سیکورٹی فورسز نے بے شمار قربانیاں دیں، ملک میں جب بھی جمہوری دور آیا، اس کے ثمرات پاکستان کے عوام کو ملے، ڈائمنڈ جوبلی کے موقع پر ایک سیاسی جماعت نے پاکستان کا جھنڈا ہٹا کر اپنی جماعت کا جھنڈا لگا کر اپنی پست ذہنیت کا ثبوت دیا ہے، یوم آزادی پر ہمیں نوجوانوں کو یہ پیغام دینا چاہئے کہ ہم ایک قوم ہیں، سبز ہلالی پرچم تلے ہم سب اکٹھے ہیں، ہمیں ملکی ترقی کے لئے مل کر آگے بڑھنا ہے۔

    یہاں پریس کانفرنس سے خطاب کرتے ہوئے انہوں نے کہا کہ وزیراعظم شہباز شریف آج (اتوار )قومی پرچم کشائی کی تقریب میں نیا ری ریکارڈڈ قومی ترانہ لانچ کریں گے۔ انہوں نے کہا کہ لیاقت علی خان نے 1954ء میں پہلی مرتبہ قومی ترانے کا اجراء کیا تھا اور 68 سال بعد وزیراعظم پاکستان شہباز شریف جدید ٹیکنالوجی کے ساتھ ری ریکارڈڈ قومی ترانے کا افتتاح کریں گے۔

    قومی ترانے کی تاریخ کا ذکر کرتے ہوئے وفاقی وزیر نے کہا کہ 1948ء میں سردار عبدالرب نشتر کی سربراہی میں حکومت نے قومی ترانے کی تیاری کیلئے ایک کمیٹی تشکیل دی تھی۔ احمد غلام علی چھاگلہ کی تیار کردہ دھن کو اس وقت کے وزیراعظم لیاقت علی خان اور کمیٹی کے ارکان کے سامنے پیش کیا گیا، 10 اگست 1950ء کو سٹیئرنگ کمیٹی نے احمد چھاگلہ کی دھن پر قومی ترانے کی منظوری دی۔

    انہوں نے بتایا کہ 1954ء میں حفیظ جالندھری کی تحریر میں اس دھن کو باضابطہ طور پر منظور کر کے قومی ترانہ نشر کیا گیا۔ وفاقی وزیر اطلاعات نے کہا کہ لیاقت علی خان کے بعد وزیراعظم شہباز شریف دوسرے وزیراعظم ہوں گے جو پاکستان کے آفیشل قومی ترانے کا اجراء کریں گے۔ انہوں نے بتایا کہ قومی ترانے کی ری ریکارڈنگ کے سفر کا آغاز ہم نے 2017ء میں کیا تھا، یہ کسی قسم کا کریڈٹ نہیں، یہ پاکستان کا قومی ترانہ ہے، اس میں پاکستان کے گلوکاروں، مسلح افواج کے بینڈ ماسٹرز سمیت دیگر لوگوں نے حصہ لیا۔

    انہوں نے کہا کہ پچھلی حکومت نے 8 جون 2021ء کو جاوید جبار کی سربراہی میں ایک سٹیئرنگ کمیٹی قائم کی تھی جس میں نیشنل اکیڈمی آف آرٹس کے سربراہ ارشد محمود سمیت دیگر ماہرین کو بھی شامل کیا گیا تھا۔ انہوں نے کہا کہ نیا ری ریکارڈڈ قومی ترانہ تمام صوبوں سے تعلق رکھنے والے 155 گلوکاروں نے گایا، 48 موسیقاروں اور 6 بینڈ ماسٹرز نے اس میں حصہ لیا۔ وفاقی وزیر اطلاعات نے بتایا کہ قومی ترانے میں پاکستان کی ثقافت، اقلیتوں سمیت ثقافتی و علاقائی رنگوں کی عکاسی کی گئی ہے۔

    انہوں نے اسٹیئرنگ کمیٹی کو مبارکباد پیش کرتے ہوئے کہا کہ اسٹیئرنگ کمیٹی کی کاوشوں سے قومی ترانے کی 14 اگست 2022ء کو لانچ ممکن ہوئی۔ انہوں نے کہا کہ ہماری خواہش تھی کہ قوم کو 75 ویں سالگرہ پر ری ریکارڈڈ قومی ترانے کا تحفہ دیا جائے۔ انہوں نے کہا کہ آئی ایس پی آر کی شراکت سے وزارت اطلاعات نے مسلح افواج کے بینڈز کو استعمال کر کے قومی ترانے کی ری ریکارڈنگ کی۔

