Baaghi TV

Tag: خود کش حملہ

  • بلوچستان میں خود کش حملہ ہوا، سراج الحق محفوظ ہیں،امیرالعظیم

    بلوچستان میں خود کش حملہ ہوا، سراج الحق محفوظ ہیں،امیرالعظیم

    ژوب میں امیر جماعت اسلامی سراج الحق کے قافلے پر دھماکہ ہوا ہے واقعہ کے بعد سکیورٹی فورسز نے علاقے کو گھیرے میں لے لیا اور تحقیقات شروع کر دیں،

    جماعت اسلامی کی جانب سے کہاگیا ہے کہ امیر جماعت اسلامی سراج الحق کے قافلے پر خود کش حملہ کیا گیا سراج الحق قافلے کی صورت میں ژوب میں جلسہ عام سے خطاب کے لیے جا رہے تھے خودکش حملہ آور نے اس دوران سراج الحق کی گاری کے قریب خود کو دھماکہ سے اڑایا سراج الحق اس حملے میں محفوظ رہے جماعت اسلامی کے 7 کارکنان زخمی ہیں، 4 کی حالت نازک ہے امیر جماعت اسلامی سراج الحق شیڈول کے مطابق جلسہ عام سے خطاب کریں گے

    واقعہ کے بعد پولیس اور قانون نافذ کرنے والے اداروں نے علاقے کو گھیر لیا سراج الحق کا قافلہ نیو اڈہ کے قریب سے گزر رہا تھا کہ دھماکا ہوا، امیر جماعت اسلامی سراج الحق کو پولیس لائن ژوب منتقل کر دیا گیا امیر جماعت اسلامی سراج الحق نے جلسے سے خطاب کرنا تھا دھماکہ کے بعد سیکورٹی فورسسز نے علاقے کوگھیرے میں لے لیا،بم ڈسپوزل اسکواڈ ٹیم موقع پر پہنچ گئے شواہد اکھٹے کیے جارہے ہیں ، امیر جماعت اسلامی شیڈول کے مطابق جلسہ عام سے خطاب کریں گے ،سراج الحق ژوب میں جلسے سے خطاب کے لیے جارہے تھے خودکش حملہ آور نے گاڑی کے قریب خود کو اڑایا

    امیر العظیم سکرٹری جنرل جماعت اسلامی پاکستان کا کہنا ہے کہ امیر جماعت اسلامی سراج الحق حملہ میں محفوظ رہے، سکرٹری جنرل جماعت اسلامی امیر العظیم نے ٹویٹ کرتے ہوئے کہا کہ امیر جماعت اسلامی پاکستان سراج الحق پر بلوچستان میں خودکش حملہ ہوا ہے حملہ آور مارا گیا ہے ہے الحمدللہ سراج الحق اور دیگر تمام احباب محفوظ ہیں

    جماعت اسلامی کے ٹویٹر اکاؤنٹ سے کہا گیا ہے کہ امیر جماعت اسلامی سراج الحق کے قافلے پر ژوب بلوچستان میں خود کش حملہ، حملہ آور مارا گیا۔ الحمدللہ سراج الحق محفوظ ہیں۔ جلسہ عام سے خطاب کے لیے ژوب میں موجود تھے

    سراج الحق کے بیٹے نے ٹویٹ کرتے ہوئے کہا کہ امیر محترم سراج الحق صاحب سے ٹیلی فون رابطہ ،الحمدللّٰه امیر محترم صاحب محفوظ ہیں اور کارکنان عافیت سے ہیں

    امیر جماعت اسلامی سراج الحق پر خود کش حملے کی ویڈیو سامنے آئی ہے جس میں دیکھا جا سکتا ہے کہ جماعت اسلامی کا ایک قافلہ جا رہا ہے، لوگ پیدل بھی ساتھ چل رہے ہیں، اچانک سراج الحق کی گاڑی کے قریب دھماکا ہو جاتا ہے، جس کے بعد دھویں کا بادل اٹھتا ہے اور کارکنان بھاگتے ہیں،

    ترجمان جماعت اسلامی بلوچستان عبدالولی شاکر کا کہنا ہے کہ ژوب میں استقبالیہ جلوس میں خود کش دھماکا ہوا جماعت اسلامی کا ژوب میں جلسہ تھا، جس سے سراج الحق نے خطاب کرنا تھا، جلسہ شیڈول کے مطابق ہو گا،

