Tag: خلیل الرحمان قمر

خلیل الرحمان قمر نے بتا دیا ہے کہ اصل میں ان کا ماہرہ خان کے ساتھ جھگڑا کیا ہے کیوں وہ اس کو برا بھلا کہتے رہتےہیں. اپنے حالیہ انٹرویو میں مصنف نے کہا ہے کہ شاید میں اگلے چند دن میں ماہرہ خان کو معاف کردوں گا لیکن اس نے ایک غلطی کی وہ یہ کہ میری اور ماوری سرمد کی لڑائی ہوئی ٹی وی کے ایک شو میں ، ماہرہ خان نے اگلے دن ایک گندا اور گھٹیا ٹویٹ کر دیا اس نے یہ گناہ کیا اس کی پاداش میں اسکو ڈرامہ سیریل میرے پاس تم ہو بھی نہیں ملا اور فلم لندن نہیں جائونگا بھی نہیں ملی. شاید ہو لندن نہیں جائونگا میں ہوتی ، ماہرہ کہتی ہے کہ وہ میرے ساتھ کام نہیں‌کرنا چاہتی؟ ارے میری تو منتیں کر چھوڑیں ہمایوں سعید اور ندیم بیگ نے کہ ماہرہ خان کو معاف کر دو لیکن اس نے ایک گناہ کیا

تھا. ماہرہ خان نے میری زندگی کا بہترین جو ڈرامہ تھا اس میں اس نے کام کیا میرا اسکا احترام کا رشتہ تھا لیکن اس نے ماوری کے حق میں ٹویٹ کر کے ایک گناہ کیا. یاد رہے کہ ایک ٹی وی شو میں ماوری سرمد کو میرا جسم میری مرضی جیسے جملہ دہرانے پر کڑی تنقید کا نشانہ بنایا اور بات گالی گلوچ تک پہنچ گئی. اس پر ماہرہ خان نے اگلے دن یہ ٹویٹ کیا جو کہ خلیل الرحمان قمر کو بہت برا لگا ” ٹی وی پر خاتون کو گالیاں دیتے شخص کو دیکھ کر شدید افسوس ہوا ہے ، حیران ہوں کہ اس شخص کو کام پھر بھی مل رہا ہے ” .

معروف صحافی ارشد شریف کے قتل کے بعد مریم نواز نے کسی کی ٹویٹ جس میں لکھا تھا ”کہنا تو نہیں چاہتا تھا مگر یہ فتنہ عمران اور اس کے یوتھیوں کے لیے خبر ،یہ اینکر کہتا تھا کہ نوازشریف نے اپنی مرحومہ ماں کو پارسل کرکے بھیجا ہے اس اینکر نے بہت پروگرام کیے جس میں دوسروں کی بیماری اور موت کا مذاق اڑایا آج دیکھیں وہ وقت خود اس پر آگیا”
اس ٹویٹ پر مریم نواز نے لکھا کہ ” مجھے اس ٹوئٹ کو ری ٹوئٹ کرتے اچھا نہیں لگ رہا لیکن یہ ایک سبق ہے جسے ہم سب کو اپنانا چاہیے”. مریم نواز کی اس ٹویٹ پر ری ایکشن دیتے ہوئے معروف مصنف خلیل الرحمان قمر نے کہا کہ ” میں دس ہزار لعنت بھیجتا ہوں ایسی طنز کے اوپر، پھٹکار ایسی عورت کے منہ پر، حرام کی پلی. اس

خبیث عورت کو ان مائوں کے گھروں میں لیکر جائیے جن کے بیٹے شہید ہوئے اور لعنت ان لوگوں پر جو اس ٹویٹ کو سپورٹ کرتے ہیں. ایسی کی تیسی تمہاری” .
مریم نواز کی ٹویٹ پر جب ہر طرف سے تنقید ہوئی تو انہیں معافی مانگنی پڑی اور انہوں نے کہا کہ ”میں ٹویٹ کو ڈیلیٹ کر رہی ہوں اور اس سے متاثرہ افراد کو پہنچنے والی تکلیف کے لیے معذرت خواہ ہوں جو میرا ارادہ کبھی نہیں تھا۔مریم نواز نے مزید کہا کہ کبھی کسی کو اس تکلیف سے نہ گزرنا پڑے، سوگوار خاندان کے لیے دعائیں” .

