سینٹرل جیل خیرپور میں گولیاں چل گئیں،مسلح افراد کی فائرنگ کے نتیجے میں 1 قیدی ہاشم رند ہلاک جبکہ 2 قیدی زخمی ہو گئے-
ایس ایس پی خیرپور کے مطابق جیل میں فائرنگ سے 1 قیدی ہلاک جبکہ 2 قیدی زخمی ہوئے ہیں، جبکہ پولیس کی بھاری نفری سینٹرل جیل پہنچ گئی مسلح ملزمان باہر سے جیل میں آ کر چھپ گئے تھے، قیدی کو عدالت سے جیل لایا گیا تو ملزمان نے فائرنگ کر دی، جیل کے اندر مسلح ملزمان کیسے داخل ہوئے، اس حوا لے سے تفتیش جاری ہے۔
تفتیشی ذرائع کا کہنا ہے کہ سینٹرل جیل خیرپور میں جیل کوارٹرز کے پاس دیوار گری ہوئی تھی وہاں سے ملزمان جیل میں داخل ہوئے مسلح افراد 1 قیدی کو ہلاک اور 2 کو زخمی کرنے کے بعد فرار ہو گئے –
دوسری جانب دادو میں نامعلوم افراد نے پرنٹنگ پریس پر فائرنگ کی، جس کے نتیجے میں ایک شخص جاں بحق اور 2 صحافی زخمی ہوگئے پولیس کے مطابق دادو پریس کلب کے قریب شادی کے کارڈ کی پرنٹنگ پریس پر نامعلوم افراد نے فائرنگ کر کے ایک شخص کو قتل کردیا جبکہ دو صحافی زخمی بھی ہوئے۔
پولیس نے بتایا کہ زخمیوں میں صحافی نیاز چانڈیو اور صحافی رفیق چنہ شامل ہیں جبکہ فائرنگ سے جاں بحق شخص کی شناخت نہیں ہوسکی پولیس کی جوابی فائرنگ سے ملزمان فرار ہوگئے جبکہ زخمیوں کو اسپتال منتقل کردیا گیا ہے۔