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    وزیراعظم شہباز شریف کا کہنا ہے کہ ژوب میں امیر جماعت اسلامی سراج الحق کے قافلے پر خودکش حملے کی شدید مذمت کرتا ہوں۔ قیمتی جانوں کے ضیاع پردل رنجیدہ ہے۔ میں نے بلوچستان حکومت کو ہدایت کی ہے کہ وہ حملے کی تمام زاویوں سے تحقیقات کرے اور اس خوفناک حملے میں ملوث کرداروں کو انصاف کے کٹہرے میں لایا جائے۔ اللّہ پاک زخمیوں کو جلد اور مکمل صحت یابی عطا فرمائیں

    سابق صدر آصف علی زرداری نے امیرجماعت اسلامی سراج الحق کے قافلے کے قریب خود کش حملہ کی مذمت کی ہے اور کہا ہے کہ امیرجماعت اسلامی سراج الحق کے قافلے کے قریب خودکش حملے کے منصوبہ سازوں کو گرفتار کیا جائے،
    آصف علی زرداری نے امیرجماعت اسلامی سراج الحق کے لیئے نیک خواہشات کا اظہار کیا، آصف علی زرداری نے دھماکے میں زخمیوں کی جلد صحتیابی کیلئے دعا کی ،

    چیئرمین پی پی پی اور وزیر خارجہ بلاول بھٹو زرداری نے ژوب میں امیر جماعت اسلامی سراج الحق کے قافلے کے قریب دھماکے کی مذمت کی ہے، بلاول بھٹو زرداری نے امیرجماعت اسلامی سراج الحق کے لئے نیک تمناؤں کا اظہار کیا، بلاول بھٹو زرداری نے ژوب میں ہونے والے دھماکے میں جاں بحق ہونے والے افراد کے لواحقین سے اظہار افسوس کیا، بلاول بھٹو زرداری نے ژوب میں ہونے والے دھماکے میں زخمی ہونے والوں کے فی الفور علاج معالجے کی ہدایت کی اور کہا کہ ژوب میں امیر جماعت اسلامی سراج الحق کے قافلے کے قریب دھماکے کی فوری تحقیقات کی جائیں، ژوب میں امیر جماعت اسلامی سراج الحق کے قافلے کے قریب دھماکے کے ذمہ داران کو کٹہرے میں لایا جائے،

    چیئرمین سینیٹ محمد صادق سنجرانی نے ضلع ژوب میں امیر جماعت اسلامی سراج الحق کے قافلے کے قریب ہونے والے بم دھماکے کی شدید مذمت کی ہے۔ چیئرمین سینیٹ نے کہا کہ دہشتگردی کا یہ واقعہ جمہوریت اور ہماری قوم پر حملہ ہے۔ چیئرمین سینیٹ نے دھماکے میں شہید ہونے والوں کے اہلخانہ سے دلی تعزیت کا اظہار کیا اور زخمیوں کی جلد صحتیابی کیلئے دعا کی۔ اُنکا مزید کہنا تھا کہ پاکستانی قوم دہشت گردی کے خلاف متحد ہے اور اس حملے کے ذمہ داران کو جلد کیفرکردار تک پہنچایا جائیگا۔ چیئرمین سینیٹ محمد صادق سنجرانی نے امیر جماعت اسلامی سراج الحق کی خیریت کی خبر پر اطمینان کا اظہار کیا۔ ڈپٹی چیئرمین سینیٹ، مرزا محمد آفریدی نے بھی اپنے الگ پیغام میں امیر جماعت اسلامی کے قافلے کے قریب حملے کی مذمت کی اور زخمیوں کی جلد صحتیابی کیلئے دعا کی

    نگران وزیر اعلی پنجاب محسن نقوی نے ژوب میں امیر جماعت اسلامی سراج الحق کے قافلے کے قریب دھماکے کی شدید الفاظ میں مذمت کی ہے اور کہاکہ اللہ تعالیٰ کا شکر ہے کہ سراج الحق حملے میں محفوظ رہے۔ نگران وزیر اعلی محسن نقوی نے زخمیوں کی جلد صحت یابی کیلئے دعاکی ہے۔انہوں نے کہاکہ ملک دشمن قوتیں پاکستان کو عدم استحکام کا شکار کرنے کے درپے ہیں۔موجودہ نازک حالات میں سب کو اتحاد اور اتفاق پر چلنے کی ضرورت ہے

