Baaghi TV

Tag: خواتین

  • احسن اقبال کے ساتھ ریسٹورنٹ میں پی ٹی آئی کی حامی خواتین کی بدتمیزی

    احسن اقبال کے ساتھ ریسٹورنٹ میں پی ٹی آئی کی حامی خواتین کی بدتمیزی

    وفاقی وزیر برائے منصوبہ بندی احسن اقبال کے ساتھ ریسٹورنٹ میں پاکستان تحریک انصاف کی حامی فیملی کی جانب سے روایتی بدتمیزی کرنے کا واقعہ پیش آیا ہے۔ پاکستان تحریک انصاف کے چیئرمین عمران خان نے اپنے کارکنوں اور حمایتیوں کو انسانیت کی تزلیل کا جو سبق سکھایا ہے اس کے اثرات عیاں ہونا شروع ہو گئے ہیں، وفاقی وزیر برائے منصوبہ بندی احسن اقبال بھیرہ کے ایک ریسٹورنٹ میں موجود تھے ،وہیں موجود پاکستان تحریک انصاف کی حامی خواتین نے احسن اقبال کو دیکھتے ہی نعرے لگانا شروع کر دیئے.بظاہریہ فیملی خود کو ایلیٹ سمجھتی ہے مگر انہوں نے مکالمہ کرنے کی بجائے جاہلوں کی طرح نعرہ بازی شروع کر دی۔

    وفاقی وزیر برائے منصوبہ بندی احسن اقبال نےاپنے ٹوئٹر پیغام کہا کہ آج بھیرہ کے ایک ریسٹورنٹ میں ایک فیملی سے مڈ بھیڑ ہوئی۔وفاقی وزیر نے کہا کہ یہ فیملی بظاہر خود کو ایلیٹ سمجھتی ہے مگر انہوں نے مکالمہ کرنے کی بجائے جاہلوں کی طرح نعرہ بازی شروع کر دی۔

    احسن اقبال نے مزید کہا کہ جب یہ نعرہ بازی سے باز نہ آئے تو لوگوں نے بھی نعرے لگا دیے ’’گوگی پیرنی کا حساب دو‘۔

    احسن اقبال نے ایک اور ٹویٹ میں مزید کہا کہ یہ وہ چہرے ہیں جن کی تربیت عمران نیازی نے ہٹلر کی پلے بک سے کی ہے۔ عام زندگی میں لوگ انہیں پڑھا لکھا سمجھتے ہونگے لیکن تہذیب محض تعلیم سے نہیں آتی۔ والدین کی تربیت، صحبت اور زندگی میں انسان کسے فالو کرتا ہے یہ عناصر انسان کو خواہ وہ کتنا تعلیم یافتہ ہو اسے گنوار بھی بنا سکتے ہیں۔

  • میرے خاوند نعمان ارشد کے ایما پر مجھ پر تشدد کیا گیاجوآئس کا نشہ کرتے ہیں:ڈاکٹرمریم

    میرے خاوند نعمان ارشد کے ایما پر مجھ پر تشدد کیا گیاجوآئس کا نشہ کرتے ہیں:ڈاکٹرمریم

    بہاولنگر:ڈاکٹر مریم کا کہنا ہے کہ میرے خاوند نعمان ارشد کے ایما پر مجھ پر تشدد کیا گیا ہے۔خاتون ڈاکٹر نے شوہر پر الزام عائد کرتے ہوئے کہا کہ ڈاکٹر نعمان ٹی ایچ کیو میں تعینات ہیں اور آئس کا نشہ کرکے مریضوں کا چیک اپ کرتے ہیں۔

    ذرائع کے مطابق واقعے کے بعد ایس ایچ او کو معطل کردیا گیا ہے جبکہ ڈاکٹر مریم حسین نے وزیراعلیٰ پنجاب حمزہ شہباز سے واقعے کا نوٹس لیتے ہوئے انصاف کی فراہمی کا مطالبہ کیا ہے۔

    پنجاب کے شہر ہارون آباد میں لیڈی ڈاکٹر کو تشدد کا نشانہ بنادیا گیا جس کی سی سی ٹی وی فوٹیج منظرعام پرآنے کے بعد معاملات بھی کھل کرسامنے آنے لگے ہیں ،ذرائع کے مطابق پنجاب کے شہر ہارون آباد کے تھانہ سٹی میں ایس ایچ او کے سامنے ڈاکٹر مریم حسین کو تشدد کا نشانہ بنایا گیا۔

