Tag: خلیج

ایران نے امریکا اور اسرائیل کے ساتھ جاری جنگ کے دوران خلیجی ممالک پر میزائل اور ڈرون حملوں کا سلسلہ تیز کر دیا ہے-

رپورٹس کے مطابق قطر، متحدہ عرب امارات، کویت، سعودی عرب اور بحرین نے حالیہ گھنٹوں میں متعدد میزائل اور ڈرون حملوں کو ناکام بنانے کا دعویٰ کیا ہے قطر کی وزارت دفاع کے مطابق ایک میزائل کو فضا میں ہی تباہ کر دیا گیا، جبکہ کویت کی نیشنل گارڈ نے ایک ڈرون مار گرانے کی تصدیق کی ہے۔

متحدہ عرب امارات میں بھی فضائی دفاعی نظام کو متحرک کیا گیا، جہاں دبئی سمیت مختلف علاقوں میں دھماکوں کی آوازیں سنی گئیں حکام کے مطابق یہ دھماکے دفاعی کارروائیوں کے نتیجے میں ہوئےسعودی عرب نے بھی مشرقی علاقے میں ایک ڈرون کو تباہ کرنے کا اعلان کیا ہے، جبکہ بحرین نے جنگ کے آغاز سے اب تک سینکڑوں میزائل اور ڈرونز کو ناکام بنانے کا دعویٰ کیا ہے۔

ایران کے اسرائیل پر 100 سے زائد اہداف پر حملے، 200 فوجیوں کی ہلاکت کا دعویٰ

رپورٹس کے مطابق ایران نے 28 فروری سے شروع ہونے والی جنگ کے بعد سے خلیجی ممالک کی جانب سینکڑوں میزائل اور ڈرون داغے ہیں، جن میں بڑی تعداد متحدہ عرب امارات کو نشانہ بنانے کی کوشش کی گئی،ان حملوں کے باعث خطے میں جانی نقصان بھی ہوا ہے، جبکہ معیشت پر گہرے اثرات مرتب ہو رہے ہیں توانائی کی پیداوار متاثر ہوئی ہے اور سیاحت و فضائی سفر بھی شدید متاثر ہوئے ہیں۔

سعودی سپریم کورٹ کی مسلمانوں سے عید کا چاند دیکھنے کی اپیل

خلیجی خطے میں ایران کے حملوں سے امریکی فوج کی 17 تنصیبات متاثر ہوئیں اب تک جنگ میں امریکی ہلاکتوں کی تعداد 13 ہو گئی ہے جب کہ تقریباً 200 امریکی فوجی زخمی ہوئے ہیں۔

امریکی اخبار نیویارک ٹائمز نے سیٹلائٹ تصاویر کے تجزیے کے بعد دعویٰ کیا ہے کہ خلیجی خطے میں ایران کے حملوں کے نتیجے میں امریکا کی کم از کم 17 فوجی تنصیبات کو نقصان پہنچا ہے، ایران کئی تنصیبات کو ایک سے زائد بار نشانہ بنا چکا ہےخطے میں امریکا کی مجموعی طور پر 22 فوجی تنصیبات موجود ہیں جن میں سے 11 تنصیبات ایرانی حملوں کی زد میں آ چکی ہیں۔

نیویارک ٹائمز کے مطابق 9 مارچ کو ایران نے قطر میں قائم ایک امریکی فوجی اڈے کو بھی نشانہ بنایاجنگ کے نتیجے میں اب تک امریکی ہلاکتوں کی تعداد 13 ہو گئی ہے جب کہ تقریباً 200 امریکی فوجی زخمی ہوئے ہیں، دوسری جانب اسرائیل میں 15 افراد ہلاک اور 3369 زخمی ہونے کی اطلاعات ہیں خطے کے دیگر ممالک میں بھی جانی نقصان ہوا ہے، کویت میں 6، اومان میں 3 اور سعودی عرب میں 2 اموات ریکارڈ کی گئی ہیں۔