    پاکستان مرکزی مسلم لیگ کے صدر خالد مسعود سندھو صاحب نے ژوب میں امیر جماعت اسلامی سراج الحق کے قافلے پر خودکش دھماکے کی شدید مذمت کرتے ہوئے کہا ہے کہ مذہبی سیاسی رہنماؤں پر حملوں کا مقصد وطن عزیز میں افراتفری و فتنہ و فساد کی فضاء پیدا کرنا اور قومی سلامتی کو نشانہ بنانا ہے ۔انہوں نے واقعہ میں امیر جماعت اسلامی کے محفوظ رہنے پر اطمینان کا اظہار کیا اور کہا کہ دہشتگردی کو پروان چڑھانے والے ملک دشمن قوتیں اپنے مذموم مقاصد میں کامیاب نہیں ہوسکتی۔اس موقع پر انہوں نے جماعت اسلامی کے زخمی ہونے والے کارکنان کے لیے کے دعا خیر کرتے ہوئے کہا کہ اللہ پاک زخمیوں کو جلد از جلد صحتیابی عطاء فرمائے آمین

  • بولان میں بلوچستان کانسٹیبلری وین کے قریب دھماکا، 9 اہلکار شہید

    بولان میں بلوچستان کانسٹیبلری وین کے قریب دھماکا، 9 اہلکار شہید

    بلوچستان کے ضلع کچھی کے علاقے کنبڑی کے پل کے قریب بلوچستان کانسٹیبلری کی وین پر دھماکے کے نتیجے میں 9 سیکیورٹی اہلکار شہید جبکہ 13 زخمی ہوگئے۔

    باغی ٹی وی: ایس ایس پی کچھی محمود نوتیزئی نے بتایا ہے کہ ضلع کچھی اور سبی باڈر کے قریب بولان کے علاقے کنبڑی میں بلوچستان کانسٹیبلری پولیس کے وین کو نشانہ بنایا گیا ہے۔

    لاہور ہائیکورٹ عمران خان کے دو مقدمات میں حفاظتی ضمانت کی درخواستوں پر اعتراض لگا …

    بولان پولیس کا کہنا ہے کہ دھماکے کے نتیجے میں بلوچستان کانسٹیبلری کا ٹرک الٹ گیا تھا بلوچستان کانسٹیبلری کے اہلکار سبی میلے میں ڈیوٹی انجام دینے کے بعد کوئٹہ واپس آ رہے تھے کہ بولان کے علاقے میں دھماکے کا شکار ہو گئےدھماکے کے فوری بعد پولیس اور قانون نافذ کرنے والے اداروں کے اہلکار اور ریسکیو ٹیمیں دھماکے کی جگہ پہنچ گئیں۔

    انہوں نے کہا کہ ابتدائی طور پر معلوم ہوا ہے کہ دھماکا موٹرسائیکل پر خودکش حملہ آور نے کیا ہے جس میں 9 جاں بحق جبکہ 13 زخمی ہوگئے ہیں، دھماکے میں زخمی ہونے والے 3 افراد کی حالت تشویشناک ہے جنہیں سی ایم ایچ سبی منتقل کردیا گیا ہے۔

    ڈیرہ بگٹی : گھر میں گھس کر فائرنگ ، 2 خواتین جاں بحق

    ایس ایس پی کچھی محمود نوتیزئی کا کہنا ہےکہ ابتدائی شواہد کےمطابق بولان دھماکا خودکش تھا، دھماکےکے بعد بم ڈسپوزل ٹیم جائے وقوعہ پر پہنچ گئی ہے اور دھماکے کے بعد علاقے کو سرچ کیا جا رہا ہے۔

    ڈی پی او سبی یوسف کریم بھنگر کا کہنا ہے کہ سبی بائی پاس کمبڑی پل کے قریب دھماکہ خودکش تھا،ملزم نے دھماکا خیز مواد سے بھری اموٹر سائیکل گاڑی سے ٹکرائی،جس سے دھماکا ہوا،دھماکے میں خود کش حملہ آور بھی ہلاک ہو گیا،