معروف صحافی ارشد کے قتل نے قوم کو ہلا کر رکھ دیا ہے. جب ارشد شریف کے قتل کی خبر آئی تو کسی کو بھی یقین نہ آیا. معروف صحافی ان دنوں کینیا میں تھے انہیں وہاں کی پولیس نے سر میں گولی مار کر موت کے منہ میں دھکیل دیا. کہا جا رہا ہے کہ کینیا پولیس نے غلط شناخت کے نتیجے میں گولی ماری. اس قتل پر پوری قوم سوگوار ہے. خلیل الرحمان نے سخت الفاظ میں اس قتل کی مذمت کی ہے . انہوں نے سوشل میڈیا پر لکھا ہے کہ” اگر ارشد شریف کا قتل سچی خبر ہے تو پھر لکھ کر رکھ لیں کہ میرا ملک قیامت کی دہلیز پر کھڑا ہے”. دوسری طرف اداکار منیب بٹ نے

بھی سخت الطاظ میں مذمت کرتے ہوئے ٹویٹر پر لکھا کہ مجھے یقین نہیں آرہا ، میں مسلسل یقین نہیں کر پا رہا ، میں‌ہمیشہ ہی آپکا مداح رہوں گا ،انہوں نے ایک اور ٹویٹ کر کے لکھا کہ ارشد شریف بھائی ہم شرمندہ ہیں. یاد رہے کہ ارشد شریف کے قتل کے حوالے سے حتمی طور پر کوئی بھی بات سامنے نہیں آ سکی کہ ایسا کیوں ہوا . تاہم سوشل میڈیا پر مختلف قسم کے تبصرے کئے جا رہے ہیں. تاہم کینیا پولیس کی جانب سے یہ بات سامنے آئی ہے کہ ٍارشد شریف کا قتل غلط شناخت کی وجہ سے ہوا ہے.

معروف مصنف خلیل الرحمان قمرعمران خان کو بہت زیادہ سپورٹ کرتے ہیں اور ان کو اس ملک کا نجات دہندہ کہتے ہیں. مصنف عمران خان کے علاوہ ہر کسی کو چور سمجھتےہیں ان کے ٹویٹس ان کی ایسی باتوں کی عکاسی بھی کرتے ہیں آج جیسا کہ الیکشن کمیشن آف پاکستان نے توشہ خانہ کیس میں چیئرمین پاکستان تحریک انصاف عمران خان کو نااہل قرار دیدیا ہے تو ایسے میں‌ خلیل الرحمان قمربھڑک اٹھے ہیں انہوں نے سنا دی ہیں الیکشن کمیشن کو کھری کھری ان کہنا ہے کہ ”قوم کی غیرت جگانے کے جرم میں عمران خان نااہل اور سارے چور رہا”.

خلیل الرحمان قمر اس فیصلے کے بعد کافی غصے میں نظر آرہے ہیں. خلیل الرحمان قمر کی اس سوشل میڈیا پوسٹ کے نیچے بہت سارے سوشل میڈیا صارفین کمنٹس کررہے ہیں کئی صارفین کا کہنا ہے کہ بہت اچھا فیصلہ ہے عمران خان چور ہے صادق اور امین نہیں ہے جبکہ عمران خان کے حامیوں کا کہنا ہے کہ عمرا ن خان کی شہرت کو نقصان پہچانے کےلئے اس قسم کے فیصلے دئیے جارہے ہیں لیکن اس قسم کے فیصلے عمران خان کو اپنے سپورٹرز کے دلوں سے نہیں نکال سکتے. یوں سوشل میڈیا پر طرح طرح کے تبصرے ہو رہے ہیں عمران خان کے حامی سوبز اسٹارز کافی غصے میں دکھائی دے رہے ہیں.