    انہوں نے قومی ترانے کی تیاری میں تعاون پر ڈی جی آئی ایس پی آر کا بھی شکریہ ادا کیا۔ انہوں نے کہا کہ یہ ہم سب کے لئے باعث فخر ہے، ہر وہ شخص مبارکباد کا مستحق ہے جس نے قومی ترانے کی تیاری کو ممکن بنایا جس کی وجہ سے ہم 68 سال بعد 14 اگست کو ری ریکارڈڈ قومی ترانہ پیش کر سکیں گے۔

    مریم اورنگزیب نے کہا کہ قومی ترانے میں اتحاد، اخوت اور علاقائی شناخت کو پورے پاکستان سے پیش کیا گیا ہے، آج (اتوار) ایک تاریخی موقع ہے، اس پر ہم سب بہت خوش ہیں۔ انہوں نے بتایا کہ ری ریکارڈڈ قومی ترانے کے حوالے سے سوشل میڈیا پر بھی مہم چلائی گئی جس کی عوام نے بھرپور پذیرائی کی۔ انہوں نے کہا کہ میرے لئے یہ باعث فخر موقع ہے کہ اللہ تعالیٰ نے ایک ایسے وقت میں مجھے اس منصب پر بٹھایا ہے جب ہم ری ریکارڈڈ قومی ترانہ لانچ کر رہے ہیں۔

    انہوں نے کہا کہ وزارت اطلاعات اور آئی ایس پی آر کی ٹیموں سمیت ہمیں مسلح افواج کے بینڈ ماسٹرز، گلوکاروں اور موسیقاروں پر فخر ہے جنہوں نے اس قومی ترانے کی تیاری میں اہم کردار ادا کیا۔ وفاقی وزیر اطلاعات نے کہا کہ پاکستان کی ڈائمنڈ جوبلی تقریبات ملک بھر میں منائی جا رہی ہیں، وزارت اطلاعات پارلیمنٹ، قومی اسمبلی سمیت تمام حکومتی ادارے اس میں اپنا اپنا حصہ ڈال رہے ہیں۔

    انہوں نے کہا کہ ڈائمنڈ جوبلی کی تمام تقریبات پی ٹی وی پر لائیو ٹیلی کاسٹ کی جا رہی ہیں۔ شاہراہ دستور پر آج کی تقریب کا ذکر کرتے ہوئے انہوں نے کہا کہ آج شاہراہ دستور پر پولیس اور ایف سی کے دستوں نے مارچ پاسٹ کیا اور سلامی دی، اس تقریب میں حصہ لینے والے تمام ادارے اور افراد مبارکباد کے مستحق ہیں۔

    انہوں نے کہا کہ ملک کے دفاع کے لئے افواج پاکستان اور سیکورٹی اداروں نے بے پناہ قربانیاں دی ہیں جنہیں ہم خراج تحسین پیش کرتے ہیں۔ وفاقی وزیر اطلاعات نے کہا کہ پاکستان کے 75 سالہ سفر میں جمہوری دور کے ثمرات عوام کو مل رہے ہیں۔

    پاکستان کے جھنڈے تلے ہم سب ایک ہیں، پاکستان کا پرچم اور قومی ترانہ ہم سب کا ہے، اس پر سیاست درست نہیں، یہ ہم سب کا کریڈٹ ہے، ہمیں اس لمحے کو تاریخ کا حصہ بنانا چاہئے۔ انہوں نے کہا کہ علامہ اقبال نے جس پاکستان کا خواب دیکھا اس کی تعبیر قائداعظم محمد علی جناح نے آزاد مملکت قائم کر کے پوری کی۔

    انہوں نے کہا کہ جب بھی ملک میں جمہوری دور آیا اس کے ثمرات عوام کو ملتے رہے، 1973ء میں شہید ذوالفقار علی بھٹو نے ملک کو آئین دیا، نواز شریف تین مرتبہ منتخب وزیراعظم رہے، انہوں نے ملک کے دفاع کو مضبوط کیا، شہید ذوالفقار علی بھٹو کے شروع کئے گئے ایٹمی پروگرام کو نواز شریف نے پایہ تکمیل تک پہنچایا، ملک کو پہلی موٹر وے دی، وفاق کی تمام اکائیوں کو آپس میں منسلک کیا، بے نظیر بھٹو شہید نے بطور وزیراعظم ملک میں میزائل ٹیکنالوجی کے دور کا آغاز کیا۔

    انہوں نے کہا کہ 1947ء کے بعد اور قیام پاکستان سے پہلے کی تاریخ پی ٹی وی پر پچھلے دو ہفتوں سے دکھائی جا رہی ہے۔ انہوں نے کہا کہ ہماری تمام تقریبات پارلیمان، جمہوریت اور آئین کی بالادستی کے گرد گھومتی ہیں، اس کا مقصد نوجوان نسل کو آگاہ کرنا ہے کہ ملک میں جمہوریت کا تسلسل ہی ملک کی ترقی کا باعث بن سکتا ہے۔ انہوں نے کہا کہ ملک میں اتار چڑھائو آتے رہے ہیں لیکن جمہوری دور نے ہر مشکل کا سامنا کیا اور عوام کے ساتھ کھڑے رہے۔