    ذرائع کے مطابق لیڈی ڈاکٹر مریم ٹی ایچ کیو ہارون آباد میں تعینات تھیں انہیں تھانے میں عدیل نامی شخص نے بہیمانہ تشدد کا نشانہ بنایا۔سی سی ٹی وی فوٹیج میں دیکھا جاسکتا ہے کہ لیڈی ڈاکٹر پر بہیمانہ تشدد کیا جارہا ہے جبکہ ایس ایچ او اور دیگر افراد کی جانب سے انہیں بچانے کی کوشش کی جارہی ہے۔

    یاد رہے کہ اس سے پہلے تھانے میں‌ لیڈی ڈاکٹرپرتشدد؛پنجاب پولیس کی طرف سے وضاحت آگئی،اطلاعات کےمطابق بہاولنگرشہرمیں ایک پولیس اسٹیشن میں ایک لیڈی ڈاکٹرپروحشیانہ تشدد کی ویڈیووائرل ہونےکے بعد پولیس کی طرف سے وضاحت پیش کردی گئی ہے

    اس حوالے سے پولیس ترجمان کی طرف سے اس واقعہ کی وضاحت پیش کرتے ہوئےکہا گیا ہےکہ یہ واقعہ خاتون لیڈی ڈاکٹر اور انکے شوہر کےمابین لڑائی جھگڑے کا معاملہ تھا جس پردونوں فریقین کو پولیس نے بات چیت کے لیے بلایا۔شوہرخود نہ آیا تاہم شوہر کے کزن عدیل نے تلخ کلامی پرلیڈی ڈاکٹر پر تشدد شروع کردیا۔پولیس نےعدیل پر مقدمہ درج کرکے اسے فوری گرفتارکرلیا،جو جیل جا چکا ہے

     

    اس واقعہ کے متعلق پولیس کی طرف سے مزید کہا گیاہے کہ ۔ پولیس اسٹیشن میں ایس ایچ او کے سامنے یہ واقعہ پیش ہونے پر بہاولنگر پولیس نے ایس ایچ او کو عہدے سے ہٹا دیا ہے تاہم مزید کاروائی کے لیے انکوائری کی جارہی ہے۔

    یاد رہے کہ تھانوں میں تشدد کے واقعات میں کمی نہیں آئی بلکہ اضافہ ہورہا ہے،حالانکہ انسانی حقوق کی تنظیمیں اس سنگین جرم پرمسلسل آوازاٹھارہی ہیں لیکن پنجاب پولیس کے اہلکاروں کے رویے میں ذرہ بھر بھی مثبت تبدیلی نہیں آرہی ، شاید یہی وجہ ہےکہ پولیس اہلکاروں کے خلاف قانون کے حرکت میں نہ آرنے کی وجہ سے پولیس اہکار نڈرہوگئے ہیں اور ببانگ دہل یہ سنگین جرم کرتے ہیں اوراپنی موجودگی میں کرواتے ہیں

    ایسا ہی ایک واقعہ پچھلے سال قصور میں پیش آیا جہاں قصور میں ڈکیتی و قتل کیس میں گرفتار دو خواتین کو ساجدہ نامی خاتون نے بہیمانہ تشدد کا نشانہ بنایا جس کی ویڈیو منظر عام پر آگئی۔

    ذرائع کے مطابق افسوسناک کا واقعہ قصور کے تھانہ صدر میں پیش آیا جہاں دو خواتین پر تفتیشی افسر سے تعلقات کی بنا پر پرائیوٹ خاتون ساجدہ نے تشدد کیا اور تشدد کے دوران خاتون نے لیڈی کانسٹیبل کو اپنا موبائل فون دے کر تشدد کی ویڈیو بھی بنوائی، جو سوشل میڈیا پر وائرل ہوگئی، وائرل ویڈیو میں دیکھ جاسکتا ہے کہ ایک خاتون دونوں خواتین کو اُلٹا لٹا کر تشدد کر رہی ہے جبکہ خواتین رو رہی ہیں۔

  • پنجاب میں زیادتی کے بڑھتے واقعات،وزارت داخلہ میں ہنگامی اجلاس

    پنجاب میں زیادتی کے بڑھتے واقعات،وزارت داخلہ میں ہنگامی اجلاس

    پنجاب میں زیادتی کے بڑھتے واقعات،وزارت داخلہ میں ہنگامی اجلاس

    صوبائی وزیر داخلہ عطا اللہ تارڑ کی زیر صدارت کابینہ کمیٹی برائے داخلہ کا سول سیکریٹیریٹ لاہور میں لاء اینڈ آرڈر کے حوالے سے اجلاس کا انعقاد کیا گیا

    اجلاس میں کمیٹی ممبرز وزیر قانون ملک احمد خان اور وزیر صحت خواجہ سلمان رفیق نے خصوصی شرکت کی، اجلاس میں چیف سیکرٹری پنجاب ،آئی جی پنجاب ، ایڈیشنل چیف سیکرٹری ، سیکرٹری لاء ،سیکریٹری فنانس اور سی ای او سیف سٹی اتھارٹی بھی موجود تھے۔افسران نے کمیٹی ممبرز کو پنجاب میں لاء اینڈ آرڈر کے حوالے سے صورتحال پر بریفنگ دی