معروف رائٹر خلیل الرحمان قمر جو ہر وقت خبروں میں رہتے ہیں، وہ جانتے ہیں کہ کیسے خبروں میں‌رہنا ہے شاید اس لئے وہ کچھ نہ کچھ ایسا کہہ دیتے ہیں یا کر دیتے ہیں کہ وہ نہ چاہتے ہوئے بھی سوشل میڈیا پر ٹرینڈ کرنے لگتے ہیں خبروں کی زینت بن جاتے ہیں. خلیل الرحمان قمر نے سوشل میڈیا پر حال ہی میں کی ایک پوسٹ ، پوسٹ میں انہوں نے ایک نوٹ شئیر کیا جس پر لکھا ہوا ہے کہ جہاں دو کلو میٹر پر لائیبریری اور تجربہ گاہ کی بجائے دربار اور مزار ہوں وہاں سائنسدان نہیں بلکہ ملنگ ہی پیدا ہوں گے. اس نوٹ کے کیپشن میں رائٹر نے لکھا ہے کہ میری

قوم کو جس دن یہ بات سمجھ آگئی اس دن ہم اپنی نبی کی بہترین امت بن جائیں گے. خلیل الرحمان قمر کی اس پوسٹ کے نیچے سوشل میڈیا صارفین نے کمنٹس کئے کسی نے ان کی ہاں میں‌ہاں ملائی تو کسی نے تنقید کے رخ کر لئے خلیل الرحمان قمر کی طرف یاد رہے کہ خلیل الرحمان قمر تنقید سے نہیں گھبراتے اور نہ ہی اپنے کہے ہوئے پر کبھی نادم ہوتے ہیں ان کو لگتا ہے کہ وہ جو بھی کہتے ہیں وہ سوچ سمجھ کر کہتے ہیں لہذا انہیں کوئی ٹینشن نہیں کوئی ان کے بارے میں‌کیا سوچتا ہے اور کیا نہیں.

معروف مصنف خلیل الرحمان قمر جو ہر وقت کسی نہ کسی پر تنقید کے نشتر برساتے رہے ہیں. انہوں نے اداکارہ عروہ حسین کو بھی نہیں چھوڑا تھا انہوں نے ان پر بھی جم کر تنقید کی تھی. عروہ حسین نے حال ہی میں ایک شو میں شرکت کی اور ان سے وہاں مختلف قسم کے سوالات ہوئے ایک سوال کے جواب میں اداکارہ نے کہا کہ خلیل الرحمان قمر نے مجھے جو کچھ کہا تھا ٹی وی پر بیٹھ کر اس کےلئے انہوں نے مجھ سے بعد میں معافی مانگ لی تھی اور مجھے باقاعدہ انہوں نے گلے لگا کر کہا تھا کہ تم میری بیٹی ہو میں تمہاری عزت کرتا ہوں جو کچھ ہوا وہ

بس غلط فہمی کی بنیاد پر ہوا تھا . عروہ حسین نے یہ بھی کہا کہ خلیل الرحمان قمر سے میں نے اتنا ضرور کہا تھا کہ آپ نے تنقید ٹی وی پر بیٹھ کر ہزاروں لوگوں‌کے سامنے کی اور معافی اکیلے میں مانگی لیکن میرے لئے یہ بھی کافی تھا کہ خلیل الرحمان قمر کو اپنی غلطی کا احساس ہوا گیا کہ انہوں نے جو کچھ کہا وہ غلط تھا اور جو غلطی مان لے اور معافی مانگ لے تو پھر بات کو بھول جانا چاہیے. یاد رہے کہ عروہ حسین نے حال ہی میں‌ ہم ایوارڈز میں شرکت کی تھی وہاں ان کو ایوارڈ بھی ملا اور انہوں نے شو میں پرفارمنس بھی دی.