    وزیراعظم شہبازشریف نے سبی خودکش دھماکے کی مذمت کی ہے، وزیراعظم نے سبی میں بلوچستان کانسٹیبلری کے اہلکاروں کی شہادت پررنج وغم کا اظہار کیا ہے،وزیراعظم شہباز شریف نے شہید اہلکاروں کے اہل خانہ سے تعزیت اوراظہارہمدردی کیا،وزیراعظم شہبازشریف نے زخمیوں کو بہترین طبی سہولیات کی فراہمی کی ہدایت کر دی،

    وزیراعلیٰ بلوچستان عبدالقدوس بزنجو نے بلوچستان کانسٹیبلری کی گاڑی کے قریب بم دھماکے کی مذمت کرتے ہوئےکہا ہےکہ دہشت گرد عناصر بزدلانہ کارروائیوں سے مذموم مقاصد کا حصول چاہتے ہیں، بدامنی اور عدم استحکام پیدا کرکے صوبے کو پسماندہ رکھنےکی سازش کی جارہی ہے۔

    عبدالقدوس بزنجو کا کہنا تھا کہ ایسی تمام سازشوں کو عوام کی حمایت سے ناکام بنایا جائےگا۔

    لاہور ہائیکورٹ نے عورت مارچ کی اجازت نہ دینے کے خلاف دائر درخواست پر سماعت …

  • پولیس لائنز دھماکے کےشہدا کی تعداد 100 ہو گئی

    پولیس لائنز دھماکے کےشہدا کی تعداد 100 ہو گئی

    باغی ٹی وی کی رپورٹ کے مطابق گزشتہ روز پشاو رمیں ہونیوالے دھماکے میں اموات میں اضافہ ہوا ہے، پولیس کا کہنا ہے کہ دھماکہ خود کش تھا،پشاور پولیس لائنز دھماکے میں شہدا کی تعداد100 ہوگئی

    ترجمان ایل آر ایچ کا کہنا ہے کہ بم دھماکے کے 53زخمی ایل آر ایچ میں زیر علاج ہیں زخمیوں میں سے 7 آئی سی یو میں داخل ہیں،زخمیوں میں سے زیادہ تر کی حالت خطرے سے باہر ہے،

    سی سی پی او پشاور محمد اعجاز خان کا کہنا ہے کہ پولیس لائنز میں ہونے والا واقعہ بظاہر خود کش حملہ لگتا ہے واقعہ کی جگہ سے مبینہ خودکش حملہ آور کا سر بھی ملا ہے ریسکیو آپریشن کے بعد ہی پتہ چلے گا کہ دھماکا کس نوعیت کا تھا ہوسکتا ہے کہ حملہ آور پہلے سے ہی پولیس لائنز میں موجود ہو پولیس لائنز میں ایف آر پی،ایس ایس یو،سی ٹی ڈی سمیت 8 سے زائد یونٹس کے دفاتر ہیں یومیہ 1500 سے 2 ہزار اہلکار پولیس لائنز آتے اور جاتے ہی یہ بھی امکان ہے کہ حملہ آور کسی سرکاری گاڑی میں بیٹھ کر آ گیا ہو ،مسجد کا ہال پرانا تھا جس میں بیمز تھیں باقی مسجد نئی بنائی گئی تھی ہال میں دھماکے سے ویوز نکلیں آگ نے بھی نقصان پہنچایا مسجد کی دیوار گرنے سے زیادہ نقصان ہوا، سی ٹی ڈی کیس کی تفتیش کر رہی ہے

    واضح رہے کہ گزشتہ روز پشاور میں پولیس لائنز کی مسجد میں نماز ظہر کے دوران خودکش دھماکے میں امام مسجد اور پولیس اہلکاروں سمیت شہید ہونے والوں کی تعداد 100 ہوگئی

    پشاور پولیس لائن دھماکہ ڈائریکٹر جنرل ہیلتھ سروسز خیبرپختونخوا نے لیڈی ریڈنگ ہسپتال کا دورہ کیا، پولیس لائن پشاور دھماکے کے زخمیوں کی عیادت کی،اور ایل آر ایچ انتظامیہ سے بھی ملاقات کی،زخمیوں کو بہترین طبی سہولیات فراہم کرنے کی ہدایت جاری کی۔