    انہوں نے کہا کہ آج ہم فخر سے پاکستان کی ڈائمنڈ جوبلی منا رہے ہیں۔ انہوں نے کہا کہ آیئے 14 اگست کو ہم عہد کریں کہ ہم اس ملک میں محبت اور اتحاد کے بیج بوئیں گے، ملک کو ترقی کی راہ پر گامزن کریں گے۔ انہوں نے کہا کہ آج رات 12 بجے ڈی چوک پر آتش بازی اور لیزر شو کا پروگرام ہوگا، قومی نغموں کے مقابلے میں منتخب کئے گئے دس ملی نغمے بھی آج کی تقریب میں پیش کئے جائیں گے۔

    ایک سوال پر انہوں نے کہا کہ ڈائمنڈ جوبلی کے موقع پر ایک سیاسی جماعت کی جانب سے پاکستان کا پرچم اتار کر اپنی پارٹی کا پرچم لگانا افسوسناک ہے، پاکستان کے پرچم تلے ہم سب ایک ہیں، ہمیں یوم آزادی کے موقع پر نوجوانوں کو یہ پیغام دینا چاہئے کہ ہم ایک قوم ہیں، سبز ہلالی پرچم تلے ہم سب اکٹھے ہیں۔ انہوں نے کہا کہ پاکستان کا قومی ترانہ اور سبز ہلالی پرچم ہم سب کی آزادی کی علامت ہیں۔

    انہوں نے کہا کہ 365 دنوں میں سے ہمارے پاس 364 دن سیاست کیلئے موجود ہیں، ایک سیاسی پارٹی کی جانب سے 14 اگست کے موقع پر پاکستان کا جھنڈا اتار کر اپنی پارٹی کا جھنڈا لگانا ان کی پست ذہنیت کی عکاسی کرتا ہے۔ انہوں نے کہا کہ پاکستان کے یوم آزادی پر نفرت اور تقسیم پیدا نہ کریں، اس سے پاکستان کو نقصان ہوگا، سب سے بڑا نقصان ان لوگوں کو ہوگا جو اس کارروائی کا حصہ ہیں۔

    ایک اور سوال پر انہوں نے کہا کہ ڈائیلاگ، مشورہ یا سیاسی مشاورت بات چیت سے ہوتی ہے گالی سے نہیں، مشاورت سے پہلے رویہ اور درست سوچ گفتگو اور مشاورت کے عمل کو آگے بڑھاتی ہے، گالی اور تصادم کی ذہنیت رکھنے والوں سے بات چیت یا سیاسی مشاورت نہیں ہو سکتی۔ اے آر وائے نیوز چینل کے خلاف قانونی کارروائی کے حوالے سے سوال پر انہوں نے کہا کہ چینل نے بغاوت پر مبنی ریمارکس نشر کئے، ایف آئی اے میں اس کیس پر تحقیقات جاری ہیں، وزارت داخلہ نے بھی اسی کے مطابق ایکٹ کرنا ہے۔ انہوں نے کہا کہ آزادی اظہار رائے اور ملک دشمنی کے درمیان لکیر کھینچنا ہوگی، وہ بیانیہ جس سے افواج پاکستان، سول بیورو کریسی میں تقسیم پیدا ہو، یہ اظہار رائے کے ضمن میں نہیں آتا۔

    انہوں نے کہا کہ صحافیوں اور ان کے حقوق کے تحفظ کے لئے قانون موجود ہے۔ ایک اور سوال پر انہوں نے کہا کہ گزشتہ چار سال کے دوران پی ٹی وی کو دیوالیہ کے قریب کیا گیا، پی ٹی وی کو مالی نقصان پہنچا کر اے سپورٹ چینل کو فائدہ پہنچایا گیا۔ ایف بی آر میں دیئے گئے استثنیٰ کے حوالے سے بھی تحقیقات کی جائیں گی، اس ملک کی ایک ایک پائی کا حساب لیا جائے گا

  • عمران نیازی نے پاکستان کی عزت داؤ پر لگانے کیلئے کوئی کسر نہیں چھوڑی،وزیراعظم

    عمران نیازی نے پاکستان کی عزت داؤ پر لگانے کیلئے کوئی کسر نہیں چھوڑی،وزیراعظم

    اسلام آباد: وزیراعظم شہباز شریف نے کہا ہے کہ 22 کروڑعوام نے منتخب نمائندوں کو اختیاردیا ہے، قومی اسمبلی میں گفتگو کرتے ہوئے شہبازشریف کا کہنا تھا کہ آئین میں مقننہ،عدلیہ،انتظامیہ کے اختیارات متعین کردیئے ہیں۔ آئین کے اندر رہ کر سب کو اپنا اپنا کردار ادا کرنا ہو گا،