    صوبائی وزیر داخلہ عطا تارڑ کا کہنا تھا کہ اجلاس میں جنسی زیادتی کے بڑھتے واقعات پر تشویش کا اظہار کیا گیا ۔ جنسی زیادتی کے بڑھتے واقعات پر قابو پانے کی حکمت عملی بھی زیر غور آئی۔ چونیاں میں جنسی زیادتی کے واقعہ کا تفصیلی جائزہ لیا گیا اور اس حوالے سے رپورٹ طلب کی گئی ۔ چونیاں واقعہ میں ملوث ملزمان کو فی الفور گرفتار کرنے کی ہدایات جاری کی ہیں ۔

    صوبائی وزیر داخلہ عطا تارڑ کا کہنا تھا کہ الیکشن کمیشن کے کوڈ آف کنڈکٹ کی روشنی میں اسلحہ رکھنے والوں کے خلاف سیاسی وابستگی سے بالاتر ہو کر بلاامتیاز کارروائی کی جائے ۔ ضمنی انتخابات میں حصہ لینے والے تمام امیدواروں کو پنجاب حکومت کی طرف سے پولیس کی سکیورٹی فراہم کی جائے گی ۔ الیکشن کمپین کے دوران کسی امیدوار کو ذاتی سکیورٹی اور اسلحہ رکھنے کی ہرگز اجازت نہ ہوگی ۔ پنجاب اسمبلی کے ضمنی الیکشن میں قانون ہاتھ میں لینے والوں کے ساتھ سختی سے نمٹا جائے گا۔

    واضح رہے کہ پنجاب میں خواتین اور بچوں کے ساتھ زیادتی کے واقعات میں مسلسل اضافہ ہو رہا ہے، پولیس ملزمان کو گرفتار کرتی ہے ،کئی مقامات پر ملزمان بااثر ہوتے ہیں اور مقدمات کو دبا دیا جاتا ہے، تا ہم پنجاب میں زیادتی کے واقعات پر حکومت سمیت سب کو تشویش ہے،

    خواجہ سراؤں کا چار رکنی گروہ گھناؤنا کام کرتے ہوئے گرفتار

    چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی

    ماموں کی بیٹی کے ساتھ گھناؤنا کام کرنیوالا گرفتار

    پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

  • خواتین کے دماغ کا درجہ حرارت مردوں سے زیادہ ہوتا ہے ،تحقیق

    خواتین کے دماغ کا درجہ حرارت مردوں سے زیادہ ہوتا ہے ،تحقیق

    جرنل برین میں شائع ہونےوالی تحقیق میں ماہرین نے انکشاف کیا ہے کہ خواتین کے دماغ کا درجہ حرارت مردوں سے زیادہ ہوتا ہے یعنی خواتین مردوں سے زیادہ گرم دماغ ہوتی ہیں کیونکہ ان کے دماغ کا درجہ حرارت 40 ڈگری سینٹی گریڈ سے اوپر جانے کا امکان زیادہ ہوتا ہے۔

    باغی ٹی وی : "ڈیلی میل” کے مطابق برطانیہ کی کیمبرج یونیورسٹی میں مالیکیور بائیولوجی کی ایم آر سی لیبارٹری کے محققین کو ایک نئی تحقیق میں معلوم ہوا ہے کہ خواتین کا دماغ مردوں کی نسبت 0.4 ڈگری سیلسیئس زیادہ گرم ہوتا ہے۔

    کسی خونی اور فسادی احتجاج کی اجازت نہیں ہو گی،وفاقی وزیر اطلاعات

    تحقیق کے مطابق دماغ کے زیادہ درجہ حرارت میں یہ فرق ممکنہ طور پر خواتین کے مخصوص ایام کی وجہ سے ہو سکتا ہے اس تحقیق کے لئے محققین نے 20 سے 40 سال کے درمیان 40 رضا کاروں کا انتخاب کیا مطالعے میں ایڈنبرگ کے رائل انفرمری میں ان رضاکاروں کے دماغوں کو ایک دن کے وقفے سے صبح، دوپہر اور شام کے آخر حصے میں اسکین کیا گیا۔

    صحت مند انسانی دماغ کے درجہ حرارت کی پہلی چار جہتی تصویر بنانے والے محققین نے تحقیق میں دیکھا کہ انسانی دماغ کا اوسط درجہ حرارت جو پہلے 38.5 ڈگری سیلسیئس خیال کیا جاتا تھا اب اس سے زیادہ تھا لیکن دماغ کی ساخت کی گہرائی میں درجہ حرارت تواتر کے ساتھ 40 ڈگری سیلسیئس سے زیادہ پایا گیا مشاہدے میں آنے والا سب سے زیادہ درجہ حرارت 40.9 ڈگری سیلسیئس تھا۔

