Tag: خلیل الرحمان قمر

فلم لندن نہیں‌ جائونگا کی ریلیز کے بعد ہمایوں سعید پر ان کی عمر کو لیکر کافی تنقید کی گئی کہا گیا کہ پچاس سال کا آدمی ہیرو کا کردار کیسے کر سکتا ہے، کسی نے کہا کہ جو کردار ہمایوں سعید نے کیا ہے وہ کسی نوجوان لڑکے کو کرنا چاہیے تھا، ایک بڑے طبقے کی تنقید کے باوجود فلم سپر ہٹ ہوئی اور لوگوں کی بڑی تعداد نے سینما گھروں‌ کا رخ کیا . دبئی اور لندن میں فلم نے ریکارڈ توڑ بزنس کیا. یوں لندن نہیں‌جائونگا اس سال کی سب سے بڑی ہٹ فلم بن گئی. اس کہانی کو خلیل الرحمان قمر نے لکھا ہے، خلیل الرحمان قمر اس سے پہلے بھی ہمایوں سعید کے

لئے پنجاب نہیں‌جائونگی لکھ چکے ہیں. وہ فلم بھی سپر ہٹ رہی. خلیل الرحمان پر تنقید ہوئی تو انہوں نے کہا کہ جب تک مجھ میں‌ دم ہے میں‌ ہمایوں سعید کے لئے لکھتا رہوں گا جس کو جو بولنا ہے بولتا رہے. خلیل الرحمان قمر نے کہا کہ ہمایوں سعید میرے اچھے دوست تو ہیں‌ ہی لیکن بہترین اداکار بھی ہیں. یاد رہے کہ خلیل الرحمان قمر نے ہمایوں سعید کے لئے ڈرامہ سیریل میرے پاس تم ہو بھی لکھا تھا اس کو بھی ندیم بیگ نے ہی ڈائریکٹ کیا تھا. یہ ڈرامہ اپنے پاور فلم ڈائیلاگز کی وجہ سے سپر ہٹ ہوا بلکہ اس کی کامیابی نے کئی سال کے ریکارڈ توڑے.

اپنی ہی کہی ہوئی باتوں سے تنازعات میں گھرے رہنے والے مصنف خلیل الرحمان کا حال ہی میں ایک انٹرویو ہوا ہے اس میں انہوں‌ نے کہا ہے کہ فلم لندن نہیں‌ جائوں گا میں جو کردار گوہر رشید نے نبھایا وہ میں نے احمد علی بٹ کے لئے لکھا تھا جب یہ کردار لکھ رہا تھا تو میرے زہن میں احمد علی بٹ تھا اسی کو میں نے سامنے رکھا تھا. لیکن بعد میں مجھے بتایا گیا کہ یہ کردار گوہر رشید کرے گا، مجھے نہیں‌ پتہ کہ کن بنیادوں‌ پر ان کو سلیکٹ کیا گیا لیکن ان کی سلیکشن پر مجھے منا لیا گیا بلکہ مجھے کنونس کیا گیا میں ہو بھی گیا.اسی انٹرویو میں کہا گیا کہ گوہر رشید اس کردار میں امپورٹڈ پنجابی لگا ہے تو مصنف خلیل الرحمان قمر نے کہا کہ جب میں نے کردار اس کےلئے لکھا ہی

نہیں تھا تو ایسے ہی ہونا تھا اور دوسرا یہ کہ میری گوہر کو اس کردار کو نبھانے کےلئے حوالے سے کوئی بریفنگ نہیں‌تھی، جب پنجاب نہیں‌ جائوں گی بنی تھی تو اس میں ہیرو سمیت پوری کاسٹ کو بریفنگ دی گی تھی یہی وجہ ہے کہ وہ فلم ہر حوالے سے ایک مکمل پیکج تھی لیکن اس بار اس فلم میں ایسی چیز زرا تھوڑی کم تھی لیکن اس کے باوجود فلم بہت اچھی چلی اچھی بنی ، گوہر رشید نے بھی بھٹی کا کردار اچھا نبھایا وہ میرا دوست ہے لیکن میں نے یہ کردار لکھا احمد علی بٹ کےلئے تھا.