ایرانی حملوں سے خلیج میں 17 امریکی فوجی تنصیبات کو نقصان

ایران میں حکام کے مطابق جنگ کے دوران شہدا کی تعداد 1500 سے تجاوز کر گئی ہے جب کہ 18 ہزار سے زائد افراد زخمی ہوئے ہیں۔ دوسری جانب اسرائیلی بمباری کے نتیجے میں لبنان میں بھی بھاری جانی نقصان ہوا ہے جہاں اب تک 850 شہری شہید ہو چکے ہیں۔

سماجی رابطے کی ویب سائٹ ایکس پر جاری بیان میں ایرانی صدر مسعود پزیکشان نے کہا ہے کہ خطے میں ایران کے خلاف امریکی فوجی اڈوں کا استعمال بند ہونا چاہیے کیونکہ اس کا مقصد ایران اور اس کے ہمسایہ ممالک کے درمیان تعلقات کو خراب کرنا ہے، اس معاملے پر انہوں نے فرانسیسی صدر سے گفتگو بھی کی ہے۔

بغداد میں امریکی سفارتخانے پر ڈرون اور راکٹ سے شدید حملے

ایران کے نائب وزیرخارجہ سعید خطیب زادہ کا کہنا ہے کہ ایران جب تک ضرورت ہو لڑنے کے لیے تیار ہے، ایران فی الحال سفارتی حل پر توجہ نہیں دے رہا ہے اور اگر امریکا نے ایران میں زمین فوج اتاری تو اسے ایک اور ویت نام کا سامنا ہوگا، امریکی صدر ڈونلڈ ٹرمپ ذرا پڑھیں کہ ویت نام میں کیا ہوا تھا۔

ایمیزون کے کلاؤڈ کمپیوٹنگ بزنس کا کہنا ہے کہ ہفتے کے آخر میں ایران کے خلاف امریکی اور اسرائیلی حملوں کے بعد ڈرون نے متحدہ عرب امارات (یو اے ای) اور بحرین میں اس کی تین تنصیبات کو نشانہ بنایا ہے،یہ واقعات اتوار کی صبح پیش آئے-

ایمیزون کے کلاؤڈ ڈویژن (AWS) نے تصدیق کی ہے کہ ایران کے حالیہ جوابی حملوں کے نتیجے میں بحرین اور متحدہ عرب امارات (UAE) میں موجود اس کے ڈیٹا سینٹرز کو بجلی کی فراہمی اور کنیکٹیویٹی کے شدید مسائل کا سامنا ہے کمپنی کے اسٹیٹس پیج کے مطابق، متحدہ عرب امارات میں ایمیزون کلاؤڈ یونٹ کے دو اہم زونز اس وقت بجلی سے محروم ہیں-

ایمیزون ویب سروسز (AWS) نے اتوار کے روز ایک تشویشناک انکشاف کرتے ہوئے بتایا کہ متحدہ عرب امارات میں ایک زون اس وقت متاثر ہوا جب "نامعلوم اشیاء” ڈیٹا سینٹر سے آ ٹکرائیں، جس کے نتیجے میں وہاں چنگاریاں نکلیں اور آگ بھڑک اٹھی اس واقعے کے فوراً بعد حفاظتی اقدامات کے تحت بجلی کی فراہمی منقطع کر دی گئی۔

خطے میں کشیدگی: آئی ایم ایف مشن کا دورہ پاکستان قبل ازوقت ختم

کمپنی کا کہنا ہے کہ یو اے ای کے ایک اور زون میں بھی بجلی کا مقامی مسئلہ پیدا ہوا ہے جس نے سروسز کو متاثر کیا ہے ان حملوں اور تکنیکی خرابیوں کی وجہ سے خطے میں انٹرنیٹ پر مبنی بہت سی اہم خدمات اور کاروباری سرگرمیاں معطل ہو کر رہ گئی ہیں-