    مسلح افراد کی کھلے عام رات کے اندھیرے میں ڈکیتی کی واردات

    جبکہ سائنس دانوں نے تحقیق میں 20 برس سے زیادہ کے شرکاء میں درجہ حرارت میں اضافے کو بھی دیکھا۔ یہ اضافہ دماغ کے اندر کے حصے میں دیکھا گیا جہاں اوسط اضافہ 0.6 ڈگری سیلسیئس تھا جسم کے دوسرے کسی حصے میں اس درجہ حرارت کا ہونا عموماً بخار کی علامت سمجھا جاتا ہے لیکن محققین کا کہنا ہے کہ یہ دماغ کے صحت مند ہونے کی نشانی ہو سکتی ہے۔

    ماہرین کا خیال ہے کہ عمر بڑھنے کے ساتھ ساتھ دماغ کو ٹھنڈا رکھنے کی صلاحیت ختم ہوتی جاتی ہے۔

    کیمبرج یونیورسٹی کے گروپ لیڈر ڈاکٹر جان او نیل نے کہا کہ میرے لیے ہمارے مطالعے سے سب سے حیران کن بات یہ ہے کہ صحت مند انسانی دماغ اس درجہ حرارت تک پہنچ سکتا ہےجس کی تشخیص جسم میں کسی اور جگہ بخار کے طور پر کی جائے گی ماضی میں دماغی چوٹوں والے لوگوں میں اس طرح کے اعلی درجہ حرارت کی پیمائش کی گئی ہے، لیکن یہ فرض کیا گیا تھا کہ یہ چوٹ کا نتیجہ ہے۔

    انہوں نے کہا کہ یہ یقین کرنے کی اچھی وجہ ہے کہ یہ روزانہ کی تبدیلی طویل مدتی دماغی صحت کے ساتھ منسلک ہے – ایسی چیز جس کی ہم آگے تحقیق کرنے کی امید کرتے ہیں۔

    امید ہے ٹاسک فورس کی آمد کے بعد پاکستان گرے لسٹ سے نکل جائے گا،بلاول بھٹو

  • پی ٹی آئی خواتین کا مظاہرہ، یاسمین راشد کی رانا ثناء اللہ کو وارننگ

    پی ٹی آئی خواتین کا مظاہرہ، یاسمین راشد کی رانا ثناء اللہ کو وارننگ

    پاکستان تحریک انصاف سینٹرل پنجاب کی صدر ڈاکٹر یاسمین راشد کی قیادت میں پی ٹی آئی کی خواتین کی بڑی تعداد انسداد دہشتگردی کی عدالت کے باہر پیشی کے موقع پر موجود تھی۔
    ڈاکٹر یاسمین راشد اور دیگر رہنماؤں پر دہشتگردی کے ناجائز مقدمات کے خلاف پرامن احتجاجی مظاہرہ کیا۔

    تحریک انصاف کے رہنماوں کی دہشت گردی عدالت آمد پر کارکنوں کی بڑی تعداد موجود تھی۔خواتین اور مرد کارکنوں کی حکومت کے خلاف نعرے بازی کی۔ تحریک انصاف کے کارکنوں نے ہاتھوں میں بینرز اور پلے کارڈ اٹھا رکھے تھے۔ مظاہرین کی جانب سے دہشت گردی اور امپورٹڈ حکومت نامنظور کے نعرے لگائے ۔

    اس موقع پر ڈاکٹر یاسمین راشد نے میڈیا کے نمائندوں اور مظاہرے کے شرکاء سے خطاب کرتے ہوئے کہا کہ 72 سال میری عمر ھے اپنی زندگی میں اتنا ظلم اور زیادتی نہیں دیکھی ۔ مار بھی ہم کھائیں گاڑیاں بھی ہم تڑوائیں اور دہشتگردی کے مقدمات بھی ہم بھگتیں۔ ہم ڈرتے ہیں اور نہ گھبراتے ہیں اپنی جنگ جاری رکھیں گے۔ حکومت عوام پر مہنگائی بم گرا رہی ہے اس سے زیادہ عوام کے ساتھ کیا زیادتی ھو سکتی ھے ۔