ہمارے ملک میں سیاست پر اب ہر دوسرا آدمی بات کرتا دکھائی دیتا ہے . حجام کی دکان ہو تندور ہو ،آفس ہو یا کوئی مجمع ہر جگہ سیاست ہی ڈسکس ہو رہی ہوتی ہے. ہر کوئی اپنے پسندیدہ سیاستدان پر بات کرتا ہوا دکھائی دے رہا ہوتا ہے اور سیاسی پسند نہ پسند کے معاملات میں عدم برداشت اتنی بڑھ چکی ہے کہ ایک دوسرے کو مارنے پر بھی آجاتے ہیں. فنکاروں کی ایک بڑی تعداد پاکستان تحریک انصاف کے چئیرمین عمران خان کو سپورٹ کرتی ہے. اور جہاں بہت سارے شوبز سٹارز عمران خان کو سپورٹ کررہے ہیں اور نوازشریف اور آصف زرداری کو برا بھلا کہتے

ہیں وہیں معروف مصنف خلیل الرحمان قمر بھی عمران خان کو سپورٹ کرتے ہیں اور نوازشریف اور آصف علی زرداری پر تنقید کا کوئی موقع ہاتھ سے نہیں جانے دیتے. خلیل الرحمان قمر نے حال ہی میں سوشل میڈیا پر نوازشریف پر کی ہے طنز اور لکھا ہے کہ نوازشریف واپس آجائو آپ کے پلیٹلیٹس پورے ہو گئے ہیں” یوں انہوں نے جم کر کی نوازشریف پر تنقید اور ان کی بیماری کا ان ڈائریکٹ بنایا مذاق. بالکل اسی طرح جو باقی پی ٹی آئی کے سپورٹرز کا وطیرہ ہے. یاد رہے کہ آج مریم نوازشریف کی ایون فیلڈ ریفرنس میں بریت ہوئی ہے اس کے بعد تحریک انصاف کے سپورٹرز کافی ہیں نالاں .

سوشل میڈیا پر بہت ساری ویب سائٹس ہیں اور بہت سارے یوٹیوب چینلز ہیں جو کسی کے بارے میں کوئی بھی جھوٹی خبر اڑا دیتے ہیں اور وہ خبر اتنی وائرل ہوتی ہے کہ لوگوں کو حقیقت کا گمان ہونے لگتا ہے یہاں تک کہ متعلقہ سلیبرٹی کو وضاحت دینی پڑ جاتی ہے. اور یہ تو اب معمول کا کام بن گیا ہے جیسے. حال ہی میں سرمد کھوسٹ کے بارے میں سوشل میڈیا پر ایک خبر اڑائی گئی کہ وہ اور شان شاہد ، خلیل الرحمان قمر ایک پراجیکٹ کے لئے اکٹھے ہورہے ہیں اس پر سرمد کھوسٹ نے کی ایک پوسٹ کی اور جس اکائونٹ سے یہ خبر جاری کی گئی ان کو ٹیگ کرکے لکھا کہ کیا میں جان سکتا ہوں کہ اس خبر کا سورس کیا ہے یا یہ کوئی اور سرمد کھوسٹ ہے جو فلم

میکر بھی ہے اور میری طرح دِکھتا بھی ہے. سرمد کی اس قسم کی طنز کو بہت زیادہ پسند کیا جا رہا ہے. اور ساتھ ہی ساتھ سوشل میڈیا صارفین کی جانب سے کہا جا رہا ہے کہ ویب سائٹس کو ذمہ داری کا مظاہرہ کرنا چاہیے. یاد رہے کہ سرمد سلطان کھوسٹ کی اس برس فلم کملی ریلیز ہوئی جسے شائقین نے بہت پسند کیا، ان کی پرڈیوس کی فلم جوائے لینڈ نے فرانس فلمی میلے میں ایوارڈ جیتا اور اب یہ پاکستان میں بھی ریلیز ہونے جا رہی ہے.