    ریسکیو 1122 کا سرچ آپریشن تاحال جاری ہے سرچ آپریشن کے دوران وقفہ وقفہ سے شہداء کے جسد خاکی کو نکالا جارہا ہے۔ریسکیو اہلکاروں نے مزید 3 شہداء کو نکال کر ایمبولینس میں ہسپتال منتقل کردیا۔ پشاور پولیس لائنز دھماکے میں شہیدوں کی صف میں شامل ہونیوالے مزید 6 پولیس اہلکاروں کی نماز جنازہ سرکاری اعزاز کیساتھ ادا کردی گئی

    وزیراعظم شہباز شریف پشاور پہنچ گئے،

    مقدس مقام اور عبادت کے دوران حملہ سفاکیت کی انتہاء ہے,مولانا فضل الرحمان

    سیکیورٹی کے باوجود خود کش حملہ آور کیسے مسجد پہنچا انکوائری ہو گی،وزیر داخلہ

    پشاور دھماکہ / شہداء فہرست

    امریکہ، ایران، ترکی، سمیت دیگر ممالک نے بھی مذمت کی

    سابق رکن پنجاب اسمبلی و مجلس وحدت مسلمین شعبہ خواتین کی سابق مرکزی سیکرٹری جنرل نے پشاور پولیس لائن کی مسجد میں دہشت گردی کی شدید الفاظ میں مذمت کرتے ہوئے کہا ہے کہ ملک میں جاری دہشت گردی کی لہر نے ہر فرد کو پریشان کر دیا ہے حکومت کی اس طرف کوئی توجہ نہیں اور اپنے مخالفین پر انتقامی کارووائیاں کرنے میں مصروف ہے پیغام پاکستان بہترین دستاویز ہے لیکن اس کو قانونی شکل دینے سے گریزاں ہے جبکہ فرقہ واران فوجداری ترمیمی بل کو راتوں رات لانے کی کوشش کی گئی انہوں نے پشاور دھماکے میں ہونے والے شہدا کے لئے مغفرت اور زخمیوں کی جلد صحت یابی کی دعا کی اور لواحقین کو صبر جمیل عطا کرنے کے لئے بھی دعا کی انہوں نے مزید کہا کہ معیشت اور سیاسی بحران کے بعد دہشت گردی کے بڑھتے ہوئے واقعات سے پوری قوم تشویش کی لہر دوڑ گئی ہے لیکن حکمران اس طرف کوئی توجہ نہیں دے رہی انہوں نے مطالبہ کیا حکومت فلفور بیغام پاکستان کی دستاویز کو قانون سازی کے پارلیمنٹ میں پیش کرے تاکہ دہشت گردی کی سرکوبی کی جا سکے

  • شمالی وزیرستان،خود کش حملے میں پاک فوج کا جوان، دو شہری شہید

    شمالی وزیرستان،خود کش حملے میں پاک فوج کا جوان، دو شہری شہید

    شمالی وزیرستان کے علاقے میرانشاہ میں خودکش دھماکا ہوا ہے

    پاک فوج کے شعبہ تعلقات عامہ کے مطابق خود کش دھماکے میں 33 سال کے نائیک عابد شہید ہوگئے، شہید نائیک عابد کا تعلق مانسہرہ سے تھا ،آئی ایس پی آر کے مطابق خودکش حملے میں 2 شہری بھی شہید ہوئے جب کہ ایک زخمی ہوا دھماکے کے بعد علاقے میں سرچ آپریشن شروع کر دیا گیا ہے، علاقے کی سیکورٹی سخت کر دی گئی ہے

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    عدالت جاتے ہوئے بھی عمران خان پولیس والے ساتھ لے کر جاتے ہیں، آئی جی اسلام آباد