    وزیراعظم شہباز شریف کا کہنا تھا کہ ہم سب دن رات ایک کر کے اسے ٹھیک کرنے کی کوشش کر رہے ہیں چار سالوں کے دوران معیشت ڈبو دی گئی، لاڈلے کو 15 سال تک دن رات دودھ پلایا گیا کس طر ح رات کے اندھیرے میں آر ٹی ایس بند ہوا، 2018 کے انتخابات پاکستان کی تاریخ کے بدترین انتخابات ہوئے،2018میں دھاندلی کی پیداوار حکومت کو ہم پر مسلط کر دیا گیا،ووٹوں کی گنتی کو ایک سابق چیف جسٹس کے حکم پر رکوایا گیا دیہاتوں میں نتائج شہروں کی نسبت پہلے آ گئے، پاکستان کی معیشت کا جنازہ نکل رہا تھا،متحدہ اپوزیشن اس وقت سیاست کو مقدم رکھتی تو ریاست کوخطرہ تھا،ہم جانتے تھے کہ پاکستان ڈیفالٹ کے قریب تھا، کیا ہم چور دروازے سے آئے ہیں؟لاکھوں لوگ بے روزگار اور بے گھر ہو گئے، اگر متحدہ اپوزیشن سیاست کو مقدم رکھتی تو پھر ریاست کا خدا حافظ تھا، ہم سب نے فیصلہ کیا کہ ریاست کو بچانا ہے،جانتے تھے تباہ حال معیشت کو دوبارہ زندگی دلوانا کوئی آسان کام نہیں، تمام جماعتوں نے مل کر مجھے وزارت عظمیٰ کیلئے منتخب کیامجھے وزیراعظم بننے کا لالچ نہیں تھا ، ماضی میں بھی پیشکش ہو چکی، وزیراعظم بننے کا ایک نہیں کئی مواقع ملے، جب نواز شریف کو سزا ہوئی تو اس وقت بھی مجھے وزیراعظم نامزد کیا گیا، میں نے پنجاب کی ذمہ داریاں پوری کرنے کیلئے وزارت عظمیٰ لینے سے انکار کر دیا،

    وزیراعظم شہباز شریف کا کہنا تھا کہ میرے سینے میں بہت سے راز دفن ہیں اور وہ قبر تک دفن رہیں گے،پرویز مشرف نے بھی مجھے وزیراعظم بننے کی پیش کش کی تھی سب کے ساتھ انہوں نے تعلقات خراب کیے،جب ٹرمپ کو مل کر آئے تھے تو کس نے کہا تھا میں ورلڈ کپ جیت کر آیا ہوں روس نے تردید کی کہ انہوں نے سستا تیل دینے کی کوئی پیشکش نہیں کی،فارن فنڈنگ کیس کا الیکشن کمیشن کیوں فیصلہ نہیں کررہا اسرائیل اور ہندوستان سے پیسہ میں نے نہیں عمران خان نے لیا، میں اگر وہ راز کھول دوں تو یہ ایوان حیرت میں مبتلا ہو جائے گاچار سال تک یہ چور ڈاکو کا راگ الاپتا رہا،یہ ایک دھیلے کی بھی کرپشن ثابت نہیں کر سکے، ان کے زمانے میں چینی ایکسپورٹ ہوئی تو اس وقت اس کی قیمت 52 روپے کلو تھی، چینی کی ایکسپورٹ پر اربوں روپے سبسڈی دی گئی،گیس جب 3 ڈالر کے ریٹ پر بک رہی تھی تو یہ ٹانگ پر ٹانگ رکھ کر بیٹھے تھے، آئی ایم ایف کے ساتھ معاہدہ کیااور خود ہی نےاس کی دھجیاں اڑائیں ان کی اس غفلت پر کسی نے ازخود نوٹس نہیں لیا،ہیلی کاپٹر کیس میں کوئی نوٹس نہیں لیا گیا، مالم جبہ کیس کو نیب نے جپھہ ڈال لیا، کسی نے نوٹس نہیں لیا عمران خان کی بہن کو ایف بی آر سے خاموشی کے ساتھ این آر او دلوایا گیا،

    وزیراعظم شہباز شریف کا کہنا تھا کہ بشیر میمن نے بطور ڈی جی ایف آئی اے بتایا کہ عمران نیازی نے اسے ہم پر کیسز بنانے کا کہا،ہماری ضمانتیں عمران نیازی کے دور میں ہوئیں،شہزاد اکبر نے این سی اے کو خط لکھا جس پر پونے دو سال انکوائری ہوئی، انہوں نے پاکستان کی عزت داؤ پر لگانے کیلئے کوئی کسر نہیں چھوڑی عمران خان کی کابینہ میں بند لفافوں پراراکین سے دستخط لئے جاتے رہے، تفصیلات اور بھی ہیں بتاؤں تو سب کے رونگٹے کھڑے ہو جائیں گے اراکین کے پوچھنے پر عمران خان نے کہا یہ سیکرٹ ڈاکومنٹ ہے آپ سب دستخط کریں،میں وہی خادم ہوں جس نے پنجاب کے کسانوں کو سستی کھاد دی،میں وہی شہباز شریف ہوں جس نے اعلیٰ کوالٹی کی مفت ادویات فراہم کیں،