معروف مصنف خلیل الرحمان کسی نہ کسی پر تنقید کرتے رہتے ہیں، وہ کسی پر بھی تنقید کرنے کا کوئی بھی موقع ہاتھ سے نہیں جانے دیتے. حال ہی میں انہوں نے اپنی تنقید کا رخ اداکارہ مہوش حیات کی طرف کیا انہوں نے کہا کہ مہوش حیات نے بہت کام کر لیا ہے اب کسی اور کو موقع ملنا چاہیے ، وہ جگہ خالی کریں اور کسی اور کام کرنے دیں. ان سے سوال ہوا کہ کیا آپ نے ماہرہ خان کو معاف کر دیا تو انہوں نے کہا میں نے انہیں معاف کر دیا ہے. تاہم اس پر تفصیلی جواب دینے سے کتراتے ہوئے نظر آئے اور اس بار ماہرہ خان کا نام سن کر زیادہ نہیں بھڑکے اور نہ ہی ان کے بارے میں کچھ بھی

الٹا سیدھا کہا یہ پہلا موقع تھا کہ جب خلیل الرحمان قمر نے ماہرہ خان کے بارے میں کچھ نہیں کہا. ورنہ تو خلیل الرحمان قمر ماہرہ خان کو آڑھے ہاتھوں لیتے ہیں. اسی انٹرویو میں مصنف نے دعوی کر دیا کہ انہوں نے اداکار نعمان اعجاز کا آڈیشن لیا تھا جس میں وہ فیل ہوگئے تھے. یاد رہے کہ خلیل الرحمان قمر عہد حاضر کے وہ رائٹر ہیں جو کسی کو بھی نہیں بخشتے ان کو ہر کسی سے کوئی نہ کوئی شکایت رہتی ہے.ان کے بارے میں کوئی بات کر دے تو اس کو جان نہیں چھوڑتے.

اداکارہ ایشل فیاض جو کسی تعارف کا محتاج نہیں ہیں گو کہ انہوں نے بہت زیادہ کام نہیں کیا لیکن جتنا بھی کام کیا ہےاچھا کیاہے۔ اداکارہ ایشل فیاض نے خلیل الرحمان قمر کی فلم کاف کنگنا میں کام کیا گو کہ فلم فلاپ ہو گئی لیکن ایشل کی اداکاری کو سراہا گیا۔جیسا کہ ساری دنیا ہی اب سوشل میڈیا پر ہے لہذا ایشل فیاض کیسے پیچھے رہ سکتی ہیں انہوں نے حال ہی میں انسٹاگرام پر اپنی تصاویر اور وڈیوز شئیر کیں ۔ان کے مداحوں نے جہاں ان کو پسند کیا وہیں تنقید کے نشتر بھی برسائے، ایک صارف نے تو اداکارہ کو سیدھی سیدھی ہی سنادیں بولا آپ ان تصاویر

اور وڈیوز کے زریعے اپنے جسم کی نمائش کررہی ہیں اس پر ایشل کو غصہ ٓآیا اور انہوں نے اس صارف کو لیا آڑھے ہاتھوں کہنے لگیں تصاویر میں مسئلہ نہیں ہے دیکھنے والے کی زہن میں گندگی ہے میرا انسٹاگرام میری مرضی آپ کون ہو۔ ایشل فیاض کا غصہ یہیں نہیں ختم ہوا بلکہ انہوں نے اپنی تصاویر کی پرائیویسی کوہی تبدیل کر دیا اور کمنٹس سیکشن کو بھی بند کردیا۔بظاہر تو ایشل نے شو کیا کہ انہیں صارفین کی تنقید سے فرق نہیں پڑتا لیکن ان کو فرق بالکل پڑا جس کے نتیجے میں انہوں نے اپنی تصاویر اور وڈیوز کی پرائیویسی کو تبدیل کیا۔یاد رہے کہ اداکارہ کا نام خلیل الرحمان قمر کے ساتھ جوڑا جاتا رہاہے.ان کے ساتھ تعلق کی کیا حقیقت ہے اس پر اداکارہ نے ہمیشہ ہی بات کرنے سے احتراز کیا ہے.