    پی ٹی آئی کے رہنماء انسداد دہشتگری کی عدالت میں پیش ہوئے۔امپورٹڈ حکومت کی طرف سے ڈاکٹر یاسمین راشد ۔عندلیب عباس ۔حماد اظہر اور دیگر رہنماؤں پر دہشتگردی کی دفعات لگانے کی شدید الفاظ میں مذمت کی گئی۔عدالت میں پیشی کے موقع پر خواتین کی بڑی تعداد موجود تھی۔ ڈاکٹر یاسمین راشد اور عندلیب عباس نے خواتین کے ہمراہ دہشتگردی کی دفعات لگانے پر احتجاجی مظاہرہ کیا۔مظاہرے میں پی ٹی آئی خواتین نے جعلی حکومت کے خلاف شدید نعرے بازی کی۔

    ڈاکٹر یاسمین راشد نے ۔مزید کہاکہ رانا ثناء اللہ کو وارننگ دیتی ہوں اگر انہوں نے اوچھے ہتھکنڈے نہ چھوڑے تو پی ٹی آئی کی خواتین ان کے ظلم وبربریت کے مقابلے کے لیے کافی ہیں۔
    میں نے ساری زندگی احتجاج کیا مگر عورتوں اور بچوں پر اس طرح کی ظلم وبربریت نہیں دیکھی۔یہ جعلی اور امپورٹڈ حکومت چند دنوں کی مہمان ھے۔

    پی ٹی آئی سینٹرل پنجاب کی سیکرٹری اطلاعات عندلیب عباس کا کہنا تھا کہ پولیس نے نہتی عورتوں کو تشدد کا نشانہ بنایا اور الٹا انہی پر ہی دہشتگردی کی ایف آئی آرز درج کرا دیں گئیں۔ امپورٹڈ حکومت کے ہر ظلم کا ڈٹ مقابلہ کرینگے۔ جعلی حکومت کو اپنے ہر ظلم وبربریت کا حساب دینا پڑے گا۔

    احتجاجی مظاہرے میں جنرل سیکرٹری سنٹرل پنجاب حماد اظہر ۔ سیکریٹری اطلاعات عندلیب عباس ڈاکٹر نوشین حامد معراج ۔ روبینہ شاہین ۔ سامعہ توقیر ۔ نیلم حیات ۔ ثوبیہ کمال ۔ رخسانہ نوید ۔ ڈاکٹر سیمی بخاری ۔ شنیلا روتھ ۔ سعدیہ سہیل رانا۔ نادرہ عمر ۔ شہر بانو ۔ شھنیلا علی ۔ شہناز خان ۔ شبنم جانگیر ۔ فرحت خالد ۔ روبینہ اختر عاصمہ نعیم ۔ آمنہ عامر ۔ شگفتہ سجاد ۔ شمسہ علی ۔ مسرت جمشید چیمہ ۔ ساحر رانا ۔ رفعت شاہین ۔ غزالہ زمان ۔ غزالہ رفیق ۔ رضوانہ غضنفر ۔ نوریں مصطفی ۔ ساجدہ ملک سمیت دیگر خواتین نے شرکت کی۔

  • سرکاری افسران اورخواتین کی بلیک میلنگ میں ملوث 2 جعلی سرکاری افسر گرفتار

    سرکاری افسران اورخواتین کی بلیک میلنگ میں ملوث 2 جعلی سرکاری افسر گرفتار

    راولپنڈی: ایف آئی اے سائبر کرائم ونگ نے خواتین اور سرکاری افسران کو بلیک میل کرنے والے جعلی سرکاری افسران کو گرفتار کر لیا-

    باغی ٹی وی : اتفصیلات کےمطابق ایف آئی اے سائبر کرائم ونگ نےخود کو نیب سمیت دیگراداروں کا سربراہ ظاہرکرکےخواتین و سرکاری افسران کو دھمکیاں دینے اور بلیک میل کرنے والے 2 ملزمان رضوان اور زین العابدین نامی کو گرفتار کرلیا رضوان کا تعلق حافظ آباد اور زین العابدین جس کا تعلق لاہور سے ہے-

    ایف آئی اے سائبر کرائم ونگ کے اسسٹنٹ ڈائریکٹر کے گھر پر نامعلوم افراد کی فائرنگ

    لاہور سے گرفتار کیے جانے والے رضوان اور زین العابدین نامی ملزمان پر الزام ہے کہ انہوں نے بڑی منصوبہ بندی سے خود کو ایف آئی اے، نیب سمیت دیگر اداروں کا سربراہ ظاہر کرکے سرکاری محکموں کے افسران کو دھمکیاں دیں اور بلیک میلنگ کے ذریعے رقوم لیں۔

    وفاقی تحقیقاتی ادارے ایف آئی اے کے سائبر کرائم ونگ کے مطابق ملزمان خواتین کی نازیبا وڈیوز بنا کر انہیں ہراساں اور بلیک میل کرنے میں بھی ملوث ہیں ملزمان اپنے مقاصد کے لیے جعلی واٹس ایپ اکاؤنٹس بھی استعمال کرتے رہے ہیں-