    انہوں نے کہا کہ انسانی فطرت ہے بچے کو تکلیف ہو تو بچہ فوری ماں کے پاس جاتا ہے، یہ معزز ایوان ماں ہے، 1973ء کے آئین کو اسی ایوان نے تشکیل کی تھی، آئین پاکستان کی وحدت کی بہت بڑی نشانی ہے، آئین میں لکھا ہے حاکمیت اللہ تعالیٰ کی ہے، 22 کروڑعوام نے منتخب نمائندوں کو اختیاردیا ہے، آئین میں مقننہ،عدلیہ،انتظامیہ کے اختیارات متعین کردیئے ہیں۔ آئین کے اندر رہ کر سب کو اپنا اپنا کردار ادا کرنا ہو گا.

    پرویز الہیٰ کی عمران خان سے ملاقات، سپیکر کون بنے گا نام پر ہوا اتفاق

    شہبازشریف نے قومی اسمبلی میں خطاب کرتے ہوئے کہا کہ 75سالوں کے دوران آئین کے ساتھ کھلواڑ ہوتا رہا، مارشل لا کئی دہائیوں تک مسلط رہے اورپاکستان دولخت بھی ہوا، جمہوریت کا پودا اتنا طاقت ورنہ ہوسکا جتنا ہونا چاہیے تھا، جوممالک ہم سے بہت پیچھے تھے آج ترقی کی دوڑمیں آگے نکل چکے ہیں، اغیار نے کئی سال پہلے آئی ایم ایف کو خیرآباد کہہ دیا، بزرگ، مائیں، بیٹیاں پوچھتی ہیں ملک کے اندر کب مہنگائی،غربت، قرضوں کا خاتمہ ہوگا،وزیراعظم کا کہنا تھا کہ سب جانتے ہیں 2018ء کے الیکشن میں بدترین جھرلو الیکشن تھے، دھاندلی کی پیداوار حکومت کو مسلط کر دیا گیا، رات کے اندھیرے میں آر ٹی ایس بند ہوگیا تھا، دیہات میں پہلے اور شہروں میں نتائج بعد میں آئے تھے، سابق چیف جسٹس کے حکم پر گنتی کو رکوایا گیا تھا، گزشتہ پونے چار سالوں میں مسلط کردہ حکومت کی کارکردگی سب کے سامنے ہے، 20 ہزار ارب سے زائد کے قرضے لیے گئے،

    قومی اسمبلی کے اجلاس میں سیلاب سے متعلق خطاب کرتے ہوئے شہباز شریف نے کہا کہ طوفانی بارشوں نے ہرجگہ تباہی پھیلائی، بلوچستان،پنجاب،خیبرپختونخوا،سندھ میں بے پناہ تباہی ہوئی، پاکستان بھر میں طوفانی بارشوں سے نقصانات ہوئے، اتحادی حکومت پوری طرح آگاہ اورچوکس ہے، اس حوالے سے چاروں صوبوں کے ساتھ میٹنگ کرچکا ہوں.

    وزیراعظم کا کہنا تھا کہ متاثرہ علاقوں میں بلوچستان، سندھ، خیبرپختونخوا، پنجاب حکومت دن رات کام کررہی ہے، این ڈی ایم اے بھی اس حوالے سے بھرپورکام کررہی ہے، یقین دلاتا ہوں امدادی پیکج میں مزید اضافہ کریں گے۔ معززممبران کی سفارشات کے پیش نظر کل مزید فیصلے کریں گے، صوبائی حکومتوں کی ہرممکن مدد کریں گے، کسانوں کے نقصانات کو پورا کرنے کے لیے وفاقی حکومت بھرپورتعاون کرے گی، چترال سمیت جہاں بھی نقصانات ہوئے ازالہ کریں گے،

  • امریکہ اسپیکر نینسی پیلوسی کے دورہ تائیوان کےانتظامات بند کرے:چینی وزارت خارجہ

    امریکہ اسپیکر نینسی پیلوسی کے دورہ تائیوان کےانتظامات بند کرے:چینی وزارت خارجہ

    نیویارک:چینی وزارت خارجہ کے ترجمان چاؤ لی جیان نے ایک باقاعدہ پریس کانفرنس میں کہا ہےکہ چین امریکہ سے مطالبہ کرتا ہے کہ وہ ایک چین کے اصول اور چین امریکہ تین مشترکہ اعلامیوں کی پاسداری کرے اور امریکی ایوان نمائندگان کی اسپیکر نینسی پیلوسی کے تائیوان کے دورے کا اہتمام نہ کرے۔ امریکہ اور تائیوان کے درمیان سرکاری تبادلے فوری طور پر بند کئے جائیں، اور آبنائے تائیوان میں کشیدگی پیدا کرنا بند کیا جائے۔

