Baaghi TV

Tag: خیر سگالی سفیر

  • شاہین شاہ آفریدی خیبرپختونخوا پولیس کے اعزازی خیرسگالی سفیر مقرر

    شاہین شاہ آفریدی خیبرپختونخوا پولیس کے اعزازی خیرسگالی سفیر مقرر

    پشاور: قومی کرکٹ ٹیم کے نوجوان کھلاڑی فاسٹ بولر شاہین شاہ آفریدی کوخیبرپختونخوا پولیس کا اعزازی خیرسگالی سفیر مقرر کردیا گیا۔

    باغی ٹی وی : تفصیلات کے مطابق خیبرپختونخوا پولیس کی جانب سے پشاور میں قومی کرکٹر شاہین شاہ آفریدی کے اعزاز میں تقریب کا انعقاد کیا گیا جس میں آئی جی پولیس خیبرپختونخوا معظم جاہ انصاری اور دیگر پولیس حکام نے شرکت کی۔

    سری لنکا کی کنڈیشنز کے لیے تیار ہیں،بابر اعظم


    تقریب میں قومی کرکٹر کے پی پولیس کی وردی پہن کر شریک ہوئےاس موقع پر شاہین شاہ آفریدی کو اعزازی ڈی ایس پی کے اعزازی بیجز بھی لگائے گئے۔ قومی کھلاڑی نے پولیس وردی میں سب سے پہلے اپنے والد کو سلامی پیش کی۔

    تقریب سے خطاب کرتے ہوئے شاہین شاہ آفریدی کا کہنا تھا کہ اصل سپر اسٹار ہماری فورسز ہیں مجھے کے پی پولیس کا سفیر بننے پر فخر ہے میرے والد بھی 25 سال تک پولیس فورس کاحصہ رہے ہیں اور بھائی اب بھی پولیس میں ہیں، پولیس کی ڈیوٹی کافی مشکل ہے بہادرپولیس فورس نے ملک و قوم کے لیے بہت قربانیاں دی ہیں۔

    قومی کرکٹر کا کہنا تھا کہ تقریب میں موجود فخر زمان سمیت تمام کرکٹرز کے پی پولیس اور فورسز کے ساتھ ہیں۔

    چیف سیکرٹری خیبر پختونخوا نے تقریب سے خطاب کرتے ہوئے کہا کہ گھٹن زدہ ماحول میں ایسے ایونٹ کا انعقاد قابل تعریف ہے ، شاہین شاہ آفریدی ہمارا فخر اور اسٹار ہیں۔

    انسپکٹر جنرل کے پی پولیس معظم جاہ انصاری نے تقریب سے خطاب کرتے ہوئے کہا کہ 2022 کے 6 ماہ کے دوران پولیس کے 54 آفیسرز اور جوانوں نے شہادت کا رتبہ پایا ۔ شاہین شاہ آفریدی کے سفیر منتخب ہونے سے خیبر پختونخوا پولیس کی قربانیوں کو اجاگر کرنے میں مدد ملے گی شاہین شاہ آفریدی کی خدمات قابل ستائش ہیں پولیس سماج دشمن عناصر کے چھکے چھڑائے گی اور شاہین شاہ کرکٹ کے میدان میں چھکے لگائیں گےشاہین شاہ آفریدی پولیس کی کامیابیوں اور خدمات میں ساتھ کھڑے ہوں گے۔

    کشمیر پریمیئر لیگ سیزن ٹو کا این او سی جاری

  • فواد خان اقوام متحدہ کے خیر سگالی سفیر مقرر

    فواد خان اقوام متحدہ کے خیر سگالی سفیر مقرر

    لاکھوں دلوں کی دھڑکن فواد خان جو ایک عرصہ سے بڑی اور چھوٹی سکرین پر نظر نہیں آرہے انہوں نے اپنے کسی آنے والے پراجیکٹ کے بارے میں تو اعلان نہیں کیا لیکن ایک اور خوشخبری ضرور شئیر کی ہے ۔انہوں نے بتایا ہے کہ وہ اقوام متحدہ کی جانب سے اس کے ڈویلپمنٹ پروگرام کے تحت جنوب مشرقی ایشیاءکے ممالک کے خیر سگالی سفیر مقرر کر دئیے گئے ہیں ۔یقینا ان کے مداحوں کے لئے یہ بڑی خوشخبری ہے۔

    یادرہے کہ فواد خان ایک عرصے کہیں نظر نہیں آتے نہ ہی وہ کسی فلمی پارٹی میں بھی موجود ہوتے ہیں ۔ یہاں تک کہ چھوٹی سکرین جوان کی وجہ شہرت ہے جہاں سے ان کی شہرت بھارت تک جا پہنچی وہاں بھی وہ کچھ نہیں کررہے لیکن رپورٹس ہیں کہ اس سال ان کی فلم ”مولا جٹ“ ریلیز ہو نے جا رہی ہے ۔مولا جٹ کی ریلیز پہلے تنازعات کا شکار رہی پھر کورونا کی وجہ سے رک گئی اب جب فلمیں ریلیز ہو رہی ہیں تو اس فلم کو بھی ریلیز کرنے کی پلاننگ کی جا رہی ہے۔ اسی سال فواد خان اور ماہرہ خان کی فلم نیلوفر بھی ریلیز کئے جانے کی خبریں سامنے آرہی ہیں دیکھنا یہ ہے کہ یہ دونوں فلمیں اس سال بھی ریلیز ہوتی ہیں یا نہیں ۔فواد خان کے پرستار ان کو چھوٹی یا بڑی سکرین پر دیکھنے کے لئے بے تاب ہیں ۔

    فواد خان کو جتنی پذیرائی پاکستان میں ملی اس سے کہیں زیادہ بھارت میں ملی. بھارت میں نامور فلمی شخصیات ان کی مداح ہیں جن میں‌انیل کپور اور سونم کپور کے نام قابل زکر ہیں.