اداکارشمعون عباسی جو من موجی اداکار ہیں دل کرے تو کام کر لیتے ہیں نہ دل کرے تو مہینوں ایسے ہی بیٹھے رہتے ہیں. شمعون عباسی زیادہ شوبز پارٹیوں میں‌نظر نہیں‌آتے نہ ہی وہ اب زیادہ سوشل ہیں‌یہاں‌تک کہ ڈراموں‌میں بھی کم ہی نظر آرہے ہیں. انہو‌ں‌نے حال ہی میں دئیے گئے ایک انٹرویو میں‌بتایا کہ کیوں‌انہیں‌خلیل الرحمان قمر کی فلم چھوڑنا پڑی. انہوں‌نے کہا کہ مجھے جو اس فلم میں‌کردار دیا جا رہا تھا وہ بھارتی پائلٹ ابھینندن کا تھا جسے میں‌کسی صورت نہیں‌کرنا چاہتا تھا اس لئے میں‌نے معذرت کر لی. یاد رہے کہ شمعون عباسی نہ صرف اداکار ہیں بلکہ ڈائریکٹر بھی ہیں انہوں‌نے درج کے نام سے ایک فلم بنائی جو بعض وجوہات کی بنا پر

ریلیز کے حوالے سے تاخیر کا شکار رہی. شمعون عباسی آج کل ڈرامہ سیریل بختاور کی شوٹنگ میں‌ مصروف ہیں.شمعون کافی عرصے کے بعد کسی ڈرامے میں‌نظر آرہے ہیں. شمعون عباسی کے ساتھ اس ڈرامے میں‌ اداکار قیصر نظامانی بھی ہیں. کہا جا رہا ہے کہ شمعون عباسی کی فلم درج کو گندھارا انٹرنیشنل فلم فیسٹیول 2022 کے لئے سلیکٹ کر لیا گیا ہے اس پر اداکار کافی خوش ہیں. یاد رہے کہ شمعون عباسی ایک بہترین اداکار ہیں انہوں‌ نے زیادہ تر سنجیدہ کردار کئے ہیں‌ کامیڈی بھی کئے ہیں لیکن ان کی تعداد آٹے میں‌نمک کے برابر ہے.

نوے کی دہائی کی سپر ہٹ اداکارہ ریشم نے معروف مصنف خلیل الرحمان قمر کو کھری کھری سنا دیں اور کہا کہ نوجوان نسل کی نمائندہ فنکاری کے خلاف ہر وقت بولتے رہنے کا کوئی مقصد نہیں ہے اور میں اس طرح کی بے جا تنقید کو پسند نہیں کرتی. اداکارہ نے حال ہی میں ایک انٹرویو کے دوران یہ بھی کہا کہ خلیل الرحمان قمر سوشل میڈیا پر خبروں میں رہنے کے لئے خوبصورت خواتین کے ساتھ اپنا نام جوڑنے کو پسند کرتے ہیں. اداکارہ ریشم نے کہا کہ ماہرہ خان ایک اچھی اداکارہ ہے بہت

سارے لوگ انہیں پسند کرتےہیں. ریشم نے یہ بھی کہا کہ خلیل الرحمان بہت اچھا لکھتے ہیں ہم سب ان کا لکھا ہوا بے ھد پسند کرتے ہیں ان کے کام کی تعریف تو ہر کوئی کرتا ہے لیکن انہیں ماہرہ خان پر ہر وقت تنقید نہیں‌کرتے رہنا چاہیے. یوں ریشم نے ماہرہ خان کا کھل کر دیا ساتھ اور ان پر تنقید کرنے والوں‌کو کئے منہ بند. یاد رہےکہ ریشم ایک باصلاحیت اداکارہ ہیں انکی پہلی فلم جس کو سید نور کی ڈائریکشن میں تیار ہوئی تھی اس نے فلم انڈسٹری کو ہر حوالے سے ایک نیا ٹرینڈ دیا اس میں انہوں نے جو ملبوسات زیب تن کئے تھے وہ عام لڑکیوں میں بہت مقبول ہو ئے تھے.ریشم نے زیادہ تر اردو فلموں‌میں کام کیا لیکن کیرئر کی شروعات ٹی وی سے کی تھی. ریشم کا کہنا ہے کہ اگر انہیں اچھے کردار ملے تو وہ ضرور کریں گی.

