Baaghi TV

Tag: خلاف ورزی

  • 50مرتبہ ٹریفک قوانین کی خلاف ورزی کرنے والی گاڑی تھانے میں بند

    50مرتبہ ٹریفک قوانین کی خلاف ورزی کرنے والی گاڑی تھانے میں بند

    لاہور: 50مرتبہ ٹریفک قوانین کی خلاف ورزی کرنے والی گاڑی کو ٹریفک پولیس نے تھانے میں بند کردیا۔

    باغی ٹی وی :ٹریفک پولیس کے مطابق ڈرائیور نے 45 مرتبہ ٹریفک سگنل اور 05 مرتبہ لین لائن کی خلاف ورزی کی جس پر گاڑی کو ٹریفک پولیس نے تھانے میں بند کردیا اور ڈرائیور پر 24 ہزار 500روپے کا جرمانہ عائد کیا گیا اور کاغذات بھی قبضہ میں لےلیے گئے

    آئی جی سندھ کا غیرقانونی نمبر پلیٹس کے خلاف کریک ڈاؤن کا حکم

    ٹریفک پولیس چیف منتظر مہدی کا کہنا تھا کہ سٹی ٹریفک پولیس کی 17 ٹیمیں ای چالان نادہندہ گاڑیوں کے خلاف کارروائی کررہی ہیں گزشتہ روز 21 گاڑیوں کےخلاف کارروائی کی گئی ٹریفک وارڈنز کو ڈیوائسز اور پرنٹر بھی فراہم کئے گئے ہیں ڈیوائسز کی مدد سے باآسانی ای چالان نادہندہ گاڑیوں کا پتہ کیا جاسکتا ہے۔

    واضح رہے کہ ای چالان نادہندہ گاڑیوں کےخلاف ٹریفک پولیس اور سیف سٹی کی مشترکہ کارروائیاں جاری ہیں۔

    دوسری جانب قبل ازیں اسپکٹر جنرل (آئی جی) پولیس سندھ غلام نبی میمن نے کراچی اور صوبے کے تمام اضلاع میں گاڑیوں کی غیر قانونی نمبر پلیٹس اور بلیو، گرین رنگوں یا دیگر پولیس لائٹس کے خلاف کریک ڈاؤن کا حکم دیا آئی جی سندھ کا کہنا تھا کہ سندھ کی شاہراہوں اور ہائی ویز پر رواں دواں نجی ملکیت کی گاڑیوں پر نصب بلیو، گرین نمبر پلیٹس اور پولیس لائٹس کے خلاف سخت کارروائی عمل میں لائی جائے، یہ عمل قانون سے تجاوز کے زمرے میں آتا ہے، پرائیویٹ گاڑیوں پر بلیو/گرین نمبر پلیٹس کا استعمال سراسر غیر قانونی اور ماورائے قانون ہے۔

    پرویز الہی کی اکثریت تو آپ کی دین ہے می لارڈ ،مریم نواز

    آئی جی سندھ نے کہا تھا کہ اس قسم کے رجحان کے سدباب اور حوصلہ شکنی کے لیے ایف آئی آرز کے اندراج سمیت تمام تر ضروری قانونی کارروائی اشد ضروری ہےتمام ڈی آئی جیز، ضلعی ایس ایس پیز اور ٹریفک پولیس غیر قانونی بلیو گرین نمبر پلیٹس اور پولیس لائٹس کے خلاف فی الفور ایک ٹھوس اور مربوط مہم کا آغاز کریں اور کارروائیوں کی تفصیلات روزانہ کی بنیاد پر سینٹرل پولیس آفس کو ارسال کریں۔

    شہبازشریف سے شنگھائی تعاون تنظیم کے سیکرٹری جنرل کی ملاقات،مکمل تعاون کی یقین دہانی

  • لاہور، کورونا ایس او پیز کی خلاف ورزی پر بھاری نقصان بھگتنا پرا!!

    لاہور، کورونا ایس او پیز کی خلاف ورزی پر بھاری نقصان بھگتنا پرا!!