فرم نے مزید کہا کہ وہ متاثرہ علاقوں میں خدمات کو بحال کرنے کے لیے تیزی سے کام کر رہی ہے، لیکن اس میں وقت لگ سکتا ہے کیونکہ خطے میں جاری تنازعہ کا مطلب ہے کہ مشرق وسطی میں وسیع تر آپریٹنگ ماحول غیر متوقع ہے۔

پاکستان سےعازمین حج کے لیے فلائٹ شیڈول جاری

صدر ڈونلڈ ٹرمپ نے عندیہ دیا ہے کہ ایران پر امریکی حملے چار سے پانچ ہفتے تک چل سکتے ہیں لیکن یہ ’بہت طویل‘ ہو سکتے ہیں ایران، متحدہ عرب امارات، قطر، کویت اور سعودی عرب سمیت خطے کے ارد گرد امریکی اڈوں اور اتحادیوں کے خلاف میزائلوں اور ڈرونز داغ رہا ہے-

ایران کی جانب سے کویت ،بحرین ،قطر اور دبئی پر تازہ حملے کیے گئے جس میں کئی امریکی تنصیبات کو نشانہ بنایا گیا۔

الجزیرہ کے مطابق کویت میں امریکی سفارتخانے سے دھواں اٹھتا دکھائی دیا،کچھ دیر پہلے ایران نےکویت پر ڈرون حملہ کیا تھا کویتی حکام کےمطابق ایرانی ڈرونز کا ملبہ گرنے سے دو افراد زخمی ہوگئے، ڈرونز کا ملبہ مینا الاحمدی ریفائنری کے قریب گرا، کچھ دیر پہلے کویت نے ایرانی ڈرون تباہ کرنے کا دعویٰ کیا تھا

ادھر بحرین میں ایک بار پھر سائرن بج اٹھے، بحرینی حکام کی شہریوں کو محفوظ مقامات پر رہنے کی ہدایت کردی ہے دوسری جانب قطری دارالحکومت دوحہ میں زوردار دھماکے سنے گئے، دوحہ کی فضاؤں میں چھ دھماکے سنائی دیے۔

بلوچستان میں دفعہ 144 نافذ

اس سے قبل بھی ایران نے خلیجی ممالک میں موجود امریکی فوجی اڈوں اور اسرائیل پر میزائل داغے امریکی حکام کے مطابق ایرانی حملوں میں تین امریکی فوجی ہلاک اور پانچ زخمی ہوئے۔ امریکا اور برطانیہ کے تین آئل ٹینکرز کو بھی نشانہ بنائے جانے کی اطلاعات ہیں یو ایس سینٹ کام نے امریکی بحری بیڑے ابراھیم لنکن پر چار بیلسٹک میزائل داغنے کی خبروں کی تردید کی ہے۔

بھارتی چینل ہیک کرلیا گیا،’پاکستان ہمیشہ زندہ باد’ کے نعرے چل گئے

اسرائیل کے مقبوضہ بیت المقدس کے علاقے بیت شمیش پر ایران نے فتح ٹو میزائل سے حملہ کیا جس کے نتیجے میں نو اسرائیلی ہلاک اور درجنوں زخمی ہو گئے۔ کئی عمارتیں ملبے کا ڈھیر بن گئیں جبکہ متعدد گاڑیاں بھی تباہ ہوئیں ایران کی جانب سے رات گئے اسرائیل پر مزید میزائل داغے گئے جن میں ایک دفاعی عمارت کو نشانہ بنائے جانے کی اطلاع ہے اسرائیل کے جنوبی علاقوں میں سائرن بج اٹھے اور اسپتالوں میں ایمرجنسی نافذ کر دی گئی۔ صورتحال کے پیش نظر خطے میں کشیدگی مزید بڑھ گئی ہے۔