متروکہ وقف املاک کے کرائے مارکیٹ ریٹ کے مطابق کیے جائیں گے۔ یہ بات نگران وزیر مذہبی امور انیق احمد نے متروکہ وقف املاک بورڈ ہیڈ آفس کے دورے اور بریفنگ کے دوران کہی۔
انہوں نے کہا کہ انڈیا سے آنے والے ہندو اور سکھ یاتریوں کی تعداد بڑھانے پر متعلقہ اداروں سے بات کی جائے گی۔ بورڈ املاک کو غیر قانونی قابضین سے واگزار کرنے کیلئے فوری اقدام کرونگا۔ بورڈ غیر مسلم طلباء کے وظائف کو بڑھانے کیلئے فوری اقدامات کرے۔ بورڈ کو درپیش مسائل کے حل کیلئے ہر سطح پر بات کی جائے گی۔
انہوں نے کہا کہ پاکستان میں مذہبی سیاحت کے فروغ کیلئے بہت کام کرنے کی ضرورت ہے۔ پاکستان آنے والے غیر مسلم یاتریوں کو بھرپور سہولتیں فراہم کی جائیں۔ پاکستان کا دنیا بھر میں سافٹ امیج جانا چاہیے۔ میں پاکستان میں رہنے والے تمام مذاہب کے ماننے والوں کا بھی وزیر ہوں۔ کچھ عناصر پاکستان کو بدنام کرنے کے درپے ہیں، انکی کوشش کامیاب نہیں ہو گی۔ اس سے قبل چیئرمین ETPB سید عطاء الرحمن نے ادارے کے اغراض و مقاصد اور سرگرمیوں پر بریفنگ دی۔انہوں نے بتایا کہ ادارہ وقف اور ٹرسٹ املاک کی دیکھ بھال اور آمدن کے حسابات کا ذمہ دار ہے۔ پاکستان بھر میں ایک لاکھ ایکڑ 9 ہزار ایکڑ زرعی و غیر زرعی اراضی موجود ہے۔ ادارے کے زیر انتظام 11 ہزار 495 رہائشی و کمرشل یونٹس اور 19 پلازے موجود ہیں۔ 99 فیصد املاک اور 92 فیصد زمینوں کی جیو ٹیگنگ مکمل ہو چکی ہے۔ پاک انڈیا معاہدے کے تحت 7 ہزار 5 سو سکھ جبکہ ایک ہزار ہندو یاتری پاکستان آتے ہیں۔ بورڈ غیر مسلم طلباء کو 13 ملین کے تعلیمی وظائف دے رہا ہے۔
وزیر مذہبی امور انیق احمد کی حضرت داتا گنج بخش رحمۃ اللہ علیہ کے مزار پر حاضری۔ قبر پر چادر پوشی اور فاتحہ خوانی کی۔ بعد ازاں میڈیا سے بات کرتے ہوئے صاحب مزار اور بزرگان دین کی خدمات پر روشنی ڈالتے ہوئے اسے قابل تقلید قرار دیاhttps://t.co/c590ZKUlqy pic.twitter.com/5AgpdKy9ko
— Ministry of Religious Affairs & Interfaith Harmony (@MORAisbOfficial) September 6, 2023
دوسری جانب وزیر مذہبی امور انیق احمد نے حضرت داتا گنج بخش رحمۃ اللہ علیہ کے مزار پر حاضری۔ قبر پر چادر پوشی اور فاتحہ خوانی کی۔ بعد ازاں میڈیا سے بات کرتے ہوئے صاحب مزار اور بزرگان دین کی خدمات پر روشنی ڈالتے ہوئے اسے قابل تقلید قرار دیا
مندر کی تعمیر پر اعتراض کرنے والے خواجہ آصف کی اپنی تصویر سوشل میڈیا پر وائرل
مندر کی تعمیر کے فیصلے کو فوری واپس لیا جائے،پنجاب اسمبلی میں قرارداد جمع
اسلام آباد میں مندر کی تعمیر، مولانا فضل الرحمان کا موقف بھی آ گیا
مندر کی تعمیر کی مخالفت وہ عناصر کر رہے ھیں جو پاکستان کے سافٹ امیج کے مخالف ہیں۔ لال مالہی