    منگل کے روز چینی میڈ یا نے بتا یا کہ اطلاعات کے مطابق امریکی ایوان نمائندگان کی اسپیکر نینسی پیلوسی اس سال اگست میں ایک وفد کے ہمراہ تائیوان کا دورہ کرنے کا ارادہ رکھتی ہیں۔ کچھ میڈیا کا کہنا ہے کہ 25 سالوں میں امریکی ایوان نمائندگان کے اسپیکر کا تائیوان کا یہ پہلا دورہ ہوگا۔

    ادھر آج اقوام متحدہ کی 76 ویں جنرل اسمبلی نے اعلیٰ سطح کی خصوصی کانفرنس کا انعقاد کیا۔ کانفرنس کا موضوع رہا “مشترکہ اقدامات: عالمی خوراک کے بحران پر مربوط ردعمل”۔اقوام متحدہ میں چین کے مستقل مندوب چانگ جون نے گلوبل ڈویلپمنٹ انیشیٹو کے” گروپ آف فرینڈز” کی ترجمانی کرتے ہوئے خطاب میں اپنا موقف بیان کیا۔

    منگل کے روز چینی میڈ یا نے بتا یا کہ چانگ جون کے مطابق خوراک کے بحران کے شکار ایسے ممالک بالخصوص ترقی پزیر ممالک کو ہنگامی حمایت فراہم کی جائے ۔ مختلف شعبوں میں ترقی یافتہ ممالک کے تعاون کی مضبوطی پر زور دیا جائے۔ دنیا بھر میں خوراک اور زراعت سے متعلق سپلائی چین کے موثر آپریشن کو یقینی بنایا جائے۔

    چانگ جون نے مزید کہا کہ فوڈ سیکیورٹی ، گلوبل ڈویلپمنٹ انیشیٹو کے اہم شعبوں میں سے ایک ہے۔مذکورہ گروپ خوراک کے عالمی بحران سے مشترکہ نمٹنے کے لیے کثیر فریقی تعاون کو مضوط بنانے کی کوشش کررہا ہے۔
    چینی مندوب کے مطابق رواں سال چین نے اقوام متحدہ کے نیویارک صدر دفتر میں گلوبل ڈویلپمنٹ انیشیٹو کا” گروپ آف فرینڈز” قائم کیا تھا جس میں ساٹھ ممالک شامل ہو چکے ہیں۔ اُن کی جانب سے خطاب گروپ کا پہلا مشترکہ خطاب ہے، جسے گروپ تعاون کا اہم قدم بھی قرار دیا جا سکتا ہے۔

  • "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    پاکستان تحریک انصاف کے لانگ مارچ میں اسلام آباد میں جلسے کے دوران قاسم سوری نے جلسے میں اسلامی ٹچ کا مشورہ دیا جس کی ویڈیو سوشل میڈیا پر وائرل ہو رہی ہے-

    باغی ٹی وی : چیئرمین تحریک انصاف عمران خان کی قیادت میں گزشتہ روز پشاور سے شروع ہونے والا آزادی مارچ کا قافلہ کئی گھنٹوں کا سفر طے کرنے کے بعد صبح سویرے جناح ایونیو اسلام آباد پہنچا جہاں عمران خان نے خطاب بھی کیا جس میں حکومت کو الیکشن کے لیے 6 دن کا الٹی میٹم دیا اور احتجاج ختم کرنے کا اعلان کر دیا ۔

    جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

    اسلام آباد میں لانگ مارچ کے شرکا سے خطاب میں کہا تھا کہ ہم نے اعلان کیا تھا کہ الیکشن کے اعلان تک اسلام آباد میں بیٹھیں گے لیکن گزشتہ 24 گھنٹوں میں دیکھا کہ یہ لوگ ملک کو انتشار کی جانب لےکرجا رہے ہیں، یہ لوگ فوج اور پولیس سے ہماری لڑائی کروانا چاہتے ہیں لیکن یہ پولیس بھی ہماری ہے اور عوام بھی ہماری ہے، ہم ملک کو تقسیم کرنے نہیں آئے بلکہ قوم کو بنانے کے لیے آئے ہیں۔

    عمران خان نے کہا تھا کہ حکومت کو 6 روز دے رہا ہوں، اسمبلیاں تحلیل کی جائیں اور جون میں الیکشن کا اعلان کیا جائے ورنہ پوری قوم کو ساتھ لے کر دوبارہ اسلام آباد آؤں گا۔