تیکھا بولنے والے خلیل الرحمان قمر جن کی لکھی ہوئی کہانیاں سب کو ہی بہت پسند ہیں لیکن وہ روٹین میں جو باتیں کرتے ہیں ان سے بہت سارے لوگ اختلاف بھی رکھتے ہیں. ان کی حال ہی میں لکھی ہوئی فلم لندن نہیں جائونگا نے عوام میں کامیابی حاصل کی ہے. فلم میں ایک سوشل ایشو کو ہائی لائٹ کیا گیاہے. جہاں ہر کوئی کل کے پنجاب اسمبلی میں‌ہونے والے انتخابات پر بات کر رہا ہے وہیں خلیل الرحمان قمر بھی پیچھے نہیں رہے انہوں نے انتخاب نے نتائج کے بعد ایک ٹویٹ کیا اور اس میں لکھا کہ پاکستانی عوام تمہارے ووٹ کی دو ٹکے کی اہمیت نہیں ہے. خلیل الرحمان قمر کہتے ہیں کہ میں سیاسی

آدمی نہیں‌ہوں نہ ہی میری کوئی سیاسی وابستگی ہے، میں کسی سیاسی لیڈر کا مداح نہیں ہوں میں‌پاکستان سے محبت کرنے والا انسان ہوں. پاکستان ہی میرے لئے سب کچھ ہے اس کے ساتھ کچھ غلط ہوگا تو میں بولوں گا. اور کل جو کچھ ہو اہے کہ وہ جمہوریت کے خلاف ہے پاکستانی عوام کے ووٹ اور مینڈیٹ کے خلاف ہے. جو کچھ پاکستان میں ہورہا ہے میں نہایت ہی افسردہ ہوں. یاد رہے کہ خلیل الرحمان قمر کے بیانات اکثر و بیش تر متنازعہ بن جات ہیں وہ عورتوں کی حمایت بھی بہت کرتے ہیں لیکن ماہرہ خان ہو یا کوئی اور جب کسی خاتون پر غصہ ہوتے ہیں تو وہ کچھ بول جاتے ہیں جو شاید انہیں‌ نہیں بولنا چاہیے.

مصنف خلیل الرحمان قمر جو اپنی تیکھی باتوں کی وجہ سے کافی جانے جاتے ہیں ان کا کہنا ہےکہ وہ کبھی بھی ماہرہ خان سے نہ صلح کریں گے نہ ہی ان کو معافی دیں گے کیونکہ انہوں نے فردوس جمال کے حوالے سے غیر حساس باتیں کہیں تھیں. خلیل الرحمان قمر ایک سے زائد مرتبہ اداکارہ ماہرہ خان کی اداکاری پر نہ صرف سوال اٹھا چکے ہیں بلکہ وہ کہتے ہیں‌ کہ وہ ان کے جس بھی پراجیکٹ میں کاسٹ کی گئیں وہ اس پہ سخت شرمندہ ہیں.خلیل الرحمان قمر یہ بھی کہتے ہیں کہ ماہرہ خان بالکل بھی اچھی اداکارہ نہیں‌ ہیں پتہ نہیں کیوں انہیں‌ نمبر ون کہا جاتاہے. دوسری طرف ماہرہ خان نے اپنے ایک بیان میں‌کہا تھا کہ جب میں خلیل الرحمان قمر کے لکھے ہوئے ڈرامہ سریل صدقے تمہارے میں کاسٹ کی گئی تھی تب مصنف نے نہ صرف انہیں بہترین اداکارہ کہا بلکہ یہ کہا کہ وہ مزید بھی ان کے ساتھ کام کرنے کی خواہش رکھتے ہیں. اداکار فردس جمال جو کہ خلیل الرحمان قمر کے قریبی دوست ہیں انہوں نے بھی ماہرہ خان کے بارے میں‌کہا تھا کہ انہیں ماں کے کردار ادا کرنے چاہیں ہیروئین کے کردار کرنے کی ان کی عمر نہیں‌رہی ان کے اس بیان پر انہیں‌سخت تنقید کی سامنا کرنا پڑا تھا لیکن ماہرہ خان کے حوالے سے خلیل الرحمان قمر اکثر و بیشتر کچھ نہ کچھ ایسا کہتے رہتے ہیں کہ جن کی سرخیاں بن جاتی ہیں جبکہ ماہرہ خان انکی باتوں کا کم ہی جواب دیتی ہیں.