    ڈی سی لاہور مدثر ریاض کا کہنا ہے کہ ضلعی انتظامیہ لاہور کی کورونا ایس او پیز کی خلاف ورزی پر کاروائیاں جاری.مجموعی طور پر 10 دکانوں و سٹوروں کو سیل، 03 کو وارننگ جبکہ 10 ہزار روپے کا جرمانہ عائد کیا گیا ہے. اسسٹنٹ کمشنر کینٹ ضحی شاکر نے 02 دکانوں کو سیل جبکہ 03 کو وارننگ دی اور ایس او پیز کی خلاف ورزی پر 05 ہزار اور اوورچارجنگ پر بھی 05 ہزار روپے کے جرمانے عائد کئے. اسسٹنٹ کمشنر سٹی فیصان احمد نے 04 ریسٹورنٹس اور 04 دکانوں و سٹوروں کو سیل کروایا. تحصیل کینٹ میں راکس الیکٹرک سٹور اور باٹا شوز کو سیل جبکہ حمید تکہ شاپ، سعید کریانہ سٹور اور شہزاد بونگ پائے کو وارننگ جاری کی گئی. تحصیل سٹی میں حاجی اشفاق بٹ پکوان ہوٹل سمن آباد عبداللہ ہوٹل سمن آباد، حیدری ہوٹل یتیم خانہ، کراچی نصیب بریانی سمن آباد، کو نیکا سٹی فوٹوز، ہئیر شاپ گلشن راوی، حافظ بٹ کراکری سٹور اور رائل بوٹس شوز کو سیل کر دیا گیا. ڈی سی لاہور مدثر ریاض کی ہدایت پر کاروائیاں کی گئیں ہیں.
    ڈی سی لاہور مدثر ریاض کورونا ایس او پیز کی خلاف ورزی پر کاروائیاں جاری رہیں گی.

  • ون وے کی خلاف ورزی سے حادثات کا خدشہ بڑھ گیا

    ون وے کی خلاف ورزی سے حادثات کا خدشہ بڑھ گیا

    قصور کے نواحی قصبے کھڈیاں خاص میں لوڈر ٹرالیوں کی ون وے کی خلاف ورزی،حادثادت کا خدشہ بڑھ گیا
    تفصیلات کے مطابق قصور کے نواحی قصبے کھڈیاں خاص سر شام ہی لوڈر ٹرک اور ٹریکٹر ٹرالیاں ریلوے پھاٹک سے ہی رونگ وے پر چلنا شروع ہو جاتے ہیں جو کسی بھی وقت حادثے کا باعث بن سکتے ہیں جبکہ ٹریفک پولیس اہلکار ڈیوٹی پر معمور ہونے کے باوجود اپنی ڈیوٹی احسن طریقے سے سر انجام نہیں دیتے بلکہ ٹول پلازہ پر اپنا حصہ لینے کے لئے کھڑے ہوتے ہیں عموماً پرانا لاری اڈا پر شام کے اوقات اور رات گئے تک ٹریفک کا رش ہوتا ہے۔ ایمرجنسی کی صورت میں گزرنا دشوار ہو جاتا ہے لہذا ڈی پی او قصور اور اعلی احکام سے پر زور اپیل ہے کہ اس مسلئے کو فوری حل کیا جائے اور ٹریفک پولیس اہلکاروں کی ڈیوٹی پرانا لاری اڈا اور ریلوئے پھاٹک پر لگائی جائے۔ اور بہتر اقدامات کئے جائیں تاکہ کوئی جانی نقصان نہ ہو