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    وزیرِ اعظم شہباز شریف نے شمالی وزیرستان کے علاقے میرانشاہ میں ہونے والے خود کش دھماکے کی شدید مذمت کرتے ہوئے کہا ہے کہ مسلمانوں پر خودکش حملے کرنے والے مسلمان نہیں ہو سکتے ،وزیرِ اعظم شہباز شریف نے شہید نائیک عابد اور شہری کے اہلِ خانہ سے ہمدردی کا اظہار کیا ہے،وزیراعظم شہباز شریف کا کہنا تھا کہ دہشت گرد دشمنوں کے دست و بازو ہیں، جو پاکستان کو عدم استحکام سے دو چار کرنا چاہتے ہیں پاکستانی عوام کے خون کی ہر بوند کا حساب لیں گے، مجرموں کو عبرت کا نشان بنائیں گے عوام اور سیکیورٹی فورسز نے دہشت گردی کے خاتمے کے لیے عظیم قربانیاں دی ہیں شہداء کو سلام پیش کرتے ہیں جنہوں نے وطنِ عزیز پر اپنی جانیں نچھاور کر دیں

  • ڈی آئی خان،پولیس کی کامیاب کاروائی ،شہر کو تباہی سے بچا لیا

    ڈی آئی خان،پولیس کی کامیاب کاروائی ،شہر کو تباہی سے بچا لیا

    باغی ٹی وی کی رپورٹ کے مطابق ڈیرہ اسماعیل خان ، پولیس نے کاروائی کرتے ہوئے شہر کو تباہی سے بچا لیا

    پولیس دہشت گردوں کے خلاف سرچ آپریشن کر رہی تھی کہ اسی دوران دہشت گردوں کے ساتھ فائرنگ کا تبادلہ شروع ہو گیا،پولیس کی فائرنگ سے ایک دہشت گرد ہلاک ہو گیا ہے جبکہ دوسرے دہشت گرد نے خود کش جیکٹ پہن رکھی تھی، پولیس نے ملزم کو گرفتار کرنے کی کوشش کی تو دہشت گرد نے خود کو دھماکے سے اڑا لیا،

    واقعہ رتہ کلاچی ڈیری فارم کے قریب دہشت گردوں کی موجودگی پر چھاپے کے دوران پیش آ یا دہشتگردوں کی لاشوں کو شناخت کیلٸے ڈی ایچ کیو ہسپتال منتقل کردیا گیا ہے پولیس نے علاقے میں سرچ آپریشن شروع کررکھا ہے، علاقہ بھر مین سیکورٹی مزید سخت کر دی گئی ہے، پولیس کا کہنا ہے کہ دہشت گردوں کے خلاف معمول کا سرچ آپریشن جاری رہتا ہے اور جب کوئی اطلاع ملتی ہے تو آپریشن کو مزید منظم کیا جاتا ہے،

    دو خواجہ سراؤں کا قتل،پولیس نے خواجہ سراؤں کو دھکے مار کر تھانے سے نکال دیا

    پشاور میں پہلی بار خواجہ سراء کو منتخب کر لیا گیا، آخر کس عہدے کیلئے؟

    خواجہ سرا کے ساتھ گھناؤنا کام کر کے ویڈیو بنانیوالے ملزمان گرفتار

    دوستی نہ کرنے کا جرم، خواجہ سراؤں پر گولیاں چلا دی گئیں

    مردان میں خواجہ سرا کے ساتھ گھناؤنا کام کرنیوالے ملزما ن گرفتار

  • یونیورسٹی حملہ، دہشت گرد کونسی "ایپ” سے رابطے میں ہوتے ہیں؟ شرجیل میمن کا انکشاف

    یونیورسٹی حملہ، دہشت گرد کونسی "ایپ” سے رابطے میں ہوتے ہیں؟ شرجیل میمن کا انکشاف

    کراچی یونیورسٹی خود کش حملہ، دہشت گرد کونسی "ایپ” سے رابطے میں ہوتے ہیں؟ شرجیل میمن کا انکشاف

    باغی ٹی وی کی رپورٹ کے مطابق سندھ کے صوبائی وزیر اطلاعات شرجیل میمن نے کہا ہے کہ آج کی پریس کانفرنس کراچی یونیورسٹی میں ہونے والے حملے سے متعلق ہے،