بغیر ڈر خوف کے دل میں جو آئے وہ بول دینے والے رائٹر خلیل الرحمان قمر کہتے ہیں کہ غلطیاں ہم سب سے ہوجاتی ہیں ہم سب غطیاں کرتے ہیں ۔عامر لیاقت سے بھی ہوئیں اللہ ان کو جنت میں جگہ دیں لیکن ان کے ساتھ بہت غلط ہوا۔میری اپنی ذاتی یہ رائے ہے کہ ان کو ایک نیک اور دیندار لڑکی سے شادی کرنی چاہیے تھی ۔جس طرح کی لڑکی سے شادی کی انہوں نے تو نیتجہ یہی ہونا تھا اور اسی نیتجے نے ان کو مارا ۔وہ بھی کیا بیوی ہوگی جس نے اپنے شوہر کی پرائیویٹ تصاویر اور وڈیوز بنائیں اور پھر سوشل میڈیا پر جاری کر دیں ۔شرم آنی چاہیے ایسی بیوی کو، جو دانیہ نے کیا ہے ایسا کسی لڑکی کے ساتھ ہو تو طوفان اٹھ جاتا ہے میرے حساب سے ایسی عورت کو سنگسار کر دینا چاہیے۔

یاد رہے کہ ڈاکٹر عامر لیاقت مردہ حالت میں اپنے کمرے میں پائے گئے وہ شدید ڈپریشن کی حالت میں تھے ان کی اہلیہ دانیہ شاہ نے ان کی برہنہ وڈیوز اور تصاویر جاری کر دیںتھی۔ دوسری طرف خلیل الرحمان قمر کو دیکھا جائے تو وہ ہر معاملے میں کھل کر بیان دیتے ہیں اور وہ لگی لپٹی نہیں رکھتے ۔یہی وجہ ہے کہ ان کی ہر بات پہ انہیں آڑھے ہاتھوں لیا جاتا ہے ۔لیکن وہ پھر بھی وہی کہتے اور کرتے ہیں جو انکے دل میں ہوتا ہے۔

پی ٹی وی کے سنہرے دور کے بڑے فنکار بہروز سبزواری نے رائٹر خلیل الرحمان قمر سے معافی مانگ لی ہے اور کہا ہے کہ اگر آپ کی دل آزاری ہوئی ہے تو میں‌معذرت خواہ ہوں. تفصیلات کے مطابق بہروز سبزواری نے چند روز قبل ایک انٹرویو دیا اس میں ان سے پوچھا گیا کہ یہ جو شخصیات ہیں اگر یہ شوبز میں نہ ہوتیں تو کیا کررہی ہوتیں تو اس میں خلیل ارحمان قمر کا نام بھی تھا اس پر بہروز سبزواری نے کہا کہ اگر یہ رائٹر نہ ہوتے تو کسی سے پٹ رہے ہوتے. اپنے اس بیان پر بہروز سبزواری نے ایک وڈیو بیان جاری کرتے ہوئے معافی مانگ لی ہے اور کہا ہے کہ میں نے ایک مذاق کیا تھا اگر دل آزاری ہوئی ہے تو میں معافی مانگتا ہوں .میرے دل میں‌بہت قدر ہے خلیل الرحمان قمر کی. ان کاجو رتبہ ہے میرے مذاق سے اس پہ کوئی فرق

نہیں‌پڑسکتا. ہمارے ملک میں ان جیسا حالیہ دور میں کوئی رائٹر نہیں ہے. بہروز سبزواری نے یہ بھی کہا کہ ان کے جو چاہنے والے ہیں ان کی دل آزاری ہونے پر بھی میں معذرت خواہ ہوں.وہ اتنے بلنٹ ہیں اس ریفرینس میں، میں نے مذاق میں ایک جواب دے دیا، مجھے یقین ہے خلیل بھائی مجھے در گزر کریں گے اور آخر میں انہوں نے خلیل الرحمان کو خوش رہنے کا بھی کہا.
بہروز سبزواری کے اس روپ کو لوگ بہت سراہ رہے ہیں اور کہہ رہے ہیں کہ انہوں نے معافی مانگ کر بڑے پن کا مظاہرہ کیا ہے.