    10 سالہ بچی سے زیادتی کرنے والا پڑوسی گرفتار

    حکام کے مطابق دونوں ملزمان کو گرفتار کر کے موبائل فون و جعلی واٹس ایپ اکاؤنٹس برآمد کرلیےگئےہیں ملزمان کے خلاف پیکا ایکٹ سمیت دیگر دفعات کے تحت مقدمہ درج کرکے مزید تفتیش شروع کردی گئی ہے، جس میں مزید انکشافات کی توقع ہے۔

    واضح رہے کہ قبل ازیں ایف آئی اے ‎ سائبر کرائم ونگ کے اسسٹنٹ ڈائریکٹر آصف اقبال کے جوہر ٹاؤن میں واقع گھر پر نامعلوم افردا نے فائرنگ کی تھی ایف آئی اے کے ایک قابل اور فرض شناس آفیسر سائبر کرائم ونگ کے اسسٹنٹ ڈائریکٹر آصف اقبال کے جوہر ٹاؤن میں واقع گھر پر فائرنگ کا واقعہ پیش آیا تھا واقعہ کا مقدمہ درج کرکے کاروائی کا آغاز کر دیا گیا تھا-

    والدہ کا بھانجا چاہتا تھا کہ میری والدہ شوہر کو چھوڑ کراسے شادی کرے،قتل کے واقعہ کے بعد انکشاف

  • سعودی عرب نے حج پر آنے والی خواتین کیلئے نیا سفری حکمنامہ جاری کر دیا

    سعودی عرب نے حج پر آنے والی خواتین کیلئے نیا سفری حکمنامہ جاری کر دیا

    سعودی عرب کی سول ایوی ایشن اتھارٹی نے رواں سال حج پر آنے والی خواتین سے متعلق نیا حکم نامہ جاری کردیا ہے۔

    باغی ٹی وی : سعودی عرب کی حکومت نے حج پرآنے والی خواتین کےلیےمحرم کے قانون پرسختی سےعملدرآمد کا فیصلہ کیا ہے سعودی سول ایوی ایشن اتھارٹی کی جانب سے جاری کردہ نئے حکم نامے میں 45 سال سے کم عمر خواتین کیلئے حج پر آنے کے لیے محرم کا ساتھ لازمی قرار دیا گیا ہے۔

    بشری۔ گوگی۔ خان چور ابھی تک کاروائی کیوں شروع نہیں ہوئی؟ امبر دانش

    سعودی سول ایوی ایشن اتھارٹی کے مطابق حکم نامے پر عمل درآمد نہ کرنے پر 45 سال سے کم عمرخاتون کو محرم کے بغیر سعودی عرب پہنچنے پر فوری بے دخل کردیا جائے گا۔

    جنرل اتھارٹی آف سول ایوی ایشن اتھارٹی نے حکم نامے کا باضابطہ نوٹیفکیشن بھی جاری کردیا ہے نوٹیفکیشن میں کہا گیا ہے کہ تمام ائیر لائنز نئے ہدایت نامہ پر سختی سے عملدرآمد کریں کوتاہی برتنے والی ائیرلائن کو جرمانہ کیساتھ سخت سزائیں دی جائیں گی۔

    واضح رہےکہ قبل ازیں سعودی حکومت نے 18 سے 65 سال تک کی خواتین کو مرد سرپرستوں ( محرم ) کے بغیر عمرے کی اجازت دے دی تھی اس بات کی شرط رکھی تھی کہ ایسی خواتین کو گروپ کا حصہ رہنا ہوگا اس حوالے سے سعودی وزارت حج وعمرہ کی جانب سے اعلان کیا گیا تھا کہ یہ فیصلہ ولی عہد محمد بن سلمان کی جانب سے پیش کی جانے والی سماجی اصلاحات کا ایک حصہ ہے ایسی خواتین کو عمرے کی اجازت دی گئی جنہوں نے کورونا کے خلاف قوت مدافعت کی ایک ڈوز لگوائی ہے اور وہ کسی بیماری میں مبتلا نہ ہوں۔

    سعودی عرب کا 25 یونیورسٹیوں میں پاکستانی طلبہ کیلئے سکالرشپس کا اعلان

  • پی ٹی آئی خواتین کا پارلیمنٹ کے باہر احتجاج،عالیہ حمزہ مرکزی گیٹ پرچڑھ گئیں

    پی ٹی آئی خواتین کا پارلیمنٹ کے باہر احتجاج،عالیہ حمزہ مرکزی گیٹ پرچڑھ گئیں

    نپاکستان تحریک انصاف (پی ٹی آئی) کی ارکان نے پارلیمنٹ ہاؤس پر احتجاج شروع کردیا، عالیہ حمزہ ملک عالیہ حمزہ اور ویمن ونگ کی صدر کنول شوزب پارلیمنٹ کے دروازے پر چڑھ گئیں۔ پی ٹی آئی کی مستعفی خواتین ارکان اسمبلی احتجاج کرنے پارلیمنٹ ہاؤس پہنچ گئیں، عالیہ حمزہ، کنول شوزب، ملیکہ بخاری کی زیر قیادت پی ٹی آئی خواتین نے پارلیمنٹ کے باہر مظاہرہ کیا۔