    شرجیل میمن کا کہنا تھا کہ یہ خودکش حملہ تھا جس میں ایک خاتون استعمال ہوئی تھی، واقعہ کے بعد صوبائی اور وفاقی حکومت مکمل الرٹ تھی،طے کیا گیا تھا کہ اس کیس کا سراغ لگایا جائے گا، دن رات ہونے والی محنت سے کافی کامیابیاں ملیں،کراچی یونیورسٹی میں ہونے والا حملہ خود کش تھا،خود کش حملے میں ایک خاتون استعمال ہوئی،سی ٹی ڈی نے کراچی میں کارروائی کے دوران کالعدم بی ایل ایف کمانڈر کو گرفتار کیا،کالعدم بی ایل ایف کمانڈر کو ہاکس بے سے 4 جولائی کو گرفتار کیا گیا،بی ایل ایف کمانڈر نے دوران تفتیش ملزم نے بہت کچھ بتایا حملے کا ماسٹر مائنڈ پڑوسی ملک سے پاکستان میں داخل ہوا، دہشت گردوں کا ٹیلی گرام کے ذریعے رابطہ ہوتا تھا،دہشت گردوں کا نیٹ ورک دیگر ممالک میں بھی پھیلا ہوا ہے، ملزم نے چینی انجینئرز کی گاڑی پر فائرنگ کا بھی اعتراف کیا،

    شرجیل میمن کا کہنا تھا کہ ریاست سے بڑا کوئی نہیں ہے،حساس تنصیبات دہشتگردوں کا اگلا ہدف تھیں،تفتیش میں بہت کچھ سامنے آیا ،مزید پیش رفت کا بھی امکان ہے،حکومت نے چینی حکومت کو بھی اعتماد میں لیاتھا کہ ہم کیس حل کریں گے،

    ایڈمنسٹریٹر کراچی مرتضیٰ وہاب کا کہنا تھا کہ قانون نافذ کرنے والے ادارے کام کر رہے تھے خاتون تنہا نہیں تھی ، ماسک پہنا ایک شخص مسلسل ساتھ تھا،چارافراد کو شناخت کرلیا گیا،

    کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی

    چینی باشندوں کی جان لینے والوں کو پھانسی کے پھندے پر لٹکائیں گے،

    کراچی یونیورسٹی میں ایک خاتون کا خودکش حملہ:کئی سوالات چھوڑگیا،

    جامعہ کراچی: خودکش حملہ آور خاتون کون تھی؟ اہم انکشافات سامنے آگئے،

     کراچی یونیورسٹی میں گزشتہ روز ہونے والے بم دھماکے کی تحقیقات کے لئے ٹیم تشکیل

    پنجاب یونیورسٹی سے گرفتاری،ساتھی طالب علموں کا احتجاج

    واضح رہے کہ سی ٹی ڈی نے کراچی یونیورسٹی حملہ کیس میں ملوث اہم دہشت گرد کو گرفتار کرلیا ہےکراچی یونیورسٹی حملے میں ملوث دہشت گرد کو ٹیکنیکل اور دیگر شواہد کی مدد سے گرفتار کیا گیا ہے۔گرفتار دہشت گرد سے ابتدائی تفتیش مکمل کرلی گئی، دہشت گرد کا کراچی یونیورسٹی حملے کی خودکش بمبار کے شوہر سے تعلق تھا،دہشت گرد کو گلشن اقبال کے علاقے سے حراست میں لیا گیا، دہشت کرد دو چینی انجنیئرز کے قتل میں بھی ملوث ہے، دہشت گرد کا تعلق قوم پرست جماعت سے ہے جو قانون نافذ کرنے والے ادارون کو مطلوب تھا.

  • کراچی،خاتون حملہ آور حملے سے ایک روز قبل بھی دھماکا کرنے گئی تھی،ویڈیو وائرل

    کراچی،خاتون حملہ آور حملے سے ایک روز قبل بھی دھماکا کرنے گئی تھی،ویڈیو وائرل

    کراچی،خاتون حملہ آور حملے سے ایک روز قبل بھی دھماکا کرنے گئی تھی،ویڈیو وائرل
    باغی ٹی وی کی رپورٹ کے مطابق کراچی یونیورسٹی حملے کے حوالہ سے تحقیقات جاری ہیں