    تاہم خطاب کے دوران قاسم سوری نے چیئرمین تحریک انصاف کے کان میں گفتگو کی جس کی آواز بھی تصویر کے ساتھ محفوظ ہو گئی اور ویڈیو سوشل میڈیا پر تیزی سے وائرل ہو رہی ہے-


    وائر ل ہونے والی ویڈیو میں معلوم ہوا کہ قاسم سوری ، عمران خان کے کان میں کہہ رہے ہیں کہ ” خان صاحب ! تھوڑا اسلامی ٹچ دیں “ نبی پا ک صلی اللہ علیہ وسلم کی بھی مال دے دیں کوئی”-


    https://twitter.com/IZeeshanShahid/status/1529665098628878341?s=20&t=98BtLjO8otoIQ7znzJLRkw

    بھارت سے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے،مشعال ملک

     

  • وزیر اعظم شہباز شریف آج قوم سے اہم خطاب کریں گے

    وزیر اعظم شہباز شریف آج قوم سے اہم خطاب کریں گے

    اسلام آباد: وزیر اعظم شہباز شریف آج قوم سے اہم خطاب کریں گے۔

    بباغی ٹی وی : ذرائع کے مطابق وزیر اعظم شہباز شریف آج خطاب کے دوران سیاسی صورتحال پر قوم کواعتماد میں لیں گے جبکہ وہ لانگ مارچ اور معاشی صورتحال پر بھی بات کریں گے۔

    لانگ مارچ، حکومت کا ریاست کی رٹ پر کوئی سمجھوتہ نہ کرنے کا فیصلہ


    جبکہ وزیر داخلہ رانا ثنا ءاللہ نے کہا کہ کابینہ اجلاس کے دوران حکومت کی جانب سے کیے گئے اہم فیصلوں سے قوم کو آگاہ کرنے کے لیے دوپہر 1:10 بجے پریس کانفرنس کریں گے-

    اس سے قبل وفاقی حکومت نے تحریک انصاف کے لانگ مارچ کو روکنے کا فیصلہ کیا ہے۔ وزیر اعظم شہباز شریف کی زیر صدارت سیاسی کمیٹی کے اجلاس میں پی ٹی آئی کے لانگ مارچ اور امن و امان کی صورتحال پر غور کیا گیا۔

    اجلاس میں فیصلہ کیا گیا کہ حکومت تحریک انصاف کا لانگ مارچ اگر پرامن ہوا تو آنے دے گی اور اگر پرامن نہ ہوا تو روکا جائے گا، اجلاس میں فیصلہ کیا گیا ہے کہ عوام الناس کی حفاظت اور تحفظ یقینی بنایا جائے گا ریاست کی رٹ پر کوئی سمجھوتہ نہ کرنے کا فیصلہ کیا گیا، اجلاس میں فیصلہ کیا گیا کہ امن و امان میں خلل ڈالنے والوں کے خلاف کاروائی ہوگی-

    ’خونی مارچ ہوگا‘ کے اعلانانات کرنے والوں سے حساب لیں گے،وزیر داخلہ

    اجلاس میں فیصلہ کیا گیا کہ مفاد عامہ کے لئے تمام راستے کھلے رکھیں گے،کسی قسم کے تشدد یا اشتعال انگیزی پر قانون حرکت میں آئے گا،دھرنے سے متعلق سپریم کورٹ کے فیصلوں پر من و عن عملدرآمد ہوگا،وزیراعظم شہباز شریف کا کہنا تھا کہ ایسے ہتھکنڈے معیشت کو تباہ کرنے کےمترادف ہے ایسے دھرنوں سے معیشت خراب اور دیہاڑی دار مزدور متاثر ہوگا-

    واضح رہے کہ تحریک انصاف کے لانگ مارچ کے اعلان کے بعد گزشتہ شب سے پولیس پنجاب اور سندھ میں متحرک ہو گئی ہے،پولیس نے پی ٹی آئی رہنماؤں اور کارکنان کو گرفتار کرنا شروع کر دیا ہے، کئی رہنماؤں کے گھروں پر چھاپے مارے گئے،کارکنان کی گرفتاریاں کی گئیں، اس دوران لاہور میں افسوسناک واقعہ بھی پیش آیا، چھاپے کے دوران فائرنگ سے پولیس اہلکار شہید ہو گیا ہے-