    پی ٹی آئی خواتین کارکنان کی جانب سے مہنگائی، ای وی ایم بل اور سمندر پار پاکستانیوں کو ووٹ کے حق کا بل ختم کرنےکے خلاف مظاہرہ کیاگیا۔ مظاہرے کی قیادت اراکین قومی اسمبلی عالیہ حمزہ ،کنول شوزب اور ملیکہ بخاری کر رہی تھیں، احتجاج کرنے والی خواتین نے ہاتھوں میں برتن اور پلے کارڈز بھی اٹھا رکھے ہیں۔

    احتجاج کے دوران رکن قومی اسمبلی عالیہ حمزہ گیٹ پر چڑھ گئیں جس کے بعد دروازہ کھول دیا گیا. خواتین پارلیمنٹ ہاؤس کے احاطے میں داخل ہوگئیں، تقریباً 3 درجن خواتین اراکین پارلیمنٹ کےگیٹ نمبر ایک سے داخل ہوئیں جس کے بعد پارلیمنٹ ہاؤس کے مرکزی ہال کے دروازے کو بند کردیا گیا جہاں پارلیمنٹ کا مشترکا اجلاس جاری ہے۔

    باغی ٹی وی کی رپورٹ کے مطابق پارلیمنٹ لاجز سے پی ٹی آئی کی خواتین اراکین ریلی کی صورت میں پیدل پارلیمنٹ ہاؤس پہنچیں، عالیہ حمزہ ،کنول شوزب اور ملیکہ بخاری نے قومی اسمبلی کی نشست سے استعفیٰ دے دیا ہے تاہم باضابطہ طور پر ان کا استعفیٰ منظور نہیں ہوا اور وہ ابھی تک پارلیمنٹ لاجز میں ہی رہائش پذیر ہیں جہاں انہوں نے خواتین کارکنوں کو مظاہرے کے لیے جمع کیا تھا۔ واقعےکے بعد پولیس کی بھاری نفری بھی پارلیمنٹ کے باہر پہنچ گئی ہے جب کہ خواتین کا احتجاج جاری ہے۔

    پارلیمنٹ ہاؤس کے باہر احتجاج کرتی پی ٹی آئی خواتین ارکان نے مرکزی ہال میں داخل ہونے کی کوشش کی تاہم پولیس نے خواتین کے اند داخل ہونے کی کوشش ناکام بنا دی.

    علاوہ ازیں پی ٹی آئی رہنما کنول شوزف کا کہنا تھا کہ آج یہ آی وی ایم ختم کررہے ہیں،ہم ایک پرامن احتجاج کررہی ہیں،ہمارے ساتھ عام خواتین ہیں،ہماری چلتی حکومت گرائی گئی ہے،کمر توڑ مہنگائی کردی ہے ، پارلیمنٹ ہاوس کے باہرگفتگو کرتے ہوئے انہوں نے کہا کہ پچیس مئی کو ہمارے ساتھ یہی ہوا ہے،کیا جمہوری معاشروں میں یہی ہوتا ہے؟ ،بڑے بڑے چور اپنے آپ کو این آر او دے رہے ہیں،آپ کیا سمجھتے ہیں آپ ہمیں جیلوں میں ڈالیں گے،اتنی شدید گرمی میں لوگ لوڈ شیڈنگ سے پریشان ہیں،ان لوگوں نے سوچا غریب عوام کو ہی ختم کردیے ہیں

    ملیکہ بخاری کا کہنا تھا کہ ہاکستان کے آئین کے مطابق پرامن احتجاج کرنے کی کوشش کی،پاکستان کی فورس کو ہمارے خلاف گلو بٹ بنا کر استعمال کیا گیا ،عمران خان نے 26 سال ان کے خلاف جدوجہد کی ، غریب کے لئے ایک قانون ہے امیر کے لئے دوسرا قانون ہے.