خلیل الرحمان قمر کا شمار ایسے لوگوں میں‌ہوتا ہے جو دل میں‌کچھ نہیں‌رکھتے اور جو دل میں آتا ہے بول دیتے ہیں. ان کی ایک آڈیو سوشل میڈیا پر کافی سرکولیٹ کررہی ہے جس میں وہ ایک خاتون سے باتیں کررہے ہیں. اس آڈیو کے بعد خلیل الرحمان قمر پر کافی تنقید ہورہی ہے. لیکن خلیل الرحمان قمر کا کہنا ہے کہ یہ ٹیمپرڈ آڈیو ہے اور میں‌ جو بول رہا ہوں وہ بالکل ٹھیک ہے لیکن جس کی آواز میرے ساتھ چلائی جا رہی ہے میرے جملوں کو اسکی گفتگو کے ساتھ جوڑا جا رہا ہے وہ بالکل غلط ہے جھوٹ ہے . ان کا یہ بھی کہنا ہے کہ میرے خلاف اس طرح‌ کا پراپگینڈہ

چند سیاسی جماعتوں‌ کی طرف سے ہوتا رہتا ہے آج سے ڈھائی سال پہلے بھی ایسا ہی کیا گیا تھا. جو لوگ مجھ پر تنقید کررہے ہیں وہ میں جو اس آڈیو میں‌کہہ رہا ہوں اسکو تو سنیں اور سمجھیں کہ جو میرے ساتھ آواز جوڑی گئی ہے یا میرے جملوں کے ساتھ جس عورت کے جملوں کو جوڑا جا رہا ہے وہ میل کھاتے ہیں یا نہیں؟. مجھے ایسے پراپگینڈوں سے فرق نہیں پڑتا میں‌ تو جو ٹھیک لگتا ہے وہ بولتا رہوں گا اور لکھتا رہوں گا. یاد رہے کہ خلیل الرحمان قمر سافٹ مزاج رکھتے ہیں لیکن جہاں بولنے کی باری آتی ہے وہ بالکل لچک نہیں دکھاتے اور جو کہنا چاہتے ہیں کہ کہہ کر رہتے ہیں اور یہ بات ان کے مخالفین کو نہیں بھاتی.

اداکارہ ماہرہ خان جن کو عوامی سطح پر بہت پسند کیا جاتا ہے وہ چاہے فلم کریں‌ یا ڈرامہ ان کو ہر دو صورتوں میں پسند کیا جاتا ہے. ان کا ماضی قریب میں ڈرامہ ہم کہاں‌ کے سچے تھے اختتام پذیر ہوا اس ڈرامے سے انہوں نے چھ سال کے بعد سکرین پر واپسی کی تھی ان کی اداکاری کو سراہا گیا . حال ہی میں ان کی فلم قائداعظم زندہ باد ریلیز ہوئی شائقین نے بے حد پسند کیا. ماہرہ خان کے ہر پراجیکٹ کو عوام میں‌ پذیرائی ملتی ہے لیکن شوبز انڈسٹری کے ہی لوگ ان کی اداکاری پر سوال اٹھاتے ہیں اور کہتے ہیں کہ ماہرہ خان کو ایکٹنگ سیکھنی چاہیے. ماہرہ خان کا اس حوالے سے کہنا ہے کہ میں دیکھتی ہوں کہ جب بھی کسی کا انٹرویو ہوتا ہے اس سوال کیا جاتا ہے کہ ماہرہ خان کو کیا کہنا چاہیں

گے تو ان کا جواب ہوتا ہے ماہرہ اپنی اداکاری پر توجہ دیں، جو مجھے ایسا کہہ رہے ہوتے ہیں میں ان کے بارے میں سوچتی ہوں‌ کہ خود انہوں نے کیا کیا ہے جو میری اداکاری پر سوال اٹھاتے ہیں، اور میں نے آج تک جو بھی کیا ہے اسکو عوام نے پسند کیا ہے تو تم کون ہو مجھے باتیں‌ کرنے والے . میں‌ خود پر تنقید کرنے والوں کو جواب نہیں‌ دیتی میرا کام ہی ان کے لئے جواب ہے جس کو عوام پذیرائی دیتی ہے. یاد رہے کہ فردوس جمال خلیل الرحمان قمر و دیگر ماہرہ خان کو اداکارہ ہی نہیں مانتے.