    دہشتگردی کےخلاف افواج پاکستان کی قربانیاں تاریخ کا سنہرا باب ہے،وزیر اعظم

  • صوابی سپیکر اسد قیصر کا ہنڈ میں تقریب سے خطاب

    صوابی سپیکر اسد قیصر کا ہنڈ میں تقریب سے خطاب

    اس موقع پر ڈپٹی اسپیکر قومی اسمبلی قاسم خان سوری بھی موجود۔

    صوابی ; ہنڈ کی تاریخی حیثیت ہے۔ آج ہنڈ کے عوام کو بڑا تحفہ دیا ہیں، ھم ھنڈ کی تاریخی اہمیت کو بحال کرنا چاہتے, یہاں پر سیاحت کو فروغ دینگے تاکہ روزگار کے موقع میسر ہوں، طورخم باڈر کو کھول دیا ہے۔ بارڈر کھولنے سے روزگار کے مواقع پیدا ہونگے، رشکئی اکنامک زون پاکستان کا سب سے بڑا اکنامک زون بنے گا، اس منصوبے کی تکمیل سے روزگار کے نئے مواقع میسر ہونگے، ڈی آئی خان پشاور موٹر وے جے سی سی کے ایجنڈے پر ہیں، اسپیکر قومی اسمبلی. چکدرہ سے چترال تک موٹر و طورخم تک ریلوے لائن بھی جے سی سے کے ایجنڈے میں ہیں، یہ تینوں کام خیبرپختونخوا کے ہو رہے ہیں سابقہ حکومتوں نے پختونخوا کو نذر انداز کیا. اسد قیصر

  • وزیر جنگلات محمد سبطین خان کا کشمیر کی مناسبت سے ریلیوں سے خطاب

    وزیر جنگلات محمد سبطین خان کا کشمیر کی مناسبت سے ریلیوں سے خطاب

    دکھ، بے بسی اور مجبوری کا نام کشمیر ہے،عمران خان اور مسلم امہ کشمیریوں کے ساتھ کھڑے ہیں۔ وزیر جنگلات

    لاہور5 فروری:صوبائی وزیر جنگلات سردار محمد سبطین خان نے یوم یکجہتی کشمیر کی مناسبت سے منعقدہ مختلف ریلیوں اور تقاریب سے خطاب کرتے ہوئے کشمیریوں کی نصف سال سے زائد عرصہ پر مشتمل جدوجہد کو خراج عقیدت پیش کیا اور کہا کہ گذشتہ 7 دہائیوں میں کشمیریوں نے سماجی، سیاسی اور عسکری محاذوں سمیت ہر میدان میں قربانیاں دی ہیں۔ انہوں نے کہا کہ دکھ، بے بسی اور مجبوری کا نام کشمیر ہے۔ یوم یکجہتی کشمیر جہاں کشمیریوں کو خراج تحسین پیش کرنے کا دن ہے وہیں دنیا کو یہ بتانے کا دن بھی ہے کہ عمران خان اور مسلم امہ کشمیریوں ساتھ کھڑے ہیں، کھڑے رہیں گے۔ انہوں نے اس موقع پر وزیر اعظم پاکستان عمران خان کے بھی کشمیر بارے سفارتی و سیاسی کردار کو سراہا اور مزید کہا کہ عمران خان صحیح معنوں میں کشمیریوں کی آواز بنے ہیں جس نے کشمیر پر کامیاب لابنگ کرتے ہوئے ایک پروفیشنل وکیل کا کردار ادا کیا اور بین الاقوامی فورم پر مسئلہ کشمیر بھرپور انداز میں اجاگر کیا ہے۔ سبطین خان نے کہا کہ عمران خان کی سنجیدہ کاوشوں کی بدولت آج اقوام عالم کشمیر جانب توجہ پر مجبور ہیں۔ انہوں نے اس یقین کا بھی اظہار کیا کہ وہ وقت دور نہیں جب مقبوضہ کشمیر کے بہن بھائی آزادی کی منزل سے ہمکنار ہوں گے

  • مرکز قومی زبان اوکاڑہ کی جانب سے یوم نفاذ اردو منایا گیا۔

    مرکز قومی زبان اوکاڑہ کی جانب سے یوم نفاذ اردو منایا گیا۔

    صدر گوگیرہ(نامہ نگار) یہاں ایک مقامی سکول سسٹم میں مذاکرہ بسلسلہ یوم نفاذ اردو منعقد ہوا۔ مذاکرے کا اہتمام مرکز قومی زبان ضلع اوکاڑہ نے کیا۔ صدارت پروفیسر اللہ دتہ آزاد نے کی جبکہ مہمان خصوصی جماعت اسلامی کی مرکزی مجلس شوریٰ کے رکن ڈاکٹر لیاقت علی کوثر تھے۔ عمران جاذب ایڈووکیٹ ،پٹی جنرل سیکریٹری وسطی پنجاب مرکز قومی زبان، جناب افتخار حسین فاخر صدر مرکز قومی زبان ضلع اوکاڑہ اور دیگر نے اردو زبان کی اہمیت اور نفاذ پر زور دیا اور آٹھ ستمبر کے فیصلے جواد ایس خواجہ کے مطابق ملک میں حکومت وقت سے مطالبہ کیا کہ اردو کو نافذ کیا جائے ۔