    قانون نافذ کرنے والے ادارے متحرک ہیں اور تحقیقات کا سلسلہ وسیع تر کیا گیا ہے، تحقیقات میں نئے انکشافات بھی سامنے آ رہے ہیں، نجی ٹی وی کے مطابق کراچی یونیورسٹی خودکش دھماکے میں ملوث سہولت کاروں کے خلاف کارروائی جاری ہے، سیکورٹی اداروں نے گزشتہ شب کراچی کے علاقے گلشن اقبال میں کاروائی کی ہے اور ایک ایم فل کے طالب علم کو گرفتار کیاہے،ملزم کے زیراستعمال لیپ ٹاپ اور غیرملکی لٹریچر بھی تحویل میں لے لیا گیا ہے، حملے کی تحقیقات کرنے والے تحقیقای ٹیم نے ایف آئی اے سائبر کرائم سے بھی رابطہ کیا جس کے بعد سماجی رابطوں کی ویب سائٹ سے متعلق مواد بھی ملا ہے حملے میں ملوث افراد سوشل میڈیا سے رابطہ کرتے تھے

    دوسری جانب خاتون خود کش حملہ آور کےبارے میں انکشاف ہوا ہے کہ وہ دھماکے سے ایک روز قبل بھی اس مقام پر آئی تھی جہاں دھماکہ ہوا ،وہ برقعے میں ہی تھی اور گاڑی کا انتظار کرتی رہی، جب گاڑی آئی تو خاتون حملہ آور اس کے قریب آئی تا ہم وہ دھماکہ نہ کر سکی، جس کے بعد وہ اسی مقام پر ٹہلتی رہی ، واقعہ کی ویڈیو سامنے آئی ہے جس میں سارا واضح دیکھا جا سکتا ہے،

    تحقیقاتی ذرائع کا کہنا ہے کہ تفتیش کاروں نے مختلف کارروائیوں میں اہم دستاویزات برآمد کی ہیں جس میں خود کش بمبار خاتون کی اہلخانہ کے ہمراہ تصاویر ملی ہیں کارروائی میں خاتون کے شوہر کا قومی شناختی کارڈ بھی ملاہے جب کہ رات گئے کارروائی میں غیرملکی سمیں بھی برآمد کی گئیں

    سیکورٹی اداروں نے شہر قائد کراچی کے مختلف علاقوں میں آپریشن کے دوران ایک درجن سے زائد مشتبہ افراد سے پوچھ گچھ کی گئی دو افراد کو حراست میں بھی لیا گیا ہے خودکش حملہ میں ملوث خاتون شاری بلوچ کے گھر سمیت تین رشتہ داروں کے گھروں پر چھاپے بھی مارے گئے ہیں کارروائی میں لیپ ٹاپ سمیت اہم دستاویزات کو قبضے میں لے کر گھروں کو سیل کر دیا گیا ہے

    علاوہ ازیں صدر مملکت عارف علوی نے ہفتے کے روز اسلام آباد میں چینی سفارتخانے کا دورہ کیا اور کراچی یونیورسٹی میں اساتذہ کی وفات پر افسوس کا اظہار کیا ۔

    واضح رہے کہ گزشتہ روز کراچی یونیورسٹی میں ہونے والے بم دھماکے میں 3 چینی شہریوں سمیت 4 افراد جاں بحق اور 2چینی باشندوں سمیت 4 افراد زخمی ہوئے تھے، دھماکہ ایک خاتون نے کیا تھا جس کی شناخت ہو چکی ہے کالعدم تنظیم نے دھماکے کی ذمہ داری قبول کرتے ہوئے خاتون خود کش بمبار کی تصویر بھی جاری کی تھی،

    جامعہ کراچی ،گاڑی میں دھماکہ، تین غیر ملکیوں سمیت چار جاں بحق

    کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی

    چینی باشندوں کی جان لینے والوں کو پھانسی کے پھندے پر لٹکائیں گے،

    کراچی یونیورسٹی میں ایک خاتون کا خودکش حملہ:کئی سوالات چھوڑگیا،

    جامعہ کراچی: خودکش حملہ آور خاتون کون تھی؟ اہم انکشافات سامنے آگئے،

     کراچی یونیورسٹی میں گزشتہ روز ہونے والے بم دھماکے کی تحقیقات کے لئے ٹیم تشکیل

    پنجاب یونیورسٹی سے گرفتاری،ساتھی طالب علموں کا احتجاج

    کراچی یونیورسٹی دھماکہ،خودکش بمبار خاتون کی آخری ٹویٹ زیر بحث