  • خواتین ہمارے ملک میں محفوظ نہیں اداکارہ یشما گل نے یہ کیوں کہا؟

    خواتین ہمارے ملک میں محفوظ نہیں اداکارہ یشما گل نے یہ کیوں کہا؟

    اداکارہ یشما گل نے تشویش کا اظہار کرتے ہوئے کہا ہے کہ اس ملک میں خواتین محفوظ نہیں ہیں انہوں نے اپنی انسٹاگرام میں ایک سٹوری شئیر کی اور اس میں لکھا کہ اس ملک میں خواتین کے لئے رہنا بہت مشکل ہو گیا ہے۔ کہیں کسی نے جانا ہو تو اسے پہلے سو بار سوچنا پڑتا ہے کہ جائوں یا نہ جائوں اکیلی نکلوں یا نہ نکلوں۔ یہ ملک خواتین کے رہنے کی جگہ نہیں ہے یہاں خواتین غیر محفوظ بن چکی ہیں۔ اداکارہ یشما گل نے یہ سب ایسے ہی نہیں کہہ دیا اس کے پیچھے ملتان سے کراچی جانے والی زکریا ایکسپریس میں لڑکی کے ساتھ زیادتی کا واقعہ ہے. یشما گل نے اس واقعہ کے بعد انتہائی تشویش کا اظہار کیا ہے ان کا کہنا ہے کہ زیادتی کرنے والے ملزمان کو سخت سزا ملنی چاہیے اور میری دعا ہے کہ جس لڑکی کے ساتھ یہ حادثہ ہوا ہے اسے جلد سے جلد انصاف ملے۔اداکارہ یشما گل کی اس پوسٹ میں جو لکھا گیا ہے سوالات تو بہت اٹھاتی ہے کیونکہ آئے روز خواتین بچیوں کے ساتھ زیادتی کے واقعات ہونا یقینا اس ملک میں رہنے والی خواتین کے محفوظ ہونے پر سوالیہ نشان ہیں۔ ٹرین میں ہونے والے اس حادثے کے بعد یقینا والدین اور لڑکیوں کے مشکل ہے کہ وہ یہ فیصلہ مجبوری میں کیسے کریں کہ اکیلے کہیں جانا ہے۔اداکارہ یشما گل ہی نہیں بہت سارے لوگ اس واقعہ کی سخت الفاظ میں مذمت کررہے ہیں.

  • سرکاری عمارت میں دو خواتین کے ساتھ اجتماعی زیادتی

    سرکاری عمارت میں دو خواتین کے ساتھ اجتماعی زیادتی

    سرکاری عمارت میں دو خواتین کے ساتھ اجتماعی زیادتی

    باغی ٹی وی کی رپورٹ کے مطابق پنجاب میں خواتین کے ساتھ زیادتی کے واقعات میں کمی نہ آ سکی

    پنجاب کے شہر فیصل آباد کی سرکاری عمارت میں دو خواتین کے ساتھ اجتماعی زیادتی کا واقعہ پیش آیاہے،پولیس کے مطابق محکمہ صحت کی عمارت کے اندر دو خواتین کے ساتھ مبینہ اجتماعی زیادتی کی گئی ہے، واقعہ کا مقدمہ چھ ملزمان کے خلاف درج کر لیا گیا ہے تا ہم ابھی تک پولیس کسی کو گرفتار نہیں کر سکی، پولیس کے مطابق ملزم نے اپنے دوستوں کے ساتھ ملکر خاتون اور اسکی ایک دوست کے ساتھ اجتماعی زیادتی کی، ملزمان کی گرفتاری کے لئے ٹیمیں تشکیل دے دی گئی ہیں اور جلد انہیں گرفتار کر لیا جائے گا،محکمہ صحت کے مطابق مقدمے میں نامزد محکمہ صحت کی عمارت کے چوکیدار کو معطل کردیا گیا ہے

    قبل ازیں پنجاب کے ضلع فیصل آباد کی تحصیل جڑانوالہ کے علاقے ظفروال کے نواحی گاؤں سارو وال میں 6 سالہ بچے سے زیادتی کا مبینہ واقعہ پیش آیا، بچے کے ماموں کی مدعیت میں نامعلوم مزدور کے خلاف درخواست دے دی گئی ہے۔پولیس کے مطابق 6 سالہ بچے احسان ساجد کے ماموں نے پولیس کو اطلاع دی کہ ان کے بھانجے کو محلے میں زیر تعمیر مدرسہ میں کام کرنے والے مزدور نے زیادتی کا نشانہ بنایا، احسان گلی میں کھیل رہا تھا کہ مزدور ورغلا کر مدرسے کے اندر لے گیا۔

    بھائی کے ہاتھوں قتل ہونے والی ماڈل سدرہ قتل کیس میں اہم پیشرفت

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    سابق شوہر نے شراب کی بوتل کے ساتھ جنسی زیادتی کی،ہالی ووڈ اداکارہ پھوٹ پھوٹ کر رو پڑیں

    بیوی نے بیٹی اورساتھیوں سے ملکر اپنے شوہر کو بیدردی سے قتل کردیا

    شاگرد سے زیادتی کرنے والا معلم گرفتار