  • ٹریفک قوانین خلاف ورزی کرنیوالوں کے لئے سزایں۔

    ٹریفک قوانین خلاف ورزی کرنیوالوں کے لئے سزایں۔

    سٹی ٹریفک پولیس پشاور
     چیف ٹریفک آفیسر کی سربراہی میں ٹریفک نظام کے حوالے سے جائزہ اجلاس۔ ٹریفک افسران اور وارڈنز کی جانب سے گزشتہ ماہ کی کارکردگی اور اقدامات پر بریفنگ‘ چیف ٹریفک آفیسر کا اظہار اطمینان۔ ٹریفک نظام کو مزید بہتر بنانے کیلئے تمام تر صلاحیتیں بروئے کار لائیں گے‘ چیف ٹریفک آفیسر عباس مجید خان مروت کا خطاب
    پشاور:چیف ٹریفک آفیسر عباس مجید خان مروت کی سربراہی میں ٹریفک نظام کے حوالے سے جائزہ اجلاس کا انعقاد کیا گیا جس میں ایس پی ٹریفک ہیڈ کوارٹرز افتخار علی, ایس پی کینٹ ٹریفک امان اللہ‘ ایس پی سٹی ٹریفک عبداالسلام خالد‘ ڈی ایس پی ایجوکیشن ون شازیہ شاہد‘ ڈی ایس پی ایجوکیشن ٹو ناصر خان, ڈائریکٹر آئی ٹی اشفاق احمد سمیت ٹریفک آفیسرز اور ٹریفک وارڈنز نے شرکت کی۔ اجلاس میں چیف ٹریفک آفیسر عباس مجید خان مروت کو ٹریفک قوانین سے متعلق اٹھائے جانیوالے اقدامات اور گزشتہ ماہ کی جانیوالی کارروائیوں سے متعلق بریفنگ دی گئی۔ اجلاس کو بتایا گیا کہ گزشتہ ماہ ٹریفک قوانین کی خلاف ورزی پر مجموعی طور پر *1لاکھ 7 ہزار 358 افراد* کو چالان کیا گیا ہے جس میں سیٹ بلیٹ کے استعمال نہ کرنے پر 2513‘ تجاوزات قائم کرنے پر 1884 ‘ دوران سفر موبائل فون استعمال پر 2436‘ ون ویلنگ پر130‘ غیر رجسٹرڈ موٹر سائیکل چلانے پر 2370‘جبکہ نو پارکنگ زون کی خلاف ورزی پر 180 موٹر سائیکلوں کو ٹرمینل میں بند کیا گیا ہے۔ چیف ٹریفک آفیسر عباس مجید خان مروت نے گزشتہ ماہ کی جانیوالی کارروائیوں پر اطمینان کا اظہار کیا اور کہا کہ سٹی ٹریفک پولیس پشاور اسی طرح شہریوں کو بلا تعطل سفری سہولیات کی فراہمی یقینی بنانے کے لئے تمام تر صلاحیتیں بروئے کار لائیں اور اس سلسلے میں کسی قسم کی غفلت برداشت نہیں کی جائیگی تاکہ پشاور کو پورے صوبے کیلئے ماڈل کے طور پر پیش کیا جا سکے۔ انہوں نے مزید کہا کہ ٹریفک افسران اور وارڈنز روزانہ کی بنیاد پر تجاوزات مافیا کے خلاف کارروائیوں کا سلسلہ جاری رکھیں تاکہ شہر بھر سے تجاوزات کا خاتمہ ممکن ہو سکے اور شہریوں کو کسی قسم کے مشکلات درپیش نہ ہوں۔ انہوں نے مزید کہا کہ تاجر برادری شہر کی خوبصورتی اور تجاوزات کے خاتمے میں سٹی ٹریفک پولیس پشاور کے عملے کے ساتھ تعاون کا سلسلہ جاری رکھیں اور تجاوزات مافیا رضا کارانہ طور پر تجاوزات کا خاتمہ کریں تاکہ آپریشن کے دوران ان کے قیمتی سامان کا ضیاع نہ ہو۔انہوں نے سٹی ٹریفک پولیس پشاور کی ایجوکیشن یونٹ کو ہدایت کی کہ وہ مختلف مقامات پر شہریوں کو ٹریفک قوانین سے متعلق آگاہی دینے کا سلسلہ جاری رکھیں اور ٹریفک قوانین کی خلاف ورزی کرنیوالوں کیساتھ کسی قسم کی نرمی نہ برتی جائے تاکہ ٹریفک قوانین پر عملدرآمد کو یقینی بنایا جا سکے۔ 

  • ضلع اوکاڑہ میں لاک ڈاون کی خلاف ورزیاں

    ضلع اوکاڑہ میں لاک ڈاون کی خلاف ورزیاں

    ضلع اوکاڑہ(علی حسین مرزا) ضلع اوکاڑہ میں لاک ڈاون پر عمل نہیں ہورہا۔ بہت سی ایسی دکانیں ہیں جنہیں بند رکھنے کا حکم ہے لیکن ان کو کھول لیا جاتا ہے اور گاہک بھگتا کر ان کو بند کردیا جاتا ہے اور نظر بچا کر پھر کھول لیا جاتا ہے۔ کھولنے اور بند کرنیکا یہ عمل شام 5 بجے کے بعد بھی جاری رہتا ہے۔ دیگر پابندیوں اور احتیاطوں کو بھی خودبخود جواز ملتا جارہا ہے۔